« September 2017 »
MoTuWeThFrSaSu
 123
45678910
11121314151617
18192021222324
252627282930 
Sunday 25th February 2007 08:20:17 PM
07北京之旅18-02 續1[ 0 messages] 
Travel

今天到頤和園遊玩,覺得天氣特別冷。這個是理所當然,因為頤和園是慈禧太后的避暑山莊,這地方連炎熱的夏天也可用作避暑之用,你說怎會不冷?

頤和園風光明媚、地方很大,但要玩的、欣賞的,卻又很密集,真的十分有趣。

走著走著,看見湖面結冰,遊人在冰上行走,我們看見一個人不小心滑倒了。噢!原來不是小孩來的,是一位老太太。怎麼老太太也去滑冰?真是不想多活幾年嗎?再看看,她身邊有一個小男孩和一位老翁,當她滑倒時,那位老翁便他扶起來。而小男孩則繼續在冰上走來走去。我想她是小男孩的祖母吧!為了看管這個小男孩,祖母也隨著他走到冰上,一不小心便滑倒了!寵孩子可能真的隨時會喪命啊!

Tuesday 20th February 2007 01:57:19 AM
07北京之旅20-02 [ 0 messages] 
Travel

今日要返香港lu!所以我地一早去cd舖買左隻容祖兒送俾亞妹,平香港好多架!跟住就去機場。

去到機場要入多個gate先可以辦登機手續,可能佢地用呢種方法阻止閒雜人等。

到過關時,由於我個袋有樽水,所以佢地打開佢"聞"下,然後又用張label在我的袋子上黏去一些東西去化驗。

我一見佢"聞",我就即刻成個精神晒。見佢用埋張label,就更加想知佢會做d乜。

原因係,我地喺日本時,人地將樽水一放在個類似磅既物體上一陣,就已經知佢有冇料到,係咪騎呢野!而我地偉大既祖國,就要咁人肉咁"聞"下佢,睇下有冇料到!

我諗緊既係:到2008年果陣,佢地咪好鬼忙,到時點"聞"得切呢?不過我既擔心應該係多餘既!試問下我地偉大既祖國,最多係乜呀?咪就係同胞lor!

正所謂:死左一個我,重有千千萬萬既我!你話幾正呢!

而且人地high tech係人地既事,冇錢冇錢既方法,問你服未?

另一件讓我印象深刻既野,就係有位同胞,當佢知道自己要俾人搜身,佢居然大聲咁笑住用普通話講,佢已經想左好耐,好開心咁喎!唔通俾女人咁樣掃個身係好開心既咩?佢實在太搞鬼lar!

Monday 19th February 2007 01:21:53 AM
07北京之旅19-02[ 0 messages] 
Travel

明天便要搭飛機返香港,今日最後決定唔遊長城,遊胡同。

本想行路遊胡同,因為想親身感受一下這些快要絕跡的特色小巷,但一去到,就遇上狗,牠不停的吠,家姐個樣好驚咁,所以我地即刻走人,行另一條胡同。

行行下見到條叫煙袋斜街,家姐話d旅遊書有介紹過,就係咁我地行左呢條胡同。行到尾,見到個車伕,佢問我地有冇興趣坐三輪車遊什刹海附近一帶的胡同。

我見今日天色唔多靚,就算係行,都影唔到太多靚相,所以就答應左。

今次我地既決定係明智既,因為當車伕帶我地遊胡同,我地先發覺地方很大,胡同很多,如果自己行,一定唔可以睇到咁多野。

不過如果下次再黎北京,就要行多幾條胡同,見識一下!

Sunday 18th February 2007 11:38:38 PM
07北京之旅18-02[ 0 messages] 
Travel

到北京旅遊的第三天,今天本想遊長城,可惜因為昨晚玩得太累的關係,早上醒來已到九時半,根本沒有足夠時間讓我們到長城去。唯有改變計劃,到另一個旅遊地點 ── 頤和園!反正我們本來也並一定要做好漢!

為了節省時間,我們搭計程車到頤和園,可惜到了頤和園附近,卻遇到塞車。細看之下,原來前面剛好有車禍,所以我們遲遲也未能到達目的地。也因為如此,我們便要求下車步行到頤和園的大門。

一路上,不停有人向我們推介導遊服務,說只要使用他們的導遊服務,我們便不用付入場費,也可以參觀頤和園了!

當時我想:如果由導遊帶領我們參觀,我一定會因為要聽他們的普通話講解,而忘記欣賞四周的風光,那就真的十分可惜了!而且由別人帶領我們四周行走,自由度自然大大減少,我想多影幾張相片或是在某個地點多留一段時間,也好像有點那個。所以當時我拒絕了他們的推介,走到售票處購票同時選擇電子導遊服務,我想這樣做,彈性會比較大一點。

後來回頭再想想,為甚麼他們可以不用付款便能進入頤和園?當想到這一點時,便立刻想到原因。這種情況會在香港發生嗎?

Saturday 17th February 2007 11:33:33 PM
07北京之旅17-02[ 0 messages] 
Travel

今日開始正式在北京的旅遊,我們先到故宮。今日天色非常好,藍天白雲,令人心情靚靚。

我地著得唔算太多,可能有太陽既關係,只係比喺香著多一件底衫,所以你話唔係全球暖化就奇!唉~~~~

我地由酒店行過去故宮,路程非常近,好開心!但一路行,一路有人派宣傳單張,竟然可以50蚊包遊長城,我地見到都驚驚,心諗這個價錢,就算去到,但返唔返到黎既呢?都係自己去好過呀!

講返故宮,買票時,有人同我地講,堶掘阰蛂A冇野睇。仲提議我地跟佢地,由佢地做導遊,遊覽其他名勝,我地當然唔肯lar!買票就直入故宮,仲每人用十蚊加多個電子導遊。邊聽邊遊故宮去也!

雖然話係裝修,但只係欣賞佢既建築物、聽佢既歷史故事就已經好吸引!去故宮,只係用一日,真係遊唔晒!下次一定要再去多次!

Friday 16th February 2007 11:38:38 PM
07北京之旅16-02[ 0 messages] 
Travel

今日一早就出門口,目的地係北京!一上機填完d表就訓,真係好累!唉!發現自己真係老左好多,以前一上機仲可以四圍走、紮紮跳。而家?成日都好似睡眠不足咁,好恐怖!講開填表,北京都唔知搞乜,一填就要填三張咁多,填既資料又好多重複,仲要交俾唔同地方,點解要咁架床叠屋呢?多無聊啊!

去到北京就搭的士去酒店。見個的士師機好好傾,咪同佢傾下,順便練下我既普通話。好開心,因為佢聽得明我既普通話,對我黎講,真係一個好大既鼓勵。Yeah!我要繼續努力啊!

個的士師機話,這時間在北京旅遊,最好去滑雪,我望下個天,雪都冇粒,於是就話:天氣咁好,都冇雪。跟住佢又提議我地去海濱滑冰。跟住我就問佢北京d人係咪返晒鄉下,佢話係,淨低就係d遊客。佢又話我地d香港人好奇怪,人人都返鄉下過年,見家人,一家團聚。我地偏偏喜歡出國旅遊。佢話新年真係好多香港人去北京旅遊。

我好想同個司機講:香港人鐘意避年,唔駛派利是,d錢留俾自己去旅行好過,放假去旅行可以輕鬆下,幾好呀;而且我地係無根的人,是殖民地時代種下的無根草吧!

不過我驚嚇親司機,而且嗰度又唔係維園,我都無謂做維園亞伯,所以我都閉咀。

跟住我問佢有乜好玩好食,佢就介紹我去廟會,佢話春節期間,地壇、白雲館.....都有好玩、好睇又好食既廟會,有好多中國民間風俗既野睇,一定會令我大開眼界!

架車終於駛到酒店附近,司機見到個叫秀水街既商場就叫我地一定要去,佢話果度好正,好多外國人都去,因為那商場專賣假貨,但其質地卻很好,看他一面自豪的樣子,我地中國人的思想確實不同。

今次我地住既係北京東方君悅店,司機話這兒屬於李嘉誠先生所有,佢話那片地在北京地價相當,我跟他說李生沒死錯人,人家是賺大錢的人啊!

放低行李洗個臉,我地就落街行下、搵下野食。我地一面行,一面見到好多書局,真係好鬼開心。行行下,我地又見到d食店,家姐最後選了間食過橋米線。入到去,我地各叫一個25蚊既餐,有一碗熱湯、米線、還有很多很多小碟,放滿肉、菜、蛋等配料,牆上貼著先生後熟,先麵後湯。我地都照做,我地一向走蔥,個侍應見我地唔落蔥就行埋黎問,見我地呢樣又唔落,嗰樣又唔落,跟住覺得我地好怪!算lar!原諒我地lar!跟住佢指住隻生既  鶉蛋,我以為佢示意叫我落落碗湯度,原來佢係話我地受唔到,千祈唔好落。收錢既姐姐見我地咁搞鬼,都忍唔住偷望我地,笑我地!跟住最正就係間餐廳突然播起廣東歌,而且仲係陳年既舊歌,有李克勤、湯寶如.....我地一面食、一食估緊首歌係邊個唱、叫乜名,有好多都唔記得。不過佢地真係好客,唔知我俾而家既歌佢,佢地會唔會播呢?

跟住我地就行CD舖、書局,好開心,我最鍾意行書局,在酒店附近就有一間,仲要五六層樓高,你話幾好呢!

就係咁我地行到七、八點,俾我見到東來順,我死都話要食,好味道!不過佢地有個好神奇既清潔方法。我去廁所時,行過見佢地將掃地的垃圾掃晒入間士多房內,堶惘谷a都係垃圾,唔通真係驚掃走晒D財氣?hehe~~~

Saturday 06th January 2007 12:27:43 AM
返香港lu![ 0 messages] 
Travel

今次真係玩到盡,1月1日先返香港!搭飛機時,隔離走廊坐左個鬼妹仔,佢好得意,四圍行,我當然唔會放過機會,拎架相機出黎影相,不過佢郁身郁勢,確係好難影。到架飛機起飛時,佢仲唔肯坐,仲想走人,佢亞媽又抱住個細,所以冇佢辦法,我見到咁,就用隻手攔住佢,唔俾佢繼續行,費事架機有乜事,個細路會整親。好彩佢都算乖,攔一攔就唔再行。佢亞媽多謝我,跟住我都唔敢同佢玩,因為怕佢行黎行去,到時整親就唔好!

但係由於佢太得意,坐佢後面的一家人就不停同佢玩,大家非常開心!

Thursday 04th January 2007 11:48:19 PM
難忘的一天[ 0 messages] 
Travel

12月31日lar!係2006年既最後一日。亦係我地係泰國最後作戰既日子,因為聽日我地就要返香港lar!今日我地既節目非常豐富,一早就去Siam Square 諗住學整泰菜,點知佢地新年放假,唯有等下一次lar!

跟住我地就去左船屋食早餐。嘩!味道真係好泰國,唔多啱我口味!好彩細細碗,唔係就大大鑊!

食完早餐就行下Siam Square,其實係香港平時都好少行街,黎到泰國成日咁行街,當然唔係好慣,而且就更加唔識行,不過亂行既時候就見到呢間舖頭既衫幾啱,入到去,仲買左兩件衫,老闆娘見我地好傾,仲送左兩份小禮物俾我地tim!

我地繼續亂行,點知俾我地行到去MBK,於是入FOOD COURT一邊食甜品,一邊聽JAZZ LIVE BAND,幾正!

休息左一陣,我地返去Paragon買前幾日見到好靚既記事簿,買左又食,好彩之前lunch冇認真咁食野,到六點,我地可以當晚飯。我地入左Paragon一間叫Manna既泰式餐廳,味道幾好,價錢係香港價,我諗佢既口味己調較到係外國人口味,唔係泰國人口味!因為泰菜真係好濃好辣,未必人人頂得住。

食完野我地繼續行街買野,一直行到八點幾,家姐話想返酒店,咁我地就返去。一路見到街上十分熱鬧,在CENTRAL WORLD前真係非常多人,大家都等緊倒數,有人影相、有人食野、有人坐低吹水,我地諗幾時先到十二點,於是諗住買少少野食返酒店等十二點倒數,順便放低野,休息一下。

返酒店途中,我地見到街上有好多警察,有個警察仲截住一個泰國人搜身,跟住我又見到佢地開路俾幾架車駛入CENTRAL WORLD,感覺好似係乜乜重要人物咁。我同家姐仲講笑話可能係泰王黎CENTRAL WORLD同大家一齊倒數。

我地返到酒店,見到電話有一個短訊,原來係亞妹SENT黎,佢話泰國有炸彈,問我地喺泰國邊度,於是我地開電視睇新聞,啊!原來曼谷真係有事。咁我地就打電話返屋企報平安,跟住就冇再出街。

咁我地就不停留意新聞,睇下究竟邊處俾人炸。我地一邊望住電視,一邊望住個窗。因為我地住間房個窗係望到通往BTS車站條橋架!我地見到D人開始向BTS車站方向走,而新聞報導就宣報曼谷既一切倒數活動取消,而頭先那些車,相信係泰國既PRIME MINSTER,因為新聞報導中,見到佢就喺CENTRAL WORLD前的宣佈一切倒數活動取消。

我地就係咁喺酒店中迎接2007了。而半夜既時候,我聽到警車聲,我問家姐聽唔聽到,佢話冇,叫我訓,咁我咪訓lor!不過成晚都訓得唔好!可能係驚車掛!

到第二朝起身睇新聞,原來琴晚真係出左事,就喺我地住既酒店附近,又發生炸彈爆炸事件。我地琴晚冇出再出街,都真係明智既選擇,這個新年真的很充實啊!

p.s. 你說我怎能不thanks GOD 呢!

Saturday 30th December 2006 11:51:06 PM
相機殺手[ 0 messages] 
Travel

家姐部相機,前兩個星期先至整好,跟佢去貴州旅行。點知部相機既命運真係好坎坷,上次就水浸機;今次去泰國,就俾家姐跌左佢落地,搞到佢隻眼開隻眼閉。家姐見到部機咁,即刻好唔開心,我就同佢講:部機仲係保養期,今次真係抵,用買一部機既價錢,就等於買左三部新機,你話幾正呢!佢唯有苦笑!

Friday 29th December 2006 10:10:38 PM
泰王好勁呀![ 0 messages] 
Travel

在曼谷行街,無無聊行書局,見到有個心形盒,原來係俾人寫野俾泰王賀佢登基六十年,其實在曼谷,四圍都係佢d相,又賣好多黃色衫,仲有泰王吹奏既JAZZ CD,泰王真係好受歡迎!

>
Thursday 28th December 2006 11:59:01 PM
起飛了[ 0 messages] 
Travel

去完camp、忙完好友婚禮,跟住就係去旅行lu!由於時間短,所以就擇左泰國作為目的地!由於還是聖誕假期,所以機場仍是聖誕裝飾,雖然唔係好特別,但都算有節日氣氛lar!

去到泰國,熱熱既天氣,人們都穿短袖衫,但四處都是聖誕佈置,感覺很奇怪啊!不過d佈置就好鬼得意,好有節日氣氛!你睇d人幾搞鬼,企係前面扮鬼扮馬影相,十分好玩!

        

Sunday 06th August 2006 03:58:45 PM
Kyoto Day 9[ 0 messages] 
Travel

今日係留喺京都既最後一日,下午要搭飛機返香港。本來諗住一早起身去京都府立植物園影花,可惜最後都係事敗,因為唔知醒,冇得去!咁唯有在酒店看電視直到check out時間lar!

其實日本人d電視節目有d都幾好睇架!尤其係佢地介紹自己本地風光既旅遊節目,真係好吸引!話時話,人地地方咁大,風光梗係勝人一籌lar!

另外我睇左一個電視節目係講長壽既方法,原來係食d天然健康野,例如蓮藕、海藻、大蒜..........而且全部都係佢地本國出產。當然放心食lar!佢地仲訪問左d老人家,有個九十幾歲話食得健康,到而家仲落田耕田;另一個七十幾歲仲出海打魚,問你服未?

呀!仲有一個電視節目講粟米,佢介紹粟米既營養價值,又教人點揀、點煮d粟米,真係好鬼正,而個節目都成個鐘架!香港又邊會有d咁既電視節目呀!

最後一個令我印象深刻既電視節目,就係一個問答遊戲,好似我地d十五十六咁,但其中一個環節,叫d人估下唔同既紙既承重力既分別。佢地唔單止估,重介紹埋紙既結構,好鬼知性。最後佢地要估既題目係究竟和紙定報紙既承重力多d呢?

我當然估和紙lar!我既理由係,日本人係大民族主義國家,佢地當然會覺得自己出品既梗係好野架lar!又點會俾和紙輸喎!當然結果係如我所料既!呵呵!

唔!我喺日本幾日睇既電視重多過我喺香港睇一年呀!哈哈!

Saturday 05th August 2006 03:41:23 PM
Nara Day 8[ 0 messages] 
Travel

玩埋今日,就要返香港lar!今日我地去左奈良一日遊,主要目的係去睇鹿。本來諗住要喺奈良公園先睇到佢地,點知一去到,就發現原來佢地係無處不在。

d鹿好鍾意食餅乾,差不多每個街角都有販賣餅乾既小攤檔,每份餅乾約有六七塊,價錢為150円,我都餵左幾次俾d鹿仔食,佢地真係好鬼得意!不過得意還得意,到左回程時,我諗住買餅乾餵d鹿既時候,佢地突然成班擁過黎我果度,跟住我餵唔切,其中一隻可能好想食餅,就咬左我個pat pat 一下,嘩!好鬼痛呀!嚇到我即刻走人!好怕佢地再咬多我一下,後來我發現個pat pat瘀左,仲痛左幾日tim!可憐!

另外,到旅行最後既日子,我地行緊去春日大社既方向,發現家姐個相機俾水浸死左!唉!還是回港入廠修理吧!到最後先壞,總算不幸中之大幸!

Friday 04th August 2006 03:29:55 PM
Kyoto Day 7[ 0 messages] 
Travel

今日既主要任務係乘搭TOROKKO小火車到龜岡,其間可以欣賞溪谷的優美景色。到達龜岡,我們再轉乘巴士至乘船場搭保津川激流船。激流並未有我想像般的激,看見船伕辛苦的划船,倒覺得這些都是辛苦錢。坐激流船的途中,看見很多人在釣魚,能在如此優美的環境中釣魚,相信一定是賞心樂事。玩過激流船,我們經過渡月橋,在嵐山觀光,其實我是想到那堛漲邞L呢!經過天龍寺,便到達竹林,都幾靚呀!不過就好難影得靚!而且仲俾蚊咬左好多好多下tim!

Thursday 03rd August 2006 03:15:05 PM
Kyoto Day 6[ 0 messages] 
Travel

離開雄琴返回京都巿,我地買左一日乘車票,平時搭巴士,每程都要220円,而家只要你俾500円就可以於京都巿內任搭,真係好抵!

於是我地就開始狂搭巴士之旅。我地先遊金閣寺,金閣寺真係好金,如果配搭埋d紅葉相信會更加正!遊完金閣寺,我地再搭巴士到龍安寺,跟住我地又搭巴士到二条城,不過今次我地冇入去參觀,只在門外影相,食午飯,便再搭巴士回京都站。

其間我地遇到一件幾驚險既事,不過其實唔關我地事,就係有一對父母,帶住三個仔在二条城搭巴士,其中一個係手推車,另外兩個都係幾歲大,當兩個細路上左車後,就係咁搵爸爸媽媽,我地見到都心急埋一份,可惜我地唔識日文,幫唔到佢,而車上其他乘客都知道,就叫佢地話俾司機叔叔聽,過左一個站,佢地準備落車,而佢地個亞媽就從後面架車走過黎搵仔,我見到兩個細路表現其實都好冷靜,我諗香港d細路遇到同樣事情會點呢?真係唔敢想像!

Wednesday 02nd August 2006 02:56:26 PM
Kyoto Day 5[ 0 messages] 
Travel

今日係我生日,本來諗住去嵐山,可惜因為晚上訓得唔係咁好,(可能張被太厚太熱) 所以起身食完早餐再訓過!就咁就十點幾十一點,出去問酒店的員工雄琴有乜玩,佢都唔知我地講乜,咁去比叡山,又發覺時間太緊迫,唔夠時間遊覽,所以就決定出返京都巿玩。出到去行左陣書局,食個午飯,就已經夠鐘返雄琴食晚飯,認真無聊。咁我點同自己慶祝呢?我在車站買左包花火,問酒店員工可不可以在湖邊放,佢話唔得,因為有樹好危險,跟住佢俾左個水桶我,帶我去停車場放煙花,真係安全第一,都幾好呀!放完煙花,我就好開心咁返房浸溫泉lu!

Tuesday 01st August 2006 02:45:03 PM
Kyoto Day 4[ 0 messages] 
Travel

今日我地由京都HYATT搬去雄琴的綠水亭溫泉酒店住兩日,由於那兒冇乜觀光點,所以我地先check out,再到酒店附返的京都國立博物館參觀,下午在京都站閒逛了一會,先到京都站的拉麵小路食拉麵,途中看到小朋友利用京都站既長樓梯玩猜樓梯,真聰明啊!在這堹u的可以有排玩!食飽飽,我地又到了手塚治虫WORLD,我地冇入場睇SHOW,只是閒逛了一會便走,其中我覺得最有趣的是看見人們參加的填色比賽作品,參加者年齡由1歲到75歲,你話幾咁厲害!

搭JR到左雄琴,發現當晚有花火大會。噢!想不到當晚還有煙花助慶,而且我地只需在房間的露台便可欣賞煙花,唔駛出去排隊同人迫,感覺真的很爽!D煙花又大又靚,款式比以前在大坂看的花火大會多,感覺真的很好啊!


Monday 31st July 2006 02:32:25 PM
Kyoto Day 3 [ 0 messages] 
Travel

由於昨天行得太勁,所以我地今日將行程放慢,早上先去清水寺,我覺得這間寺比其他寺好玩,因為佢似係以寺廟為主題既主題公園多D!首先係我地見到一舊愛情石,只要你成功由一邊行到另一邊,咁你既愛情就會順順利利。我地見到個鬼仔試行,但佢D朋友勁好笑,又用手攔住佢、又喺佢腳前放個背包扮係舊石,睇到我笑到轆地!

跟住我地又去到一個叫音羽之滝既瀑布,人人都排隊飲水,話係乜野十大名水,有金水、延命水既美喻喎!其實我覺得最好玩係條水柱好勁,拎住嗰支長長既水勺,一不留神,跌左落水,就真係失禮死人lor!話時話佢地飲完水,會把水勺放在一個有紫外線射住既存放處,搞到好似好衛生咁,令遊人飲得放心!

跟住我地又行三年坂,傳說話如果在此絆倒,三年後就會死,真係邪到死呀!

跟住我地又去左銀閣寺,d旅遊書話必去,我地去到又覺得普普通通啫,可能又係果句lar!秋天先黎lar!

Sunday 30th July 2006 02:08:36 PM
Kyoto Day 2[ 0 messages] 
Travel

今日行程非常緊密,我地先去祗園,參觀八坂神社,再到円山公園、平安神社、經過京都美術館、琵琶湖疏水紀念館、南禪寺、水路閣、建仁寺、鴨川、花見小路,再去河原町!

其實全程不斷見到很多寺廟,真的不明白為何寺廟可以多成咁,仲勁過7-11。今日最開心係見到好多楓樹,我想如果真係秋天黎,個感覺一定更加更加正!

全程除了搭車去抵園及從河原町搭車返酒店外,全程都是行路,共行了十個小時,回到酒店,真係腳都痺呀!

Saturday 29th July 2006 01:54:15 PM
Kyoto Day 1[ 0 messages] 
Travel

出發往京都的第一天,一早爬起床搭的士往機場,一去到見到勁多人排隊check in,真係前所未見,等左好耐,終於到我地lar!counter 個哥哥話架機會遲起飛,仲送左兩張coupon俾我喺機場食野,可惜我地想食Burger King食野,而張COUPON又唔包!可惜可惜!

由於班機遲起飛,再加上日本過海關排隊真係用左好長好長既時間,所以去到京都已經係夜晚,我地到左京都站即剤搭的士去酒店,用左660円就去去酒店,都算係抵,最正係架車有自動導航系統,真係非常先進,到左酒店,安頓後,我地又搭返巴士出京都站搵食,順便望下JR同其他車站,我地落左PORTA地下街,搵左一間叫YKY的食店食豬扒飯,味道普普通通,然後行左一陣就返酒店訓覺。(其實係佢D商店8點就收,冇野行至真)

0.124101877213
General(547)
Entertainment(5)
Food(11)
Love, Friendship(2)
Religious(1)
Travel(20)

07北京之旅18-02 續107北京之旅20-02 07北京之旅19-0207北京之旅18-0207北京之旅17-02返香港lu!相機殺手Kyoto Day 9Nara Day 8Kyoto Day 7Kyoto Day 6Kyoto Day 5Kyoto Day 4Kyoto Day 3 Kyoto Day 2Kyoto Day 1