17/7/2005
食完早餐離開Ayumu。搭10:36分JR由鹿討到富良野站。匆匆放大牛龜入站內Locker，去搭巴士往チ一ス工房，可惜人太多關係，有關方面取消了巴士運作(這個是巴士公司給我們的回覆。)(有冇搞錯!!)冇辦法喇，搭的士!!好銀貴!!¥1650。チ一ス工房D cheese cake好好食，香港的伊滕家冇得揮；至於D cheese都好特別，有隻同紅酒玩fusion，正。館隔離有得食雪糕，我們試了提子同菠菜味，都幾好。按照巴士時間表，應該有一班車開12:40，但因站頭張貼了告示，聲稱會唔準時，加上要趕及到菓汁工房的巴士，所以我們走去找的士。可惜連的士都冇，只有個的士司機，佢好好人，幫我們打電話call的士。正當這個時候，巴士又出現!搭巴士番落富良野，原來開去菓汁工房又係同一架，唔使落車。到菓汁工房，冇乜特別，試了杯提子汁，好味。想買D走，不過好貴，大概750ml，就要成60蚊，味道同Welch差唔多。
試完菓汁，諗住搭12:40分的巴士到Wine工房，點知等到成13:00都冇車到，索性行去。嘩，上斜加上猛太陽，真係好甘。好彩沿途有D靚景。最pk係行到一半架巴士在面前經過，仆佢個街!!
行咗15分鐘，到達Wine工房。有紅/白酒試，任試唔嬲。D紅酒冇乜特別，反而有隻白酒叫'Ceil'就幾好入口，可能因為甜關係。想買番支走，但係又係得大支，加上玻璃，慳番。
好喇，走喇，見到巴士站個schedule話15:05有車，我哋14:55就在個站度等，足足等了粒幾鐘，巴士no show!!本來諗住食チス火煱，冇得食之餘仲要等餐蒙。因為約了星の宿接我們，所以要急pit。點呀?行!!行了個幾字，突然有taxi經過，發達!畀咗成¥1000，飛的到富良野站。
之後，我們去了富良野第一小學睇肚臍公仔。
啱啱趕到星の宿個ぃとさん揸架Pajero來接我們。同我地一齊仲有來自東京的兩個女仔。
Traffic jam!大約半小時到達pension。たきさんとぃとさん兩夫婦經營嘅pension屋子比較小，但好精緻。不過我地就要分房訓，男的、女的。
星の宿裏面的人好親切。我地最記得係來自札幌的ももさゃん，好可愛。大家一起進晚餐，之後飲酒以互相認識，感覺好温暖。
 北海道2005賞花之旅 |
|
|
|
|
 DSC01015  DSC01016  DSC01017  DSC01018  DSC01019  DSC01020  DSC01022  DSC01023  Fuku沖涼  DSC01025
|
|
|
