今日係我生日，本來諗住去嵐山，可惜因為晚上訓得唔係咁好，(可能張被太厚太熱) 所以起身食完早餐再訓過！就咁就十點幾十一點，出去問酒店的員工雄琴有乜玩，佢都唔知我地講乜，咁去比叡山，又發覺時間太緊迫，唔夠時間遊覽，所以就決定出返京都巿玩。出到去行左陣書局，食個午飯，就已經夠鐘返雄琴食晚飯，認真無聊。咁我點同自己慶祝呢？我在車站買左包花火，問酒店員工可不可以在湖邊放，佢話唔得，因為有樹好危險，跟住佢俾左個水桶我，帶我去停車場放煙花，真係安全第一，都幾好呀！放完煙花，我就好開心咁返房浸溫泉lu！
