« February 2018 »
MoTuWeThFrSaSu
 1234
567891011
12131415161718
19202122232425
262728 
Sunday 20th August 2006 12:43:00 AM
搬家了[ 0 messages] 
General

搬左去

http://vanvandi.blogspot.com

Saturday 19th August 2006 12:05:54 AM
又俾人偷影.....[ 0 messages] 
General

阿ken真係好鬼煩...成日玩偷影 :P

Friday 18th August 2006 11:55:19 PM
Hoops & Yoyo[ 0 messages] 
General

近來愛上左Hoops & Yoyo呢個公仔, 見到佢會覺得好醒

神! 襯埋我d黃色鴨仔, 好得意好舒服呀! 介紹大家去hoops & yoyo個website, 有好多得意既野玩同download~

www.hoopsandyoyo.com

Friday 18th August 2006 11:44:46 PM
Happy Hour[ 0 messages] 
General

係公司...每日都會發生一d好笑事...

今日lunch hour無出街食, 叫左take away~

食完lunch無野做...我地又開始無聊蟲上身...Irene慘成被玩對象, 扮"你玩藥, 藥玩你"既主角!!!kakakakakakakak 真係好好笑呀...有video為証~

Thursday 17th August 2006 10:33:43 PM
No I Cannot[ 0 messages] 
General

17/8

雖然老細&各大巨頭唔係公司, 依然遙控我地做野....

個KCRC Ad俾Dr.一個唔鐘意就改Q晒...

我即時大叫 "我想死呀!"
Les即時大叫 "No I Cannot No I Cannot No I Cannot!!!!"
Lisa姐喊咁口大叫"我都好想死呀!!"


好彩臨收工前阿老細打返黎, 話會keep返2個我地既 idea...唉...都唔知講咩好...so shit~

是日無聊相相:


Thursday 17th August 2006 03:07:59 PM
無聊相[ 0 messages] 
General

The Mo Liu photos taken last sat..kakakak...funny



Thursday 17th August 2006 10:00:36 AM
Marathon Meeting[ 0 messages] 
General

16/8

頂~ 成6點先黎開會....開到8:30pm!

開咁耐有咩講呢? 講下每個人負責做d咩, 又懶係sharing咁, 講我地對d客有幾重要, 又兜一大個圈叫我地要make up and dress up.....so 無聊 & 晒時間~

開始有d後悔入左呢間公司, 不過個個舊同事都覺得離開地獄公司係一件好事, 起碼唔洗俾個廿零歲既靚妹head住, 起碼我而家都叫有d自主權, 某程度上....都係一個學習既好機會o既....

Wednesday 16th August 2006 12:18:00 AM
食早餐[ 0 messages] 
General

15/8

年幾未食過咁豐富既早餐呀~

Les今朝買左美心早餐俾我, 仲有杯阿華田飲~ 呵呵我既糯米雞係有回報既...hee hee....多謝你呀!

下晝lunch一個二個有約, 又淨返我同les 2個人, 一於去我地2個都想去好耐既"美而廉"啦! 好懷舊既茶餐廳呀好得意, 個多士有garlic butter! 勁好味~ 飽到屎左~

Wednesday 16th August 2006 12:09:16 AM
New DC[ 0 messages] 
General

14/8

Wakkakakkakaka

超開心呀~~終於有新DC用啦~~~

想買部Handy DC好耐...因為部350D實在太重啦..無可能日日拎住周圍走, 本身部細ixus i又唔好用, 成日心思思想買新DC...

遇岩giee同事又想買喎, 一於一齊去揀下~ 佢朋友推仲Fujifilm既機, 又靚又平喎~ 睇落又真係幾ok喎!d相真係好sharp! 卒之行到去DC fever shop買左....果度真係平好多呀又多accessories送, 唯一唔好係....個sales係咁笑我地 , 又唔知佢笑乜喎! 我地問咩問題講咩佢都笑到想死咁…我認唔住問giee…乜我地好白痴咩? -__-

Dinner @ 藏戶, 我第3次去啦, giee都話好味! Yeah! 同giee傾左好耐計呀好happy~ btw 又係超累既一日~

 P.S. um…終於都結束左了, 得到解脫, 無咩感受…因為…對你既感受早已蕩然無存

P.P.S 試相機~影下我間房我最鐘意既corner~ 好sharp呀 hee hee

Tuesday 15th August 2006 11:59:51 PM
Books[ 0 messages] 
General

13/8

好耐冇同人行過街lu, 已經冇左同人一齊行街買野既衝勁.....

今日行左Harbour city , 主要係陪人去bookstore搵書, 點知竟然又俾我買到書, 仲係搵左好耐既 "How to walk in High Heels" , 本書當然唔係講著high heels 咁簡單啦! It's a girl's guide for everything! e.g. 點樣揀香水, 點樣decorate christmas tree, 如果車門開唔到點樣由個window elegant地出黎...very very funny stuff~~~

仲買左本好難搵既PR書! 係Swindon到見到, 等一千零一本..搵多本講PR 既書都冇...好!一於買埋佢

Page One仲見我idol Elyse Seawell本Beauty & Biz 呀...$148好貴但係勁想買....點好呢?

Saturday 12th August 2006 10:41:37 PM
玩轉星期六[ 0 messages] 
General

12/8

星期六, 又OT到6點先走。

當中, 其實得3個鐘真係做過下野, 其餘時間.....都係玩玩玩玩玩!

我地真係...乜都玩得一餐...玩影相, 玩蒙眼, 玩過膠, 玩朱芬E, 玩集體回憶唱歌仔講卡通片.....

Ken無啦啦多左個朵叫 "老鼠邦", 引發"小老鼠與大花貓" 唱歌潮.

咁又笑左一日.....星期一再笑過~

Saturday 12th August 2006 10:36:56 PM
早餐[ 1 messages] 
General

呢2日買左早餐俾同事食。

買左腸粉俾Ken
買左糯米雞俾Les
買左咖啡俾叉叉

Les好好笑...佢超感動, 話勁耐未食過糯米雞做早餐, 超滿足咁話......

原來買早餐俾人食, 係咁開心架~

P.S. 多謝Ken上次個芒果芝士bread, 勁好味呀~

Friday 11th August 2006 09:53:54 PM
KAO Conference[ 1 messages] 
General

Vik 俾左佢係岩岩係Thailand KAO Conference D 相我睇, 係舊年既8月, 我都參加左HK大做主辦國既KAO Conference.

話咁快就一年, 對於舊年既KAO,仲係記憶尤新.  雖然係好辛苦, 要好早起身, 好夜先訓, 但係諗起HK拎左Country Award (有幸自己舊年係Kumon HK既一份子), 諗起夜晚去珍寶海鮮舫, 諗起同d外國同事玩, 其實真係幾開心, 印象好難忘. 舊年HK個booth仲係我一手包辨design + set up! Satisfy!!

仲係地獄公司既朋友....努力呀~

Thursday 10th August 2006 10:20:31 AM
行雷閃電[ 0 messages] 
General

9/8

發生左好多事, 記錄如下:

1. 以為唔洗留低做7-8:30pm個分享會,正當我暗暗歡喜之際,阿老細又指定要我留低....心情直插谷底.

2. 無啦啦收到Gucci envy me perfume! 好surprise~ 多謝晒∼

3. 做野做到胸口痛,頭暈暈,代表我好stressful. 個msn改左"胸口痛,頭暈,死得", 好多朋友仔即刻問候我,我冇事架你地唔洗擔心∼

4. 放工已九點仲約左人去西貢食飯!試左間italian野..叫Italiano, 超唔得呀可以blacklist佢,都未食過d咁難食既ceaser salad! 個sauce竟然好似係miracle wipe加水!It really sucks!! 走果時勁大雨,又行雷閃電,朋友渣車完全大雨到睇唔到條路....超級驚險!

Wednesday 09th August 2006 09:16:18 AM
Vik Long Time No See[ 1 messages] 
General

忙到失左踪? 可憐的Vik~ 期待9月同你睇喜劇之王~

Tuesday 08th August 2006 11:22:06 PM
TVB 皇子[ 0 messages] 
General

7/8

祝TVB皇子生日快樂~

今日同阿T入左TVB做Live interview! 主持係安得朱同黃宇詩~ 黃宇詩上次都見過了, 真人依然靚女, 安得朱就勁黑人憎呀! 寸到爆!!

Sunday 06th August 2006 04:03:04 PM
三聖海鮮[ 0 messages] 
General

5/8

出糧日 yeah!! 晨早同同事約左今日去屯門三聖容龍食海鮮,好耐之前係屯門讀書都聽過果度食海鮮好出名,今次卒之有得試!

未出發之前係公司做野OT到6點鐘!痴鬼線超多野做,好彩都有好多人陪,做下野傾下計笑下D時間好快就過(慘在OT完都仲有勁多野未做 T_T)。6點鐘T同事渣車黎接我地,架車.....又熱又焗.....焗到keroro暈左!好爆笑~

是晚豐富晚餐:
-白灼麻蝦
-豉椒大聖子
-蒜蓉粉絲大帶子
-椒鹽瀨尿蝦
-炸生蠔

位位$300~ 好味呀~ 仲玩左超級無敵估歌仔,笑到肚痛。飯後遊車河......行勻香港九龍新界......勁呀!

Photos: http://www.fotop.net/vanvandi/20060805seafood



Saturday 05th August 2006 02:45:07 PM
軟硬 I Luv U[ 1 messages] 
General

4/8

卒之都到左睇軟硬既大日子.......初初好驚呀因為公司勁多野做......驚走唔到......不過唔理得咁多, 軟硬大過天呀!

呢晚嘉賓係李克勤, 軟硬係咁話佢仲唔娶盧淑儀.....笑鬼死.....成個show氣氛十分好, 睇到d人企晒起身, 我睇得最有feel係阿Jan唱流行曲果度, d舞台效果金光閃閃,搞到阿Jan成個大明星咁....超鐘意~ 好想再睇多次!

Thursday 03rd August 2006 10:31:20 PM
忙, 好忙, 超忙[ 0 messages] 
General

呢幾日, 忙到有d透不過氣......有少少好似返左地獄公司既感覺......

我d失控情況又返晒黎, 擲筆啦, 大大力"及"電話啦, 係咁爆粗啦, 咆哮啦, 乜都出晒黎......lena以前話得我o岩......我唔係好識handle stress : (

呢排d蒼蒼出晒黎, 覺得自己好醜樣, 皮膚越來越差, 真係....老啦....唉......

Monday 31st July 2006 10:32:15 PM
bye bye Mr. Green[ 0 messages] 
General

今日係綠同事 last day。

真係好唔捨得佢呀,冇左佢,冇人再表演神乎奇技俾我睇lu......

當日第一日返工,佢係第一個同我講野既人,仲湊左我幾日食飯,幫我整呢樣果樣。

同佢做左短短2個月同事,已經覺得大家識左好耐lu,可能係我好投入同呢間公司同事既相處吧!不過阿綠,你在同事之中,還是獨一無二的,有多少人能夠像你一樣,真心關懷每一個同事呢?和你做同事的日子,每一天都是快樂的,希望你的將來,每一天也是開開心心∼ Keep in touch!

Monday 31st July 2006 10:24:45 PM
留言版[ 0 messages] 
General

係呀,你講得冇錯...呢度其實係一塊留言版instead of a diary.....

有某d野,係專登留o係度俾某d人睇既...因為有陣事實在講唔出口,寫係度,睇到就睇,睇唔到就算lu,不過十次有十次都會睇到既...

咁你又睇唔睇到呢段留言呢?

Sunday 30th July 2006 10:33:53 PM
星期六[ 0 messages] 
General

29/7

自動自覺下晝留低開OT。
其實工作量也不致於要經常加班,只不過因為平日返工掛住同同事玩,又成日準時收工,所以做唔晒d野o者~

星期六下晝開OT都幾好喎,有冷氣涼,老細又唔係度,仲有好多同事一齊,傾下計玩下咁,好快又過左幾個鐘,仲要OT 完都係四五點,好過平日OT到八九點先走丫。

不如以後閒日都唔OT,留返星期六一次過O晒佢...唔錯唔錯∼

Sunday 30th July 2006 09:55:28 PM
不敢愛[ 0 messages] 
General

習慣了ee對我的好、對我的寵,一廂情願地以為,所有當男朋友的都應當如此。

面對一個完全摸不透的男人,實在不知如何應付,也慢慢的讓自己不快樂,為了避免這些不快,只好避免去十分投入地愛一個人。漸漸地,向來愛情第一的我,把愛情退到較後位置,也不想再對感情認真。因為,只有不認真,才不會讓自己受到傷害。

不知這樣的轉變對我是好是壞......我只想,讓自己快樂起來。

Thursday 27th July 2006 11:10:44 PM
Hectic Day[ 0 messages] 
General

wooooooooooooooooooooo

超辛苦既一日, 開左勁多個會, 好頭痛~ 預計黎緊既日子都會係咁!

Lunch 約左綠同事食飯,當係同佢farewell 啦~ 佢講左好多公司既衰野我聽, 死啦...情況好不妙...有d擔心添!我唔可以成日轉工呀..份份工都做唔長...點叫人請我呀? 唉....捱得幾耐得幾耐吧!

Thursday 27th July 2006 10:58:58 PM
Harlans[ 0 messages] 
General

26/7

一個月一度既4小強聚會。(不過距離上一次已經隔左2個月)

今次輪到我做話事人,就去左上次同飛飛去唔到既Harlans @ ifc。

環境超正,好cozy,d價錢仲正......3個人只係叫左4個dishes:

Lamb Kafta, Seabass & Clam, Clam Pasta, Premium Beef

埋單位位4舊水仲要唔飽∼ Well......一個月一次o者,點都要試下既∼

今次得3個人因為dada臨時甩底......佢似乎好有問題,繼上次叫我介紹psychologist同唔知自己有咩問題後,今次又突然失誤,我地3個近排打左幾次俾佢都冇人聽...實在唔知佢發生咩事,亦搵唔到佢,令人擔心...

Anyway dinner 後落LKF行左2轉,威利同維他即刻癮起想落C club, 我地去左哈哈club同 C Club行左轉,C Club幾正喎,好寬敞,下星期要去relax下先得!

Tuesday 25th July 2006 11:23:17 PM
算吧啦[ 0 messages] 
General

返工前再次收到T的sms, 唉又是在說一些廢話......

早陣子答應了他和dolly & K仔4個人去屯門食海鮮, 今日我同dolly講唔想去, dolly唔肯放過我 -___-  dolly 與他是好朋友, dolly亦是我的好朋友, 我與T玩開班同事都好熟....有時候gathering要避免和他一起, 實在是很困難的事.....不過, 算吧啦.....反正好快唔會再見到佢!

今晚第一晚開始返學, 一堂成2個半鐘, 好長呀...救命~~~ 今日講左好多 corporate communication 既野, 不過我間細公司...根本唔須要corporate comm...聽完就算了, 好彩冇"恰"眼訓 ~

Tuesday 25th July 2006 09:20:35 AM
It's over[ 0 messages] 
General

25/7

估唔到....事情會發展至咁既地步....

小M同事知道了我的事情, 原來同樣( the same person)的事也曾在不久前發生在她身上.....頓時覺得 :o  Being fooled around...... 話好嬲...又唔係, 始終自己 not yet into this person, 但係覺得好9囉.....

晚上收到佢既電話, he got drunk and phone me, 問我下晝究竟發生咩事, 其實佢問左我成日,我都唔想講, 亦覺得冇須要講....仲有咩好講呢?

係電話度, 聽得出佢勁唔開心, 欲言又止, 佢想大家講清楚.....OK....就攤開黎講囉.....其實都清楚大家係impossible, 佢想我知道佢既心意, 想我知道...唔係存心隱瞞, 還有再次否認關於小M的事, anyway無論中間發生過咩事都好, 不可能就是不可能, 也不要再多想了, it's over.

Sunday 23rd July 2006 02:33:11 PM
My Dolly[ 0 messages] 
General

家姐從Melbourne返左黎, 夜晚約左出黎食飯, 好耐冇見了, super miss u baby~ 還是與家姐一起最開心!

與 dolly同事越來越交心, 大家互訴了彼此的私事, 她告訴了我一個我一直也不知道的secret, 是關於那個人的......謝謝你dolly......不要說你mess up the whole thing, 實際上 you saved me....i dun wanna be hurted again.... Big Big kiss for you~

Saturday 22nd July 2006 04:35:28 PM
Crazy K night[ 0 messages] 
General

隔左一個星期又同同事去唱K!

今次少d人去, 唱多左好多歌, 又叫到傻左咁......俾人以為我high 左.....

其實都真係high過一陣喎, 連輸7,8舖開口中, 咪下咪下先清左一杯chivas + 綠茶, 哇....比起我上次係上海飲既, 今次既chivas比例多好多 ~_~..... 飲左杯半之後就wing啦...企起身覺頭暈....

打比飛飛佢話我而家係南丫島食緊海鮮呀救唔到我~ 嗚......咁我之後唔敢再飲啦.....點知10點幾收到飛飛電話, 話而家返緊出中環, 可以黎接我! 真係勁開心呀~~~~~~~ 不過我走果時已經完全散晒d酒氣lu, 佢有少少覺得俾我搵左笨..hee hee

Thursday 20th July 2006 11:23:29 PM
滿足的一天[ 0 messages] 
General

好滿足的一天。

晨早搭緊車收到T同事既call, 叫我小心保護自己 (事關早2日搭地鐵俾人輕薄 -____-) ,仲買左澳門手信俾我......超感動!

下晝老闆唔知咩事心情好,無啦啦請食tea, 我飲左勁耐冇飲過既好立克! 超好味!

夜晚同好耐冇見既飛飛食飯, 去左cwb新寧餐廳, d野食麻麻地啦...雖然間餐廳出名過下....不過同飛飛傾左好耐傾, 仲係飛飛請食飯, 超開心!

Wednesday 19th July 2006 11:02:18 PM
Treasure[ 0 messages] 
General

跟你成為了好朋友......整天談東談西的......
不知道將來會是如何
不過如你所說 "You will treasure me as a friend"

Saturday 15th July 2006 11:50:59 PM
亂.....[ 2 messages] 
General

幾天冇update了,其實近日都發生左好多事,感覺上.....my life's a mess....

先講公司,不斷有人離開,星期四去了莎拉的farewell night party, 玩得好盡慶,第一次玩到咁癲,夠膽死猜酒飲,仲飲左好多beer, 係因為冇管束住自己的人在身邊吧......說到底,我還是希望有人能夠緊緊的看管著我的∼

開心同幾個公司同事make friends! 能夠同佢地分享私事既感覺好好,我係一個.....唔能夠將心底話收理既人,我要講講講,講我既心聲,我要宣洩!!!

知道左某d野..其實之前自己predict得到..也許是某些對話讓我感覺得到吧.....嗯......不要想太多了,先處理好自己的事吧.....我該怎辦.....

Tuesday 11th July 2006 10:58:30 PM
遲來的海神號[ 0 messages] 
General

星期二喎~ 可以早d收工喎~ 做咩好??

梗係去睇戲啦!!!!!!

近來d新戲都係卡通片, 冇咩興趣, 仲有海神號做喎! 我仲未睇! 一於就呢套啦!

初初以為套戲同Titanic差唔多,一路睇一路覺得, 仲好戲過Titanic好多! (可能因為本人唔係咁好愛情片啦.....-_-"") 全場咁多分鐘都冇冷場, 好緊張呀~~睇到我O晒咀~~~~

未睇既朋友..快d作最後衝刺啦~

Monday 10th July 2006 09:45:16 PM
軟硬我來也[ 0 messages] 
General

哇哈哈哈哈~~~~~~~

卒之俾我買到軟硬飛啦!仲要係星期五4/8果場....正正正~等我拎星期六假先!真係唔該晒甜甜朋友,幫我優先拎飛~

錫晒你 ^3^

Sunday 09th July 2006 10:06:21 PM
打發日子[ 0 messages] 
General

好悶呀好悶呀好悶呀~

星期六日都冇野做, 星期六臨時約haircut, 夜晚同阿Nell傾傾下偈,知道佢星期日有個中學drama show, 於是自動請纓去幫手影相, 打發下時間~

由朝貢入沙田大會堂影到晚,都有D悶, 中間果段時間意外地睇左新城市廣場既中學聯校dance competition, 好好睇呀跳得好勁....攪到我心思思想去學跳Jazz~

影出黎既相出乎意料地有feel, 好有snap shot feel, 係目前最滿意既一輯相~

http://www.fotop.net/vanvandi/toishan

Friday 07th July 2006 11:55:27 PM
甜蜜新婚[ 0 messages] 
General

無做野果排日日睇有線"甜蜜新婚"。

故事係講承佑同尹秀自細係青梅竹馬, 不過雙方一直唔敢表達自己既感情。直到大家都有左另一半,雙方依然經常見面,關心對方,有咩事都第一時間都去睇對方或call對方,令到雙方既另一半都好不滿....

我成日諗,我同ee如果唔再係埋一齊,會唔會變成承佑同尹秀咁呢? 我睇套劇果時, 係勁登d另一半唔抵既......但係如果站係我同ee既角度去睇......我又好自私地認為冇咩唔妥......女人真係矛盾!

Wednesday 05th July 2006 11:01:22 PM
[ 0 messages] 
General

放工後約左同事仔去飲野, 哎呀竟然冇我飲開既果汁beer, 局住叫 pina colada....上次飲完wing唔知死, 今晚再叫, 仲要飲得急, 因為約左家姐食飯, 離開pub果時已經發現自己成身紅晒!飲beer都唔會咁!跟住開始有d wing wing地啦....

約左家姐係cwb等, 等等下果時,唔知係咪因為wing再加上等既地方冇冷氣, 我竟然開始頭暈眼花!..開始睇唔到野, 想坐係地下!! 即刻急call家姐叫佢快d黎接我, 因為我實在頂唔順啦!!! 以前飲到好wing都唔會暈呀....好鬼驚! 好彩家姐係附近, 即刻扶我入sogo涼冷氣...我仲衰到要去人地個化妝counter坐底抖抖....抖到冇再眼花既時間就上樓上ucc食野...我仲要等野食既時間訓著左...真係樣衰........

Monday 03rd July 2006 10:48:30 PM
結婚[ 1 messages] 
General

與要好男性朋友傾談我的感情問題,原來朋友也面對感情問題,他與另一半淡如止水,提不起勁去見另一半,即使見了面亦不覺開心。我說,那您去尋找您心中所愛吧,他卻說,不想再尋覓,因為怕會受傷害,可是找個安穩的卻又心不安於此。我倆說這也許是因果關係吧...我們怎辦才好呢?

朋友說,乾脆我倆結婚去吧...哈哈

Sunday 02nd July 2006 03:55:44 PM
World Cup Fever[ 0 messages] 
General

30/6同1/7連續兩晚都出左去睇波。

30/6同dada & 威利落bar睇,氣氛好好,不過要受好多2手煙同埋聽好多問候說話。今次叻左呀飲啤酒都冇乜wing。

1/7約埋ee同3賤人一齊去阿雷朋友屋企打牌+睇波。ee病到九彩咁,真係驚佢打打下牌or睇睇下波暈左...咁病唔應該出黎啦..講聲咪得囉唔緊要架∼ 英格蘭場波真係好悶呀,加上我飲左d好難飲既champagne,wing wing 地之際 (竟然俾champagne隊低......)我睇睇下訓著左......我既英格蘭呀..又要等4年啦∼∼∼∼

Thursday 29th June 2006 12:48:35 PM
爆笑唱K 2[ 2 messages] 
General

28/6

又有舊同事離開地獄公司啦,一於賀一賀佢,再黎爆笑唱K part 2!

今次比上次更加多舊同事出席,爆笑王依舊係安迪先生。

試左加$10果個K buffet, OK喎幾好食,仲有得打邊爐!

個幾月冇見,舊同事話我肥左又青春左 @_@

可能係件娃娃衫既關係吧....

上次著同一件衫去食野都俾個印度waitress問我係咪有左..

但係我又勁鐘意件衫喎!

原來vik識好多好多舊歌..真係睇佢唔出又估佢唔到

佢早走之後點左果d歌我地冇人識唱…..

全晚高潮由安迪扮張學友唱CRY既動作結束!

Tuesday 27th June 2006 11:34:31 PM
我愛軟硬[ 0 messages] 
General

今日軟硬公開售票,當然第一時間去撲飛啦!! 近box office既朋友lunch time去買飛,食食下飯收到佢電話,諗住今次實無死啦實買到啦.....

Me: 點呀點呀?
P:    得番單丁位咋...
Me: 下??咁其他場呢?
P:    場場都係呀!
Me:  咁有冇d單丁位既距離近d架?
P:    哈哈哈...你話呢?梗係無啦!
Me:  ......咁算啦......

嗚........超失望,唯有等加場啦.....唉∼

Monday 26th June 2006 09:48:43 PM
幻覺[ 0 messages] 
General

呢排行街,成日無啦啦聞到CK crave既香水味,係我太過敏?但係離開左個地方,又會聞唔到,究竟係我真係聞到,定係我出現幻覺?

Monday 26th June 2006 09:45:47 PM
Freelance[ 0 messages] 
General

以前一直覺得,做freelance D錢好易搵,自從重出江湖做返野,先發現自己係力不從心。

好多時返到屋企食完飯都八點幾九點,跟住開始做freelance,日日都係咁,因為d job長做長有......救命呀!日日都要趕返屋企做野!以前最愛design既我,開始求求其其砌完個design就算!總之最緊要快!反正個客都唔識欣賞......唉..做野做到我咁求其,真係不濟......但係真係唔想放心機落去......我太累了.......

Thursday 22nd June 2006 11:29:15 PM
食飯[ 0 messages] 
General

呢2日都同左好耐冇見既朋友食dinner, 感覺良好。

尋日同ee去左Langham place 既 euro gogo, 雖然好似fast food but it tastes so good!

今晚去左CWB新開既昭和食日本野, 舊三文魚sushi好長好好味呀!!!!

飽滿中~

Tuesday 20th June 2006 10:31:26 PM
連環不幸事件[ 1 messages] 
General

繼感情受挫, 又再發生不幸事件。話說今朝搭地鐵睇報紙, 咦!?軟硬賣廣告?即係有飛賣啦! 原來係manhatten優先訂飛!我有manhatten呀!!!正正正!!

搭正9點即刻打去訂飛hotline, 由9點一路打打打打打打打打打打打打打打打打打打打打打打打打打打打打打打打到10點半, 卒之俾我打通左呀!!!!!!!!個心真係卜卜跳!買到啦買到啦!! 跟住聽住個voicemail instruction去訂飛:

"請輸入你既信用卡號碼...你既積分結餘係..0...對唔住, 你既信用卡並不適用於是次優先訂飛優惠...."

真係士多啤梨蘋果橙呀呢勻!!!!!心情直插谷底!每張優先訂飛要用1000積分, 諗住拿拿臨走去買野湊夠分啦, 不知一check之下原來我係 -5000 分!!我冇可能為左軟硬大拿拿走去洗6000銀丫~ 唉......想死~ 話俾列斯尼同事聽, 佢覺得好好笑 T_T

惡運幾時離我而去.....

Tuesday 20th June 2006 10:08:58 PM
綠先生[ 0 messages] 
General

唔開心既日子, 好彩都仲有班好玩既同事, 可以俾我笑下。

同事綠先生除左好識搞笑, 仲好識tum女仔......

哇...你日日都唔同衫既? 日日都咁靚~
你幾識著衫喎!
你個頭幾好睇呀好襯你

呢位同事真係...tum死女仔....不過都好多謝你, 係我唔開心既日子有你係度引下我笑, 如果唔係, 真係唔想做野......

Tuesday 20th June 2006 10:00:31 PM
領悟[ 0 messages] 
General

一直以為......自己係一個好好既女朋友。唔介意距離,唔介意工作,一千個自己以為自己唔介意既o野,到最後卻因為呢d一切所謂既唔介意弄致無可挽回既地步。

今日先睇清楚自己,原來我根本唔識做人女朋友,原來係好多人眼中,我係唔值得去愛。真係一個好大既領悟......

我只可以為我過去既所作所為......講句對不起.......

Sunday 18th June 2006 06:32:48 PM
碰面[ 1 messages] 
General

近來常常發奇想,會否在街上碰到你。

常常說呢個世界好細,我地仲要同一區做野......咁都碰唔到......是無緣吧......

十面埋伏

聞說你時常在下午來這堭H信件
逢禮拜留連藝術展還是未間斷
何以我來回巡邏遍仍然和你擦肩
還仍然在各自宇宙錯過了春天

只差一點點即可以再會面
可惜偏偏剛剛擦過
十面埋伏過孤單感更赤裸

總差一點點先可以再會面
彷佛應該一早見過
但直行直過只差一個眼波將彼此錯過
(
但直行直過只等一個眼波)*

遲兩秒搭上地下鐵能與你碰上麽
?
如提前十步入電梯誰又被錯過
?
和某某從來未預約爲何能見更多
?
全城來撞你但最後處處有險阻

 
軌迹改變角度交錯寂寞城市又再探戈
天空閃過燦爛花火和你不再爲愛奔波

總差一點點先可以再會面
悔不當初輕輕放過
現在懲罰我分手分錯了麽

分開一千天天天盼再會面
只怕使你先找到我
但直行直過天都幫你去躲躲開不見我

Friday 16th June 2006 11:33:57 PM
發慌[ 0 messages] 
General

呢2個星期簡直悶得發慌~ 日日過住d返工放工返屋企做freelance既生活,好日都唔去下街,好彩份工而家幾忙,可以填塞下d時間,如果唔係一定發癲!

介紹左ling ling 去apply公司個post, 希望佢有機會in la, 一齊做野就好lu!

Tuesday 13th June 2006 11:27:57 PM
再去東涌[ 1 messages] 
General

今日繼續遠征,去左愉景灣同東涌,不過今日唔係去玩,而係去做野。

尋日先認識Dr. Wong, 今日已經能夠同佢坐埋一齊傾計,做野,Dr. Wong d client同佢傾計成千蚊個鐘,我同佢傾左個下晝都唔洗錢!呵呵∼好榮幸呢!

連續2日大長征,返到屋企實在累死了......

Monday 12th June 2006 11:45:31 PM
去左長洲[ 0 messages] 
General

返左工冇幾耐就遇o岩公司週年幾念,今日全公司入左長洲camp玩左成日,累死了∼ 最慘係入去果時落大雨,成條jeans濕晒,痴笠笠咁..damn!

 話時話今日D game又幾好玩,我好少可玩group game可以玩得咁投入o既! 笑口組好o野! o拍o拍o拍!

Saturday 10th June 2006 11:39:12 PM
Project Runway[ 0 messages] 
General

已經好多個Sat night 冇睇過Project Runway了,究竟我去左邊呢?睇返個blog先知我去左睇戲呀,食飯呀咁,自己好似一d印象都冇,係好事定壞事?

今集Project Runway已淘汰淨3個人了,我喜愛的Chole & Daniel都入到圍,太好了!!!Santino的確很有才華,不過人格也實在差勁,同佢合作簡直係鬼見愁!咁究竟支持Chole定Daniel好呢?實在難決擇......不過Daniel型 + 靚仔..就支持佢啦!

Thursday 08th June 2006 11:07:57 PM
蠢![ 0 messages] 
General

近日發現,身邊梗係有d人成鬼日問d蠢問題,仲要個個問題都係,你地可唔可以唔好再問呢d問題呢?簡直係令人發瘋呀!係咪痴線o架???用下腦啦,好冇?頂!

Monday 05th June 2006 11:11:58 PM
玩到癲@深圳[ 0 messages] 
General

3/6 - 4/6: 4大賤人 + 另一半深圳遊

第一次同佢地外遊,笑到碌地兼肚抽筋。

碌ling前所未有地高分,打開六七十分既我,竟然打出106分!!傻左!

成11點幾先去做massage,地膽阿"光線"先生帶我地去新東方Club,好正呀勁多免費facilities,裝修豪華,套票勁抵,$88 only有中式雙鐘及一項大堂服務(我揀左一個鐘foot massage),做massage之前我地仲玩左沙弧球(即係好似人地推啤酒杯咁,不過果隻唔係杯,係一個好似搖搖既野,勁好玩),督波同超級無敵ping pong波,玩到成點幾先開始massage!!當堂死左。全日高潮係威利係massage room D 吊架到扮奧運選手玩雙槓落地果下姿勢同扮婆羅乃猩猩,笑到喊∼

Lunch @ 萬象城 food court 鐵板燒:
平,不過d野勁鹹......

Dinner @ 金XX Made in the Kitchen:
又係地膽帶路,裝修超得,簡直係五星級,服務又一流 (因為地膽係vip!),d野又幾好食,唔錯∼

Friday 02nd June 2006 09:56:21 PM
返工[ 1 messages] 
General

返左2日工,so far d同事仔都幾nice。係同事仔因為個個都好似好細個咁,最難得係班psychologist圍住我坐,佢地又好好玩咁,公司又好free可以聽歌,個男阿頭又幾nice咁,希望呢d唔係泡沫啦......

Wednesday 31st May 2006 11:39:22 PM
犯賤[ 0 messages] 
General

有時人真係好犯賤,我而家都係......

明明須要一份工作,仲要得來不易,但係梗係唔想做。

明明有個人很深愛著自己,但係梗係要分開,又係犯賤。

Wednesday 24th May 2006 01:38:26 PM
Baby's gift[ 1 messages] 
General

仲未買禮物俾表姐bb,襯搵到工即刻買返份gift先!

早2日同飛飛食飯即刻捉佢陪我買野。

Me:不如買件大d既衫仔
飛飛:  買咁大而家邊岩著呀
Me: 咁佢會大架嘛, 唔通成世都咁細個咩
(隔左一輪)

飛飛:喂不如買呢包底褲,好得意呀係spiderman喎!
Me:   哇...係2-3years著架喎,邊岩呀!
飛孩: 咁佢會大架嘛, 唔通成世都咁細個咩
Me: ......................................

卒之我係買左對鞋仔,勁得意呀!一見到即刻決定買佢, 我自己都好想要呀~~~~~

Wednesday 24th May 2006 12:31:28 PM
疑雲[ 0 messages] 
General

尋晚同P傾電話,我問佢鐘意邊d女artist.

P: 冇喎!
Me: 咁點都有d你覺得靚卦...李嘉欣靚唔靚?
P: 靚呀,梗係靚啦!
Me: 不過佢愈來愈雞呀..我鐘意楊采妮
P: 楊采妮正呀!我見過真人好得!
Me: 係呀我鐘意佢好有氣質呀...
P: 其實你係咪Les黎架!?
Me: 下 :o
P: 邊有人同個男仔講女人架!?
Me: 咩呀..梗係唔係啦..我不嬲都會睇靚女架喎...
P: 哦..我知啦..你係bi既!!!!

真係笑鬼死,其實女仔同女仔之間,不嬲都會講下男仔女仔架啦,有咩貢奇呢?

Tuesday 23rd May 2006 08:20:36 PM
失驚無神去旅行[ 0 messages] 
General

係呀,今日剪剪下頭髮既時候突然決定去旅行。其實係之前家姐另一半問我有冇興趣去上海4日,住佢朋友既豪宅,淨係出機票$1000 :0 好抵呀!!勁想去,但係得我一個女仔喎,其他人我唔識仲要係男人, 悶死我架喎..算吧啦!

點知今日剪頭髮果時,我識左年幾既女仔hair stylist同我講:

Stylist: 喂, 我星期五去上海呀!
Me: 上海!?你係咪同阿T去呀?
Stylist: 係呀!你又知既!?
Me: 佢都有問過我去唔去呀,我見得3個男人咪唔去囉
Stylist: 下!?咁不如你一齊去啦, 有你陪埋我會好好玩喎!
Me: 係啦!佢都冇講你會去.....

就係咁樣我就打算去啦, 即時打俾阿T,佢仲懵盛盛話俾我聽而家另外有2個女仔去,原來佢發緊夢唔記得左我同hair stylist係識既!

剪完頭髮之後stylist就嗱嗱臨走去同我格價check機票,好彩我係中環,大把agent, 不過d價錢都幾離譜,差成千銀都有!最後俾我買到$1300既飛,都算好抵啦.....

星期五就出發啦.....yeah!!

Tuesday 23rd May 2006 08:09:08 PM
New Hair Cut[ 1 messages] 
General

下星期要返工啦,係時候要搞搞個頭,自從剪短左之後都要keep住一個月修一次,無野做既時候就冇再修,搞到好鬼長個頭撻晒落黎,一於返工前搞搞佢。話時話今次呢個頭係so far去Headquarters最滿意既一個中短頭,好型呀我覺得!雖然剪晒我電左千幾銀既曲髮但係真係好型呢!

Monday 22nd May 2006 11:35:27 PM
New offer[ 1 messages] 
General

哇......兩個月啦......卒之都有offer了,雖然不是自己很喜歡的工作 and 公司,不過都take左個offer先啦,反正個pay又不俗!加埋我d freelance,都幾和味....呵呵!

Sunday 21st May 2006 11:46:24 PM
[ 0 messages] 
General

尋日玩左成日,由下晝3點玩到凌晨5點先返到屋企……勁!

 

3:00pm - 4大賤人碌ling @ 南華會,碌左4局手都跛!

 

7:00pm   3大賤人 + 3X唔識既人 (威利除外)去釣墨魚,本來諗住可以識到d新朋友仔既,點知……3X人分開晒一谷谷咁,各有各玩,再加上……唔係咁掂,結果係我地3個自行吹水。釣墨魚方面毫無斬獲,釣左成晚先得一個唔識既人釣左一條咁大把,我同dada索性唔釣,慳返手力,企係甲板吹水,點知又落雨……真係……都未試過釣墨魚咁悶既。

 

11:30pm 3大賤人 + 威利朋友共4人轉戰K房。事緣dada朋友約佢唱K,佢就叫埋我地去湊下熱鬧啦。一去到,哇!!好多人呀!好多o靚仔o靚妹呀! 好似唔係好岩玩喎……佢地唔係岩岩grad就仲讀緊書……

 

3:XXam 唔知係咪因為間k 房夠鐘既關係,佢地再轉場落pub,我地4個先去搵野食醫肚。朋友仔食完就走左lu

 

4:XX am 其實我同dada都唔想去pub,但係有人苦苦哀求下,唯有去坐多一陣,途中經過間7仔,發生係人係鬼可怕事件,簡單黎講就係我地見到7仔入面有個身材不俗既妙齡女子,但係塊面係灰灰地色既,有d得人驚,有個屎人頭就拉左我同dada7仔看個究竟,個位女仔應該係人黎既,屎人頭又講埋晒咩買元寶蠟燭香引人笑,搞到我同dada笑到癲左咁,好啦後來個女人走左啦,屎人頭又走去同cashier哥哥吹水,問人地驚唔驚呀,呢度有冇蠟燭賣呀咁,搞到阿哥哥都笑埋一份,就當我地笑到想死踏出7仔門口之際,個女仔竟然企左係門口度望住我地!哇..果下真係嚇到想死呀……仲要好近距離見到佢塊面,我都唔敢望!個女人係咁用英文粗口問候我地,我地唯有唔理佢急急腳咁走,真係嚇死!

 

4:XX am pub坐左幾分鐘就走ludada車我去mk轉小巴返屋企。搭搭下車我隔離個男人突然隊左隻手落我大脾一下,我即刻坐開d同用個袋遮住大脾,點知再隔一陣,又係咁喎,我咪啤住佢囉,點知見佢好似好頭痛咁,仲係咁打胃氣,我開始有d驚啦……事關我懷疑佢飲醉左想嘔!!!!我一趁有人落左車即刻轉過個位坐,架車就黎去到我屋企附近時,阿司機突然停左架車喎,咁我望下倒後鏡啦,見到果個男仔dup低左頭,阿司機行去望下佢,根住破口大罵,原來個男仔真係係度嘔呀!!好彩我走得快好世界,如果唔係……開始覺得自己都幾機警….hee hee…..

 

5:10 am 返到屋企lu

Friday 19th May 2006 05:30:35 PM
Moody[ 1 messages] 
General

呢排心情大上大落,好易開心,亦好易唔開心,都唔知自己想點,救命∼

Friday 19th May 2006 05:28:37 PM
[ 0 messages] 
General

今個下晝一口氣睇左Human Trafficking 同黑社會兩套戲。

我一路以為Human Trafficking係一套series,因為tvb pearl係將佢當series分開黎播,點知我download完之後先發覺係一套3個鐘左右既movie,雖然係好沉重,不過好好睇,睇完更加覺得做女人真係慘,好彩自己生活係香港,都叫安全d。

黑社會第一集比第二集好睇d喎,冇咁混亂,第二集幾個人一齊爭做辦事,睇到頭暈 @_@

Friday 19th May 2006 05:20:03 PM
唱k相[ 0 messages] 
General

Yeah!

Friday 19th May 2006 05:20:02 PM
笑爆唱k[ 2 messages] 
General

尋晚去左同地獄公司舊同事唱K。今次好多人呢!有9個呀!仲見到vik的貓咪爸爸同阿佳的女朋友,最出奇係見到傻人安迪帶con個樣!

今次唱K真係笑爆咀,主要係傻人安迪係度搞搞震,成日扮唔識唱歌,又扮苦榮腔口,佢同湯馬士痴埋一齊就發左癲咁!好掛住以前返工同佢地一齊發癲既日子呀!但係更加憎做到頭痛既日子 /.\

原來阿vik同貓咪爸爸唱歌都好好聽架!貓咪爸爸唱soler仲好rock添!有d想睇下佢隊band既演出添∼

P.S.Neway有個員工勁似祖沙think呀......好好笑 XD

Wednesday 17th May 2006 08:58:11 PM
A song to ee[ 0 messages] 
General

給自己的情歌
--------------------------

在鏡中何苦你要落淚
禮物放於手裡
誰也沒有心想去打碎
沒有甚麼 愛已過去
你與你昨日暫時團聚
直至再遇著迷人伴侶

*今天安睡 傷心不必知道放在那裡
來面對新的生活
只須撫息給你讚許
不須跟笑聲作對
愛過便十全十美
你要特別鳴謝你
這次若是無運氣
傷風失戀不會致死
人海十萬里
誰又有一天一天 誰又有一點一點留心你
痛也是合情合理
你要慢慢原諒你
你要日後成大器
灰灰的天都要撐起
誰可善待你
由自己的嘴巴和自己講一聲要爭氣
*

明知愛太受罪
你若豁得出去
年老便有些戀愛花絮
讓你內心永遠少女
那怕會再度被情連累
甚至快樂地頑強面對

Monday 15th May 2006 11:21:29 PM
[ 0 messages] 
General

舊同事的新加坡朋友來港,我們在新加坡 training 時有過一面之緣,所以原班人馬約出黎聚一聚,舊同事仲帶埋意大利同學出席,一時間變左聯合國,又要講中文又要講英文同國語。

好耐冇見的舊同事個個話我個樣好精神,咁梗係啦......係人唔洗做都精神啦.....

Will post photo later on :)

Monday 15th May 2006 01:53:35 PM
沉重[ 2 messages] 
General

睇Vik個blog提起Human Trafficking 呢套series。其實之前睇trailer一直以為係d 60分鐘時事雜誌 既 promo, 點知原來係 series......好出奇因為個trailer都幾overwhelming,好少可有d題材咁嚴肅兼真實既連續劇,完全反映緊現今世界性既問題。好想睇但係又怕睇完會心情沉重。點好呢?

Friday 12th May 2006 10:03:24 PM
咩咩咩[ 0 messages] 
General

尋晚聽架勢堂鬼故,有個聽眾打上去講,本來個故事都應該幾驚既,但係佢既presentation搞到喎晒

聽眾:呢我學校傳果d野喎跟住我地成班fd就入左長洲,咩咩果度,跟住夜晚又唔知去左邊度,見到個人唔知叫咩名......咩咩咩......

聽到r晒頭......淨係一路聽到佢講咩咩咩,想屎......

我以前有個下屬又係咁,講乜都係咩咩聲,都唔知佢講乜,救命∼∼

飛飛話:所以佢咪幾廿歲人都仲係做手下囉 XD

岩聽!

Tuesday 09th May 2006 11:13:31 AM
To Vik[ 1 messages] 
General

你個blog去左冰呀? 搵你唔到...嗚嗚....

Monday 08th May 2006 09:46:12 PM
大出血[ 1 messages] 
General

今天與舊老細傾掂了freelance的工作,知道自己將有數千元進賬,即刻先洗未來錢......買左牛仔褲啦,幾件衫仔啦,睡衣啦......嗯......仲有鞋仔未買......

Sunday 07th May 2006 11:43:48 PM
老朋友[ 0 messages] 
General

在澳洲生活的朋友突然回來了,相約我們幾位昔日的中學老友聚舊。因為ling ling帶bb出來所以要就佢,在太古附近食飯,益左我啦因為我都係太古之友!

好耐冇試過同佢地食飯lu,相識十多年,看著各人已有幸福的生活感覺實在很美妙,希望我也能像她們般吧!

Sunday 07th May 2006 11:38:36 PM
游水水[ 1 messages] 
General

繼十年冇行過山後,昨日又再黎一次十年冇做過的創舉-游水!

尋日熱到溶,決定臨時執野去摩利臣山游水,點知去到竟然維修緊!立即轉移去南華會,雖然要一舊水入會費但泳池十分乾淨,都抵俾既......

十年冇游一再游番......哇......不得了,手軟腳軟勁喘氣,抖一大輪再黎,卒之游左6個堂,都算係咁啦!

有趣事:我著左件新買既2 pcs泳衣,點知去到個個都係著一件頭,搞到我惹來全場目光......

Saturday 06th May 2006 12:13:47 PM
失去[ 0 messages] 
General

為什麼人一定要失去了才懂得珍惜?
一次又係咁,兩次又係咁
是你太膚淺、抑或太草率去了結一段愛情?
到底你什麼時候才能改變?

我不能再承受這樣的傷痛
現在的苦苦哀求,也許......經已太遲


Friday 05th May 2006 05:38:12 PM
後來[ 0 messages] 
General

尋晚唱K飛飛點了這首劉若英的"後來",非常好聽,歌詞很感動,聽得我差點流下淚來......是因為......這首歌是我的寫照嗎?

-------------------------------------------------------

後來我總算學會了如何去愛
可惜你早已遠去消失在人海
後來終於在眼淚中明白
有些人一旦錯過就不再

橘子花白花瓣落在我藍色百褶裙上
「愛你」你輕聲說
我低下頭聞見一陣芬芳
那個永琲漫]晚十七歲仲夏你吻我的那個夜晚
讓我往後的時光每當有感歎
總想起當天的星光

那時候的愛情爲什麽就能那樣簡單
而又是爲什麽人年少時
一定要讓深愛的人受傷
在這相似的深夜塈A是否一樣也在靜靜追悔感傷
如果當時我們能不那麽倔強
現在也不那麽遺憾

你都如何回憶我帶著笑或是很沈默
這些年來有沒有人能讓你不寂寞

永遠不會再重來
有一個男孩愛著那個女孩

Friday 05th May 2006 05:24:20 PM
見工週[ 0 messages] 
General

本週見工戰況:

 
3/5 – 唔錯唔錯,下星期有2nd in

 
4/5 – 把鬼公司,interviewer勁臭寸,仲要個個weekendfunction,人工又俾唔到,去屎吧!晚上與飛飛唱K洩憤,飛飛原來係第一次2個人唱K!

 
5/5 – 佛誕都要去見工,見名牌公司Chopard!仲要係晨早流流!我係第一個candidates,電話約時間時已講明由於是1st interview只會花約15mins,今早到達時竟然有3interviewer,仲要係鬼,真是始料不及!名牌果然是名牌,連office也氣派不凡,這趟有幸見到Chopard的香港區總裁實在不賴。不過眼見總裁手上一疊成寸厚的resume,不寄厚望。In完時間尚早,到西環朋友家齊齊吃早餐。


----------------------------------------------------------------


尋日收到一個很意外的電話,以前在會所工作的中餐經理竟然致電給我!他說老闆跟他提及我會回來幫手,問我是不是真的!?其實我只是幫手做
freelance,還要是在家中做,不會回office啦,不過有些時候如果須要拿materials還是要回去一趟。他說好興奮知道我會幫手,因為我走了以後的日子實在好唔掂!哇……從來都不知道自己是如此重要,在一間公司竟然擔當著這麼厲害的角色,教我心裡有點飄飄然∼

 
至於我自己對於接freelance也是蠻興奮的,因為有機會賺錢之餘也能與一些要好的舊同事聚聚。下星期一會見到打比小姐啦……開心中!

Wednesday 03rd May 2006 07:52:37 PM
好日唔發市[ 0 messages] 
General

唔知做乜鬼,之前鬼咁耐都冇份工見下,今個禮拜日日都有得見!連放假佛誕果日都要見!仲要舊老細打俾我叫我做freelance喎!突然間好似好多希望咁,希望呢期有著落啦!唔可以再發毛啦!我有好多野想買呀!

Monday 01st May 2006 04:23:05 PM
學速成!?[ 0 messages] 
General

尋日下晝去左飛飛屋企幫佢研究點樣打速成,之前佢問我屋企借學速成既書,結果俾我阿媽話乜速成都要學架咩寸親,笑鬼死!學左兩學打左幾隻字,飛飛就喊頭暈眼花要去訓一訓,鬼咩佢個notebook細到死,d字連我都睇到眼矇矇。

晚上去阿麻到食飯,原來好多人呢!有表姐一家,姑媽一家,堂弟仲有我一家一共12丁人,當然計埋BB啦,我呢個表姨又係時候做御用攝影師啦∼

Friday 28th April 2006 11:21:40 AM
去街街[ 0 messages] 
General

Yeah!尋晚又有得去街街啦!約左朋友試泰國野 (my favourite!),就係果間成日經過但係都冇入過去既Simple Thai泰簡單。

初初諗住食Thai野大概百幾蚊搞掂,兼且我諗住果間野應該唔太多人,朋友叫我訂位,我話唔駛啦!點知上到去,中伏!好彩我地2條友,唔駛等好耐就有位lu。

 揭開個menu,哇......都唔平喎,仲要冇我最鐘意食既生蝦剌身!嗚嗚!朋友話咁叫蝦餅補數啦,另外仲叫左一個中size既冬蔭功,辣椒通菜同埋羊扒加啤酒醬。失望位:冬蔭功同碟菜都唔辣既..蝦餅又貴又麻麻地好食,羊扒唔夠乾身,仲有好多肥膏。至正竟然係果個點羊扒既啤酒醬,個醬一黎,我話哇好大陣我至憎既啤酒味呀,丫∼∼∼點知食落又好滋味,仲係全晚唯一辣既野!

是晚埋單位位$200, out晒budget,下次都係去返九龍城食Thai food 啦......我要食生蝦剌身!

仲有..快d俾份工我啦唔該,咁食法唔得掂呀∼

-------------------------------------------------------------------------------------------------------------------

卒之買左goggles啦!下星期出發游水去!

Thursday 27th April 2006 12:13:33 PM
瑞士衛兵[ 0 messages] 
General

這陣子正在看Dan Brown的Angels & Demons,故事背景發生在梵蒂岡。書中常常提到守護梵蒂岡的是一群叫瑞士衛兵的兵團,而且制服古怪,活像馬戲團小丑一樣。我常常納悶真的有這麼的一個兵團嗎?結果昨晚在看電視之際,咦!?梵蒂岡!?就是"向世界出發"今集講梵蒂岡啊!立即坐定定看看這個吸引我已久的國度。

常常聽說梵蒂岡是世界上最小的國家,那麼有多少呢?我從來也不知道。羅蘭姐為我解開了疑團-梵蒂岡只有6個維園般大!然而它有獨立的政策,貨幣,銀行等,多了不起啊!全國國民只有9百多人,另外聘請了3000意大利人打工,還有一隊來自瑞士的瑞士衛兵!原來Dan Brown書中所言非虛,真的有這個兵團存在啊!而且制服也真的有趣-黃藍間條,鬆鬆的下身褲,根本就是小丑服。可是他們拿著武器神情嚴肅的站崗,實在令人敬佩。

雖然我不是信徒,但也深深的被這個神秘的國度吸引著。我一直很喜歡帶有西方宗教色彩的東西,而且教堂是我很愛逛的地方,在幽靜的教堂裡點著洋燭,陽光射進七彩的玻璃,別有一番感受。有機會到意大利的話定必要去梵蒂岡走一趟!

Wednesday 26th April 2006 10:14:25 PM
想念你[ 0 messages] 
General

好想好想好想好想你....

Monday 24th April 2006 11:41:45 PM
生日快樂![ 0 messages] 
General

家姐生日快樂!!!

好彩趕得切係12點前講......我今日成日都冇左件事,好在你約我食飯,我仲懵盛盛奇怪點解今日咁你收到咁多個call同message恭喜你......直至東尼講我先知!!梳利呀......我呢排溫溫燉燉咁......不過我今日都有d貢獻......就係提議去印尼餐廳!(唔怪得知你話要食特別d)希望你事事順利啦!

Monday 24th April 2006 05:04:20 PM
西貢[ 0 messages] 
General

早在easter holiday時已和大學同學仔約好了昨日來個couple day:帶自己的另一半竹戰 + 吃晚飯。Couple day 已不是第一次舉行,與同學相識這麼多年與他們的另一半已混熟了。只是這一次,約定以後我所謂的另一半消失了,因此竹戰取消了(因為我不精通這活動),只有吃晚飯。

 
4時多收到dada的電話說晚飯地點在西貢。多遠呀!為什麼要選西貢?Dada說因為知道我喜歡這個地方。

 
第一次與男友去西貢應該是在三四年前,往後再沒有到過那兒了。那一次並不是很愉快的經歷。這次與朋友再遊西貢,感覺截然不同。我們一行七人,大家都是一雙一對,只有我是獨個兒,不過我一點也不覺得孤寂,有3位男士輪流招呼我,不亦樂乎!

 
是晚海鮮餐菜單:

-         龍蝦伊麵

-         蒸杉斑

-         蒸元祖(每人一粒勁大隻)

-         薑蔥炒蟹

-         炸尤魚

-         辣酒煮花螺(每人兩粒)

-         大頭蝦(每人一隻勁大隻)

-         海鮮湯

-         炒菜2

-         炒飯一大碟(送既,冇人食過)

 
位位$255,飽到嘔!

------------------------------------------------------------------------------------------

入西貢前去了旺角一轉,事關我的好友阿Nel的男友新張誌慶,當然要去賀一賀。久違了的阿Nel風采依然,雖然她堅稱她只是在打工,卻儼如老闆娘般招呼各人呢!阿Nel哥哥替我弄了一隻水晶甲(店舖是美甲店),雖然是很美可是實在看不慣,也很不方便呀!現在只有一隻手指做了水晶甲,怪模怪樣的,怎麼才可以把它弄走呢?

Sunday 23rd April 2006 11:53:19 AM
十年冇行過山啦![ 2 messages] 
General

唔係講笑,自從中四五之後一直無行過山。尋日在阿媽慫恿下再重遊柏架山,過了一個充實的family day:

 
晨早去飲早茶,同阿爸阿媽講下遲d一齊去邊度旅行(好耐未試過同佢地咁多野講)

 
飲完茶,陪佢地行下馬莎,試下鞋仔

 
下晝,上山去!

 
落山,去食tea!

 
上山的只有我和媽媽,我把感情上的問題告訴了她。一路上,談了很多很多,屋企啦,男友啦,親戚啦,爸爸啦,我們小時候的事啦……我好像……自從長大後根本沒有和媽媽談過這麼多話,這次上山,就一併把我們這十多年來要說的一次過談個痛快!

 
這個多月來,是人生中變化很大的時刻:沒有工作,感情上的問題,可幸的是我和家人的關係融洽了。始終……還是家人最重要吧!當你失掉身邊的一切,他們也會一直在旁好好的保護你……

Friday 21st April 2006 02:40:53 PM
買泳衣記[ 1 messages] 
General

Dada說好了夏天要一起去海灘,由於上次與她逛得不夠暢快,又由於我須要出一口悶氣,便約好了昨日下午一起去買泳衣呀、拖鞋呀這些沙灘用品。

 

我還是第一次試泳衣給朋友看!還要是那些我跟本不會穿的bikini!!不過在Dada威迫及本著一試無妨的心態下,我試了幾套不同款的,有勁sexy的,有保守的。兩個傻婆在更衣室內吵吵鬧鬧的好不愉快!最後我還是挑了一套2 pcs,因為bikini我實在穿得不好看。其實去年買的一套與新買的款式差不多,舊的那套只穿了一次!可是新的一套是我愛的粉紅色,真的穿得很好看呢!還是買下來吧……有兩套泳衣也不算很過份吧!

 

朋友笑我們兩個是闊太,閒來無事下晝去shoppingDada說這種生活多寫意,我卻不敢苟同因為我實在不是什麼闊太,不能再這樣子下去了!我的靠山也危危乎!悲!

Thursday 13th April 2006 04:40:54 PM
Macau[ 0 messages] 
General

12/4

同屋企人and親戚去左澳門一日遊。已經唔知有幾多年冇同過屋企人出去行下,如果唔係冇做野都幾難成就此行。

 
此行最大目的係去漁人碼頭,點知俾人搵笨。冇野玩、冇野睇、冇野行,事關有大半景點都係得個殼,係唔入得既,因為未起好,真係把鬼。

 
嬲嬲地走去媽祖廟求籤。媽祖廟係我每次遊澳門必經之地,因為以往求過2支籤都靈到不得了,今次走去求事業同姻緣,一支下籤一支上籤……點搞呀???

 
夜晚終於食到恨左好耐既九如坊葡國菜,真係名不虛傳,仲食到千層木糠布甸,十個正!!最衰唔可以帶返HK……

 
是日行到腳仔軟軟,好訓非常。

Photos taken in Macau:
http://www.fotop.net/vanvandi/Macau


--------------------------------------------------------------------------------------

11/4
同朋友係西環過左好浪漫既一晚……食完源記糖水之後漫步高街同般含道再落石塘咀……sweet

Monday 10th April 2006 11:30:25 PM
音樂天[ 1 messages] 
General

在網上本是為了抓些異國音樂聽聽,竟意外給我找到伊莎貝拉的theme song,歌曲名O Genta Da Minha Terra,歌者Mariza是葡萄牙人,找她唱有葡萄牙背景的電影樂曲實在適合不過,配樂的確出眾!心癢癢想買Isabella OST 來聽呢!

 
這個下午也給我碰到許多好曲子:

 
Le Papillon – 蝴蝶主題曲,是一齣法國經曲電影的主題曲,一個小女孩與老人對唱,好聽得不得了。

 
Alizee: I’m not Twenty – 法國炙手可熱的美女歌者Alizee一首聽不厭的歌。

 
Elsa: Tout l’temps, Tout l’temps(永遠永遠) – 關淑怡繾綣星光下的原曲。

 
均子:春分 很有感覺的一首歌。

 
有里知花: 淚的物語 她的成名曲是I Cry,不過淚的物語更能打動我。

 
如果對這些曲子有興趣可以留言留下email給我啊。

Sunday 09th April 2006 10:58:52 PM
記事[ 1 messages] 
General

今天晚上終於一嚐期盼已久的Sushi One!!也吃了那個「一生一次」系列的SushiOishi!!真的很新鮮很好吃。為免要排隊我和朋友五時多便去了,果然有很多位子呢!下次一定要再去!

------------------------------------------------------------------------------------------

星期六與朋友逛銅鑼灣,把那區的寵物店一口氣逛了一遍,那些啡色的Toy Poodle真是超級濫,雖然可愛,卻顯得有點俗氣。我喜歡的Corgi也開始出現於不少寵物店了,千萬不要像poodle般啊!

------------------------------------------------------------------------------------------

終於把Digital Fortress看完了,還是覺得Da Vinci Code比較好看。買Digital Fortress的時候順道也把Angels & Demons一併買了下來,卻原來它是Da Vinci Code的前傳呢!看雜誌說Dan Brown正在編寫續集,實在很期待!五月的時候定必要去看Da Vinci Code電影。

Thursday 06th April 2006 10:49:51 PM
Fing下Fing下[ 4 messages] 
General

哇哈哈...勁開心呀卒之俾我搵到呢首歌download,每次唱k必點歌曲,每次聽親我都會好開心!但係點解....我都係OL, 不過都唔係fing下fing下果種既....

春田花花同學會 - Fing下Fing下

主唱:The Pancakes

其實我諗呢, 我都係岩做OL多D

又唔使著條褲焗住, 又唔使同人爭, 放lunch囉就去食返碟飯,

燒味飯都好丫, 加多個蛋, 簡簡單單又實際, 到放工囉,

又去食返碗野, 行下街買返個袋, 擠晒d野入去, 岩. 岩. 好.

十十下喂...又夠鐘, 拎起袋袋, 登登我我又上工,

hea下hea下又放工,拿起袋袋快快脆我雞咁腳,

係咁fing fing下, 又fing fing 下, fing fing 下, (我)又fing fing 下

遇岩你放工又係fing fing 下, 小心d袋袋發中我對香雞腳...

o 牛o牛喂又夠鐘, 將一袋袋野放進我個袋中, 登登下喂又放工,

拿起袋袋快快脆我雞咁腳, 係咁fing fing下, 又fing fing 下,

(我)又fing fing 下, 我up up下你十十下,

遇岩做特價喎我地袋袋下, 將d袋袋放滿晒野冇浪浪下...

dalada....

係咁fing fing下, 又fing fing 下, 路上與你bell bell下,

你十十下我又upup下, 聽朝返工再次與你泡泡下...

Have you seen my dental floss? Tonight I have to work OT with my boss.

We have to work OT because we didnt really work before six o'clock.

OT overtime OJ orange juice Oh~I am a vip of the OL club OP overpay OS over sleep

Ai~do you wanna join our OL club?

Ai~..do you wanna join our OL club?

Thursday 06th April 2006 06:15:24 PM
遇見[ 0 messages] 
General

今天為我的小小mp3 添加了許多新歌!歌曲由頭到尾聽了一遍,有一首歌很有feel

遇見
聽見冬天的離開
我在某年某月醒過來
我想我等我期待
未來卻不能理智安排
陰天傍晚車窗外
未來有一個人在等待
向左向右向前看
愛要拐幾個彎才來
我遇見誰會有怎樣的對白
我等的人他在多遠的未來
我聽見風來自地鐵和人海
我排著隊拿著愛的號碼牌
我往前飛飛過一片時間海
我們也常在愛情堥傷害
我看著路夢的入口有點窄
我遇見你是最美麗的意外
終有一天我的謎底會揭開

Monday 03rd April 2006 02:18:52 PM
I miss Vik[ 2 messages] 
General

由於實在太無聊的關係,我把Vik的網誌從頭到尾的好好看了一整遍。Vik你真是個很可愛很關懷別人的女孩子呢!如果我是男生必定愛死你了∼∼

 
看你的文字使我回憶起很多舊公司的事情,也有很多很有同鳴的地方:不要每次都問遠景,達成了幾多巴仙;不要一年nAll staff meeting….這些都讓我笑翻了腰!現在回顧以往跟你們拍的照片,全都是公司活動的留影,什麼KAO conference, Expo等,雖然實在很討厭這些活動,不過有您們陪伴在旁,日子也就變得輕鬆易過了。

 
曾經我也問過自己有否後悔離開公司,離開您們。即使現在是霉dum dur,我覺得離開了的我更愉快。離開您們絕對是捨不得的,不過可能正因如此我們才能更進一步的了解大家吧!現在每次再碰面的時候我也是再憧憬著下一次的聚會,而不是再為公司的事情頭痛苦惱(是真正的頭痛!白髮也長出了一條!!OMG!!)。Vik也要努力啊!為自己的工作上的“幸福”勇敢向前進吧!!

Friday 31st March 2006 11:52:47 PM
迷上Kate Hudson[ 0 messages] 
General

昨天在家姐家中看了少許Almost Famous (不日成名)的片段。很多人說這是Kate Hudson的成名作,我以往一直也想不透:她不是很漂亮,何以會走紅起來?

 
只是當我看了Almost Famous也就明白了。Kate不是很漂亮,可是很耐看,她的舉手投足總是吸引你的目光,笑起來很sweetfriendly的樣子,很有觀眾緣。

 
今天在家中找到一隻叫Alex & Emma (男書女愛)DVD,又是starring by Kate!立即拿來看看,是一齣很有趣的愛情小品,很適合Kate甜甜的形象。也許這就是ee常常說喜歡耐看的女孩的感覺吧!

Thursday 30th March 2006 12:10:09 AM
很愛很愛[ 0 messages] 
General

沒有工作兩個多星期了。

 
朋友說只是很短時間,不用著急,可是我已經有點意興闌珊的感覺,開始覺得自己很「霉 dum dur」。

 
下午在家中沒有什麼事好做,開始把那些不知買了多久的DVD拿來欣賞一遍,呀∼也挻好看的!

 
有時候...人真是很矛盾,有工做的時候恨唔洗做,冇工做的時候則恨不得快點快點工作。這完全是我現在的寫照。可是,內心的感覺還是蠻幸福的,悠閒的過一天,有很愛很愛自己的家人在支持著,是世界上最快樂的事吧!

Tuesday 28th March 2006 03:17:51 AM
命運[ 0 messages] 
General

毛毛雨的一天。

 
下午到了半山見工,位置不易找,為免遲到要轉乘的士。


這次見的是老本行:私人會所。會所行頭很窄,試問全香港有多少間私人會所?又因為會所的工作很閒適,待遇又不算差,很多人在會所工作了多年都不會轉職。現時可以準時五時半放工的工作實在不易找吧!會所就是這麼一回事。

 
那麼我當時的離開,完全是錢作怪……當我還是executive grade的時候,待遇是不俗的,我也安安份份工作。老闆說我幹得好,升職加薪,做Assistant Manager650大元人工。我沒有聽錯吧!?$650? 是否少了個零? 就是這樣我忍受了一整年超低的工資,為的只是要擁有一年supervisory的經驗,讓resume好看一點。

結果我也很理想地找到一份高薪工作,卻在工作了不足一年的情況下請辭了。

 
其實在日本公司的日子一直都很想念以往在會所的日子-很閒適,沒有太多的壓力與煩惱,雖然有時候公眾假期也要工作,不過都是舉辦一些有趣的活動或派對,自己也會參與其中,愉快很得,可說是寓工作於娛樂!

 
所以這次有回到會所的機會,想也不想便apply了職位。由於是manager position, 免卻了多重interview的痛苦,直接與General Manager見面。他是一個很友善的加拿大人,沒有什麼麻煩問題,只是一直在問我以往在會所的工作經驗。陪伴在他身旁的是一位年輕貌美的HR Manager,卻原來她已於去年12月離職,飛到上海陪伴男友,但依然每月抽空數天回到會所幫忙,可見她對這個地方也有著深厚的情感吧!

 
會面過程很順利,由於這位GM認識我的ex-boss (會所的GM是有一個association),他將會與我ex-boss通電。Ex-boss對我的工作表現一向都加以讚賞,問題是我認為我的經驗尚未足夠去應付這個崗位,且看他們結論如何吧!

 
命運會否安排我回到會所呢?留待下回分解啦!

Friday 24th March 2006 12:03:37 AM
心情不爽[ 1 messages] 
General

今天interview presentation的戰績 : 大敗!!

 
在家中練了很多遍講稿,正式present時也順暢得很,然而3位老細批評我選錯了題目,說我是在比較apple & orange, but not apple & apple……(我又唔明點解兩個一樣的apple要比較)Anyway presentation完結後他們都是一直針對我的選題,反之建議那一部份(我認為最重要的部分)卻沒有人去作深入的提問。那位女高層的嘴臉也是教人反感的,始終女人都是麻煩人!Ella說要reconsider, 我心裡早已打定輸數了,反正面對那位“妙咀妙舌”的女高層也真的很不妙吧!

 
回家後與Dada msn, 談了很多感情上的問題,不知怎的與她的距離好像愈來愈遠了,這與她的工作及感情有關,她……已經不再是那天與我共同生活的Dada了。聽她訴說她的苦,我不能給她什麼意見、安慰,始終這是她自找的,她自知理虧,卻無法自拔。兩年前看著她開始沉淪,我們一班好友幫過了扶過了,到了今天一切依舊。Dada我真的不知怎樣面對你了,我憎你這樣對待自己,也憎你辜負了我們對你的期望。

 
星期一要到半山interview, 是一個更高的職位……我能夠應付嗎?憂心中,心情不爽的一天。

多天沒有見到vik了,你還好嗎?

Tuesday 21st March 2006 10:28:29 PM
無奈[ 0 messages] 
General

下午約了舊同事飲茶順道回公司出糧,雖然只是沒見一個多星期,感覺好像好久似的,有著說不完的話。

 

那個日本大條神經san在人手不足的情況下,還說要每個星期六日在各區辦public talk,那時候不是一星期7 days of work嗎?平時又不准放假,有病麼??看見同事都捱得病了、倦透了,有點心痛,但我又不能做些什麼吧!只可嘆句無奈~

 

期待再與她們相聚。

Sunday 19th March 2006 11:35:46 PM
表姨[ 1 messages] 
General

很難接受自己又多了一個表姨的身份,不過總比以前ee的姪仔叫我做伯娘好吧!中國人的稱號真麻煩呀!

佢叫我做表姨......咁到底我叫佢做咩架呢?有冇人可以話我知!?

Sunday 19th March 2006 12:36:28 AM
[ 1 messages] 
General

好緊張啊……是時候要談談我的presentation…….那個嗎……就是…….

 
還沒有進行!!!!!!!!!!!!!!!!

 
是這樣的,星期五那天九點多我還在夢鄉的時候ella打來了(ella1st in manager),她說calvin (director!!)仍未回到香港,所以須要延遲至下星期。嗯……那天她不是跟我說calvin不在香港不會看我的present嗎?害我還多高興!!怎知還是要見他嘛……那我的present必須要更perfect要有更多的suggestions才行……可是我已經沒有任何點子啦…….OMG!!!

 
那天下午在找尋更多資料時朋友說晚上看Husky movie好不好。那當然好啦!資料搜索毫無進展,只好去take a shower and get ready for the night!竟然在我shower的時候想出了3ideas!!別人的都是在大大時想出屎坑橋嘛……我竟然是在浴中!!!這叫什麼?朋友說是香噴噴橋 J

 
戲中那8Husky好可愛喲!!最喜歡阿美,溫柔又叻女。最初看Max不順眼,樣子兇兇的,卻原來很有義氣!似我呢!(是指有義氣not樣子兇兇……)

 
Apprentice來到尾聲了,怎麼這次的last task要分3次播?等死人啦!個人認為這次最好看,Mr. Trump經常一次過 “you’re fired”幾個candidates,實在大快人心!ee說他覺得我也可以去參加!因為很多task我也曉去應付!哇……多謝誇獎,不過英文是最大死穴,分分鐘個task係咩我都唔知!

Thursday 16th March 2006 11:57:54 PM
汗.....[ 2 messages] 
General

今天整天都在準備明日的presentation和與vik msn! 起初還擔心沒有足夠的資料講15 mins,現在完成的講稿足足有20 mins呢 (因為practise的時候經常口窒窒講得勁慢). 用英文present真的很高難度, 經常講講下都唔知自己講左去邊, 汗!!!今晚一定要再多D練習!

Tuesday 14th March 2006 11:01:05 PM
大懶堂[ 2 messages] 
General

經過了兩天冇工返既生活,多寫意∼

不過我也不是無所事事地過每一天,昨天收到presentation的題目,要為星期五的4th round interview好好準備一下呢,心情是有點緊張,但我覺得總比3rd round見director時出現問到口窒窒的情況好多了,起碼今次只有我講冇佢講!

午時去了Poly 2nd in,這一會是見一個好有中學校長feel的faculty consultant, 不過見到她一點也不緊張,因為她笑咪咪的,非常慈祥。會面過程差不多只有短短的十多分鐘,我也沒有問太多問題,老實說我並不希望在poly工作......眼見那office,都是一些老一輩,不易溝通吧!再說我等候interview的時候"偷聽"到那個marketing officer說她每晚最少工作至9時,那不是與我舊公司一樣嗎?? OMG!! 我這個懶人,還是好好爭取另一份工作罷了。

今天收到一個舊同事的email同我講心事!估唔到離開左之後反而多了交心的朋友,也是的,在公司很難暢所欲言講心事吧!希望大家能好好的保留這份友誼。

看看自己的相簿,打從舊年開始都沒有新照,很想很想去影相!

Sunday 12th March 2006 10:49:22 PM
My First & Last Show[ 1 messages] 
General

結束了,一切都結束了。

 

今天是星期日,我的last day,負責在酒店hold一個講座。這是我第一次在這公司負責這種講座,也是最後一次了,心情異常興奮!

 

入場人數不太多,但也是半滿的,並順利的完成了,總算對公司有所交待,離開得光釆。

 

我在與同事大合照時說了一句KILL YO!逗得大家都笑了,希望將來也有同事能夠充滿自信的說出這句話()

 

這天晚上終於可以休閒的看一回電視,不知有多久沒有好好享受過電視了!?這天有我最愛看的Queer EyesCSI V 大結局,超好看呢!!

 

美好的一天開始了!

Saturday 11th March 2006 06:29:26 PM
希望重燃[ 2 messages] 
General

終於可以休息一天, 雖然昨天已經是我offical last day, 明天還是要幫公司run一個function, my last show! 真想快點過去,真真正正的完全同公司say goodbye!

一些不知就裡的同事, 工作伙伴,常常說我resign後一定沒事忙,輕鬆得很,這真的教我很光火!!

9號放工時間: 凌晨12:00
10號放工時間: 晚上9:30

9號晚上本是約了朋友食飯, 臨時臨急的說我不能赴約, 隱約中流了2滴眼水. 為什麼我還要OT? 那個應該幫手的人, 說要先填飽肚子再回來幫手. 好啊! 結果11點多才說回來, 好一個偽君子.

現實永遠就是這樣, 虛偽A字膊的小人當道, 一班任勞任怨勤勤力力的總是被認為做得不夠好. 然而這間公司成日滿口仁義道德世界和平溫添溫we唇, 不是不應存著這種分歧嗎?為什麼一群開口埋口較肉家,world peace, positive的人卻原來奸詐無比,陰險非常? 這是人的dark side, 很顯然, 日本人的洗腦運動並未對香港人奏效, 日本佬卻瞎了眼的, 相信演技出眾的小人, holy shit!

猶幸那天晚上熱心的vik即使放左工仍然主動買mc dongdong給可憐人醫肚, 而且有阿湯馬士同溫地羊一齊作戰,心情好過一點. 

昨天晚上依然忙碌, 同事說未見過last day的人會這樣忙. 是啊!我也未試過這樣憎恨一間公司.

Lunch time時終於可與公司的廣告agent吃個午餐. 要待到走的那天才可吃一頓飯, 因為公司信不過同事, 怕我們受人一頓免費午餐便幹出壞勾當來. 新年的時候agent給了我們team每人$140的利是, 我們誠實的申報利益卻被人沒收了. 公司說金額太大, 收不得, 要會計部退回給人家. 一個多月了, agent說她從未收回過一分一毫, 利是錢啊你去了那裡????

午餐中途收到了2nd in公司的來電, 即時心跳加速想著有好消息, 原來佢想我表演一次presentation....煩!!不過這也算是好消息吧...起碼知道自己還有獲聘的機會! 5時多也收到poly來電去2nd in! Oh my god....竟然有這樣的好事......我要加把勁了!!

明天, 請快點過去.

Wednesday 08th March 2006 11:05:11 PM
Sex and the City[ 0 messages] 
General

唔係想講sex, 只係今晚同iris & lingling食晚飯,對上一次應該係舊年11月既事。人大了,愈來愈忙,見面的時間亦愈來愈少,所以每次都很珍惜相聚的機會。這一晚談了很多很多,拍拖啦結婚啦湊女啦養狗狗啦什麼也講了,我說好似Sex and the City 4個主角咁成日坐埋一齊傾計,感覺良好。

下午工作既時候係msn見到個舊日文同學。其實大家都好耐冇讀了,偶然的機會下又再通訊了。以前坐埋一齊都冇咁多計傾,今天卻談了很多,像有說不完的話,唔知出黎見面會唔會都有咁多話題呢?

新工作依然未有著落,不過心情好轉了一點。

Tuesday 07th March 2006 09:56:12 PM
患得患失[ 1 messages] 
General

受朋友的影響,開始了這篇journal。其實擁有這個album已有年多的時間,也該好好利用一下。

距離離職的日子尚有5天,心情患得患失中......一方面未有新工,另一方面又不捨得人工和同事,但公司management實在問題多多,長遠也不是一個工作的好地方......

今天又俾某高層召見,講黎講去三幅被,唉......講到點改革,遲早咪又打回原形!?快d有工confirm就好了......之前2nd in果份工又出ad請人,睇黎我冇行了......

今日去poly做果份written test又全軍覆沒,真係悲,心情惡劣中 -_-

做完test後去左探ling ling & bb, bb好cute呀,ling ling又好媽咪咁呀,好難想像自己仲係熱衷於玩既時候朋友已經成為媽媽了......

0.541796922684
General(105)
Art, Photography(1)
Entertainment(2)
Food(1)
Travel(1)

New DCBooks打發日子Project RunwayBaby's giftNew Hair Cut唱k相學速成!?Macau迷上Kate Hudson表姨