我屋企既厠所係一個景點,因為養左隻千年巨龟,龟unlike other pets,同人既interaction唔算多,唔似狗仔貓仔可以攬攬锡锡,但我對龟同對其他動物一樣都有惻隱之心。事缘係年多前爸爸又拾來另外一隻小型龟,現在已長到手掌般大,兩龟多月來好像相安無事,只是細龟總喜歡爬到大龟背上(直徑應有25cm),但大龟總會挣扎,於是兩個好似玩相撲咁。但呢個礼拜恐怖既事情發生,細龟咬大龟去到有血既程度,按照"入門"既先後次序,兇殘者應被遞界出境。
其實10年前屋企有另一隻比我當時年紀還要大既細龟,個次佢反而係victim,因為意外折断了頸,血腥味有冇誘發大龟的"獸"性,我都唔清楚,細龟捱左幾日,成隻變左青黄色,我目睹佢死去,仲因為得我一個係屋企,我自己收拾左個屍体,將佢掉左落樓下大埔中心既垃圾站,因為至細已經見住佢,我對佢都有一定既感情,都喊得好慘。我依家偶而都仲會發惡夢,last nite見到又係物以物相殘,又諗起呢件慘事。
再講返聖誕,今年D商場佈置都冇上年咁靚,右面呢個美麗華ET更加似唔知邊度用剩既物资。哈,頂波波!