離開雄琴返回京都巿，我地買左一日乘車票，平時搭巴士，每程都要220円，而家只要你俾500円就可以於京都巿內任搭，真係好抵！
於是我地就開始狂搭巴士之旅。我地先遊金閣寺，金閣寺真係好金，如果配搭埋d紅葉相信會更加正！遊完金閣寺，我地再搭巴士到龍安寺，跟住我地又搭巴士到二条城，不過今次我地冇入去參觀，只在門外影相，食午飯，便再搭巴士回京都站。
其間我地遇到一件幾驚險既事，不過其實唔關我地事，就係有一對父母，帶住三個仔在二条城搭巴士，其中一個係手推車，另外兩個都係幾歲大，當兩個細路上左車後，就係咁搵爸爸媽媽，我地見到都心急埋一份，可惜我地唔識日文，幫唔到佢，而車上其他乘客都知道，就叫佢地話俾司機叔叔聽，過左一個站，佢地準備落車，而佢地個亞媽就從後面架車走過黎搵仔，我見到兩個細路表現其實都好冷靜，我諗香港d細路遇到同樣事情會點呢？真係唔敢想像！
