用水造既我過左一個淚水浸beibei(音脾)膊頭既weekend，公司既不幸事件，不屑係呢度提起，但不得不承認抑鬱左成個weekend，幸好有阿Bei陪住先不至太慘。好唔抵Pacific Place d 相眼腫腫，天生就係咁難放得低 。好彩週末去IFC, etc d 相好靚呀，今年換左相機，d相quality好左好多 hee
估唔到<<俠影魔龍Eragon>>好睇喎，原來係好似lord of the rings之類有下集wor(不過應該冇lord咁有迥響)，人龍合一好搞笑wor，可能因為免費la睇得特别開心，IFC間cinema d chairs都幾好坐，不過如果平日又未必捨得花$70買飛睇呢。條龍随時準備犧牲自己既偉大情操令我喊濕左阿Bei個膊頭
之後禮拜日我地又睇DVD，諗住<<狼羊物語>>阿葛配音係笑野，點知喊濕埋阿Bei另一邊膊頭。最感動一幕係阿咩叫卡夫不如當大家唔識，叫佢食左自己過冬，卡夫就不斷打自己個餓到響既肚，不断怒吼自己點解係隻狼。雖然我知呢一個係超現實，無可能發生既物語，但眼淺既我都喊得好投入。
