週末賽馬, 亞楊場場得勝, 陳仔買親都輸.
陳仔: “大佬, 有 mug 貼士呀?”
亞楊細細声: “陳仔, 唔怕話比你聽, 每次入馬塲之前, 我一定去隔離個間教堂買支洋燭!求上帝祝福架!”
過咗一個禮拜, 陳仔又去馬場. 就快到, 見到真係有間教堂. “亞楊 D 貼士真係準.” 於是擒擒青走入去.
入到教堂, 見有两張枱擺滿哂洋燭. 一張枱寫住 $1.0 each. 另一張枱寫住 $5.0 each.
陳仔自言自語: “緊係買五蚊個 D 啦, 多五倍祝福啊!” 於是一共買咗拾枝. 又係到去求上帝祝福塲塲得勝
跟住笑笑口走入馬塲, 以為今次一定無死哪!
點知又係場場都輸.
跟住幾個禮拜, 照版煮碗, 再買多幾拾枝洋燭. 真係好有毅力, 又拉埋個仔一齊去祈禱.
但係一樣輸清光!
足之揾到亞楊. “ Hey, 點解個上帝祝福你唔祝福我啊? 梗係偏心!”
亞楊問: “你有無去教堂啊?”
陳仔: “去過都唔知幾多次哪!”
亞楊又問: “係唔係近住馬場個間呀?”
陳仔: “梗係哪!”
亞楊再問: “有無入去買洋燭啊?”
陳仔: “梗係有哪, 買咗好多, 個個禮拜都有買呀!”
亞楊摸摸個頭, 莫明其妙. 跟住問: “你買邊種啊? 一蚊個 D, 益或五蚊個 D呀?”
陳仔: “梗係五蚊個 D 哪!”
亞楊笑到見牙唔見眼: “五蚊個 D 洋燭係用嚟跑狗,一蚊個 D 先至係用嚟跑馬呀!”
呵呵呵……………, 好好笑! 笑到唔記得咗個杯紅豆冰.