今日同朋友去天后食飯，食完就好開心咁搭地鐵去中環，諗住轉香港線，正當我地搭扶手電梯時，前面個人突然向後跌，其實佢唔係企我正前面，但一見有人跌，我好自然咁就想去扶佢，點知我實在太不自量力lar！
佢應該係一個有二百幾磅既外國人黎既。我一扶佢，就連自己都跌埋，跟住我後面都有好多人跌(我朋友話後來話俾我知) 那時我還怕那個人有事，都唔顧下自己，真係痴痴地！
幸好大家都好像沒事，但我爬返起身時，覺得個胸同個patpat都好痛，返屋企發覺個pat真係有兩條血痕，每條大約都有成兩三吋長，唔怪之得咁痛lar！
下次幫人時，我都要自量下先得！(講就咁講，自然反應黎架！)
p.s. 當我爬返起身，貼埋牆叫痛時，我D friend真係好搞笑，佢地話俾我知，那個人跌時，大家既反應。其中一個話：頭先你就睇到香港人好有承擔，個個都頂住，而唔係退縮架！真係服左佢！請問避到咩？hehe~~ 不過大家都會幫手就真！咁香港人o係呢方面係幾有品既！