唔知係咪青島太凍既關係，隻手凍到好痺。朝早喺酒店休息，下午先出發去玩。
一上的士，個司機就問我地係咪好鐘意飲啤酒，我地即刻呆左一呆，我又真係唔係好飲啤酒既，但都會飲架。做乜咁問喎？青島啤酒廠好唔值得去架咩？
哦！原來佢想我地坐佢車去嶗山。NO lar！人地 plan左今日去啤酒廠ma！
最後我地冇理佢，照去啤酒廠。入場費要五十蚊架！咁係咪應該更好玩呢？hehe~~
入到去都係睇下d歷史野，冇乜特別。而最值回票價既係杯原漿啤酒。
喂！係同平時飲既啤酒唔同味架！平時青島啤都叫好飲呀！但呢杯原漿青島啤酒既味係鮮甜架喎！飲左一杯真係想飲多杯。
再行多陣就行完，再送多一杯清啤，雖然冇之前杯咁好飲，但都唔錯，咁我又覺得可以試到一杯咁正既原漿啤酒又真係好好既體驗喎！好味！hahaha~~~~~
http://www.fotop.net/zevia/261208
