星期二開始發病,個肚好鬼痛,搞到要早退,返到屋企仲頭暈,標冷汗,好鬼辛苦呀!星期三死都要返工,都係果句 ─ 冇好既代課,我病死都要返去!好辛苦咁捱到放學補埋課,即刻搭的士去睇醫生,醫生話我腸胃炎,感冒菌入左腸胃喎!要食白粥或米粉,好lar!咁辛苦反正都食唔落野,食白粥就白粥lar!跟住醫生問我有冇食過海鮮,我諗諗下,有喎!咪星期日同班衰野去食尖沙咀時,食左兩隻生蠔咁大把lor!嘩!間餐廳幾高貴咁架喎!點解點解我會中伏架!唉!該死唔駛病,係你就係你架lar!跣把lar!都係乖乖地食藥訓覺lar!