執野搵到好多舊野，忍痛扔左好多，得出一個結論就係去旅行唔好亂買野...加拿大紀念品仲有好多原封不動，尼泊爾個d cushion套/門簾，買個時根本冇諗襯唔襯間屋+有冇咁多位(而且d染料一望就知會褪色..)，於是不加思索咁扔左。發現我既家當最多最要整理就係相片，已經買左多本相簿，今個weekend一於大執位。要沉迷儲舊物既巨蟹抛開過去簡直係壯舉，雖然阿Bei唔介意，但我就認為冇理由帶埋d 同ex(s)既合照去新居，其實都好痛苦，因為個d相或多或少紀錄住我既過去+成長，不過唔緊要，因為我知道有美好既將來等梗我。Digital camera 呢一個發明真係好，改善左我地既生活。除左以上，仲發現中學老師係我17歲生日個年送左17樣有貓既文具俾我，好温馨!
另外我仲keep住中二個時同貓豬做既認識大埔project，住左大埔サ幾年，其實都好鍾以呢個地方，呢到有好多市區未必見到既古怪野，例如星期六我行去太和火車站途中就見到好多阿婆阿嬸(阿sine,佢地係唔係客家人?)打鑼打鼓，手持"兵器"在呐喊，唔知有咩慶祝呢。
個人1月以來因為各種瑣事，殘左好多，聽到張敬軒既<老了十歲>份外投入。為左令自己訓番好d，買左套厚d既棉質睡衣，um，琴晚真係訓多左，um 我早就應該對自己好d。p.s. 推介下，Jusco睡衣有特價，部份低至六折。
