« September 2018 »
MoTuWeThFrSaSu
 12
3456789
10111213141516
17181920212223
24252627282930
Tuesday 18th March 2008 11:21:17 AM
我的最愛…後二…[ 0 messages] 
無分類

愛人難,但分手分得好睇更難,因為總會有一方會受到傷害!
分手之後真的可以做到好好的朋友嗎?可能真的要睇大家怎樣分手。
但我總相信分手要狠,因為只有這樣對方才會有將來!不過又有幾多個人可以分得好狠?
不過寧願對方恨自己的確比較舒服,因為只有這樣自己才沒有太多的內疚!
是一種自私,亦是一種解脫;是一種愛護,亦是一種放下!

吳雨霏 - 分手要狠 (電影《我的最愛》片尾曲)

說再見不要坐近  不糾纏  不慰問
說再見不要坐近  便扶助病困

誰亦害怕  背上  開口責任
誰亦避免看見傷害人
然後亂說轉淡了  可以做對良朋
還道歉  愧疚說不忍

*分手要狠  比相戀勇敢
給掌摑就當  打散不安熱吻
分手要狠  講分手不需要等
等等都不會合襯 卻會忍不到熱吻*

說再見不要坐近  不糾纏  不慰問
說再見不要坐近  便扶助病困

難道尚要  與你  房租兩份
難道沒有布抹走淚痕
其實陣痛過去了  很快另有別人
才自責  過去太傷感

Repeat *

離開得夠狠  搬走得更狠
刪走了電腦  一絲一點烙印
手機都轉新  寂寞亦別要找舊人
知己慰問我  也記得不要犯禁

說再見不要坐近  不糾纏  不慰問
說再見不要坐近  便扶助病困

Saturday 15th March 2008 10:29:39 AM
我的最愛,後……[ 0 messages] 
無分類

俗世紛爭非議 存在太多怪事
與你相愛誰人勝出根本不要知

面對每天失意 問我生存意義
奉獻所有分享一輩子

穿梭的女子 統統不要知 只對你堅守意志
簡單的戒指 亦存在意義 習慣跟你無聲暗示
鬧市內風光轉眼變異 分開真的太易
殘酷世界盡處 ?你演說動人故事

*花一生只想講愛情
貧窮尚且溫馨 都可使我高興
明日怎?運程 仍能互相的適應
俗世花開與你做證 (面對爭執 動盪暴亂只有愛可保證)*

現?更多感慨 流浪遠方塞外
與你相處平凡晚餐都不需要餐檯

自幼太多比賽 遇上一時障礙
有你的愛都一一化開

不稀罕富翁 負荷比較重 擁抱你都不怕凍
飛不出太空 就留在礦洞 為你開發餘生美夢
鬧市內很多驚世駭俗 即使多?哄動
平靜裡對著你 讓我只對愛情信奉

當古蹟消逝亦無聲
難留住的天星 只得戀愛保證
明日怎?運程 仍能互相的適應
俗世花開與你做證 (面對爭執 動盪暴亂只有愛可保證)

Repeat*

別要管古蹟消逝亦無聲
曾留下的溫馨 記憶總有你保證
明日幾多壞事情 仍然是不枉曾經見證
謠言推測世界有疫症 在你身邊去也高興

Friday 14th March 2008 01:18:29 AM
我的最愛[ 0 messages] 
無分類

今日睇完<我的最愛>,新世代戀愛三部曲的最終回!我之前二套都無去戲院睇,因為我好怕睇一些太現實的愛情片!我在之前的blog中都有講過原因,所以都 不多說!今次的<我的最愛>又是同樣把新一代的愛情黑暗一面完完全全放上大銀幕!同樣係欺騙,大話,背叛!我的最愛到底係咪真係我的最愛,還 是只係其中一個我的最愛呢?到底天長地久係咪真係太out呢?但的的確確簡簡單單的愛情比較舒服!

Sunday 27th May 2007 03:16:40 AM
現在只想愛你[ 0 messages] 
無分類

誠人站在紐約街頭,手裡捏著靜流寄回日本的信。「終於要跟靜流相見了,不曉得這些年她好不好。」

回到六年前,瀨川誠人 (玉木宏 飾) 與里中靜流 (宮崎葵 飾) 的相遇,是從大學入學的那一天開始的。

靜流給人的感覺與一般東京女孩不大一樣,沒什麼女人味、一付發育不全的樣子。那時候的她似乎不曉得怎麼過馬路,誠人好心告知有行人通行的專用按鈕,但她還是堅持等待哪個司機願意停車讓她過馬路。看著她倔強的小小人形,誠人忍不住拿起相機捕捉那個身影。在那一刻,鏡頭中的女孩已陷入愛裡。

誠人個性遲鈍單純、熱愛攝影,與天馬行空的靜流一拍即合,兩人自然而然地成了好朋友。而靜流漫不經心、信口胡謅的小謊,老是把誠人耍得一愣一愣的。他們經常在學校後方的森林攝影,那是一個有著小湖的森林,晨曦與黃昏時湖面上總是潾光閃閃的。靜流給森林取了個名字叫‘許願森林’,心堸蔑蔆Q著:「這是我與誠人的秘密基地。」

然而,木訥的誠人一直當靜流是個像妹妹般的朋友。他喜歡的是深具女性魅力的的同班同學美雪。某一天,他帶著暗戀許久的美雪前往‘許願森林’。

「再也不是我與誠人的秘密基地了。」雖然傷心,靜流仍默默接受了這個事實,她告訴自己:「我喜歡誠人,而誠人喜歡美雪,所以我也要喜歡美雪。」因為愛上誠人,靜流希望能夠喜歡他的一切,包括他喜歡的人。而她也深深相信,總有一天,自己會變成一個誠人喜歡的成熟女人。

某個平常的夜晚,吃著晚飯時,誠人承諾送靜流一個生日禮物。靜流以拍攝參賽的照片為由,向誠人要了一個吻。

於是,誠人在森林裡吻了靜流。那是靜流的第一個吻,也是她終生唯一的愛。「跟誠人相遇,我經歷了最美好的愛情。」

隔天,靜流便離開了。心急如焚的誠人四處找尋卻毫無回音,他只有守在許願森林裡等待著靜流歸來…。

六年後,現在。誠人等待著與靜流碰面,然而他看到的卻不是靜流…只留下攝影展相片中的身影,留下太多要訴說的,但話語卻永遠無法傳達到誠人耳中…。

〈戀愛寫真〉一套我超鍾意的片,不過到今時今日我都覺得佢個結局好不濟!但由宮崎葵同玉木宏所演的另一版本〈戀愛寫真〉就完美了整個故事!而故事的名字亦變了〈現在只想愛你〉!佢不但有唯美的畫面,故事亦由頭到尾都好好睇,沒有了被人扣分的多餘情節,淡淡的情感充滿了整套戲!由開始到結束都令人感受到「現在只想愛你」!好的愛情片都可以運用淡淡的情感,而〈現在只想愛你〉完完全全做得到,而且做得好好!正如台灣用的標題一樣「讓我們再次從溫初戀的感動!」這一套戲絕對做得到!只可惜香港應該不會上畫,每一個身處香港而又鍾意愛情片的人的一大遺憾!雖然結局令人覺得好遺憾,但真的好好好喜歡最尾的一段!相信沒有太多人不會被那一段所感動,不為那一段感到痛心,淡淡而又隱隱的心痛!

還記得我手上的Canon F1是〈戀愛寫真〉令我下定決心買的!雖然一直都想擁有,但價錢一直都令我買不下手!但當年一套〈戀愛寫真〉令Canon F1和我相遇,今日的〈現在只想愛你〉令我感受到一個攝影師的自豪!攝影師絕到要有攝影師的態度,沒有了,請不要跟人說自己是攝影師!

Tuesday 22nd May 2007 03:53:47 PM
舒情文[ 1 messages] 
無分類

今日心情都幾好,雖然工作方面都照舊好多,但暫時都還處理得到!好多方面都漸漸習慣了,同同事的相處都算得上可以!而三個月的試用期亦都就快到,希望到時會有人工可以加!

近一排都係不斷維持著聽 Stephy 的歌,好好聽!特別鍾意幾首:〈不速之約〉、〈日久生情〉、〈我未願意〉!其實由佢首〈電燈膽〉開始派台,我就好期待出CD!因為真係好好聽,MV亦都拍得不錯!一路以來,佢的歌俾我的感覺係感性而又堅強!有小女人的一面,同時又有堅強的感覺! Stephy 俾我的感覺正正如此,而亦因為這一種感覺令我喜歡她的歌! 可惜她的電影,我就真係沒有多大的興趣!有好多人都問過我點解唔睇〈十分愛〉,正如〈獨家試愛〉一樣,我並不喜歡個故事!縱然愛情的確真係好似戲𥚃面一樣不可靠,但我寧願有一套可以暫時逃離現實,進入一個完全美麗的世界𥚃!一段好的愛情故事係好簡單,一點也不用複雜!太錯綜複雜只會令到一段關係由濃轉淡,熱變凍!或者係因為今時今日每個人都太計較得失,太計較利益!離開你只因你無銀,就算你有多好,只會換來一句:「你係一個好人!」或者係一句:「你會找到一個更適合你的人!」所以男人唔壞女人唔愛的確無老點你,的的確確存在!現實的愛情就像升降機一樣上上落落,出出入入!每次開門見到的是新面孔,但我希望見到的是熟識的臉,不用再找找尋尋,離離合合!



Monday 21st May 2007 12:43:40 AM
William Happy Birthday[ 0 messages] 
無分類

今日係William的生日,今年送了一盒大禮俾佢!一盒大陸版lego!因為只有大陸版先至會出現軍車等東西,希望佢真係鍾意啦!哈哈哈!生日快樂!

工作方面,今日真係忙到爆曬廠!十幾萬樣野要做,要交!而且樣樣都好趕,超爆無時間!勁累!

雖然今日超忙超趕,但今日定好了台北之旅的時間,同酒店!心情都好了一點!

Friday 18th May 2007 12:26:41 AM
商品攝影[ 0 messages] 
無分類

今日心情唔錯,因為要做自己最喜歡的攝影工作!之前有一段時間我真係唔想再影相,因為一些事情令我好怕再影相,因為相片會留住一些人、一些事、一些感覺! 其實我真係好怕攝影的天份離我而去,因為我靠的只是我天賦的攝影觸覺!有一段時間我真係覺得自己影咩都影得唔好,每一下快門都只是浪費菲林。我好唔鍾意這 種不安的感覺,我的世界變得黑暗!好彩黑暗的日子過去,我又再次帶住相機出發,帶住一種新的感覺去記錄這個世界!

Sunday 13th May 2007 03:55:37 PM
不速之約[ 1 messages] 
無分類

又一段時間無寫日記,四月又出現了好多轉變:新工作、新人事...好唔習慣的一個月。到今日先有些少時間做自己的事。今日先有時間整理好久之前影下的相。心情好奇怪,或者係有太多事和人不同了。前兩日同新老闆去HKU開會,接觸了幾個大學教授,一些商界的老闆,好多都是社會知名人士。經過幾次的轉工,令我越來越明白做一年大公司比做兩三年細公司所學到的更多,因為好多工作以外的事情細公司係未必接觸得到的!言歸正傳,上次去HKU同今次去都好唔同了!身分好唔同、心情都好唔同!


明明除夕亦迴避見我 情形很清楚
為何撞正這天想約我 我老友很多
若我還在自欺這叫拍拖 自尊怎麼過
然後我 磨煉單身一個
已麻木到 無人無物都可

不速之客再難博我歡心
親疏之別大得叫我灰心
寧願感情未發生
也勝過被你當垃圾地押後約會至今
你妄想 不速之約再來故作關心
讓我 再博到虛假一個吻
別來 愛人 愛神
你無愧 便吻
(無謂前來扮有親)

原來仍舊未算抹殺我 明明該慶賀
移情別戀立心疏遠我 我已太清楚
面對離別在即不要再拖 便早點找我
寧願你 殘酷一點好過
禮物贈我 如何磨滅心魔

Thursday 08th March 2007 12:07:07 PM
Ghost Rider[ 6 messages] 
無分類

今晚去了睇 Ghost Rider,都不錯!不論CG定故事都可以接受!雖然打鬥場面不多,但都算得上節奏緊湊!男女主角都好吸引!

睇完戲之後,我真係有諗過係咪真係有魔鬼的存在!我真係好想賣我的靈魂,好想所有欠我的人十倍的還給我!但魔鬼你在那裡?

今晚我終於遇上了她,曾經深愛的她,但身邊的伴侶不再是我了!曾經同佢相處了那麼多年,一下子的感覺總是怪怪的!始終,我的的確確曾經為佢付出過沒有保留 的感情,的的確確曾經一心想同佢談婚論嫁!但最終換來的只是傷盡的心,流不乾的眼淚!不過,過去了的確是過去了!不過,對不起,我不會希望佢幸福,係佢教我的!或者, 我好希望佢有機會感受到我那天的痛苦!

ZOE問我是不是放不低,我只係覺得,我要珍惜我身邊的一切!

Thursday 15th February 2007 04:53:04 PM
年28洗邋遢[ 0 messages] 
無分類

今日我好努力咁清潔了我的工作枱,好累的一天!但好有滿足感!

Wednesday 14th February 2007 05:59:58 PM
14/2 情人節快樂[ 0 messages] 
無分類

情人節快樂!

今日睇到一段散文,內容係「關於香港女仔點去知道伴侶是否真心,是否嫁得過!」內容大約係話一個有錢的男人而又不介意無限貢獻的,就一定係好老公!
現今愛情的不穩定可能就係因為你永遠不知道幾時會有一個比自己條件好的人出現在你愛人身邊!情人節的意義是在比較誰有錢嗎?以前的「男才女貌」,今天變成 了「男財女貌」了!想好好令情人過一個美滿的情人節,男仔真係要好好工作!在一個講金多於講心的社會下,而女朋友同你講心,那真係三生有幸的!祝 各位都幸福快樂!

情人節的日子我睇了「冧歌有情人」,一套英式的愛情喜劇,好多笑位,不過都包含了不少浪漫情節!內容係講過氣歌手因為一首新歌而結識了天才作詞人女主角的故事!都不錯的一套戲!

Tuesday 13th February 2007 10:58:33 AM
Before 14/2[ 0 messages] 
無分類

今日如常無咩特別事情發生在公司,都係一件好事!無無聊聊咁過了一個工作日!
放工之後去了旺角剪頭髮,嘩!勁多人,我個星級髮型師勁忙,等了好耐先到我,一路等一路同那裡的Staff傾計!原來佢地一路都以為我十幾歲,好攪笑呀!不過今次可能因為太多人,所以我覺得好似剪得差過平時!
剪完就同Karen, Ivy去了食飯!雖然明天先係情人節,但街上可以發現不少女生拿住一束束花了!有情人的是情人節,那無情人的呢?是無情節嗎?今年我真係同往年有些不同, 情人節俾我的感覺不同了!今年連William都有女朋友了,身邊的朋友一個一個咁有情人了!連最似要孤獨終老的William都有拖拍,真係奇蹟呀∼
希望大家明天都開開心心,有情人的開心,就算無都咁開心啦!

Saturday 10th February 2007 12:11:13 PM
Normal Day II[ 0 messages] 
無分類

又係一日無無聊的日子,不過了解我的人都知道我有時係幾鍾意無聊的日子!特別係在忙完一大輪之後!
仲有一個禮拜就新年了,真係希望再快點!因為可以去玩一玩,好好休息,好好做自己的事!好多工作計畫好都無時間實行,終於可以有時間去完成了!
見到桃花就令我想到情人節就到了,今年同之前咁多年都有些分別,情況不同了!有些不習慣同有一點不知所措!不過遲一點就會習慣!

Friday 09th February 2007 11:57:11 AM
Annuel Dinner[ 0 messages] 
無分類

今日係公司annuel dinner的日子,真正第一次食annuel dinner的我心情不錯!好開心的玩呀食呀!

Thursday 08th February 2007 11:52:12 AM
破戒[ 0 messages] 
無分類

今日終於破戒食了雞脾,真係好耐無食喇!戒了好耐的雞脾,收藏了好幾個月的心情!原來咁快就過了幾個月!時間果然係不會停下來等人的!過了就是過了!

Wednesday 07th February 2007 11:44:53 AM
Automatic Sensor Tap[ 0 messages] 
無分類

今日同William去了沙田食飯,真係好耐無見佢喇!大家食下飯,傾下計!中間在城門河的厠所發現了一個手動的電子感應水龍頭!勁呀!哈哈哈!
前兩日病到就死,好彩都死不了!哈哈哈!希望真係大難不死必有後福啦!

Saturday 03rd February 2007 11:38:10 AM
Normal Day [ 0 messages] 
無分類

今日都無咩特別,只係去行下街食下飯!本來諗住去搵WILLIAM食晚飯,但後尾都無實行到!只係在尖沙咀同旺角行下!不過近來睇完TransFormers(變形金剛)的Trailer之後,好想佢快一點上映!好期待!又咁橋今日在玩具反斗城見到個人咁高的柯柏文公仔!開心!不過就無買任何東西呀今日!

Friday 02nd February 2007 11:28:33 AM
Friday Fever Night[ 0 messages] 
無分類

今日好開心,好快就做完手頭上的工作!近來為「父子」的出版攪到好忙,終於都可以輕鬆一下了!晚上同一班同學去了旺角NEWAY唱K!好開心,因為都好耐無咁大班人一齊出去玩了(有成八個人咁多呀)!
不過又係一如以往,我由頭唱到尾,唉!哈哈!我就好開心!

Monday 22nd January 2007 02:28:35 PM
生日快樂的餘韻[ 0 messages] 
無分類

每年的生日,小米都會等待小南的祝福!他們是情侶又不是情侶,他們是比好朋友更好的朋友!小米相信情侶總有一日會分手,但朋友可以一生一世!到底係咪真 係呢?我都有這一種感覺,好明白小米的心情,因為我都係一個好怕失去的人!又或者係因為仲未走出陰影的原故!亦因為咁,我不太想我的感情生活太公開!因為 到失去的時候就不會像之前一樣跌得一樣痛!雖然我知會對人好不公平,但我真係需要安全感!我需要時間去相信愛情!我需要多一點愛的証明,証明愛是實際的存 在!

Saturday 20th January 2007 11:19:21 AM
遊記@澳門之二[ 0 messages] 
無分類

今日睏得好舒服!真係好舒服∼不過因為要交房的關係,所以一點鐘左右就走了!走之前我仲沖了一個好舒服的熱水浴!幸福的熱水浴,因為真係好幸福!

離開了酒店之後,去了官也街食豬排麵、木槺布丁,好好味!不過個咖哩魷魚就太辣了,食得好辛苦!

今日真係食了好多東西,好似全日都係不斷食,食了好多好多東西!不過真係好relax,好舒服!

離開澳門之前仲食了一個好好好好味的流沙包!真係好好食的!

之後就上船返香港了!一個好幸福、舒適同開心的澳門之旅就完結了!期待下一個旅程,多謝你,對不起你!

Friday 19th January 2007 11:02:38 AM
遊記@澳門[ 0 messages] 
無分類

今日公司好多東西要做,好趕咁完成了之後就立即趕去碼頭離開香港!好有走佬的感覺,不過走得好開心!哈哈哈!

終於可以放下手上的工作好好咁玩一下!好開心!漁人碼頭好靚,好靚!同女朋友一齊去真係一流,所以大家記得帶女/男朋友去喇!好浪漫的!

Thursday 18th January 2007 11:14:46 AM
更新[ 0 messages] 
無分類

前兩日話要好好更新一下自己的東西,雖然無更新相薄,但我好好咁整理了工作的地方!以前混亂的工作地方,經我用了半天的時間終於收拾好了,好有成功感同滿足感!不過成功感同滿足感係要代價的,就係今日的工作會比較趕同好累!真係好累,因為把東西抬來抬去!真的令我感到疲累!大家可以玩玩PHOTO HUNTER,睇一下之前同之後有咩分別!哈哈哈!

夜晚出了尖沙咀食飯,去了「麵藏」食晚飯!我食的滑蛋雞肉飯好難食,好無味的雞肉!唉∼所以都無咩點食,好似好浪費咁!不過真係好難食嘛∼

今日聽新聞得知天水圍有對父母為了返大陸玩,所以留下兩個仔在家!但兩個小朋友最大的都只有兩歲咋!那對父母係唔係痴線呀?有無腦呀?無心照顧就無必要把他們生出來啦!世界上有好多方法避孕,無必要咁!就算要去玩都可以搵人照一照顧那對小朋友,我就不相信無其他方法可以解決!世界上有好多人想有小朋友但都無辦法,但你們有幸有自己的孩子又如此!你們根本無資格為人父母!(好有恨意!)

Wednesday 17th January 2007 04:49:55 PM
老了∼真的老了![ 0 messages] 
無分類

近來成日都無咩記性,咩都好易就忘記,記憶力好似漸漸被沖淡了一樣!好多東西都好易忘記,例如:沖涼時忘記了用了洗頭水未、放工又忘記除眼鏡...但又有些事情想忘記又揮之不去!好想睇占基利的「無痛失戀」、好想放假、好想去旅行!好想快一些到星期五去玩!

今日公司好靜,好多人都病了無返工!我都好想請病假!好想好想!

今日係KALLY的生日大日子!祝你生日快樂,同男朋友開開心心!大個女喇,要好好珍惜身邊的一個!生日快樂!講起我就好想睇「生日快樂」了!聽日就上畫喇,期待中!

Tuesday 16th January 2007 04:34:17 PM
醫院記[ 0 messages] 
無分類

今日公司有好多事要做,近來都係咁,成日都好多工作要忙!所以都無咩時間做自己的東西,例如:我的相薄都好耐無更新過了,其實有好多新相可以放上網,但真係無咩時間!希望農曆新年之前可以更新一下,等大家可以睇下!

放工之後立刻趕了去醫院,因為有個親戚入了醫院,(希望佢早日康復)!講開入醫院,我好似自出世後都未入過醫院了,都係一件好事!突然間好想去醫院影下相!感受一下醫院的感覺,因為喜怒哀樂都可以同一時間在同一個地點見到!

去完醫院之後,同一班表哥去了食飯,順便睇下表哥個B!五個月大,好得意!但因為夜了,個B都睏了!所以都無正式同佢玩過,希望佢地一家返澳洲之前可以同佢玩一次見一次面啦!

Monday 15th January 2007 04:19:06 PM
Unhappy Day ~[ 0 messages] 
無分類

今日一返到公司就俾人話,但件事又不是我的問題!主要係印刷廠的問題,但點解一有問題就覺得係design的錯?唉!今天心情真的好差,好無心機!有時我真係做到有些灰!對做design開始越來越心淡,所以好想放假叉叉電!不過又何來假期呢?

今日玩了一個超白痴玩意,「紅燒白兔」(見圖)!真係好無聊的我!哈哈哈!

Sunday 14th January 2007 07:15:55 PM
The Holiday[ 0 messages] 
無分類

今日好舒服咁睏呀睏,睏到食Lunch!之後去了電腦節,諗住買KEYBOARD,不過真係好多人,所以行了一陣就走了!離開之後去了奧海城睇戲!「緣份精華遊」係一套英式的愛情小品,好有「LOVE ACTUALLY」的感覺,但又比佢集中同精采!四個男女的愛情生活由一會交換假期而改變!戲中各人都把平凡的愛情變得不平凡,一套絕對值得一睇的愛情片!好鍾意生活化的愛情感覺,有時愛情並不是下下都係生離死別先浪漫,只是一些好生活的事情都可以好甜好幸福!但往往習慣了平淡生活的人並不珍惜平淡是福的道理,兩個人無咩風浪要經過係一件好難的事!

禽晚玩了今期新MONDAY的心理測驗,都幾準!大家都不妨試試!明天又要工作,好想放假,治療未好的傷痕!好累,每一天都還是身心疲累,為何還是這樣累?是我的問題嗎?

Saturday 13th January 2007 08:01:00 PM
妳是我的命運[ 0 messages] 
無分類

今日終於可以好好咁休息了,好舒服咁過了一日!下午的時候終於睇了「妳是我的命運」,一套買了很久的戲!這套戲買了很久,一直都無睇到,有一段時間我仲忘記了我買了它!今日終於把它看了!「遇上妳是命中注定的,妳坦誠真摯的愛,不離不棄的照顧,令我明白愛妳就是我的命運!」遇上心愛的人係一件幸運的事,但如果相愛而不能愛是一件多麼痛苦的事!愛一個人並非說說就可以,愛一個人一世唔係一件難做的事,但要一個人愛你一世就唔係一件容易的事!愛雖然唔實在,但愛一點都不是假的!男主角對女主角的一往情深,愛妳是我的福氣是我的命運,就算上天給我們的時間唔多,但我都會好好珍惜每一日,好好咁愛著妳、照顧妳、關懷妳!好感動的一套片,好鍾意韓國的愛情片,細膩動人!好想「生日快樂」快一點上畫,好想好想睇愛情片,好想好想好好咁喊一場,好想好想!

Friday 12th January 2007 08:00:04 PM
Enjoy my life ~[ 0 messages] 
無分類

今日係經理人放大假的第一日,工作還算順利!無咩特別事情發生,好快就將工作完成了!今日公司好似好靜咁,因為大家禽晚都飲了酒!哈哈,佢地仲好似話飲曬人地所有酒!好攪笑,不過應該好開心!我真係病了,好嚴重的感冒!今日Leona知道我病了,沖了一杯蜜糖水給我,好感動! 多謝你們的關心!我好鍾意一家人的感覺,返工都會開心一些!

經理人,你去韓國玩要小心照顧自己,唔好見到靚仔就跟人返屋企呀!哈哈!希望你玩得開心啦!放心去玩啦,我會小心工作唔會要你擔心的!

Thursday 11th January 2007 07:57:21 PM
白頭到老,永遠幸福快樂[ 0 messages] 
無分類

今日公司有個同事結婚,大家都好開心!上上下下都期待著夜晚去飲,雖然我無份去,但我都好開心,畢竟結婚係一件好開心的事!唔知要到幾時我的朋友會結婚,而我又結了婚未呢?不過結婚可能對我來說仲很遠,至少我仲未有能力照顧到一個人!
在此我祝你們白頭到老,永遠幸福快樂!

Wednesday 10th January 2007 07:55:11 PM
Iphone[ 0 messages] 
無分類

工作工作同工作就係我今日要做的事,禽晚部電腦俾我整壞了,好彩只係壞了部PC,我仲有部MAC可以用!不幸中的大幸!禽晚睇完Macworld,知道了Iphone將要面世,真係好開心!希望唔洗真係2008年先至可以擁有啦!

Tuesday 09th January 2007 07:54:09 PM
My Work ~[ 0 messages] 
無分類

今日有好多工作要做,心情真係一般!對於工作越來越感到灰心,近來的工作好似好不如意,經常都只係做一些細片!越來越感到自己沒有重要性,我好怕會一直這樣下去!不得意事好似每日都和我遇上一樣,莫非這就是我的人生?我唔接受這樣的人生,突然間我真的有辭職的意欲!但我暫時唔會,因為係Helen(我阿頭)唔計較我無經驗咁請我!希望之後會好一點,工作上會多一點成就感啦!其實我真係好鍾意這份工,因為我好喜歡我的同事!

Monday 08th January 2007 11:40:26 AM
HK World Carnival[ 1 messages] 
無分類

今日超開心,好快就做完今日的工作!好勁!哈哈哈!所以好快就可以放工去玩,Hong Kong World Carnival終於去到了!好開心,好好玩!雖然我無玩機動遊戲,但都好開心!因為玩到好多公仔,初頭都怕咩都無,好彩都有點交代!哈哈哈!時間在快樂的時候過得特別快!好快就要走了,如果我會玩機動的話一定無時間玩完全部遊戲!開心的一夜!

Sunday 07th January 2007 10:57:57 AM
Hear Me Cry ~~[ 0 messages] 
無分類

今日真係可以休息一下,游游閒咁過了一個早上!不過下午去了交政府的錢,成$5000!好好好肉痛!唉!今個月又無錢用喇!今日突然去試了一些新的路,原來以前的我真係太安於現狀,有好多其他的路我係未試過!人原來真係有一個成熟的時候,到了就明白從前的不智!我要努力見多一點,識多一點!好好的為自己增值,好好的為……!成熟了,換來笑容少了、眼淚多了!不過往往都係往心裡流!突然間,真係好想好好咁喊一場、可以不論形象咁喊一場!
< Hear Me Cry >
You couldn's say needed someone new
You actually thought deep inside I knew
Can you tell me how can you say
Why this should suffice
You passed me by And your eyes as cold as ice (You passed me by)
Did you see me cry (Did you ask yourself why)
Did you see me cry (Did you ask yourself how)
Can you hear me cry (Did you ask yourself)
Will we ever grow apart I would where we will go
Will we be the same (You passed me by)
I laugh inside I think of you And the lovewe made (You passed me by)
Tell me why this should suffice
I hold you through the night
Now will I let it go, soon
I'll let it go
Can you hear me cry ( Will you ask yourself why)
Can you hear me cry (Will you ask yourself how)
Can you hear me cry (Will you ask yourself)
Will we ever grow apart You, I'll stand by your side
I'll be there for you (You passed my by)
You, I'll stand by your side Please just do me right (You passed me by)
You, I'll stand by your side I'll be there for you

Saturday 06th January 2007 10:54:43 AM
Love's Rest ~[ 0 messages] 
無分類

今日本來好想好好咁休息一下,但後來都沒有實行!唔緊要啦!休息可以用另一種方式,另一種途徑!夜晚同屋企人打邊爐,不過我都無點食,近來真係打好多邊爐!之後去了沙田同大把食消夜,好好味、特別好味!食完之後個人暖了很多,好溫暖!

Friday 05th January 2007 10:50:23 AM
Good Bye ~ Jannie[ 0 messages] 
無分類

今日因為公司有人要走,所以一大班人去了葵芳食飯!好好食的一間飯館!食了好多東西,花膠粥、聖子、南乳雞…好多好多!好好味!不過因為老闆娘同我一圍,所以點都要斯文一點!到下午茶時間,老闆娘同要走的同事請食下午茶!我當然係食好好味的紅豆沙豆腐花啦!晚上去了南翔食小籠飽,好好食!又係一個開心的夜晚,雖然去唔到嘉年華、睇唔到戲!但只是一餐晚飯都好開心,有時開心可以簡簡單單!

Thursday 04th January 2007 10:48:07 AM
Love havin' rememberance[ 0 messages] 
無分類

今日公司好多工作要忙,做呀做,好快就做到放lunch!lunch之後就繼續忙,一路聽收音機一路做!但當到「黃金少年season III」的時候,我就好專心咁聽,因為仲有聽日就播完!好鍾意個故事,有時就算可以回到過去又真的可以改變過去、改寫未來嗎?如果可以去愛,更加應該珍惜現在!「有能力自然有價值,但關於愛情我們都無能為力!」就算一個同你拍拖多年的人都會突然離開你,而原因同答案都只是「對不起」!所以愛情係最捉不緊的東西,唯一可以做的是好好珍惜每一刻的相處!而愛情亦係最易有陰影的一件事!我的陰影係……突然再不能相愛!我的傷口到那一天先可以結疤?有時我真係覺得愛情好無安全感,對方會突然忘記、或者她身邊已經有另一個人存在!同時我亦害怕我的不安會影響我之後的,命中注定的那一位!我希望我一生只得一位,但事實又可以如願嗎?有人講過沒有失敗過於愛情的人,算不上談過戀愛!如果真係的話,我真係寧願無談過戀愛!因為真係會好痛好痛!

Wednesday 03rd January 2007 10:33:45 AM
Happy night [ 0 messages] 
無分類

今日在公司都無咩特別事要趕,所以都過得幾快!今日唔知點解十點鐘左右我個肚就好鬼死餓,好辛苦咁先等到放lunch!到放工時候,我就同班同事去了旺角打邊爐!好開心咁食了一餐飯,之後同大把行了旺角!溫馨的一個晚上,溫暖的一日!希望日日都可以係咁!但世事無常,我好怕最快樂的時候係最痛的時候!

Tuesday 02nd January 2007 10:16:27 PM
「生日快樂」[ 1 messages] 
無分類

今日本來應該無咩事做,但點知突然要趕幾樣東西俾公司!所以本來好好的一日又變得忙忙碌碌!唔知係咪因為假期之後,所以好想享受陽光、好好咁睇一本書、好好咁睇場戲(入了這間公司之後,反而少了入戲院睇戲!)!好想睇一場愛情片,好想好好咁笑一場喊一場!好期待「生日快樂」,希望佢唔好令我失望啦!唯美風格的影片真的好吸引我,柔焦的鏡頭、背光有少少爆的背景!係我的攝影風格,同時亦係我喜愛的岩井俊二式風格!

Monday 01st January 2007 01:00:10 AM
Happy New Year ~[ 0 messages] 
無分類

新的一年又到!上一年發生了好多好多事!畢業啦,正式返工、轉工及辭工…上一年都算係人生比較動盪的一年!亦因為咁,我的網誌都好像沒有每天更新!好多事情都好似被遺忘了一樣!可能係我自己想刻意遺忘,亦可能係太多事情令到想記也記不了那麼多!不過隨著工作漸漸穩定下來,我的網誌亦跟著從生!1月1日,一個新的開始,希望今年每天所發生的都是好事,至少快樂多於失落、團聚多於別離!人總需要成熟、長大,而2006年亦成為我成熟得最快的一年!因為一些人、一些事,不得不令我好好咁諗一些自身要面對的問題,好好反思自己的不足!感覺上自己好似老了十年,身心都有一點疲憊!過去的一年,好多事都未能最好的完成,但願今年比往年好!

Sunday 18th June 2006 01:31:27 AM
Wat is Luv ??[ 1 messages] 
無分類

今日有個朋友俾左個問題我!就係到底拍拖為了什麼?有時我真係唔明點解拍拖唔係為左一齊生活!雖知道拍拖未必一定有好結果,但如果對方知道你根本無認為佢係結婚對象的話,佢有幾唔開心你又知嗎?雖然佢無咩特別的能力,又唔係有錢!但佢對你一定比很多人好!有時係咪真係要到失去了才珍惜先係好呢?點解唔可以珍惜多一些對方?或許你真係有太多選擇可以選,但當中又有幾多個係真心對你呢?佢為了你努力工作,希望能夠陪你的時候有錢用,但你又明唔明佢點解要咁做呢?佢就係怕比別人比下去!縱然你話過唔係好錢來比較,但一講到結婚對象的問題,佢的條件的確俾比下去!佢的確無咩能力帶你去好貴的地方食一餐飯,無咩好貴的東西送俾你,但佢已經好努力咁為你加油!人並不每個都有一個好好的家庭,有一對照顧到屋企的家人,有一個搵到錢的哥哥或姐姐!佢的努力你又見唔見到?至少佢昨晚無睏過但今朝一樣希望俾到愉快的一日你!佢盡的努力又有誰感動?我都知我唔應該多事,因為兩個人之間的事,外人唔可以多嘴!珍惜多一些,試想想佢的確希望成為你的結婚對象,為此有多努力,希望你明白!

Saturday 10th June 2006 10:22:54 PM
攝影師之路…[ 2 messages] 
無分類

今日好努力咁做report,但唔知係咪心情一般所以進度一般!今日都有一個好消息,就係bikehk.com叫我去見工!開心的!因為佢係一間既係web但都要做photo的workshop!因為我比較想成為一個真正的攝影師,我知攝影師之路唔易行,但我都想去試一試!不過唔知佢會唔會請我!不過諗太多都無用,try my best就ok!而且我睇過佢個網站,都唔錯,但唔知自己跟唔跟到!其實做咩都係邊學邊做,只要唔怕辛苦努力去學的話,無話做唔到的!今日聽番一些舊歌,好多舊歌的確好好聽的!

< 好想你 >

Hi My one and only 這麼多天沒見
可是我總想起你的聲音在我耳邊
今天心情好嗎 是否不愉快
要一切都看得開 世界沒有太壞
雖然不在你身邊
我的心有一條線 連著你 牽著你

我好想你 想到願意相信
我就閉上了眼睛 你在這裡
別忘記 我們的約定
一直都在我心裡
不管你在哪裡
不要忘了我有多麼愛你

不要忘了吃飯 不管有多忙
不要忘了開車時候 一定要往前看
其實我真的很快樂 有你一直守候
一直走到了以後都挽著你的手
雖然不在你身邊
但我在你心裡面 我願意 等著你

我好想你 想到不能呼吸
想到全身沒力氣 沒有關係
你別忘記 我們的約定
一直都在我心裡
不管你在哪裡
不要忘了我有多麼愛你

我一直在這裡
不要忘了我有多麼愛你

Friday 09th June 2006 05:16:46 PM
2MoNtH aNd 2mOnTh[ 0 messages] 
無分類

今日無無聊聊咁過了一日,雖然有一點點悶,但我都要習慣一下!好唔習慣無聊的日子,真係估唔到到我無聊的時候反而覺得唔習慣!而幸好我還是要做一本鬼死咁厚的Final Project Report,成本書咁厚的確係一件煩事!今日黑色暴雨,所以我份report可以遲少少交!可能係個天都幫我,因為我為Karen攪生日!哈哈哈!否則我一定做唔晒!好彩黑色暴雨出現得合時!今晚世界杯開鑼,第一場係德國對哥斯達尼加!好精彩的幾個入球,可惜德國隊波真係唔多似強隊!希望佢之後會好好多啦!否則好難打到入決賽!今晚得自己一個睇波,真係唔多開心!我都好想落吧同一大班人睇波,就算落清吧傾下計都好!有些寂寞的感覺!不過睇波我會同男仔去多,因為可以玩得盡興一些!

每一個晴天,每一個……開心唔開心都印在天空之中!願我看到的亦是你看到的,願開心的日子比傷心的日子多!

Thursday 08th June 2006 07:07:00 PM
Happy Birthday to Karen !![ 0 messages] 
無分類

今日係Karen的生日,嘩…近來真係好多人生日!本來今日應該係去海洋公園,但因為人數的問題去唔成!因此最後我們去了唱K,去了旺角Green Box!雖然唔係好多人,但都總好過無啦!最緊要係開心!今晚我們有一餐食唔飽的自助餐、一個切唔開的雪糕蛋糕、一支似啤酒多過似香檳的香檳,雖然係咁,但仲有一班好朋友就可以將以上的東西變成美好的東西!有好多人今晚都因為有事忙,來不了,但我們都好開心咁唱了一晚歌!不過真係neway好一點!下次都係去Neway算喇!希望到我生日大家都唔好咁忙啦!有一些怕……今日我都特登唔做個report出來陪你喇Karen!係咪好老友呢!朋友嘛!最多今晚做通頂!今晚講開STEPHY的「獨家試愛」,點解我無睇?因為我真係好唔鍾意個結局,我真係接受唔到自己鍾意的人心裡有別人!而且……算啦!總之我就唔想睇!雖然好多人都話好好睇!好開心!今晚雖然係Karen的生日,但我都有禮物收,哈哈哈!多謝阿欣!

Tuesday 06th June 2006 07:09:18 PM
Zoe 生日快樂![ 1 messages] 
無分類

今日出左旺角,因為William要整佢部電腦,我就要陪佢去!整左成日,唉……!整咁鬼耐都未整完,激死!之後去左同Zoe攪生日會!雖然唔係好好,但都開心的!Zoe…記得唔好提我地去左邊做左些咩!記得!我唔想俾太多人知我咁廢!所有相關人士都已經被迫禁止在此留言!哈哈哈!記得唔好爆出來!哈哈哈!生日快樂!生日快快樂樂!

Monday 05th June 2006 07:11:43 PM
I v Y @ 尖沙咀[ 0 messages] 
無分類

今日出左尖沙咀影相!好開心Ivy再一次俾我影!多謝你!今次比上一次自然好多,我今次真係好滿意!多謝你!下次一定要再影呀!一定一定要!上一次真係唔夠時間影,所以真係好硬的笑容!今次very good!好開心的一日!William都影左唔少相!唔錯!今次算係William第一次正式影人像!都唔錯呀!努力!今日影左成日好累了!真係好累!返到屋企仲要好好咁tune一下那些相!

Thursday 01st June 2006 07:13:42 PM
菠蘿油 + 凍檸樂[ 0 messages] 
無分類

今日係我農曆生日,下午因為William放假,所以我們去了影相同行下街!在尖沙咀無無聊聊咁行左一陣,就一路行返落旺角!途中經過一間好舊的餐室,所以我們就入左去食下午茶!一個菠蘿油加一杯凍檸樂就係我的下午茶了!正!但可惜佢唔俾影相,我只係偷偷影左一張咁大把!哈哈哈!夜晚返左屋企食飯,婆婆都有到,好開心!今日真係好累了!好累了!

Wednesday 31st May 2006 07:15:33 PM
HaPpY BiRtHdAy To NiCk[ 0 messages] 
無分類

今日去了海洋公園,可惜唔係去玩,而係去換飛!因為要在五月之前先可以換!勁煩!都唔明點解一定要入去先換得,寄去我屋企唔係仲方便嗎?真係麻鬼煩!咁我就去左換,換完之後本來諗住去黃金那邊食豆腐花!但最後都去唔成,下次先啦!就咁我就返左屋企,無無聊聊咁在家中自閉!哈哈哈!一個端午節就咁就無聲無色咁過了!

阿全生日快樂!祝你同阿Ling一直都咁sweet!

Monday 29th May 2006 07:18:01 PM
LaSt DaY @ KwUn TuNg IvE[ 0 messages] 
無分類

今日係final project的final presentation!好緊張!成晚無睏,因為要趕起所以音樂!雖然好累,但都一早出了觀塘,因為今日方生同Ivy去出機票!其實都無咩可以幫到,但出一出現都係一件好事!之後我就返學校迎接我的presentation了!今日好多人都著得好formal,而我就……唉!真係要做番套西裝先得喇,因為總係覺得有少少失禮!不過,今日因為太多人要present喇,所以尾二一組的我們要第二日再present過!唉…今日返來為何呢?(生氣)雖然咁講,但今日就好似我們的last day一樣!大家都有影相傾計,而因為阿全過兩日生日,所以我們出了旺角食飯!就算再累,我都想出席,因為一大班人出街食飯的日子可能越來越少!大家之後都有各自的生活,工作!在出發去旺角的時候,係我同阿傑先去,因為佢要接佢女朋友!就係咁,我陪佢出去旺角先!阿傑女朋友之前見過兩次,係一個靚女!而且好照顧阿傑,所以阿傑真係好鍾意佢女朋友的!晚飯就去左廟街食煲仔飯!好好食!可能因為係天氣熱的關係,所以都無咩人,因此唔洗等位!正!大家一路傾計一路食飯!開開心心咁過了一個晚上!身邊有朋友的生活係開心的!唉…可惜有一些人唔知道這個道理!

Saturday 27th May 2006 07:24:00 PM
Friend @ my life [ 0 messages] 
無分類

今日同Ivy去左馬鞍山公園影相,影左好少時間就要出返觀塘!不過都好多謝你在我唔開心的時候俾我影下相!之後我、方生同Ivy去左觀塘攪機票去台灣!唉…我都好想去!可惜之前去完,無錢再去!不過今日勞小姐早收,所以攪唔到!之後去左apm,行左無印!買左一些東西遲一點用!晚餐方面係方生請,多謝你!亦因為方生你,我第一次上雜誌!東週…!

其實本來今日係好唔開心,但多謝你們陪我,今日開心番好多!多謝你們!

Thursday 25th May 2006 07:25:32 PM
Happy Birthday to my Son !![ 1 messages] 
無分類

馬騮咪生日快樂!今年兩歲喇!生日快樂!

Monday 22nd May 2006 03:43:16 AM
尹光演唱會[ 1 messages] 
無分類

哈哈哈!好開心!今日去左睇尹光的演唱會!勁正,好好睇好好笑!因為我真係好鍾意同佩服尹光,因為佢真係好與時並進的一個藝人!佢好明白自己的定位,好了解身邊發生的事!佢好似話七月會有個正式的演唱會,我到時一定會再去!今晚睇完之後,個人真係開心左!好多謝樂同圓鈷碌陪我這個無聊人!好開心,可以同尹光(張相)合照!哈哈哈!

Sunday 21st May 2006 03:44:53 AM
Happt Birthday ! William[ 0 messages] 
無分類

生日快樂呀!今日係William生日!祝你找到你心儀的人(都唔知係男定女)……哈哈哈!

Friday 19th May 2006 03:41:18 AM
K time X 未解決![ 0 messages] 
無分類

今日返學校考英文,我因為好遲先知,所以都無咩點溫!唉……希望唔會唔合格啦!之後我同班同學去左唱K,本來係去Neway!但因為無位,所以去了GreenBox!都好!俾左間大房俾我們,所以好開心!今次仲有阿傑請,多謝阿傑!因為之前幫佢做左個網頁,所以佢先請我!哈哈!好開心!唱左好多歌,講左好多笑話,好開心!不過阿傑同大同好開心咁不斷講未解決!哈哈哈!勁攪笑!

Saturday 13th May 2006 06:01:41 PM
HaIr CuT[ 2 messages] 
無分類

今日一早去了旺角剪頭髮,又剪了!今次又係同William一齊去剪!因為佢之後要返工,所以我們要一早去!其實初初都怕未開,但好彩開了!哈哈哈!開心!今日好開心!因為……哈哈哈!今日發現了有人copy我的Art work,開心之餘都想攪清楚點解唔通知一聲我!我又無話唔俾人用,但至少通知我一聲!因為我有copyright的!你咁用,我真係可以告你的!不過見到你咁鍾意我的作品都開心的!放心,我一定會保留追究責任!

Wednesday 26th April 2006 06:00:41 PM
專業的攝影師[ 0 messages] 
無分類

今日我part-time做攝影師,做全港學界短片比賽的攝影師!哈哈哈!好開心!但因為昨晚打完排球的關係,對腳近乎唔用得!唉……仲要走上走落,好難過的一日!不過身為專業的攝影師,到正式的時候都一定要完成職務,而且要盡量做到完美,這是我的宗旨!

不過換來的是……有幾日真的行唔到!唉……不過我覺得值得的!因為一係唔做,要做就唔好做得唔好!

Tuesday 25th April 2006 05:57:24 PM
打排球…[ 0 messages] 
無分類

今日我約了阿欣去沙田教佢用flash!雖然我都唔係好得,但教人用同寫網頁,我都仲有能力的!哈哈哈!就係咁就過了一個下午,而夜晚我就約了方生去旺角打排球!好多年無打喇,唔知仲記唔記得點打!其實我想打好耐,但一直都搵唔到人打!因為要搵咁大班人打排球唔係一件易事!所以好開心可以再有機會打排球,當年的排球隊隊長終於可以出山喇!不過已經不能同當年比喇!因為無打成五六年了!不過好彩都仲打得兩手,哈哈!真係好開心咁過了一晚!

Wednesday 12th April 2006 05:56:12 PM
朋友都在身邊![ 0 messages] 
無分類

今日去了阿四屋企幫佢整電腦及!佢部電腦成日都壞,但身為朋友都唔會因為佢住得遠而唔理佢的!因為大家係朋友!咁整好之後,我們約了阿全、阿欣、阿傑同Judy去了尖沙咀食飯!都幾好食的一間印尼餐廳!食完之後,我們一班人行左一陣,阿四同Judy就走先了!我們就去了海旁傾計,咩都傾!好開心!同一班朋友傾計、吹水、飲野係一件好開心的事!有咩開心、唔開心都可以講!朋友就係可以咁先係朋友!

Tuesday 11th April 2006 05:54:47 PM
LaSt DaY On AsIa ExPo[ 0 messages] 
無分類

今日就係一連四日展覽的最後一日,心情有一些不捨!因為這幾日都玩得好開心,識了一些新朋友︰方生、Ivy、Kelly、Kitty…仲有一些Designer!日日都好似好快過咁,因為真係做得好開心,不過今日就最後一日了!唔知之後大家仲有無機會會見面呢?

Saturday 08th April 2006 05:52:52 PM
亞洲博覽館[ 0 messages] 
無分類

今日係我第一次去亞洲博覽館!點解入去?因為我要去幫手做展覽,順便可以識多一些設計師!哈哈哈!又有錢收,又可以識人!真開心!第一次入去,感覺真係唔錯!好大,大過會展!而且好新,總之就唔錯啦!不過就真係遠了一些,它位於機場!好彩有免費穿梭巴士,否則就車費都唔少了!哈哈!不過這裡食lunch就好貴,所以我選擇了買乾糧入來當午餐!開心!第一日的工作都比較多,我的英文、普通話同廣東話不停交換!好彩都應付得到,不過主要都係因為partner利害!哈哈哈!

Saturday 25th March 2006 05:51:33 PM
Pat & Winnie DAY[ 0 messages] 
無分類

今日幫我表哥影婚紗相,雖然好累!但都好開心,因為影得都唔錯!不過新相機唔係好識用,好彩技術補救!哈哈!不過新機的確勁過部舊機好多!但我都仲好鍾意我部300D,因為佢陪左我影了好多好靚的相!希望新機30D會令我有所突破啦!

仲有祝 Pat & Winnie幸福快樂!

Wednesday 22nd March 2006 05:50:16 PM
Macbook Pro ~~~[ 0 messages] 
無分類

今日朝早繼續拍攝,而女主角亦搵Judy個妹頂替!今日全日都在拍,無奈地我都要參演一角!好無奈…有我份,條片一定好爛!哈哈!

不過過了成朝的辛苦之後,我今日Macbook Pro終於到手了!哈哈哈!好正,勁靚,好開心!不過因為要叉電,所以今晚都係試唔到機!不過唔緊要,因為已經到手,慢慢試都無所謂!好好好靚!希望唔好唔識用啦!

Tuesday 21st March 2006 05:48:04 PM
綠房 Part 2[ 0 messages] 
無分類

今日入了綠房拍片,今次的材料比上一次好好多,拍攝亦順利不少!但可惜原本的女主角唔想拍,令到我們的拍攝有一大問題出現!因為要搵一個新的女主角,所以又要拖多一日!時間越來越少了……

Friday 10th March 2006 05:45:20 PM
很愛看愛情片的Siren[ 0 messages] 
無分類

今日去了睇「我和我的女友」,韓國版的「在世界中心呼喚愛」!故事係一樣,有少少表達手法的唔同!如果問我日本好些定韓國好些,我會講日本好一些!因為交代男主角在沒有了女主角之後的生活,日本版的確比較多!這樣令我們更明白到男主角有幾慘!「我比妳遲出現在這個世界上,所以我沒有一日沒有妳的存在!但之後我就要一個人過著沒有妳的生活了!」一句我好鍾意的對白!每次聽到這句對白時都會好唔開心!而「我和我的女友」就真係少了一份痴心的感覺,沒有好好交代男主角怎樣過沒有了她之後的生活,我自己覺得比較可惜!反而阿爺的角色在「我和我的女友」中比「世界」好!因為「我和我的女友」中的阿爺親手送佢所愛的人最後一程,好一句︰「以前無買過一件衫俾妳,今日終於親手做了一件俾妳!」可惜這件會成為最後一件!睇了那一幕,我真的好唔開心!有時相愛的人都被天作弄,明明相愛但不能走近!

上個月我還看了另一套韓片「真的愛你(Sad Movie)」!片如其名,係一套傷心的電影!但拍得好好,配樂好好聽!睇完套戲我都立即去了旺角買了它的OST!雖然係由好多個小故事組成,但到最後又有一個完整的內容!這套片提及好多種情︰親情、愛情、友情!亦都表現了好多種心情︰失戀的心情、熱戀的心情、初戀的心情、幸福的心情、失去至愛的心情!有人說過一套戲可以令觀眾去感受一些從未感受的感覺或經驗,這套戲就令我在兩個小時裡感受到悲歡離合!睇完之後都仲好記得一些場景,可以話令你有笑有淚!例如男主角知道自己一定會死,佢身邊只有一部閉路電視,雖然唔可以留下聲音!但佢用手語留下佢最後的心意,對女主角說出「我愛你」「好想妳嫁俾我,但現在不能了」的一些話!有時幸福就係咁一剎那就走了!睇完之後,心情真的有少少唔開心!不過可以說,這套戲的確值得一看!

Thursday 09th March 2006 05:39:56 PM
Macbook Pro 走了…[ 0 messages] 
無分類

今日本來可以去銅鑼灣取我的Macbook Pro,但最後又因為有一粒死點而取不走!我都知道有一點死點唔係咩大件事,但如果係完美唔係會更好嗎?所以最後都係要等多一個禮拜先有機用!唉……唔開心!之後陪了阿全去太古城買東西,晚餐方面就係打邊爐!我其實想去好耐,但次次都有些問題令我去唔到!今次終於去到了,都唔錯呀,幾好食!雖然係food court,但一點也不錯,值得推介!下次等我試埋個鐵板燒先,希望都一樣好食啦!今日有開心,有唔開心!但總算過去了…希望星期一或二真係有一部完美的Macbook Pro到我手啦!

Wednesday 08th March 2006 05:37:15 PM
綠房[ 0 messages] 
無分類

今日去了綠房拍片,主要係拍真人夾3D的場面!唉……無了部相機真係好唔方便!都唔知幾時先出部新機,不過就算出都未必有錢買!唉……有少少擔心!今日第一次正式用HDV,初頭都擔心唔識用,但原來同部普通DV無咩分別!開開心心咁過了一天,但我知道開心過後就係大件事!一定好多東西做同會好趕!……唉!希望一切順利!

Tuesday 28th February 2006 05:10:19 PM
Fun and See [ 0 messages] 
無分類

加洲時間28/02/2006,Apple又有新產品推出!究竟係咩呢?我就好期待喇!到底係新i-pod?新i-book?定係一些估也估不到的東西呢?不過就已經有好多人諗了好多東西出來,到底有幾多件係真的呢?好好好期待!

Wednesday 22nd February 2006 05:09:09 PM
Adobe Show[ 0 messages] 
無分類

今日去了聽Adobe的新產品發報會!有一餐午餐食,雖然唔係咩大餐,但都好好食!今次發報會不是在會展,而係朗豪酒店!唔錯,會議室的確唔錯!而且今次的禮物係旅行用插頭,超有用!一件好實用的禮物,因為只要係去過外國工作的人都一定會明白旅行用插頭係幾咁緊要!今次仲係一set咁的,下次去旅行都方便好多!至少插notebook唔洗週圍搵插頭!一件好貼心的禮物!

聽完之後,我們去了九龍灣玩孖寶賽車!好開心!雖然次次都係我包尾,但都開心!因為有人仲慘過我!哈哈!夜晚上了William天台,傾計食飯!就咁就過了一日!Macbook Pro到底你幾時先到我手?好想念你!

Tuesday 21st February 2006 08:46:52 PM
Canon 30D[ 0 messages] 
無分類

今日Canon正式發表傳聞中的30D,不過真係好失望!它的spec真係同部20D無咩太大的分別,唉……期待換來失望!不過點都會買,因為我舊的那一部已經賣了給William!所以我點都要買的了,不過真係唔知買20D定30D好!因為都無咩分別,所以我諗都係睇價錢而定!唉……Canon我今次真係對你有些失望!不過今次支援 3.5% 點測光模式,這也是 Canon 首度將點測光模式下放在此級距的相機,都叫好一些啦!但還是8.2MP,就真係唔多開心!眼見D200都過了10MP,而30D就……唉!不過話雖如此,但點測光又的確幾吸引!唔通我同3字都係有緣一些?

Tuesday 14th February 2006 08:40:31 PM
情人節快樂[ 2 messages] 
無分類

「世界上最遙遠的距離是什麼?就是我在妳身邊喜歡妳而妳不知道!」係一套片的對白,不過已經唔記得了是那一套! 不過由小豬把口說出,都變得攪笑!

Wednesday 08th February 2006 08:36:53 PM
626 626 626 626 626 .......[ 0 messages] 
無分類

今日樂突然放假,所以我們出了街!去了旺角,食了好旺角的生滾牛肉粥、南乳豬腳撈、爽魚皮(唔係炸魚皮,真係爽的!好得意,都幾好味!佢唔係日日有的,只是星期三同星期日供應)有機會不妨試試,好得意!好好味!我真係幾鍾意食好旺角!另外今日買了好多東西俾個仔!最鍾意都係個626頭套!勁得意,好可愛!

Tuesday 07th February 2006 08:35:57 PM
情人節?情人節禮物?[ 0 messages] 
無分類

今日去了尖沙咀同阿四打了半日機,哈哈哈!好開心!哈哈哈!之後阿全放工就三條友去了旺角,阿四同阿全要買禮物俾女朋友!我今日的職責係幫他們眼、俾適當的意見和介紹地方!哈哈!好開心!他們買了什麼?天機不可洩漏!哈哈哈!過了情人節之後先再講他們買了什麼(如果我仲記得講的話)!總之他們的禮物都好有心思同好靚!

Monday 06th February 2006 08:34:20 PM
爸爸生日快樂![ 0 messages] 
無分類

今日係爸爸生日,我們去了新城市食飯!係食避風塘,好好味,而且環境唔錯!不過真係好鬼貴,好肉痛!好鍾意佢個燒鯖魚,好好味!其實樣樣都好好味,初頭驚爸爸唔鍾意食,但好彩佢都鍾意!哈哈哈!開心!之後樂車了我們去西貢食糖水,好耐無同爸爸媽媽去過西貢了!一家人行海邊,夜晚的海風好舒服,吹得個人好舒服!之後去了滿記食糖水,我今次唔食紅豆沙豆腐花,轉食楊枝甘露豆腐花!嘩!好好食,個楊枝甘露同豆腐花的豆味好夾!好味!正!在行海邊的時候,阿爸問我點解唔在西貢食海鮮?……我本來都無諗過入西貢,所以真係無諗到在西貢食海鮮!下次啦!下次一家人出街食飯的時候可以試試!不過就辛苦樂你了!哈哈!

Wednesday 01st February 2006 08:31:11 PM
PSP ---- New toy !![ 0 messages] 
無分類

今日出了街買PSP,因為……哈哈哈!買了一部白色的!近來好似買了好多東西,真係要節制一下了!夜晚阿全都出現一齊食飯,我們去了四季食飯!好開心,好好味!

Tuesday 31st January 2006 08:29:17 PM
Happy Birthday for Cindy !![ 0 messages] 
無分類

今日赤口,即係大年初三!今日我同妹妹、媽媽去了荔景同親戚拜年!因為所有親戚都會去,成個新年就係拜這一日年!哈哈!有好有唔好啦!今日各樣都好好,只係同樂有少少吵架!可能真係赤口的關係啦!另外,今日見到我表哥,佢有帶佢部350d出來!我老實講對350d真係無咩太大的好感,但今日無聊無事做,去幫我表哥整理佢部機!都叫有事做無咁悶!哈哈哈!350D的確唔係my up of tea!唔係話佢唔好用,只係手感唔太好!因為我成日都去影相,所以手感對我來說好重要!如果只係玩玩就無咩所謂,但for長時間用的話就好似差一點了!Anyway,自己覺得ok咪得,最緊要都係適合自己!

仲有,今日係Cindy的生日!生日快樂!為身在澳洲的你送上萬分祝福,感情愉快!

Sunday 29th January 2006 08:27:37 PM
新年快樂![ 0 messages] 
無分類

大年初一,首先祝賀大家新年開心、財源滾滾、身體健康、成雙成對、一本萬利,總之就心想事成啦!今日好開心咁一家人去了行街,雖然唔係去得遠,但都好開心!哈哈哈!狗年有一個好的開始,希望日日都咁好啦!

Thursday 26th January 2006 08:25:44 PM
My Life Style[ 0 messages] 
無分類

今日去了旺角,幫William砌電腦!但佢要成八點先放工,所以我要等佢好好好耐!因為咁,我坐了在cafe等佢!坐了差不多三個鐘,在這些時候,我特別想念我的notebook!我覺得好似好浪費時間咁,如果部notebook在的話,我可以做了好多事!至少不至於無無聊聊咁睇GAME WEEKLY!所以一部NOTEBOOK幾咁重要,特別係我這些不喜歡在家工作的人!一個人舒舒服服咁坐在cafe工作,或者在海邊吹吹海風咁工作,真係好relax、好舒服!如果無notebook,我諗我一定過唔到咁的生活!哈哈!雖然遲一些可能要過朝九晚五的生活,但至少我現在都可以過一過如此的生活!咁先算活得很滋味!我記得Year 1的時候阿全問過我點解要買notebook,貴咁多唔覺得浪費咩?我當時真係唔知點答佢!但現在我知道了,只有notebook先可以俾到我這樣的lifestyle!有咩舒服得過咁樣的工作環境呢?而且去外國亦可如常工作,除此之外仲可以提供娛樂!在外國買了cd、vcd、dvd都可以立即聽同睇先啦!又可以好放便咁寫遊記,唔驚旅程之後把一些小節忘記!哈哈哈!唯一唔好的只在於要帶多舊東西出門,但我覺得絕對可以接受!我總相信唔會買部5-6kg的notebook來玩自己!如果有人係咁我都無話可說啦!哈哈哈!不過在家中我都會用番我部desktop,因為個mon大些,同音響好些!

Friday 20th January 2006 08:21:49 PM
幸運的我![ 0 messages] 
無分類

今日要返學校考英文,好幸運地遲了開考,所以無遲到!哈哈!真的好好彩!因為之後仲要返學校攪final project的事,所以考完試之後我、大同、朱恩同阿健一齊去了Neway唱K!

Thursday 19th January 2006 06:05:34 PM
永恆的愛情[ 2 messages] 
無分類

我的好兄弟Cindy近來好唔開心,因為佢感情方面有些失意了!感情的事真係好無安全感,究竟咩先係永恆的愛情呢?唔通真係要好似「在世界中心呼喚愛」裡面咁先可以好似「朔與亞紀」?每一次睇,每一次都會流淚!只是音樂都令我傷心!Cindy你唔好唔開心喇!人生總有失意的事,今次輸了唔代表你下次都同樣會失敗!只要抱有希望,人生就會變得光明!如果連希望也沒有了,真的什麼都失去!不過我都好明白你現在的心情,沒有黑白,只有灰!但你要記得,我是你的好朋友、好兄弟!我會支持你的!雖然我不在你身邊陪你,但你需要我都會同你傾計傾通霄的!開心一些,我見到你咁我都唔知可以幫到你些什麼!如果你在香港的話,我一定陪你飲酒飲天光!……唉!加油呀!過了最痛之後就無咁痛,過了就無事!

Wednesday 18th January 2006 07:22:13 PM
我的W900i[ 3 messages] 
無分類

哈哈哈!w900i終於到手了,好開心!好好好好用呀,又靚!好爽!我的W900i係白色的,我好鍾意這隻色!好多好好用的function!好好好好開心!總之每樣function都覺得好好用,影相功能方面的確好了很多!有自動對焦果然係唔同!而鈴聲方面,w900i的鈴聲都好大聲,真係好鬼嘈,mp3鈴聲一流,好過sharp連mp3鈴聲都無!話咩AAC/MMF出來的聲音好過MP3,如果係咁好又唔見佢好多人用?哈哈,我就唔知有咩咁好喇,至少要搵都會搵死先啦!哈哈!另外個Mon雖然無之前用的s700i咁大,但都算大!有些人認為w900i比較大部,但以3G機來講其實差唔多!而且佢手感都唔錯,個旋轉開機真係做到單手開機!以前用S700i的時候要用雙手開,真的有少少唔方便!但我怕唔知開得多會唔會壞,希望唔會!(但單手開機的確好型,而且好方便!)不過白色機真係要好錫部機先得,因為好易污穢!我都要好好好小心咁用,成日都去抹部機!因為好怕佢污穢,我會唔開心的!但我又唔鍾意黑色機,所以只好小心用!部新機都幾旺我,唔!唔錯!哈哈哈!而且佢粒電同我部Z800i粒電係一樣,所以我有兩粒原裝電用!正!可惜個叉電器唔同了,否則就多一叉電器!無所謂啦!個線控我仲未用過,因為我聽歌都用我部Nano,所以遲一些先知道好唔好用!仲有仲有,部w900i好襯我部電腦,因為都係白色!哈哈哈!不過遲一些買了macbook pro之後就係部z800i襯一些!哈哈哈!總之就覺得部w900i好得,好用,好方便!唯一的缺點就係太貴喇!$5280,好好好肉痛!知道都覺得好肉痛!我都無話可說,一句講曬…正!我真係好鍾意部機!我都算係SONYERICSSON的支持者,原來我都用了咁多部SONYERICSSON的機了!哈哈哈!由T610、T630、S700i、Z800i到現在的W900i!哈哈哈!好鍾意佢的設計,好鍾意佢的方便!張相我自己整的,係咪好靚呢?哈哈!唔係download的!哈哈哈!

Monday 16th January 2006 07:19:52 PM
剪不斷,理還亂[ 0 messages] 
無分類

今日本來諗住搵William幫我拍片,但佢大大大遲到,所以拍唔到!又咁橋Karen同佢個妹都係去剪頭髮,所以一齊去剪!哈哈!剪完好似無剪咁!同上個月剪的髮型一樣,好利害!早知去返之前那一間,都一樣,之前那一間仲平$10!唉……激死!不過都無所謂啦!新年點都要剪頭髮!新年喇就快,好開心!

Sunday 15th January 2006 07:18:00 PM
Happy Night[ 0 messages] 
無分類

今天天氣又涼了不少,頭髮都長了不少!頭髮唔知點解長得好快,12月先剪完,我已經又想去剪喇!唉……唔通因為太多煩惱所以煩惱絲出得特別快?今晚好開心咁食了一餐晚飯,好多謝譚生!

Saturday 14th January 2006 02:46:24 PM
累![ 2 messages] 
無分類

今日一早返屋企,在回家途中其他人正在上班,個感覺好得意!返到屋企之後就睏!哈哈哈!夜晚William叫了我出去沙田,本來我真係好累諗住唔出,但最後都出了!之後就返屋企喇!我的W900i……唉!好想買呀!但好貴!唉……不要離我太遠……

Friday 13th January 2006 02:47:23 PM
黑色星期五[ 0 messages] 
無分類

今日果然係黑色星期五……都唔知係咪真係咁好賣!激死……

Chris今日走了,其實我都有一些不捨得!我覺得可以同佢做到好朋友,見佢不滿地離開,我都唔知有咩可以安慰佢!有時工作就是如此,我都試過!但又可以點?我好認同佢要做到好來好去,至少自己係光明正大咁走!今日同佢影了一些相,不過仲未到手!所以遲一些先可以睇!其實我好想同佢影一張兩個人的合照,但最後都無咁做!哈哈哈!總有機會的!哈哈哈!你都要加油!我會支持你的!哈哈!

Tuesday 10th January 2006 11:33:04 PM
Intel Mac ---- Macbook Pro[ 1 messages] 
無分類

期待已久的新powerbook終於在今年的mac world出現了!新powerbook的新名字叫macbook pro,好開心等了咁耐終於等到了!Macbook pro用的是Intel Core Duo processor,比之前的G4快四倍!哈哈!正!係我入手的時候了,不過唔知幾耐又會有一個新機出!因為今年係Intel & Mac year!而且今年係Apple的三十週年,我諗steve jobs唔會淨係得一部duo core Intel mac咁少,我諗之後會好快又有新機出!我本來以為今次出的只是Intel ibook,真係估唔到係新powerbook!極開心,因為如果係出新ibook的話可能就會唔知點好!因為買舊機又唔係,等新機又唔係,買ibook又唔係!哈哈,現在就唔洗煩喇!一於買新機,唔洗諗!哈哈,就算真係出新機都應該唔太影響!開心,開心!不過要等Universal的software,希望可以快些出啦!不過部機都要二月先付運,我都仲要等多一個月!好心急,真係好心急!新年都仲未有得玩,好想快一些到手,之後好好咁熟習部機!好想玩佢個ilife06,好想玩lightroom!哈哈哈!今日睇完steve jobs做presentation,真係明白佢present得好好!睇了個幾鐘都唔悶,反觀阿bill就真係好悶!哈哈哈!好鍾意今次Intel出場的方式,好攪笑,但好有意思!好鍾意佢講Intel ready,不過更鍾意steve jobs回應佢Apple ready too!哈哈哈!今次的Macbook Pro仲可以安裝阿Bill隻窗,但買得Mac機我都會用番tiger!哈哈哈!好興奮!不過都有少少失望,因為Macbook Pro同Powerbook個樣可以話係一樣!好似無design過咁,所以有少少失望!哈哈!唔緊要啦!

Monday 09th January 2006 02:48:34 PM
溫書喇要![ 0 messages] 
無分類

今日返學校溫書,因為遲一些MBM要考試了!如果肥了這一科就好大件事,可能畢唔到業!唉……真係要加加油先得喇!

另外今日順便拍了一些片做資料,阿全又一次成為我們的麻豆!哈哈哈!佢真係勁攪笑!

Saturday 07th January 2006 02:49:48 PM
工展會[ 0 messages] 
無分類

之前講過好耐無同屋企人去過街,所以今日就同媽媽和妹妹去了工展會!好開心,雖然唔係行了好耐,又唔係買了好多東西!但行得好開心,影了好多奇奇怪怪的相!哈哈!在工展會裡食了好多小食,妹妹食得最開心!哈哈哈!

Friday 06th January 2006 02:51:20 PM
作品集[ 2 messages] 
無分類

今日交了做了兩日的作品集!好唔得,但如果多兩日俾我做可能會好少少!唉……不過我好鍾意個package!哈哈哈!但裡面真係無咩3D的作品,Naveen見到實激死!哈哈!

Monday 02nd January 2006 03:32:18 AM
我的天空今天有點灰[ 3 messages] 
無分類

今日同樣係工作的日子,工作、工作同工作!好累!身心都好累!有時真係好想放下手頭上的工作休息一會兒,但一想到無錢用我就好害怕!因為我並唔同一般家庭有家人照顧,錢方面我的確要依賴自己!我都好希望屋企會俾零用自己,我都好希望當我話想要咩就有人買俾我!我係一個巨蟹座的人,極度需要人愛惜的我,偏偏得不到安全感!我的確好怕自己無錢,因為我知道如果我無錢的話,家人會好辛苦,喜歡的人會不斷埋怨,一講到錢就……唉……好辛苦!安全感,一點都無!但其實我好辛苦又有邊個知?我可以對住個個人都在笑,因為我唔想俾人知道我都有軟弱的時候!無錯,我都有軟弱的時候!講真我的確係一個無咩自信的人,因為咁我更加要做好自己,希望會有人讚我,令我感到自信!但又有幾多人會知道?又有幾多個人會同我講「你休息一下啦!」?其實只係簡單讚我一句影的相好靚,我已經好滿足!

今日全日陪住我的只有<在世界中心呼喚愛(電視版)的OST>!我一個人,一個人真的好寂寞!原來打電話俾人都唔係咁易,唔係你想搵就搵到的!有時俾你搵到,佢都未必有時間理你!有時我覺得自閉的人真係幾幸福,因為他們只有自己的世界!唔需要有別人,開心唔開心都唔需要別人!反觀我們這些正常人就可憐了,開心唔開心想搵個人傾一下都好似好難咁!有時係想聽到某個人把聲都變得好難!所以如果說自閉的人不幸,我諗我們更不幸!

Sunday 01st January 2006 03:29:29 AM
Happy New Year !!![ 2 messages] 
無分類

1月1日,2006年到了!因為禽晚玩得太夜的關係,所以今日好累!但我都要好早起身,因為有好多事要做!好開心新的一年又到了,但新一年的第一日就要不斷工作,就……!近來真的常常出街玩,好似都無好認真咁工作!新一年希望有一個新景象,所以都唔可以懶了!我要努力,唔可以令支持我的人失望!過去的,都真係過去了,如果只沉醉在回憶之中人生會變的沒有意義!我要加油努力!

Saturday 31st December 2005 04:49:11 PM
2005年總結之三[ 1 messages] 
無分類

今日就係2005年的最後一日,上兩日係講我的朋友、家人,今日就到講我自己!今年的Siren有好多的轉變,性格、外表都有一些改變!(哈哈,我無整容呀!)性格方面,我今年比往年堅強!雖然今年都有好多唔開心的事情發生,但我都總算面對了!而外表方面,哈哈,就係我無戴眼鏡了!哈哈!我都戴了眼鏡好多年,都係因為在台灣旅行的時候整爛了副眼鏡,先至唔戴!講真,我係可戴可唔戴的!初頭真係好唔慣,但現在習慣了就ok啦!都唔錯呀,一樣咁靚仔、仲少了一份稚氣!今年裡頭,真係有好多事發生過,例如︰兩次的台灣之旅、第一次參加大陸的展覽會、開始寫我的日記、同阿全friend番、好開心的生日、好開心的黨興……好多好多好開心的事!當然唔開心的事都好多,但既然過去了我都唔想再提!我知道人生就係咁樣,總有高低起落,今年的確係難過的一年,希望最差的時候都過去!睇番自己這一年的相,感覺真係好得意,哈哈!2006年我都要影多一些相,唔止我自己,我的朋友、家人、親人都要影影影!希望下一年的回顧有好多好多朋友的相、家人的相和自己的相!2006年快樂,希望日子會過得更好!

Friday 30th December 2005 05:15:42 PM
2005年總結之二[ 1 messages] 
無分類

仲有一日!昨晚講的是朋友,咁今晚就講家人啦!巨蟹座的我,家人係對我好重要的,而我都好疼惜我的家人!雖然我的屋企係超細,但我都覺得住得好開心!縱然都會有唔少的怨言、脾氣,但我都好鍾意我的家!爸爸、媽媽、妹妹,三個人今年都俾了好多好多回憶俾我!經常影相或經常幫人影相的我,竟然好少同我自己的屋企人影,一諗到這樣我就有少少心酸!唔係我唔想影,只係我們一家真係好耐無一家人出過街喇!

另外,樂同肥妹浦都係我的家人!肥妹浦係一個需要人保護同錫的人,佢成日都令我好擔心!好彩現在有阿德照顧佢,我都放心好多了!而樂就剛好相反,佢真係好似我的男朋友,無錯,係男朋友!哈哈!佢成日都好照顧我,無疑佢真係man我好多!哈哈!我識佢兩個都有成八年了,我諗阿欣都會成為我的家人,因為佢都係我的好妹妹!哈哈!

Thursday 29th December 2005 01:44:54 AM
2005年總結之一[ 0 messages] 
無分類

仲有兩日就到2006年了,2005年我做過些什麼值得自己驕傲的事呢?好似一件都無!這一年好似轉眼就過一樣,雖然發生了好多事情,但就好似昨晚發生的一樣!縱然不是每一件都係開心的事,但都成為我人生中的一些經歷!人總是在經歷中長大,沒有經歷的人生係一種缺憾!同樣地,太多經歷的人生是辛苦的!今年裡頭,我的確更清楚自己、更了解自己!有些朋友說我變了,的確,我的確變了!人大了係需要一些改變,唔可以再好似以前咁!可能係經歷多了,人都明白多了!以前可能會為一些小事而生氣,但今天可能會笑笑更算!在今年裡,我都遇到過低潮,好彩身邊都總有人幫助!我好感謝在我身邊的你,有你們我才有幸渡過每一個難關,亦好多謝你們的不離不棄、你們的信任!新一年希望都有你們在我身邊啦!

今日樂碰到阿Tim同Sandy!之後話俾我知原來好多以前的朋友都結婚了或就快結!有一對朋友離離合合,不過在一月就結婚了!感情的事真係奇怪,離離合合始終都在一起!能在一起係一種福氣,知道他們就快結婚我都好高興、好開心,希望你們幸福快樂!時間真係過得好快,Tim同Sandy個女都已經好大個了!以前一齊玩的日子,好似已經成為好耐之前的事一樣!哈哈!仲記得以前成日笑阿Tim少頭髮,二十多歲已經好似成三張幾咁!現在已經成為一位好爸爸了!以前玩的日子真係好開心,他們結婚時我都有去觀禮!唔知下個結婚的朋友係邊個呢?大家放心呀,我有能力俾人情的!哈哈!

好想買新電話呀!我好想……好想……但無錢!(可憐)

Monday 26th December 2005 01:23:35 AM
阿欣生日快樂![ 2 messages] 
無分類

今日係BOXING DAY,我就收到幾份禮物!雖然唔多,但份份我都好鍾意!有樂送的雙子座聖衣、手鐲,Karen送的阿Jack頭同626頭(都係頭,哈哈),Zoe送的骰子鐘匙扣,阿欣的姆明筆,仲有阿全的NickPun玩具!好多謝你們的禮物,份份都係一份心意!今個聖誕我好好好開心,因為感到好幸福快樂!多謝你們!亦都好希望你們都一樣鍾意我送俾你們的禮物啦!

另外,今日係阿欣生日!生日快樂!我們一大班人去了旺角食飯,食自助餐加打邊爐!哈哈!好開心!今晚有成十一個人食飯,好好好好開心!食完飯,我們仲交換禮物!Cindy就抽到我份禮物,另外因為阿全無帶禮物,而我就係抽到佢那份!所以我……無禮物!哈哈!上年係咁,今年又係我?不過無所謂啦,最緊要係大家開心!開心咪得,唔需要計較抽到些什麼或者抽唔抽到!

之後,阿四同Judy走先,而阿欣個friend都係!而我們就去了一間cafe度繼續玩,早知會繼續就叫埋樂一齊玩啦!而William,Kit同Karen就在cafe會合!又係十一個人去cafe玩!哈哈!好開心!我們玩了很多東西,有UNO、層層疊、七級猪、扭扭樂……玩扭扭樂真係好累人!不過真係好開心,玩到成三點!哈哈!之後送了阿欣去搭車,再送埋Cindy去搭車,我就自己一個去搭車返屋企!

今晚出席人員有︰我、主角阿欣、阿欣個朋友Grace、Cindy、大同、阿Jim、Karen、Judy、阿四、阿全、阿Kit、朱恩、阿刁、William、阿健(佢曾經出現過的)!哈哈,今晚真係好多人呀!哈哈!

Sunday 25th December 2005 01:21:41 AM
迪士尼樂園+聖誕快樂[ 0 messages] 
無分類

哈哈!聖誕快樂!今日終於有得去迪士尼,人生第一次去迪士尼樂園!哈哈!我一早就在網上訂票,所以今日就算無飛賣都唔關我事!哈哈!不過比平時貴好多,有少少肉痛,但只要開心都值得的!哈哈!其實迪士尼都幾好玩,雖然話細,但都可以玩一日!今日超級多人,好彩識拿fast pass,所以都唔洗點排隊!好鍾意Festival of The Lion King Show,唱live的節目!極力推薦,去迪士尼一定要睇!又玩Space Mountain,無我想像之中咁得人驚(因為我係極怕玩過山車的人)!又可以同唐老鴨影合照,好開心!唐老鴨真係好好好得意,哈哈!夜晚的煙花都好好睇,仲有飄雪睇!而且仲買了好好好多626的物品,真係好好好好玩!我同樂都玩得好開心,而且仲影了很多相!走的時候真係有依依不捨的感覺!真係好想繼續玩落去!食物方面我自己覺得比海洋公園好,如果海洋公園整好一些提供的食物,我諗會更好!總之今日過得好開心,玩得好開心!見到樂都玩得咁開心,我都好開心!最緊要你玩得開心!哈哈!希望下次可以同一大班朋友一齊去啦,我諗一定會玩得好開心的!

Saturday 24th December 2005 01:18:29 AM
平安夜快樂![ 0 messages] 
無分類

阿德真係好多鬼主意,肥妹浦一定好開心了,見佢咁開心,我都好安慰!哈哈! 平安夜,今日係平安夜!大家平安夜快樂!我今晚就同樂、肥妹浦、阿德一齊食飯!哈哈!好開心!我們去了鯉景灣食晚飯,一餐美味的聖誕大餐!不過好似唔係好夠食, 但個景、氣氛、同芝士餅都好好食!合共$1000,都算係咁啦! 之後去了阿德屋企睇bobo,佢做完手術之後真係精神好多!再之後我們就去了數碼港睇HARRY POTTER,第一次入數碼港!咁夜入去本來以為會無咩人,但原來唔係!都好多 人睇12:20am場,睇完都三點幾!原來有通宵小巴返銅鑼灣,下次可以坐坐!今次就坐阿德車啦!哈哈!仲諗今晚會開好快,但有少少失望!唔緊要,總有機會的!

Friday 23rd December 2005 01:16:54 AM
X'mas Gift[ 0 messages] 
無分類

今日去了沙田俾份禮物人,但我竟然唔知醒,遲到了很多!對唔住呀!雖然只係一份好普通的禮物,聖誕節大家都要開開心心!希望佢唔好俾我嚇親啦,因為其實大家都唔係好熟!希望個個人都有一個快樂的聖誕,哈哈!

另外,今日去了ctf2買了份禮物俾樂,哈哈!要收埋幾日,唔可以俾佢發現的,因為佢太醒喇!不過有時太醒同每事問都唔係一件好事,因為想俾少少驚喜都好難!……唉!好辛苦!好累!

Saturday 17th December 2005 01:14:23 AM
韓國農民︰「反對世貿,I Love HK!」[ 0 messages] 
無分類

今日都係開會日,不過地點係青衣!可能大家都好辛苦了,所以不知不覺間大家都玩起來!阿四的高達成為我們的目標,一一被玩!哈哈!之後阿全會合了我們,咁我們就去了食飯!因為青衣城太多人了,根本搵唔到地方食飯,所以我們去了葵芳食!因為阿全遲大到,所以佢請食飯(其實我諗住俾返佢,但佢又唔收!)!今晚大家都食了很多東西!

另外,今日世貿終於爆發暴動了!情況係我想像之外,因為香港真係好耐無試過咁大件事了!其實我都好同情韓國農民,但我一些都唔支持暴力解決問題!其實世貿會議又點會傾得成,因為各個國家都唔會放棄自己的利益!特別係一些大國,如果要他們應承某些條件,那一定要有很大的利益在背後!……唉!錢,真的好重要,可以解決好多問題,所以要努力!

Friday 16th December 2005 01:12:24 AM
又係開會……唉![ 0 messages] 
無分類

今日又係開會日!……唉!日日都係咁開會,真係好累!好明顯有「假期前唔想工作症」!但又唔做唔得,真係好辛苦!新的英文老師又唔做,唔知下一個係邊個呢?

朱恩金句

Siren︰「朱恩,咁多o野做會唔會做死呀?」

朱恩︰「做死就唔會,最多做唔晒!」

Siren︰「…………!」

Thursday 15th December 2005 01:51:37 AM
www.ohsire.com[ 2 messages] 
無分類

今日係Art History的最後一堂,但功課仲未做好,所以要明天交!不過好開心,今朝有人叫我起身!哈哈!其實今日都無咩特別,好正正常常咁過了一日!放學就去了APM行了一陣,我大約諗到會買咩聖誕禮物了!因為今日無時間食午餐,所以到放學大約六點,諗住去食少少東西!但最後都係無食到,一直等到成十點先至食晚飯,如果有人連午餐都幫我食埋就好喇!另外,www.ohsire.com 已經更新了,有興趣不妨去睇睇!今次都算係大改革,用了好多時間去整!希望大家會睇得開心啦!哈哈!

Wednesday 14th December 2005 11:50:23 PM
我是一個有主見,而又可靠的地球人[ 2 messages] 
無分類

今日一早返學校上堂,我好乖好早返到去,因為我應承了人!今堂係睇番上個禮拜拍的MTV,其實都可以見得人的!而且教我們的Cindy好似好滿意我打的燈!哈哈哈!我自己睇見都覺得靚呀!哈哈哈!白痴!下次我們要拍「龍咁威2」的警訊,好期待!之後我們去了飲茶,食了好多東西!唔知有無人幫我食下午茶呢?哈哈!

其實我係唔係一個好有主見的人呢?以前的我可能唔係,但在IVE這三年裡令我慢慢學會要認定目標,而且要去作出決定!有時我真的好怕自己做事太急,但我怕當我慢慢發展的時候別人會以為我並唔著緊!但其實我只係唔想迫得太緊,好好了解多一些,我相信會有一個更好的將來!

今晚同了阿全去銅鑼灣行街食飯,本來係諗住買聖誕禮物,但到最後都係買唔到!……唉!之後去了灣仔中記食飯,飲了一點酒!好少咋!一點也不會醉,哈哈!同阿全傾了好多以前的事,大家的確都變了好多,不過係好的改變係好事!人大了要諗的事多了,要煩的事也多了!好多苦水又有邊個知?有時想搵個人安慰都唔係容易,喜歡唔喜歡又唔到自己話事!哈哈!我要變得快快樂樂,開開心心!咁樣會受歡迎多一些,係咪?哈哈!有人教的!希望這個人認識我耐一些之後會知道我係一個好人,一個值得信賴的人!

另外,今日樂唔多舒服,你要小心身體!佢近來脾氣真是有點大,令我都有小小唔開心!

Tuesday 13th December 2005 02:20:04 AM
沙田之行![ 3 messages] 
無分類

今日出了沙田,因為昨夜同個朋友講開沙田所以突然想去一去!沙田真係變了很多,比以前好!(我覺得!)聖誕節的裝飾都好好!唔錯!同William食了個tea,行了一陣!本來想買聖誕禮物,但行了很久都睇唔中什麼!買禮物俾人真係好煩的,好怕收禮物的人唔鍾意!行了一日都買唔到什麼,真係有些廢!……唉!之後見無咩好做所以出了尖咀,行街食飯!因為William終於出了佢份新工的第一份人工,所以佢請食飯!而我都好為朋友咁決定去「大快活」,因為佢份人工都唔係多!下次先食佢一餐勁!之後行番旺角搭小巴回家!好凍,天氣真的好冷!

另外,今日同樂吵架!原因係我忘記了我去過什麼地方!其實我只係在那裡逗留了三十分鐘都唔夠,我邊記得咁多!就算有人見到我在那裡出現又如何呢?我又唔係作姦犯科,又唔係特意去隱瞞些什麼!我只係唔記得,怪就怪我經常失憶!對唔住!我真係忘記了,對唔住!希望你明天睡醒的時候就唔記得啦!

份freelance仲未完成,人工……今個聖誕點算呢?努力努力努力!不過已經三晚都成五點先睏,我真係唔知可以頂多幾多晚!為了有個快樂聖誕,我一定要頂下去!加油、加油!好想有人俾我愛的擁抱!好累的身,更累的心!

Monday 12th December 2005 02:52:20 AM
如果……愛[ 1 messages] 
無分類

今日出了旺角同阿Jim、阿刁、阿欣、Karen唱K!好開心咁唱了一個下午,唱了好多歌!哈哈哈!之後去買戲飛的時候俾我發現了些事情……哈哈哈!係我第一個發現的,都唔知點解咁好眼!算他們黑仔啦,哈哈!其實大家都知啦,做咩咁收埋呢?哈哈哈哈!好啦!為了朋友,我保密啦!

今晚睇了「如果愛」,睇完突然間感到好可怕,另一半到底係咪真心愛自己呢?其實我真係好怕突然間有一日女朋友會同我講︰「其實我唔愛你!」睇完套戲,好似分唔清咩叫「愛」!到底愛應該係點?佔有,包容定係利用?我都被混亂了,人生係咪就係咁?唔可以簡簡單單兩個人好好咁相處,互相愛慕嗎?我並唔會等佢十年而係為了報復,我諗如果我等都只會係我真係好鍾意佢!當一個人的真心和真情都被出賣之後留下的只有假情假意!可能再也找不到,回不了往昔!對我來說,女朋友對我太重要了!

睇完戲之後,同Karen、Cindy和阿欣去了許留山食糖水!中間仲講了一些我根本唔會同人講的事,因為我希望大家開心,佢都開心!所以一直以來根本唔會同人講點解!其實恨一個人真係好辛苦,所以如果我唔開心佢會開心多一些的話,我唔介意開心少一些!Be happy, take it easy!

Friday 09th December 2005 02:11:15 AM
hApPy BiRtHdAy To YoU !![ 1 messages] 
無分類

今日係我妹妹的生日,生日快樂!我同阿妹去了新港城的東海堂買蛋糕,好開心!(買蛋糕都可以好開心的,註明︰係因為妹妹生日所以去買了一個好靚的生日蛋糕,因此而好開心!)次次都要詳加描述真麻煩,不過總好過之後要解釋同減少「誤會」同「攻擊」!妹妹生日我這個做哥哥的都無送一份好特別的禮物俾佢,不過只要開心咪得(因為一家人一起渡過,所以開心!),唔一定需要好多錢先開心!**以下內容有智障的就唔好睇喇,廢事多事及唔明!**有時太多人只在乎錢,雖然我都知道錢好重要,但只是用錢來衡量一個人的話,衡量人的那個人一定好極有限,而且身邊的多數只是一堆唯利是圖的「好朋友」!哈哈!有錢又點,無錢又點?有錢一定比無錢快樂咩?有錢的人一定會更懂照顧人咩?廢話!係呀,我係窮,但我至少懂得尊重每一個人!我可以好肯定咁講每一個人都有佢一定的能力同優點!如果唔係含著金鎖匙出世的都一定經過無咩錢的時候!唔講喇,廢事一些明明係智障又唔認的人睇完之後發表一輪偉論,陣間攪到我自己都以為係就死喇!

今日一家人食晚飯,爸爸整佢的撚手小菜,而媽媽就因為要拿東西給舅父,所以夜返!(因為舅父明天去台灣探婆婆,所以媽媽託舅父俾些東西婆婆!)我們一家好開心咁食晚飯,切蛋糕!一個歡樂的晚上,就咁妹妹就過了她的十八歲生日喇!生日快樂!

Tuesday 06th December 2005 02:34:46 AM
做好自己,希望能少些是非[ 0 messages] 
無分類

今日早上全日都在剪片,因為明天就要做MTV的拍攝!歌曲方面我選了「破曉」,一首南拳媽媽的歌曲!因為可用的片段太少喇,所以都剪得唔係咁好!為了明天有個good show,所以一定要努力,要証明俾人睇我唔係無能力的人!我只係差一個機會而已!

下午我約了阿Jim同Karen出來傾明天的事,因為要傾三支Cam點放之類!一路傾,一路諗,好快就完成明天的準備!之後同他們傾了一陣計,阿Jim就跟我返屋企拿支Bass走!我同阿Jim傾了一些事情,有時做人真係幾無奈,是非總有人講,真係有時死了都唔知咩事!我可能只係一句開心都可以引來一些人的不高興,我曾經講過我都只係一個普通人,開心唔開心都會講,我唔想在自己的日記裡都唔可以寫出自己的感受!我的日記只係用來記我生活的小事,可能有些人會誤解,但在我的小天地裡是一片樂土,唔該唔好整污穢佢,我的日記係好乾淨的!我並唔係希望所有人都明白,但至少唔好用來攻擊我!憎我的可以唔看我的開心事,只看我的失敗,我唔介意!喜歡我的我好樂意與你們分享我的快樂和幸福!

今日的天氣真係好凍,我的心情同樣好像結了冰一樣,相信有好多人都會為此而高興!我都好開心你們找到你們的樂趣!不過唔理點都好,我今天不開心唔等於明天都不開心、我今天沒有能力唔代表明天沒有,同樣我今天沒有錢唔代表我一世都窮!我努力唔係因為唔想俾人睇死,而係我真的希望可以照顧到身邊的人,我所關心同愛的人!總之今晚心情好混亂,可能因為睇完阿旺、講開學校的事,同好多好多之前屈下的心情而來的!

Karen你唔舒服就記得食藥同休息多一些!你唔可以倒下的,仲有好多事情等著你去做!哈哈!寶寶做完手術了,暫時無咩,但身體仲好弱,希望佢無咩事,快些好番!Karen你都要快些好番,我們仲要一齊去玩的!

Monday 05th December 2005 03:17:04 AM
希望你早日康復![ 1 messages] 
無分類

今日約了肥妹浦拍片,目的地就係阿德屋企!上到去見到寶寶個樣真係好累同好殘,我諗佢一定好辛苦了!「先交代一下,寶寶係一隻十五歲的狗女,得了癌症!好慘!」就係咁我就上了阿德屋企啦,同肥妹浦拍了一些片之後就同阿德打機了!哈哈!打了一陣機,我們就帶了寶寶去睇獸醫,照X光!足足等了成兩個鐘,而寶寶都好好彩可以做手術!咁阿德諗住同佢對多晚,明天才帶佢落去!但因為佢返到屋企都唔食食物,所以都係早一晚帶佢落去!我諗其實阿德好唔開心,因為手術都有一定的風險!我諗佢一定好擔心,肥妹浦都係,我都係,樂都一樣係!希望佢快些好番啦!……唉!經過今日,我覺得阿德真係幾好玩,哈哈!

之後我去了國金找William一齊去睇「夢遊夏威夷」的首映!ok啦!台灣片來說算ok,不過有好多位可以做得更好!台灣的風景真係好靚!好希望去一次台灣沖浪!William就睇到睏了,我就ok!睇完就去了旺角,因為都成十二點,而且佢又未食晚餐,所以去旺角,貪佢方便搭車同一定有東西可以食!今晚真係好鬼死凍,我只係一件T-shirt加件外套,凍到我猛震!去到旺角食十蚊麵,「標記」今日異常好服務及禮貌,但反而有些唔習慣!哈哈!之後就坐亡命小巴回家!哈哈!近來亡命小巴越來越慢了!

Sunday 04th December 2005 03:14:05 AM
失去方向[ 0 messages] 
無分類

今日又係我的休息日,好游閒咁過了一個上午!下午就繼續我的工作,而阿成就來到我家幫我個妹補習!之後佢找我傾了一陣計 ,佢有好多問題想搵人講,身為朋友的我當然要好好咁聽啦!所以我同佢傾了一陣,同佢傾完佢好似好一些!朋友永遠都係會幫 你的,所以阿成你有事就找我,記得呀!有時人總有失去方向的時候,前路變得不清不楚!

Saturday 03rd December 2005 03:12:52 AM
Cindy生日快樂![ 0 messages] 
無分類

Cindy係今日生日,生日快樂!搵禮物的遊戲好唔好玩呢?我、Karen和Jim送了一些仙度拉的精品俾Cindy,哈哈!包括︰一盒糖、一盞燈同一條好好好可愛的小褲褲!哈哈哈!佢找了好耐先找出正確的locker,咁明顯的都睇唔到?有時真係越明顯越唔信係真!哈哈!睇住佢搵極都搵唔到真好玩,明明在佢眼前,佢都把它遺留!哈哈哈!生日快樂,希望你今日真的開開心心啦!送佢返屋企的時候,在旺角佢同我講佢唔知在那裡搭車,我都唔知……好彩最後都搵到!上到小巴,佢真係好累了!我又唔知佢住邊幾驚唔知幾時落車,好彩佢都仲知幾時要醒!佢住的地方真的超級靜(當然啦!已經咁夜!),又要行好遠、又黑,一個女仔夜晚出入都幾驚!(註明︰因為咁夜我先送佢番屋企,因為我是住得最近的那一個!而且這根本是一位男性應有的態度!有男朋友的例外,因為好易誤會!)咁我送了佢回家之後我就大件事喇,因為要搵車返屋企,咁夜點搵呢?咁我就行番出大圍火車站那邊,因為我記得那裡好似有通霄巴士!果然在那裡有車番屋企,而且仲好快,只係等車比較耐一點!我就好快咁番到屋企,好快就睏了!好開心的一天,玩得好高興!大家都好開心,我就當然好開心啦!第一次咁鬼夜入大圍,Cindy的生日都出了好多鬼主意,花了好多心思!所以如果咁都無反應的話,我都無可奈何了!哈哈哈!遲些到阿欣生日我諗我都諗唔到咁多主意,Karen你諗啦!我已經……有些灰了!你知的!哈哈哈哈哈哈………唉!Cindy生日快樂!

Friday 02nd December 2005 03:11:33 AM
大家一齊開開心心去食飯![ 0 messages] 
無分類

今日一早返學校考英文,今次的題目係meeting!我雖然唔係準備得好多,但都叫做順利過關!因為我們的那一組有吹水王阿全,佢真係……哈哈!我們係第一組考,所以好早就可以走去食午飯!今日我們去了赤丸食烏東,我就食了烏東加猪排!之後就返學校準備之後開會的東西了!上完堂之後又係開會,開會、開會同開會,今個星期好似好多會開咁!不過我都好enjoy,因為有事做比無事做好好多!晚上去了九龍灣的大排擋打冷,食了好多東西每人都只係$38咋!好好味!一大班人去食飯真係好開心的,有講有笑,可惜食物上得太慢喇,好鬼慢,攪到大家都好鬼死肚餓!食完飯之後嘉嘉同佢表妹走先,而其他人就去了William屋企玩!阿刁就帶了部ps2上去,阿健、大同、朱恩、阿jim就不斷打機!而我、Karen、Cindy同阿刁就打牌!哈哈,好耐都無打過牌了,哈哈!原來阿刁打牌都幾利害,哈哈!在差唔多十二點的時候,阿健佢地就走了!只淨下我、Karen、Cindy、阿刁同William!十二點正!咁我們就決定玩大富翁!

Thursday 01st December 2005 02:04:09 AM
剪斷一切煩惱~[ 3 messages] 
無分類

十二月到了,我再一次去了剪頭髮!十月我在日記中講過「剪短我的髮,剪斷了牽掛,剪一地不被愛的分岔,希望下次的長髮不再有分岔」的問題!十月已經過去,十二月是否真的有個新景象呢?但好似其實無咩用!憎我的人越來越憎我,喜歡我的會否越來越喜歡我呢?有時真係唔明點解佢會咁憎我,去到有我無佢的地步!但其實我一點也沒有什麼憎恨的感覺,反而我好希望佢會開心多一點,因為憎一個人係一件好累的事!有時我都唔知自己點解會令人有反感的感覺,我都要好好想一想了!十二月到,希望一切都會變得好一些,剪斷了髮絲、剪斷了一切的煩惱、剪斷了我的失敗,希望不好的都跟斷了的頭髮一同走吧!希望憎我的人會快樂,喜歡我的人幸福!不過佢憎我對我來說都可能係一件好事,因為……哈哈!

Wednesday 30th November 2005 02:00:03 AM
可愛的小狗[ 0 messages] 
無分類

今日在食午飯的時候發現了一隻狗仔,好可愛!如果佢跟我的話,我可能會養佢!可惜佢一點也不跟我,反而跟大同和阿Jim!哈哈!明天就是12月了,咁就過了一個月,今個月都好似無咩做過咁!

Tuesday 29th November 2005 12:33:55 AM
好人[ 0 messages] 
無分類

< 好人 >

說穿了我不美 若談樣子 不會叫好 不算最討好

但我的內在美 不夠味道 那足以自豪

談為人當然好 雙手也好抱 無奈獨有伴侶問前路

沒有想陪同鄰家男孩跳舞 唯獨當我師徒

人人親近我 無人爭奪我 無人關懷是誰大平賣親和

平凡像我路過 十個似我 你管不到那麼多

天都不愛我 立心孤立我 平凡的人若提及情份便顯得不配麼

難道我看不到現況正是結果 沒結果 沒結果 沒結果 由得我

人人親近我 無人爭奪我 無人關懷是誰大平賣親和

平凡像我路過 十個似我 情敵實在太多

天都不理我 令我想清楚 感情是來自由弱者所寫的悲歌

事實上為什麼不拍到拖 說穿了我不美

並無自欺 所有老死 只配作知己

Saturday 26th November 2005 07:23:58 PM
...........[ 0 messages] 
無分類

今日早上去了青衣開會,途中在中環碰到阿健、阿Jim和大同!哈哈!真橋!咁我們就一齊去青衣,去了長發食了個茶餐廳特餐!開會開到六點,中間都有打了陣機!哈哈!之後我入了沙田,同樂和佢的親戚一齊打邊爐!食完飯就返屋企,今晚爸媽都不在家,因為去了澳門飲,所以唔返屋企!難得我在家,佢地又不在……哈哈(苦笑)!

Friday 25th November 2005 07:20:41 PM
阿德你好![ 5 messages] 
無分類

今日返學上了兩個鐘英文堂,之後去了椰林閣食午餐!一般啦,唔太好食!……唉!之後返了去聽Tammy的介紹,內容係一個英文course,但要成$4000,所以我諗我唔報多!近來真的超級無錢用,惡運剛剛先好似無咁埋身,窮神又來找我了!……唉!都唔知點算,真的要認認真真找一份part-time先得喇!之後Kaman話唔洗上堂,但要去聽talk!日本人的英文真的聽死人,要聽一半估一半!哈哈!晚上肥妹浦約了我和樂食飯,目的就是介紹她男朋友我認識!因為得我未見過佢!唔…第一個印象都唔錯!至少照顧到妳,而且真係幾錫妳!有佢照顧妳我暫時都幾放心(唔好介意我煩過妳阿爸,因為我都幾關心同擔心妳),所以見到阿德(唔知有無寫錯,有錯提我改)都放心了!可惜今日聽完個死人talk之後真係好累,所以反應有些慢而且好似無咩講咁!希望阿德唔好介意啦!哈哈!今晚去了金伯利的五樓一間新開的日本料理店食晚飯叫「京木」!好得,我覺得!所以下次一定會再去,加上價錢都合理!食完飯阿德車我們去了西貢食糖水,佢駕駛的是改裝車!嘩,我第一次坐咋!好貼地的底盤,racing的補品,蛹座,炭纖維車頭蓋,不過我唔識分係咩避震!爽!因為貼地,加上車身輕,開到七、八十咪都已經好快!好想知道開到一百以上係點!爽,但都有些怕!哈哈!阿德話試過最快去到一百八十七,真係想試試,一定好爽!我只試過一次在大陸開一百二十,而且唔係改裝車!所以一點都唔high!我們去了滿記食糖水,我照舊食紅豆沙+豆腐花!正!
見到肥妹浦咁開心,都係一件好事,佢終於找到佢的初戀了,之前的忘記他吧!沒有一個值得記!好好咁做返個正常人,我會努力令妳變成一個出名的麻豆!盡我能力啦!仲有下次留言唔好留「愛你」之類的說話,因為我的同學會誤會的!廢事佢地有些無聊的猜測,佢地已經成日覺得我出面收埋好多女咁!……唉!真無奈!總之妳知我錫妳就ok啦!仲有唔好對阿德太過火,男人都要面的(我都係)!有時唔好去到咁盡,不過我知妳識的,只係多口講句!哈哈!

Wednesday 23rd November 2005 07:12:56 PM
InteRvIeW[ 0 messages] 
無分類


今日去了阿全公司做interview訪問佢老闆!好緊張!不過都總算完成!哈哈!

Tuesday 22nd November 2005 07:07:18 PM
好想去影相[ 0 messages] 
無分類

今日同William出了旺角!食自助餐,好味!不過午餐比晚餐少好多東西食,但只要$48加埋一都唔洗$60真係算係咁!而且服務生的態度好,所以都唔錯!食完之後行了去尖沙咀,好想好想影相!真係好想去影相,但要等埋William買相機,到時真係可以一齊開開心心咁去日影夜影!其實我都好想叫埋Karen同阿Jim佢地,但又唔知他們喜不喜歡,因為我唔想將我的興趣迫我的朋友玩!

Monday 21st November 2005 01:12:12 AM
阿旺的啟發[ 0 messages] 
無分類

其實見到自己愛的人愛的是別人的話,心一定唔好受!到底應該祝福他們嗎?真的好難答,所以如果係我的話我一定要乾淨俐落!至少會同佢保持距離,因為我會唔捨得!好耐之前睇過一本書講︰「男生要離開一位女生,如果想她好的話,一定要做到好絕,要令對方好憎自己!只有咁,她才能真正忘記自己,離開自己!」就係因為要有離開她的溫柔,就是因為想令她忘掉自己,我會選擇佢憎、甚至恨我!因為只有咁,佢之後先可以得到真正的幸福和快樂!雖然好似好難明,但我知道這樣總好過拖拖拉拉!因為拉得越耐只會令她更傷,更難復原!雖然我會好恨的離去,但我始終都會默默保護著佢,暗暗地使用我的溫柔!這些想法係因為睇完今日集阿旺而回想起的!

Friday 18th November 2005 07:05:40 PM
不得不愛[ 0 messages] 
無分類

< 不得不愛 >
 
 
 天天都需要你愛 我的心思由你猜
 I Love You 我就是要你讓我每天都精彩
 天天把它掛嘴邊 到底什麼是真愛
 I Love You 到底有幾分說得比想像更快*

是我們感情豐富太慷慨 還是有上天安排
是我們本來就是那一派 還是捨不得太乖
是那一次約定了沒有來 讓我哭得像小孩
是我們急著証明我存在 還是不愛會發呆
Baby

 不得不愛 否則快樂從何而來
 不得不愛 否則悲傷從何而來
 不得不愛 否則我就失去未來
 好像身不由己 不能自己很失敗
 可是每天都過得精彩

(Rap)
I ask girlfriend how you been
來去了幾回 我從來沒有想過
愛情會變得如此無奈 是命運嗎
難道難過是上天的安排 沒辦法
天天的每天的心思 到底由誰來陪
我誠心 我誠意 但周圍擾人的環境始終
讓我們無法在這裡自由相戀
我精采 你發呆 兩顆心不安的搖擺
應該有的未來 是否真的那麼的無法期待
捨不得在傷害 You're girl my girl my friend
How much I love you so so much baby
看著你哀愁 要我如何怎麼承受面對
I'm sorry you're my sweetheart
My love My one & only baby

會不會有一點無奈 會不會有一點太快
可是你給我的愛 讓我養成了依賴
心中充滿愛的節拍

Wednesday 16th November 2005 01:10:39 AM
味千日[ 1 messages] 
無分類

今日夜晚去了銅鑼灣,認識了Grace!佢真的好似Apple,只是外表,性格就都幾ok!哈哈!今晚同William、Karen、Judy、Cindy、嘉嘉、阿欣和Grace食味千,午餐都係味千,今日係味千日!……|||

Tuesday 15th November 2005 01:09:37 AM
Presentation Day[ 0 messages] 
無分類

今日presentation,阿全又一次用佢把口令我們的present變得好成功!Good!希望下一次都能夠咁成功啦!

Sunday 13th November 2005 11:17:05 AM
星期日的校園![ 1 messages] 
無分類

今日返了學校,第一次星期日返學校,原來係要登記的!哈哈!不斷做,但有其他人在總是唔多自在!如果我們自己有一個room做就好了,可惜Naveen……唉!

Friday 11th November 2005 11:15:59 AM
Good Bye Miss !![ 0 messages] 
無分類

今日係英文Miss的Last day,所以我們諗住同佢攪party!點知今日Miss都準備了好多食物,所以我們有好多好多的食物!哈哈!總之就好開心啦!而我就同Miss影了一張合照,仲有影了好多相!哈哈!不過相在嘉嘉那裡,所以都要問佢攞番!之後我們去了唱K,今次好多人,有成9個人咁多!有Karen、Jim、大同、朱恩、Cindy、阿刁、阿全、阿四同我!阿四佢已經好少去唱K,而阿刁就係第一次同佢去唱!好開心,玩到都唔想走,但因為之後要上Carman堂,所以只好走人!哈哈!

Sunday 06th November 2005 11:37:50 PM
奈奈呀奈奈![ 0 messages] 
無分類

今日終於睇到Nana了,好開心咁去睇我的奈奈!我今日係同Karen和她的妹妹一齊去,本來諗住去UA,但UA無位,所以去了新世紀的GV睇,多位好多!哈哈,可能因為UA三十蚊,所以個個去曬UA!GV竟然有粟米片食,但可惜個芝士醬好唔得!……唉!講番套戲先,奈奈真的好可愛,雖然好煩,但如果有女仔咁樣煩我,我都會好接受!可能因為係巨蟹座的關係!(又係因為星座?)當睇到章司對唔住奈奈的時候,我心裡面真的有少少唔開心,因為我喜歡的奈奈流淚了!見到自己鍾意的人為別人流淚的心情是這樣痛的,我真的希望奈奈愛的是我,因為我會好好咁疼愛佢,令佢的笑容一直掛在美麗的臉上!奈奈呀奈奈,你到底在那裡呢?
睇完Nana之後我有一種衝動想攞返起我支吉他,因為我突然覺得一個男生一定要有一樣技藝先至好!雖然唔洗受萬人歡迎,但都好吸引人!只有外表,而無內涵係無咁正!奈奈!講開又講,睇完Nana之後去洗手間的時候,有好多仔都不斷攪他們的頭髮,明明係平的都特登整高整亂佢,好明顯係想扮阿蓮!攪到我都唔敢掂個頭,好彩一向型開,所以唔攪都無問題!哈哈!(係咪好想嘔,或者想打我呢?哈哈!)總之Nana真係幾好睇,睇完令我由喜歡奈奈變成愛上奈奈!生活裡的奈奈呢?哈哈!
之後我們在旺角行了一陣街,抽了Jack的新蛋,係火柴盒的場景!好靚,仲差包小蟲同三隻小鬼就齊一套了!開心!

Friday 04th November 2005 06:07:52 PM
開會、開會同開會![ 0 messages] 
無分類

今日要返學校同系的代表開會,因為畢業功課係幫學校的兩個系做廣告片!一早就要返去,好眼睏、勁眼睏同超眼睏!之後去了沙嗲王食午餐,點知差唔多食完的時候阿四打電話俾我話要返學校開多一個會!……唉!仲諗住走得,好彩樂明白!不過就要樂等我耐好多喇!但都有好消息,因為可以藉此認識那個系的女生!正!哈哈!
晚上,樂洗完車,我們就去了APM食晚飯,肯德基!本來諗住去睇戲,但又無位!……唉!另外,我買POWERBOOK的計畫可能出現一點阻力,因為銀行好似有些問題!……唉!有一點失望,但都要睇最後的結果如何才能下定論!

Thursday 03rd November 2005 06:06:29 PM
好悶呀![ 0 messages] 
無分類

今日上director的堂,我好努力咁不斷做練習!其他人就好努力咁打機!……唉!我都好想玩,但始終都要有個人做的!所以只好默默地做,好累!

Wednesday 02nd November 2005 06:04:17 PM
奈奈[ 0 messages] 
無分類

近來越來越發覺鍾意奈奈,因為奈奈的性格同行為都令我不禁喜歡上!女仔溫柔、軟弱同依賴都令我好心動!如果一個強硬的女仔和一個柔弱的女生俾我選的話,我一定會選後者!可惜我無得選擇,哈哈!總之,我真的越來越喜歡你、越唔去想越是想念你……奈奈!快些搵人同我去睇NAna啦,我好想見到奈奈呀!
如果女性的身體是殺著的話,眼淚一定是必殺技!
今日一早上電視製作的堂,要做魔術節目!但出來的效果一點也不好,可以話係好差,好彩今次只係練習!到下星期的正式唔知會點呢?大家都要加加油!

Tuesday 01st November 2005 08:37:39 PM
I am Sorry[ 0 messages] 
無分類

因為昨晚整嬲了樂,所以今日要補穫!樂,因為我昨晚心情真的唔好,所以先會咁!對唔住!下次我會好好控制我的情緒,請多多包涵!……唉,十一月的第一日就咁,惡運呀惡運你唔係跟十月走的嗎?你做咩仲唔走呀?……唉!天氣有如我的心情……有一陣陣涼意!

Monday 31st October 2005 08:36:42 PM
唔開心的萬聖節[ 0 messages] 
無分類

終於到一年一度的萬聖節,馬騮咪又可以去問人攞糖喇!哈哈!但今日真係唔多開心,因為明明一班人去睇戲,到最後都各有各坐!想點呀,如果係咁,不如自己去睇好過!頂!講真,真係勁唔開心,仲好嬲!如果想咁樣的話,不如兩個自己去睇啦!當我們是什麼呢?我又唔係一定要睇的,做咩攪到自己好似局外人一樣!唔想我去我無話一定要去的,講咪得啦!成日都係咁,做朋友都無引啦!……唉!講真,我真係唔開心!(仲要係觀星位!我一早都講係會觀星,又唔信!又唔聽人講!……唉!)之後仲要整嬲了樂!死!今次大件事!睇完戲約了阿欣同William去佢屋企吹水,我們買了一支紅酒上去飲!阿欣同Karen都飲到面紅紅!我?唔知因為睇唔到自己有無紅!哈哈!因為怕趕唔到尾班車,所以十二點就走了!就係咁我就過了我的十月,成個十月都唔開心多過開心!連最後一日都係咁,去玩都玩得唔開心,十月真的無奈!再見了十月,希望惡運跟住你走啦!

Sunday 30th October 2005 08:35:12 PM
快樂星期天[ 0 messages] 
無分類

今日去了赤柱搵樂食飯,當然都有約阿肥妹浦啦!今晚我們去了APM食意粉屋,好開心咁食了成個鐘!勁攪笑,意粉屋竟然會焗燶pizza!佢就係咁對我們,哈哈!不過都食得好開心!今日仲同肥妹浦影了好多相,有一張仲好似好sweet!勁攪笑!仲有一日!

Sunday 30th October 2005 01:14:20 AM
W900i[ 0 messages] 
無分類

今日係我的休息日,所以今日有時間去收拾我的電腦枱!忙了一個上午,我終於把它收拾好了!其實主要是為了迎接我的Powerbook來臨!哈哈!好耐都未見過咩都無的枱面了!好開心!今日仲俾我見到SE出新3G機,好靚呀!好好好好鍾意!所以好期待!我諗我如果出的時候有錢一定買(好似話十二月出)!唔知到時se member有無得優先訂購呢?希望唔好太貴啦!今日全日都只有自己在家,收拾好張枱之後仲整理好部電腦!再之後就睇了「周日八點黨」,笑了成個鐘!就咁就過了一個白天了,好寫意的一個白天!仲有兩日!

Friday 28th October 2005 02:07:39 AM
I LoVe YoU 我愛你![ 0 messages] 
無分類

記得有一次樂同我講︰「點解成日都會講我愛你,成日講就會唔好同唔值錢喇!」點解?係啦點解呢?係咪真係講得多就唔好同唔值錢呢?我覺得如果能夠每日都說一次,我都會咁想聽!因為只要說了,就算我明天不在你身邊你也會記得我曾經說過我愛你!如果想說的時候已經不能說,那會成為一種遺憾!有時我們就是因為怕說多了,就錯失了一個說我愛你的機會!有時可能你想講,佢都未必聽到,那麼可以怎樣?能夠每一天都聽到心愛的人說一句我愛你其實係幾咁幸福,因為佢每一天都深愛著你才會如此!可能只係一句微不足道的說話,但代表佢確實愛著你!我都好想聽到我愛你,但能夠嗎?……唉!
「再說一次我愛你」裡面老公公同老婆婆的故事雖然好慘,但他們還有等的時間,但高醫生同紫晴的時間就沒有了,人往往以為自己有很多的明天,忽略了自己身邊最深愛的人,但要明白世事往往不會在掌握之中,人生是變幻無常,足以令人餘生遺憾,所以應該快些向自己愛的人,說一聲我愛你……經歷及感情不是一朝一夕能被代替!好好珍惜身邊的人、好好照顧自己、好好說一聲「我愛你」!

Wednesday 26th October 2005 02:10:44 AM
還是覺得你最好 [ 0 messages] 
無分類

今日好準時返到學校,今日都無咩特別,只係得阿全扮蜘蛛俠同在大排擋食了個好難食的飯係比較特別!之後上堂、放學!另外知道阿欣唔開心,但佢都無同我講!所以都唔太清楚咩事,如果你真係好唔開心,不妨同我講!聽了<還是覺得你最好>之後心中感觸良多!

< 還是覺得你最好 > 

運動要管 食量要管
啤酒買十罐 只准我飲一罐
樣樣要管 就像法官
天生較自滿 性格亦沉悶

 冥頑鬥氣盲中中還有理不講
 麻煩 橫蠻但是我都會願意講

 誰可比你好 能撥盡迷霧
 煩擾於心中的你都知道
 我壞或好 不求回報
 容忍 懷抱 仍醉倒

 誰可比你好 能日夜同步
 能著每套衫也似是名模
 提著不懂事的我漫舞
 任何事也可以傾心盡訴

自六歲起 就共你飛
不知道伴侶 應該去怎麼比
歷盡鑽禧 亦是怕死
身邊再艷美 都守足法紀

還是覺得你最好
不知有甚麼好講
能夠愛你別反抗

Tuesday 25th October 2005 02:14:27 AM
回到童年時![ 0 messages] 
無分類

今日去了石結尾同Karen和Jim影相、拍片!好開心咁玩了一日!雖然大部分時間都只是在一個小小的公園中,但真的玩得好開心!玩個死人轉轉轉,真係玩到差d死咁!勁想嘔、又暈!阿Jim仲自己玩了一次變態版的,俾我實嘔呀!不過其實都係由我行刑的!哈哈!之後我們在那個小小的公園裡食下午茶,好正!感覺好似返了童年一樣,玩得好開心!
夜晚我同樂去了尖沙咀食飯,在citysuper的foodcourt裡面食!之後仲去了食甜品,還到了海旁散步!今晚我又去了佢屋企睏,近來好似成日去佢屋企睏!因為我想有自己的房間好耐,去佢屋企可以滿足我這心願!哈哈!而且……可以準時返學!哈哈!近來成日睏得唔好,個黑眼圈成日陪伴左右!

< 黑眼圈 > 
 
又是半杯的冷咖啡 
沒有你在我身邊曖昧 
只好糖再多加一點 
浴室的熱水再多一些 
鏡子堿搢ㄖA的笑臉 
想自然一點 黑了眼圈
頻道不知轉了有多少遍 
快樂甜蜜爭吵無知畫面 
不管日式韓流都在消遣 
你離開我的堅決 
我想愛你 用我黑眼圈 
愛你我從不會遮掩 
想要安慰 我的狼狽 
原來忽略才是對我小心眼 
(我從沒看見 d何我從沒看見) 
我說愛你 用我黑眼圈  
錯過的原來是最甜 
過了時間 終於沈澱 
當時我們承諾都要幸福 
幸福的誓言 
又是半杯的冷咖啡 
床單的縐褶都看不見 
我的曖昧 少了一點 
浴室拖鞋牙刷洗臉 
鏡子堿搢ㄖA的笑臉 
想自然一點 黑了眼圈

Monday 24th October 2005 01:36:32 AM
希望明天=明天,千萬不要明天=今天![ 0 messages] 
無分類

人生總有高低潮的時候,如果問我現在是那個時候?我會說低處未算低!雖然我的人生好似到了一個低點,但原來另一個低點接著就來!真的滿有驚喜!唔通係因為萬聖節就到?本來諗住好好的一個十月,點知都係攪到咁!希望十一月會好一點,至少希望部POWERBOOK買得成!我要在我人生的終結前每一天都過得好一些(我並唔係就快死)!但又如何可以好一些呢?我唔知!昨晚同肥妹浦傾了一陣計!有時我真的太在意很多東西,太在意別人、太在意傷害、太在意感情、太在意自己!樣樣事都太在意了,把自己迫入死角!諗得太多根本做唔到自己,不過太耐無見過真正的自己了,到底佢現在是什麼樣子呢?連我自己都唔知道!今日真係唔多想開電腦、開MSN!因為我真係好想去潛水,好想只係見一些我想見的人!原來今時今日要逃避現實都唔係一件易事!……唉!我希望明天=明天,千萬不要明天=今天!因為我今天好辛苦(其實可能明天更辛苦)!

Sunday 23rd October 2005 01:33:32 AM
十月的第二十三個日與夜![ 0 messages] 
無分類

今日走了去赤柱接樂放工,因為約了肥妹浦同樂去食飯!在等樂放工的時候我同肥妹浦傾計,傾下一些無聊事!佢就真係幾旺桃花,哈哈!佢仲同我講如果我高多少少就一定好多女仔溝喇!可惜我就係爭少少!……唉!無奈!等到樂放工,我們就坐佢車一齊返佢屋企食PIZZA!今次好似唔係咁好食,有少少失望,近來好似做咩都總帶著失望咁?今晚玩到好夜先走,我的尾班車都已經開了,所以我只有搭去旺角坐小巴!返到屋企樓下,個感覺好FLASH,因為有少少涼意,加上成條街都無咩人,好靜、好冷清!突然有一種好想搵人傾計的衝動,而肥妹浦就打電話來!好開心有人搵我同我傾計,就算係講咩都唔重要,重要的是我好想有人陪我一陣!多謝你!返到屋企再傾了一陣我就去睏了,但都睏得唔好,不斷醒!攪到都唔知幾點先真正睡了!另外,今日同個仔影了一些相!

Saturday 22nd October 2005 02:30:12 AM
過去、現在……那麼將來呢?[ 3 messages] 
無分類

今日突然想起自傳的問題,如果將來我真的會出自傳的話,我的自傳應該都幾悶!因為無咩大事件、好浪漫的愛情!至少我的感情都唔洗點講!有人話感性的男仔會受歡迎,但剛好相反!感性的男仔桃花係無的,而旺桃花的感性男生只會是因為他靚仔!可惜我唔係!從小學到中學甚至到了大專,桃花都與我無緣!有時我並不是希望有好多女仔喜歡我,只係我想知道有人會喜歡我!咁多年我校園生活,我都好似唔係好受女仔歡迎!我真係咁差嗎?記得昨晚我問了CINDY這個問題,佢竟然話係!雖然佢只係同我玩(希望),但我的確都係咁諗!如果唔係自己唔好又點解會無桃花呢?越來越覺得巨蟹座的感性係一種負累,係一種不幸!我並唔係希望自己好旺桃花,要所有人都喜歡我!我知根本沒有可能,但我在這方面的確有一點遺憾!一種就算世界沒有了自己也沒有人會感到可惜的感覺!過往我就是因為太過介意別人的感覺,為了別人的感覺,我唔理自己的感覺!就因為太在意,才會有失意!亦因為怕沒有,才會更想有!今日我只有陣陣的失意,有誰可以安慰一下我呢?突然感到一陣孤獨、一陣悽清、一陣落幕!朋友,你們在嗎?我好需要你們!真的好需要你們!

Friday 21st October 2005 02:24:41 AM
All About Love[ 0 messages] 
無分類

今日上了一日的堂,好累,對唔住呀樂累你白走一次!其中一段「再說一次我愛你」令我感到好傷感,心痛的感覺令我成晚都再笑唔出!雖然好想喊,但眼淚始終都流唔出!我的眼淚就流入了心的深處!而我覺得就係因為期盼生命結束的來臨,才會更珍惜生活的每一日!因為自己根本唔知道何時會離開人世,所以每一日都會去感覺這個世界的人和事!巨蟹座的感性,有時令我希望自己比心愛的人早死,我諗我一定唔會接受到她比我早一步走!如果人離開係一種解脫,那根本沒必要感到傷痛!可惜事實並不是這樣,因為人就算走了,留下的事和情亦有很多!有時我真係會諗,如果我死了的話,其他人會記得我多久呢?我好鍾意睇「在世界中心呼喚愛」因為我能夠感受到生存比死難受!我好怕,我真的好怕!所以我都幾期盼自己被上天了結,有時當我過馬路的時候我都會望一望有無車,我並不是怕被車到,反而係想發現車子已經到身邊!其實我真係好怕有一天自己只淨下一個軀殼,每日每夜都想念著她的一切一切!每一日只帶著對她的回憶上班下班,每一夜只帶著萬般的悲傷入眠!因為我好怕每一天我要面對她離開了我的事實!這樣生比死更難過,因此我希望自己比所愛的人早死,因為我的確好自私,我希望我愛的人身體健康!我會用我的與她交換,至少我可以做到的我都會做!只要我還聽到你的心跳聲,我已經好滿足了!愛的確好沉重,沉重得令人好累!在再說一次我愛你的同時,我同樣希望聽到你愛我!

< 再說一次,我愛你 >
 
記得 那天 你坐在我的面前
你的意願很明顯 等我的表現
我說 改天 等我有足夠時間
我一定給你一次完美 愛情的宣言

多想 抓緊你每一瞬間
只怕故事已是昨天
才明白忽略是我最大的缺陷

我真的 好想 再說一次 我愛你
我願意放棄所有一切 只為換回你
如果 時間 能夠為你而倒流
真的好想牽著你的雙手
再說一次 我愛你

回憶 已經 沒有你在我面前
看什麼也會感到厭倦 我閉上隻眼

多想 兩個人蓋一張被
一同刷牙 一同洗臉
才明白 錯把機會借給了明天

我真的 好想 再說一次 我愛你
我願意放棄所有一切 只為換回你
逃避 原來 不是面對的道理
看清自己種下的可惜 重複後悔的延續

喔 我真的 好想 再說一次 我愛你
我願意放棄所有一切 只為換回你
如果 時間 能夠為你而倒流
真的好想牽著你的雙手
再說一次 我愛你

Wednesday 19th October 2005 02:22:10 AM
TV Production[ 0 messages] 
無分類

今日要做DIRECTOR,心情很緊張!但好似都做得唔太好,加上有好多器材都唔WORK!好多問題出現了,一直都唔太順利!總算過了這關,心情都算好一些!之後同阿四、JUDY和阿欣先去了樂富,再到旺角,接著到銅鑼灣!夾公仔又成為我們的節目!哈哈!到返屋企的時候,發現搭錯車!唉…黑仔!到最後總算返到屋企!

< 一生可求 >

若有你 若有我 還有十塊
這樣我 便可以 約你去街
只有十塊 甚麼信物平便買
甜蜜蜜吃些燒賣

沒老友 沒女友 如何愉快
生命要 用把尺 透徹了解
得到 沒有 或者當做還舊債
事業完美得不解

大概天要我兩者挑選
跟你兩個 寧願缺少了人緣
對我 你偏庇護縱寵 事業仍為我捐

 若要的通通也沒有 然而仍可手挽手
 剩下溫柔 問我一生復何求
 庸才 仍可得到你問候
 無限滋油 慢慢細賞星宿

 沒有錢不要走 到了有錢通處走
 樂在心頭 問我一生復何求
 庸才 難得找到你願受
 情在心靈 在身外 任一切 沒有
 (庸才 能與你一起墮後
 落魄溫柔 那溫柔 將火化 萬有)

命數轉了又轉 其實始終不自願
跟你兩個 寧願缺少了人緣
對我 你偏庇護縱寵 事業仍為我捐

情在心靈 你生存 任一切 沒有

Tuesday 18th October 2005 02:16:08 AM
自我催眠[ 0 messages] 
無分類

今日day off,所以同KAREN、JIM和CINDY去了旺角,KAREN同JIM就去了剪頭髮,我同CINDY就陪他們!好攪笑,阿JIM的新髮型真係好似無咩剪過咁!而KAREN的就真係短了很多,有少少男仔頭的味道!之後去了PIXEL CAFE傾IFVA的事,傾了一陣已經好多好好的idea出現了!真開心!傾到咁差不多的時候,我們一起玩層層疊、飛行棋、還有七級猪!哈哈!七級猪真係一個好毒的遊戲,哈哈!但又好好玩好開心!今日心情好了好多,真係好了好多和輕鬆了很多!其實可能真係我諗得太多,冷靜下來,人亦輕鬆了!多謝你們給我的歡笑!今日在cafe玩了成個下午,一坐坐了三四個鐘!之後KAREN要幫FRIEND攪生日、JIM要返工、而CINDY就返沙田陪媽媽和細佬食飯,而我就努力找佢本書!總算俾我搵到,都算係一種幸運!可惜我騙不了一頓飯,我都搵了很久!不過搵到就OK啦!希望佢有用啦,因為我都用了很多心機、心思和心血找回來的!見到佢BLOG唔開心,我都唔知用咩說話安慰佢,見到佢開心我都一樣會開心!所以唔好唔開心喇!(其實佢都未必會睇到我的BLOG)總之一句到尾就係我想見到你開心啦!你本書真係好重,一餐飯其實真係好抵的!哈哈!今日我終於識笑了,那真的代表我沒有事嗎?我自己都唔清楚,但身邊的人會比較舒服,這樣已經比較好了!真的嗎?
我為了給佢一個回應所以打了好多字,超累!明天仲要一早起身,做TV製作的直播!我仲要做DIRECTOR,好怕明天有咩出錯!我希望明天有一個好表現啦!好彩打了一次的歌詞可以用番,否則今晚都唔知幾點可以睏!

< 自我催眠 >

人群裡面那個我把幸福遺落

那曾經走過的路口我停了你卻走

我想摀住我的耳朵聽不見你說

愛就在此刻 鬆手分手放手

我猜不透 不猜透和你背對背的走

原來怪我沒有 沒有愛情的天分你才要走

我想要學會自我催眠痛覺會少一些

潛意識作祟 想著想到失眠

我躺在沒有你的房間寂寞更加明顯

我漸漸的自我催眠卻回不到從前

等著紅燈那個我還會向前走

也許那幸福的執著在下一個路口

專屬鈴聲我還留著卻靜靜沉默

在我們之間 愛了放了散了

我不會說 不想說怕說了也沒有用

現在我的幽默 只是掩飾著心痛我的難過

我想要學會自我催眠痛覺會少一些

潛意識作祟 想著想到失眠

我走在沒有你的世界卻走不到永遠

我漸漸的自我催眠慢慢閉上雙眼

Monday 17th October 2005 09:29:02 PM
被delete的人![ 0 messages] 
無分類

今日真的如願以償,我真的好似俾人delete了一樣!一個人放學,孤孤單單的感覺一點也不好受!咁橋今日天氣轉冷,真應景!哈哈!好彩之後KAREN同JIM都有搵番我,仲去了許留山食了些甜品,食完甜的東西之後心情好一些!朋友真的好重要,特別在心情唔好的時候!我都好興幸我有這些朋友,俾我放任、俾我無理!

<下一次微笑>

上一次微笑之後  世界遺漏了什麼  怎麼會突然忘了許多感動

難過的事總有好多  頭頂的天空總是灰濛濛  流淚的時候
卻忘了為什麼

淡紅色指頭  陪我煎熬  黑色破曉  在嘴邊咬了又咬
我好想忘掉  為何煩惱  對著天空大聲的叫

下次微笑  你會看到  我真心上揚我嘴角 
有人會在天涯海角  種一片草原  看我奔跑
下次微笑  我會驕傲  放晴的感覺多麼好 
不放棄總會等得到  我那熬過風暴  真的微笑

Saturday 15th October 2005 02:23:47 AM
無助、孤單、失敗[ 1 messages] 
無分類

今日好想講唔鍾意同人爭東西的原因︰因為我其實都幾無自信,雖然在別人面前樣樣東西都好像有必勝的方法!但其實我一點也沒有!特別在感情上我好怕輸!同別人爭東西的時候我會選擇逃避,因為我好怕輸!另一方面,如果我好勇往直前的話,那代表我真的好在乎這東西!雖然好怕輸,但都會去爭取!其實我有的只是我的朋友支持,如果他們都不理我的話,我就什麼都沒有了!今次所有人都支持阿全,我的心一點也不好受!感覺他們好像離棄了我一樣!我雖然對阿全說我無可能輸,但我心裡根本一點勝算也沒有!我好怕遇到我不能控制的情況,什麼事都可以計算,只有這樣的事沒法預料!太多變數!加上當全世界人都睇好及支持佢的時候,那代表我只可再一次作等待!其實我只是想簡簡單單,可惜我每次都會遇到一些問題!我真的不懂處理,我真的有一點覺得自己失敗!爭,爭什麼,我只不過想簡單一點,阿全你快些得到令我快些死心,但是請你要好好珍惜!否則我會恨你一世!因為我唔想變另一個思覺!我唔想,我唔想delete人東西!如果係我一定唔止delete,我會format佢!近來好似突然多了好多問題,好多我解決不了的問題!人越大問題越多越麻煩,我的思緒亦越來越亂、越來越唔清晰!或者我真的等了太久了,又或者我太怕這樣一直等下去!但今次,我的確感到完全無助,好似身邊一個支持我的人也沒有似的!好孤獨,好無助!到底要到什麼時候,請你快一些了結我啦!如果生存在一個這樣的世界,我寧願不再聽到自己的心跳,每一跳都太沉重了!

<一場誤會>

對你暗戀者差太多 自毀高手好叫座
而平日你凝望我 這卦象一眼可殺死我
你也許疏離到不能再疏 我竟多心想太多
像期待愛情路過 至義無反顧被你教唆

我到底寂寞過盛 才謝絕冷靜
多麼想以眼淚換來同情
日日算命 連命中注定 一堆虛構溫馨

自我敏感 誤會戀愛降臨
從未發生 交不出初吻
從來沒有 情人會行近
日落黃昏

誤會你有心 日夜苦惱自尋
想得近 卻遠得過份
無聊像我 無聊當名份
亦是吸引

我也許孤獨到熄滅了燈
覺得彼此過得更親
戀愛妄想症 錯覺還是吸引

你我的戀情也一場錯麼
擦出火花不算多
沉迷易惹人犯錯
我愛慕可愛又有錯麼

Thursday 13th October 2005 10:59:40 PM
三角兩面[ 0 messages] 
無分類

我真係好怕同人爭東西,因為如果會有人唔開心的話!我寧願唔開心的是我,點解?因為我唔鍾意見到別人,特別係我的朋友唔開心!如果係咁樣,我唔開心總比我見到人唔開心好!

<三角兩面>

若與她創出新故事
誰料到有個她卻在夢兒
未看穿難道不智
情沒錯怕離別

其實愛不用誰善後
其實也不用明示
其實愛的心不需怎示意
強問未免失儀

三角終一邊痛悲
太壞有一邊逃避
得有一邊懂時機
放下愛同情妒忌

心裡想找到轉機
那別有半點迴避
三角將一邊提起
最後由兩面結尾

若說出你跟她故事
如像刮破了她快樂夢兒
問到底誰願失意
誰亦怕有離別

無奈愛不願嘗第二
無奈愛不願忘掉
無奈已心知不必怎示意
也別浪費些時

Wednesday 05th October 2005 08:29:36 PM
奈奈與娜娜[ 0 messages] 
無分類

今晚係MSN之夜,都唔知係奈奈好,還是娜娜好!但總之係NANA就好!其實每個人都有可愛的地方!而我呢?……好似一點也沒有!好難得我會放自己的相片在MSN中!近來多了自拍,不過點影都唔多靚仔,莫非……都係算啦!

Tuesday 04th October 2005 07:33:40 PM
點解一些流星也沒有?[ 2 messages] 
無分類

今日一早去了尖沙咀陪阿全買衫,點知自己都買理一份!埋單剛好一千大圓,好開心買到好鍾意的褲!阿全請了我一餐美味的印尼菜,多謝你!之後找了William去幫手影相,在尖沙咀曬了一個下午!我的病更嚴重了,好唔舒服,所以去了屈臣氏買了一排藥食!食了之後好似好一些!晚上同阿四、Judy、阿欣、阿全同William去了必勝客食晚飯!好開心,大家都食得好開心!其實我都唔太鍾意煙花,雖然好靚,但太短暫了!

Monday 03rd October 2005 07:31:43 PM
PhOtO MiXeR[ 1 messages] 
無分類

幫我的好兄弟,澳洲的Cindy整的!雖然唔係好靚,但希望可以幫佢Pass這科啦!

Sunday 02nd October 2005 12:26:15 PM
新髮型 [ 0 messages] 
無分類

新髮型,今天去完阿四屋企開會之後去了旺角!同William一齊剪,等了好耐!因為今日超多人,可能係假日的關係啦!希望剪斷了煩惱絲之後有更好的日子!有個同學在她的BLOG中說︰「剪短我的髮,剪斷了牽掛,剪一地不被愛的分岔,希望下次的長髮不再有分岔」而我呢?如果感情真的那麼易剪斷的話,感情根本就唔會有傷害!新髮型,希望有新景象啦!

我︰「我返屋企喇!」
媽︰「嘩!做咩剪到個頭咁短呀?」
我︰「仲好長呀!」
媽︰「我當然知道你個頭仲好長,我講你些頭髮呀!」
我︰「....................................」

Friday 30th September 2005 12:24:32 PM
夾公仔![ 0 messages] 
無分類

今天同阿四兩個人去了世貿中心夾公仔!好多公仔,但今次好似無平時咁多靚公仔!本來我想夾隻胡迪,但隻胡迪好似怪怪的,所以無夾!今日的收穫真的好好,有好多三眼仔!好開心,但兩個男生去夾公仔總是覺得怪怪的!阿四,得閒就多些出來和我們玩,唔好成日都只有二人世界!
晚上就同了樂去食了一餐好飽的晚餐,個炒飯真係好飽肚!哈哈!之後買了兩件好靚的Playboy衫!正!今晚在樂的家過夜,第一次在佢家中睡,因為明天要開會,所以整理資料攪到好夜,加上可能因為睏唔慣,因此好夜都未睏得著!好開心(係因為想有自己的房間很久)!正(係因為可以有一間自己的房間做自己的事而不會受到影響!做design係要有空間的)!不過好似唔記得同屋企講唔返屋企睏,實俾人話啦今次!哈!

Monday 26th September 2005 12:23:09 PM
FrIeNd[ 0 messages] 
無分類

今天同阿四、Karen、阿全、阿傑同阿健去了黃金高登買繪圖板,阿全買了一大板!講真我都有少少想買,但我已經有一塊,所以都係打消這念頭!之後同阿四和Karen去了旺角食晚飯,中間講了很多事、好多心中的不快!再之後阿全、阿傑同Sam哥一齊和我們去了飲東西!"第六感"Karen話Cindy去過,所以我都想去看一看!我覺得傾計最好、最易都係在飲東西的時候!

Friday 23rd September 2005 12:22:24 PM
龍騎[ 0 messages] 
無分類

馬騮咪同他的龍騎!

Wednesday 21st September 2005 12:20:49 PM
譚生生日快樂![ 0 messages] 
無分類

今日突然有感而發,究竟係咪仆街先多人鍾意、點解仆街咁扑街都有女仔為他們要生要死?如果要做一個仆街先溝到好多女的話,我寧願簡簡單單一個就夠喇!雖然好多人可能暗地裡話我仆街!唉……總之就唔明啦!我真係好想問︰「扑街呀扑街,點解你會咁扑街呢?」真係有錢大曬咩?正扑街!其實這件事都唔關我事的,只係又睇唔過眼!分了手可以做唔成朋友,但對方有事的話都要幫助,這是男士應有的風度!近來真的好多扯火事!今晚本來好開心去飲都俾條仆街攪到唔開心,唉……
譚生生日快樂,多謝你的一餐晚飯!講真同你成公司的員工一齊食飯都有少少緊張同唔自在!不過大家為你的生日都玩得好盡興!

Saturday 17th September 2005 12:15:03 PM
Nano[ 0 messages] 
無分類

今日同樂去了食巴西燒烤,好食!仲有就係,我的Nano已經到手了!

Friday 16th September 2005 12:14:23 PM
賤人,你的名字叫賤人![ 0 messages] 
無分類

今日只係返上午的英文堂!所以之後去了玩,我有半班同學去了石澳BBQ,而我、KAREN、JIM同大同去了唱K!好開心咁唱到六點幾,在唱K途中APPLE打電話俾我話部NANO明天送到!真開心!
返到屋企,阿全講了一樣令我十分氣憤的事俾我知!唉……我都係依家先知學校有些人係好賤的!超賤!為了利益,咩都做得出!口中的說話都十分之賤,超賤!詳情唔方便公開,因為太賤喇!KAREN如果你有心想知,見字速電我!我希望你都知咩事,亦希望你話俾CINDY知,在你面前好似好FIREND的人未必係好人!呀!總之就好嬲啦!都唔明點解會有些這樣的人,唉……!成晚都好唔開心,件事其實都唔關我事,但係關於我的朋友,所以好嬲!請容我說一個「你條扑街,咁多人死又唔見你死!咁撚賤格,都唔細啦,仲做咁多小動作!正扑街!」我真的好嬲,唔關事的人對不起!我真的好憎那條/班人!SORRY太激動!

Thursday 15th September 2005 12:12:51 PM
電腦[ 0 messages] 
無分類

今日早上的堂是ART HISTORY,又係ART HISTORY!希望OK啦!不過我真的好怕悶,唉!上了半堂,APPLE來了PROMO,唉……好想買POWERBOOK,但十月可能有新機,我一定要認!今日第一次見到NANO的實物,真係好細、好薄!聽到好多人都話想買,反而有小小唔開心!因為我都唔係好鍾意同好多、勁多人用相同的東西,例如,衫!
午餐方面,食大排擋!其實我唔係好鍾意食大排擋,不過唔知點解阿健成日都話去!其實都幾唔好食的!食完就返上去上堂!

Wednesday 14th September 2005 06:50:52 PM
真真正正的開學日[ 0 messages] 
無分類

今日係真真正正的開學日,第一堂係CINDY的電視製作!(又係CINDY,真係好多CINDY!)上了四個鐘堂,之後就LUNCH!又係涉谷,今次我就食了「日替便當」,好大份!其實都幾抵食,因為又有魚生又有炸蝦又有牛肉飯!食完飯就一班人去了機舖打機!今次我只係睇,都無打!淨係幫CINDY同嘉嘉玩手指指!打完機之後,我同阿四、阿全和KAREN去了旺角!KAREN就係去睇醫生,而我們就去買HARDDISK,但最後都係買唔到,因為無阿全想要的那一部!唔緊要下次買過啦!之後同他們行了一陣玩具店,但阿全要趕返公司,所以大家都散了!而KAREN要去沙田,所以我同佢一齊搭火車!一路行一路講了很多唔開心的事,唉……返學都要好唔開心都唔知為咩!唉……返到屋企就睏了一陣,因為好累好累!之後做埋小小手尾同打了一陣機就睏了!

Tuesday 13th September 2005 06:50:01 PM
MeEtIng[ 0 messages] 
無分類

今日去了青衣阿四的屋企,因為要傾3D段片的事!其實3D我都唔係好得,我有些擔心會拖累他們!希望唔會啦!大家在阿四屋企傾完之後就一齊打機,有WINNING大戰同無雙大戰!哈哈!我都好耐無打我部PS2喇!打機都係一班人玩開心好多!哈哈!之後同阿全去了旺角剪頭髮,佢真係要剪啦,真係好鬼長呀!哈哈!剪完頭髮我們去了旺電睇HARDDISK,因為阿全想買一個來SAVE底所有資料!其實都好的,因為真係方便好多的!我的那個就已經差不多滿了,我都要諗諗買個新的了!不過應該係會買個3.5吋的,因為可以放多些東西!返到屋企剛好食晚飯,今晚老豆整了鴨!唔錯,都幾好食!晚上又係GUNZ的世界了!哈哈!同阿四阿全血併!

Monday 12th September 2005 06:48:57 PM
開學喇![ 0 messages] 
無分類

今日係開學日,好開心!午餐同了班同學去了涉谷食,我食了個蛋包飯,都可以,但些飯就好似焦了些!因為昨晚太夜睏,所以都唔知醒!唉……返到學校個CANTEEN拆了,仲整緊!而只係上了都唔夠半個鐘就簡介完今年的課程!我們就去了打機,行街!成班男仔一齊去玩都唔係成日都會,因為多數KAREN都係一齊,但今日佢要同班女同學開會,所以無同我們一齊去玩!哈哈!

Sunday 11th September 2005 06:47:23 PM
魔法驕妻[ 0 messages] 
無分類

明天就係開學日,今日晚上就同WILLIAM去了又一城睇戲!竟然係睇「魔法驕妻」,兩個男生去睇套「魔法驕妻」!有些怪怪的感覺,哈哈!因為睇七點半,所以我們兩個人去了EXP食飯!那裡的女侍應的確唔錯,幾靚女!哈哈!套「魔法驕妻」一般啦,我唔係好大興趣!不過都幾好笑,我都希望自己識魔法!唉……影了一日相,好累!明天好彩係返下午,所以可以睏多陣!明天同些同學一齊食午飯,好耐無見,唔知大家點呢?

Friday 09th September 2005 01:43:09 PM
Ipod Nano[ 0 messages] 
無分類

我期待了很久的新ipod終於出售了!Ipod NANO真是正到不得了!美國時間的9/7星期三,Steve Jobs從他的牛仔褲零錢口袋中掏出了更新、更小,而且還是彩色的小iPod--iPod nano。比ipod mini還要細同薄三分二,真係正到!所以立刻上APPLE網訂了一部黑色的!勁靚!而且因為我在網上訂購,所以可以刻名!所以這必定是我專用機,哈哈,好有佔有感!正!但要成十日先攞得,有些少耐!

Thursday 08th September 2005 12:30:32 AM
惡魔在身邊[ 0 messages] 
無分類

楊丞琳的曖昧真的好聽!惡魔在身邊在香港睇都無在台灣睇咁好睇!其實咪都係一樣,但想念台灣的心情都仲未退去……

曖昧真的好似「曖昧」一樣!

<曖昧>

曖昧讓人受盡委屈  找不到相愛的證據
何時該前進  何時該放棄  連擁抱都沒有勇氣

只能陪你到這裡  畢竟有些事不可以
超過了友情  還不到愛情  遠方就要下雨的風景

到底該不該哭泣  想太多是我還是你  我很不服氣
也開始懷疑
眼前的人  是不是同一個  真實的你
曖昧讓人受盡委屈  找不到相愛的證據
何時該前進  何時該放棄  連擁抱都沒有勇氣

曖昧讓人變得貪心  直到等待失去意義
無奈我和你  寫不出結局  放遺憾的美麗  停在這裡

Tuesday 06th September 2005 12:20:22 AM
再見了……台北![ 0 messages] 
無分類

今日一早起身,因為要收拾行李,死,太多放唔落!呀……點算?唉!攪了勁耐先至放曬所有東西,但好重,超重!好彩樂會來接我機,好彩!行李收拾好就沖了個涼,之後就check out喇!行李就暫時放在酒店大堂,我就可以輕輕鬆鬆咁去食一餐豐富的午餐!好好享受今次台北之旅的最後一餐午餐!所以去了一間餐廳食了一份沙郎牛排(西冷牛排),好豐富的一餐!之後去行多一陣街就返酒店攞行李去巴士站搭巴士走了!今日條路好順,好快就到機場了!在機場等了好耐終於上機,新波音777-300,好開心坐新機!上到機,台北留了一個好美麗的景色給我做道別!再見了台灣,希望下次再來的時間不遠!今次因為一早在香港選了位,所以我一個人可以坐兩個位!因為旁邊無人坐!正!新機都幾好坐唔錯!哈哈!在機上買了一套相架,哈哈!第一次在機上買東西!仲要同個靚空中小姐買的!哈哈!落了機,同樂食了一餐晚飯,佢就車我返屋企!好彩有佢,如果唔係都唔知點算,因為我的行李都真係幾重!多謝你樂!

Monday 05th September 2005 12:17:55 AM
第四天的PART 1[ 0 messages] 
無分類

今日一早去了忠孝敦化誠品,搵了咁多日都買唔到「情書」、「四月物語」的BOXSET!終於在誠品買到了,超開心!仲只係得番一套,好彩買到!哈哈,好開心!之後,去了101!好彩101有locker,所以之前買的DVD和書可以放底,唔洗攞得咁辛苦!上到了觀景台,可以睇到台北市全景!個升降機真係37秒上到八十幾樓,最快去到1010 km,真係好快!而且101個大鐡球真的好大,好得意的!之後去了NEWYORK NEWYORK,買了一些TARGET的衫!哈哈!正!返到酒店放底戰利品,就出發去西門町,當然係行過去啦!行到過去就去了「可樂森林」食晚飯!我食了一份牛肉潛水艇和一份雞翼,好好味!好飽,不過如果多個人一齊食就好喇!在新光三越買了一對鞋和一件衫就返酒店了!

Monday 05th September 2005 12:02:02 AM
第四天的PART 2[ 0 messages] 
無分類

好累!明天就要走,有些唔捨得,又一次分別,又唔知幾時先會再到這裡!返到酒店就幫今次的戰利品來一張大合照!好累了,明天先收拾行李了!哈哈,其實咪又係睇電視!哈哈,台灣的電視節目太好睇喇!

Sunday 04th September 2005 12:08:01 AM
第三天的PART 1[ 0 messages] 
無分類

今日一早整理好我的行李,就等待我舅父由醫院回來接我去食午飯!午餐係去食港式飲茶,但在台灣飲茶唔係一般人去的,因為都幾貴的!食完午飯,我就出發去台北了!因為火車的時間表改了,所以我要睇車站上的大時間表,如果唔係成日去台灣,一定睇唔明佢寫咩!因為淨係火車都有四種,而且唔係一定會經過台北火車站!所以我都睇了一陣先找到我要搭的車!上到火車(今次係坐自強號,因為比較快到達台北)我找到我的坐位坐下後,旁邊的一位小姐開始同我傾起計來!佢以為我是台灣人,哈哈,心裡不知幾開心!哈哈,之後講開佢下次來香港會找我,叫我帶佢去玩!一定一定!希望佢真係會找我啦!到達台北之後,我就立刻去酒店check in!一個人住雙人房,實在太爽喇!放底了行李之後,我就出發去圓山的台北市立藝術館!因為有Vivienne Westwood的展覽,好!另外有一個我超鍾意的展覽,作品是一間好大的房間裡吊滿了羽毛,只要有人行過羽毛就好似海浪咁擺動,好靚,好感動的感覺!其他的作品都好好睇,我覺得台北市立藝術館真的好值得去!之後過了台北故事館,裡面都係一些幾米的故事書和收藏品!我就一般,我諗我班裡有一位同學會好鍾意,因為佢好鍾意幾米!

Sunday 04th September 2005 12:00:15 AM
第三天的PART 2[ 0 messages] 
無分類

去了一陣,我就出發去淡水,睇淡水好出名的日落!好靚的日落,如果同女朋友一齊去就好喇!睇完日落就去食小食,食了好多好多東西!因為今日係星期日的關係,所以全部店舖都開了,好好行!正!我行到八點半就返台北車站了!返到台北車站,就返酒店放底所有戰利品,之後再行書店街!不過都買唔到咩書,只係買了一本「LOVE BOOK」同一本「HEART BOOK」!返到酒店沖了涼見肚餓,就落了樓下的全家買了碗牛肉麵食!好好好好味!

Saturday 03rd September 2005 12:13:21 AM
舒服和休息的一天[ 0 messages] 
無分類

今日係台北之行的第二天,今日都係全日在舅父家中渡過,因為我一早plan了頭兩日都係休息日!好舒服咁過了一個上午,正!因為今日係星期六的關係,所以我的表弟妹好早就返到屋企!咁我就同我兩個表弟落街打波,表妹就留在家中溫書!我們去了樓下籃球場打波,打了一陣,見越來越多人,所以咪去玩「捉迷藏」!好耐無玩過喇,好累!兩個表弟跑得好快,追到我勁累!玩到汗流浹背,之後返上屋企沖涼!屋企大真的好好,洗手間都可以有兩個,唔洗爭!沖完涼就食飯了,晚餐好豐富,好好味!晚上,我出了桃園火車站,因為好多東西可以睇,可以買!正!買了好多馬騮仔的東西,勁可愛的馬騮仔,真係好似我個仔的!一樣咁攪笑!返到舅父屋企之後,上了一陣網,同幫他們整好了部電腦!功成身退,明天就出發到台北,玩、買、食!哈哈哈!

Friday 02nd September 2005 12:11:18 AM
台北之旅二步曲正式開始![ 0 messages] 
無分類

今日一早就起了身,等待離港的一刻!時間好似過得好快,所有事情都好似話咁快就到!好多謝樂接我們到機場,令我們不用搭成個鐘巴士!今次搭機好好,至少今次隻耳仔無平時咁痛!落機之後,我買了張預付咭接著就到的士站搭的士!部的士超正,係Benz所類車!在舅父家將會渡過兩天,之後先自己住台北!勁黑仔,我的眼鏡俾我的表弟整斷了!唉……不過好彩佢無整親!晚上去了食海鮮,好味!飯後都係電視之夜,因為台灣的電視節目真係好好好好睇!

Thursday 01st September 2005 12:08:56 AM
期待出發的一天[ 0 messages] 
無分類

明天就出發了,台灣之旅二部曲!今次心情一般,因為只有我自己去玩,所以一般啦!好期待777-300,好期待有咩特別的事情發生!颱風剛剛過,唔知天氣會如何?希望有一個好天氣,就算落雨都唔好太大!

Monday 29th August 2005 01:28:37 AM
努力搵錢!![ 0 messages] 
無分類

今日超開心,因為約了阿珮在旺角食LUNCH!好開心,好耐無見了!都有成年喇,佢都無咩點變,反而我這一年來變得現實了!我要好努力搵錢,我諗佢明白點解我要努力搵錢!我好認真的,相信沒有一件事比這件更真!雖然有些時候(應該係大多數時候)我都鍾意講笑,但我認真的時候是十分認真的,無見咁耐都無變過!每日每時每分都想著這件事!或許佢會認為我只是說說,其實都唔係或者,應該係一定!!佢一定以為我只是說說,但都無咩緊要,因為時間會証明的!

今日唔知點解諗起「在世界中心呼喚愛」!有時愛太過沉重,會令人好累,但愛一個人的確係一件快樂事!因為一個你喜歡的人、一個忘不了的人,而等待,到底是幸福,還是不幸福!幸福是有一個人俾你等待(往往有好多人連等待的機會也沒有)、不幸的是你不知還要等多久!有時鍾意一個人就彷如一隻腳在天堂,一隻腳在地獄!永遠攪不清自己那時是天堂,那時在地獄!只有旁觀者至看得清楚!好想睇多次「在世界中心呼喚愛」,買隻DVD回來咁耐都無睇過!因為裡面所講的愛太沉重,令我感到自己好渺小!可能係我太投入角色當中,所以想睇我流淚其實都幾易!我喜歡去感受感情、感覺同感慨!

「早上醒來發覺自己哭,
 倒不是因為傷心,
 從夢中重返現實中時,
 不得不面對真實生活的無奈」

好忙好忙的一天,好多事要做!好忙,今日食完LUNCH之後,約了WILLIAM一齊去中南買紙,唔睇都唔知有咁多種紙!最後總共用了77蚊買6張紙!好貴!

之後就繼續工作,工作同工作!攪到好夜,但工作還未完成!唉……好趕!好累,如果有人支持的話,我諗會做得更好!至少疲累也會減少,因為有人為自己打氣!但可惜……

另外,今日有人找我影結婚相連拍片!我都唔明出面些人的諗法,其實我開的價已經偏低!佢地真係唔知行情的,如果只是留個記錄,不如找自己的朋友!找得我們,當然係想留下一個美好的回憶先找我們啦!出面影相同拍片分開計的,而且價錢都唔平!我都唔明些人成日都有「又要馬兒好,又要馬兒唔食草」的心態,就算我咁平俾你,你都未必信我會做得好好啦!唉……無奈!當然,如果佢係我的好朋友又另計,就算唔收錢又點話,但佢又唔係!有少少唔開心,因為其他人總是覺得做DESIGN好易,係人都做到,或者按一個制就完成咁!好似我們搵老襯咁,但我們做到隻狗咁又有幾多個知!唉……

Sunday 28th August 2005 01:26:17 AM
Apple@Stanley[ 2 messages] 
無分類

今天好開心!因為我今日拍了一輯好好好滿意的人像相!好好的MODEL,配合度好高!好快就知道我想要些什麼,所以好滿意她的表現!而我今日的狀態都唔錯,所以些相好好,質數好高!雖然今日都幾辛苦,又曬又累!但可以影到一輯這樣好的成品,我覺得好值得!好多謝APPLE的全力合作,其實妳真的有做MODEL的條件!不如諗諗轉行!哈哈!


晚上同一大班親戚食飯,因為婆婆星期五就返台灣!所以成班親戚到來食飯!我好開心,開心!同兩個表弟妹玩,好攪笑呀佢地!勁得意!
今次去台灣,舅父唔得閑去機場,所以要搭的士去我舅父家!

Saturday 27th August 2005 02:38:39 AM
遇上了……惡運![ 0 messages] 
無分類

今日做咩都唔多順利,好忟呀!一早見到那些相我就好唔滿意,明明要A3,但佢只係用一張A3紙印出一張A4 PRINT OUT!嬲到我!都唔明佢點做的,當我「水魚」咩!仲要唔係平!而且好淡色,真係令我極之唔滿意!但WILLIAM又唔識,攞了回來!如果係我就一定唔收貨!之後去買CARDBOARD,我要買A3黑色CARDBOARD!個阿叔死都要話佢那張就是A3,但我一睇都知唔係啦!頂!講到好似係我唔識咁!咁我咪同佢度張咭,一度就知!佢仲要話差唔多!頂!想點呀!明明係B SIZE,係都話係A SIZE,仲要話差唔多!差好多就真!唉……真係俾佢激死!淨係CUT板同CUT相都攪了成晚,仲有四日都唔知趕唔趕得切!唉!越來越擔心!希望之後會順利些啦! 晚上送WILLIAM去搭車,順便去七仔買飲品!遇到一位舊同學「阿峰」,佢肥了!都無兩句就走了,因為WILLIAM要趕尾班車!只係攞了個電話! 返到屋企同阿四佢地打了一陣機,點知越打越忟!唉,次次都係我死!仲要次次都係死人健殺的,好嬲!本身今日都唔開心,諗住同佢地開開心心玩陣,點知仲唔開心!唔係輸唔起,只係我一出現就死,鎗都未RELOAD就玩完!唉……下次心情唔好都係唔好打機!今日差些少連MOUSE都拍爛!這幾天脾氣好壞,我都唔知點解!總之就好易扯火,好忟!可能係太趕了,而且我想做到最好,有好大壓力!但又好似無咩人同我分擔,所以變得有些暴躁!總之如果返來有咩得罪,請大家多多包容! 明天約了APPLE去赤柱影相,希望有好天氣、有好心情同影到靚相啦!希望可以RELAX,星期一再完成所有工作!唉……都係 有些少擔心!

Friday 26th August 2005 02:35:32 AM
Happy Friday !![ 0 messages] 
無分類

今日樂來了接我,好開心!因為唔洗迫巴士再迫地鐡,正!今日勁開心,因為樂!正呀!HEHEE!另外,今日總算攪掂了機票同酒店的問題!我將會2/9出發去台北,6/9先返!要搭單買東西的就自行聯絡我喇!記得俾錢!哈哈!夜晚去了大家樂食飯,原來觀塘要行都可以行一日的!今日買了一條褲,好開心!而且只係$195!^_^
仲有,NIKI隻新鍱都唔太差,我比較鍾意「好人難做」!

<好人難做>

知你好 長得高 伴著漫步令女生羨慕
能熱戀 真驕傲 我要每位都親眼見到
當你問 我是否跟你終老
我答誰又有力裝籠牢 或者相愛算數
來吧跳舞 也許戀愛中人也不會衰老
當這樣大家都好

 為求你開心
 飾演忠厚女生 事事也不過問
 我是吸引你的心才來熱吻
 不用 問是否好男人

 全憑我好心
 就算總充滿疑問 學習到不傷身
 當你又移情誰又是嘉賓
 當我是情人誰又在旁付出至死一吻
 無論誰在吻 但未必比豬吸引

很難做 極大霧 步步亦是萬八分惡做
能做的 都肯做 我也已好心給你對賭
不過問 我自甘皆因喜好
對你其實已熱戀窮途 練得不會呷醋
從文棄武 你想要的 讓我不怕虛耗
你錯就是我不好

Thursday 25th August 2005 02:15:33 AM
阿珮!生日快樂![ 1 messages] 
無分類

今日好早起了身,好早,真的好早!知道Cindy的病好番好多,好!不過你都要休息多些!今日工作到十一點左右,好累!做了全日,頭有些痛!但總算完成了三份之一的工作,累!全日都對著個電腦,對眼超累!總結來說一個字「累!」!但貪玩的我,始終都找了阿四打了一陣機!不過阿四打了一陣就覺得唔舒服,所以唔打!今日全日都係「愛情已死」陪伴我!好多歌!好好聽!其實聽番"三國誌"、"愛我別走"、"如何掉眼淚"、"我怕愛戀"等等……都覺好好Feel!好好聽!有些歌係需要時間和經歷先明白的!人生經歷多了、感情豐富了、歌聽起來都好似唔同了!

今日係阿珮生日,生日快樂!我好期待與你見面的日子,哈哈!生日快樂呀!你張生日咭我用了好多心機整的,希望你鍾意同收到啦!因為e-mail的東西好易寄失!

Apple!我對你好失望!唉………

<垃圾> 
 
如果我是半張廢紙 讓我 化蝶
如果我是個空罐子 為你 鐵了心
被你浪費 被你活埋
讓你愉快 讓我互解
為你盛放 頹廢中 那媚態

 留我做個垃圾 長留戀於你家
 從沉溺中結疤 再發芽
 情愛就似垃圾 殘骸雖會腐化
 庭園中最後也 開滿花

 被世界遺棄 不可怕
 喜歡你 有時還可怕
 沒法再做那些牽掛
 比不上 在你手中火化
 不需要 完美得可怕
 太快樂 如何招架 殘忍不好嗎

Wednesday 24th August 2005 02:56:29 PM
HaPpY DaY[ 0 messages] 
無分類

今日同我澳洲的朋友Cindy玩了一陣視像!好開心!因為我可以在她悶的時候給予她少少的娛樂!好開心!做朋友應該如此的!另外,今晚同Apple傾了一陣電話,好耐都無同佢傾過計了!其實我都幾關心佢的,因為佢其實都幾需要人保護的!但有時我都唔知點幫佢好,(我真無用)!不過點都好,其實我們大家都好愛護你!有唔開心不妨找我們,就算幫唔到都會細心聽你發脾氣!仲有就係︰「生日快樂!日日都咁快樂!」想去旅行又無人陪的話可以找我!不過夜晚你要睏浴缸,lock門我會幫你!否則我一定有危險!哈哈!

另外,得知Cindy病了!(今次係香港的Cindy)本來諗住打個電話俾佢,但因為怕嘈住佢休息,所以都係明天先打!你要好好保重身體!飲多些水,休息多些就好快好的!你病了大家都會好掛心和緊張的!(我病了都無咩人理!好彩樂都會問候我和幫我買藥!因為我超懶買藥,食曬都懶得買!)總之你就要快些好番啦!

除此之外,今日仲走了去行山,超累!不過影了一些我好滿意的照片,不過都仲未夠用!唉……時間一日一日咁過,仲未攪好!唉……(無奈中)多謝阿高生陪我行山!多謝!不過你今日些相我唔多滿意,影過呀唔該!

雖然好累,但夜晚仲同阿四佢地玩一個新online game!玩到成五點,死!仲要一早出去!唉……都係怪隻game太好玩喇!Karen你入唔到係咪因為你的firewall block了呢?希望你可以一齊玩啦!等你!好累zzzzzZZZZZ

今晚Karen問了我一個問題,我真係唔知點答佢!其實只要感到佢幸福,我已經好滿足!要學懂知足,太貪心可能弄巧反拙!我同佢都唔係日日見,但就算日日見都唔代表感情會好好!只要佢知道我對佢好,關心佢咪就ok!有些事情係要雙方面都付出的,單方面的行動又可以點!

Monday 22nd August 2005 05:47:59 AM
YEAH !! 我終於買了Webcam![ 2 messages] 
無分類

今日繼續我的戰鬥!唉……雖然天氣好番好多,但係收穫都唔多,而且仲有少少失望!不過,今日終於在廣益買到相集用的材料!好!幾驚買唔到,買唔到就大件事!都唔知可以找什麼代替,好彩依家找到!仲有唔夠半個月就要交,希望趕得切!唉……好趕!另外,我終於買了一隻Webcam,可以同我的朋友玩玩視訊!開心!

Sunday 21st August 2005 03:24:50 AM
好憎一些人--賤男人同一些會說無錢、阿媽唔俾、無時間的人!![ 2 messages] 
無分類

我都幾鍾意睇別人的Blog,特別係一些我關心的人的Blog!每一次都好期待他們寫下些什麼,不論悲或喜!每次睇完別人的Blog我都總會有些感觸,佢開心唔開心我都會被牽動!我成日都會覺得大家的Blog都好有性格,但我的就……其實都幾唔開心!到底我是什麼呢?自己也不太清楚,但總希望有一日能夠知道!唉!有時要推人總是有千千萬萬個理由,我一些同學就是如此!無錢、阿媽唔俾、無時間等……無錢同我玩,但又有錢同別人玩、咁大個人仲要阿媽管、無時間?我又唔係今日約今日出來,都俾了好多時間你Plan!唉……好失望!次次都係咁永無話應承了就做!唉!我好唔開心,係咪我真係咁唔好玩呢?唉……大家唔去,我自己去!唔好同我講咩無錢、阿媽唔俾、無時間等……下次你們叫我也可能會無錢、阿媽唔俾、無時間!
今日有件事令我好嬲!我的好妹妹"阿婆"其實你的男人都唔愛你,你就和他分手啦!一個男人可以無錢,無樣!但佢連愛你的心都無的時候,佢值得你為佢做咁多東西嗎?佢又無錢,又無樣,年紀又大,仲黑人憎到要你養番佢轉頭!你仲年青,一個二十歲出頭的少女唔洗咁作賤自己!你仲有大把世界,而且你又唔係唔靚女!為了件咁既人,值得嗎?到你三十歲的時候,你一定後悔!我真係唔知講咩好喇!唉……身為你的哥哥,我唔想見到你咁樣,好男人仲有好多,唔好攪到自己咁樣!我會好心痛,好多人都會好心痛的!今日係你的生日佢都可以咁對你,我真的唔敢想像佢平時點對你了!生日係應該開開心心,拍拖都應該係開心多於唔開心!現在已經係咁,仲點過人世呀?等住去世就得!我真的好嬲有個咁既人蝦你!我的確好憎有些咁的男人,影底曬些男人!記得有咩事都要找我們,唔好一個人自己面對!另外補加一句︰「生日快樂!」!今年識過個男人啦,下年生日你要帶個又有錢、又靚仔、又愛你的男人出來!記得呀!
好想睇我個松隆子的<隱劍鬼爪>,好想好想睇!但怕會好悶,因為山田洋次的片有時都幾悶的!但松隆子第一次攞影后的片,我又唔可以唔睇!百感交集,唉……

Thursday 18th August 2005 04:15:41 AM
另 一 個 世 界 的 自 己 [ 3 messages] 
無分類

今日買了<戀愛寫真>來看,有一點感動!因為我把已經遺忘了很久的感覺從新再想起來!我為什麼喜歡拍照、拍照到底是為了什麼?我真的忘記了很久!有時我甚至忘記了拍照給了我些什麼!今晚睇完<戀愛寫真>之後,令我想起一些東西,想起一些感覺!拍照讓我記錄一些感覺、一些情景、一些人、一些物!我可以從相片中把自己的感情記下,就算時間過得多久,感情還是留下!一幕幕的回憶從新記起,一些又一些當時的感覺從新回味!拍照就是這樣可愛,這樣吸引!如果人死了就是死了的話,相片就是那人的再生,由照片把樣貌記下、把喜怒哀樂記下、把感情記下、把感覺記下!只要別人看到,他的一切一切就告訴了別人!人死,相片就是他的延續!數碼相機的出現雖然帶來了很多方便,但亦因為太過方便我們忘記了很多東西,例如把相片沖曬出來!一張張相片就沉沒在電腦的硬盤裡,不知多久才發現它的存在!可能我比較鍾意捕捉剎那的感覺多過片刻的事情!所以我鍾意攝影,多於拍攝!我諗相機適合我多些!<戀愛寫真>的確有<情書>的味道,無論鏡頭的角度、拍攝的手法都好靚!可惜一場槍戰令到佢有些敗筆!但整體感覺都好好!或者成為一個攝影師是一條難行的路,但至少我有我的目標!

「 原 來 拍 照 是 這 麼 一 回 事 ,
像 叮 噹 用 來 四 處 去 的 「 隨 意 門 」
打 開 門 就 見 到 另 一 個 世 界 ,
踏 出 腳 便 能 馬 上 到 達 ,
像 這 照 片 一 樣 , 伸 手 進 去 . . .
便 感 覺 到 風 的 聲 音 、 街 頭 的 香 氣 ,
就 像 是 遇 上 了 另 一 個 世 界 的 自 己 。 」

今日係我其中一位朋友的生日,可惜佢未必想同我成為朋友!但我真心希望佢幸福快樂,快些找到一個好男人照顧佢、保護佢、愛惜佢!生日快樂!我諗佢未必會看到,但我希望有一日佢會知道,好多人都好關心佢!唔開心的事人人都會面對,但只要過去了就忘記了吧!

Wednesday 17th August 2005 04:16:59 AM
疲憊[ 0 messages] 
無分類

開始失去信心,感到疲憊!有一種離目標很遠的感覺!

Tuesday 16th August 2005 04:17:54 AM
Tomorrow is another good day[ 0 messages] 
無分類

今日都係作戰中,但越來越感到無力!我真的不能超越自己嗎?今天好像沒太多收穫,日子越來越少!希望明天比較好!

阿四生日快樂!今晚陪唔到你對不起!希望你今晚過一個好開心的生日! 

Monday 15th August 2005 03:44:24 AM
Charlie and the Chocolate Factory[ 0 messages] 
無分類

今日同CINDY,KAREN,JIM一齊去睇JOHNNY DEEP 的 "Charlie and the Chocolate Factory"我約了CINDY在APM等,而KAREN就同CINDY一早就到了,仲買了戲票!另外,因為JIM要學日文,到8:30先放學,所以我們先去食飯!今晚,我們去了觀塘的椰林閣食飯,我就叫了一個咖哩牛肉飯,好味!而JIM就在我們差不多食完的時候出現,其實我都唔知佢肚唔肚餓,因為佢都無食!唔怪得之佢咁瘦啦!今次見到JIM的新型像總是覺得怪怪,眼鏡同髮型都好怪!哈哈,不過我諗佢都唔想的,因為太忙了!之後我們就返APM睇戲了,套戲真係唔錯!好笑得來有含意,而且好有TIM BURTON的風格!好鍾意那些一樣樣的小矮人、好鍾意返回童真無東西是不可能的感覺、好鍾意那些攪鬼的音樂、好鍾意那些甜到漏的朱古力、好鍾意祖父所說︰「錢只不過是一張張廢紙,銀行多的是,而GOLDEN TICKET全世界只得五張,而且不會再發行,再愚蠢的人都識得選擇!」、好鍾意陪我睇這套戲的人!不過總是覺得JOHNNY DEEP扮占基利,但都係一套我好鍾意的戲!再之後我們去了睇夜書檔,KAREN找來一本LOVE ANSWER的書,我們都有玩!我的是"賣火柴少女「同情不如給我,給我不如愛我!」,而JIM的是隱士,KAREN的是什麼越離開便越接近,可惜CINDY的那個看不到!我真的好想看看她的結果,真的好想!差不多十二點,大家都各自回家,而天亦繼續下雨!返到屋企先發現原來11/08係交學費的DEAD LINE,死喇今次!仲未交,大鑊!希望開心能夠每一天都存在,而我的善忘症會好些少啦!返屋企的時候,聽了首<小丑魚>,唔知點解好有FEEL!

<小丑魚>

我在你身邊游來游去
我不敢出聲 看著他親吻你
眼不能閉

看你的唇印還在那裡
你隔著玻璃所以聽不見
我在嘆息

說不出口的秘密
永遠活在小小的世界裡
僅存一點稀薄的氧氣
是否夠我繼續撐下去

這件脫不下來的外衣
還是你喜歡的橘
我不能確定 是否你曾經注意
我的眼淚流在透明的水裡

 Lady Lady One More Try
 再試著了解我的愛
 發不出聲音的感慨
 選擇作朋友的無奈

 Lady Lady One More Try
 提醒我何時該走開
 只要你偶爾想起來
 我就住在那片海*

等我轉過身 看妳眼神
才知道自己 想得太過天真
傷得太深

愛來的時候 劃破沉悶
我早該知道 妳終究不是我
該愛的人

黑暗中兩眼無神
夜裡不再為我開盞燈
始終不敢將愛說出口
當然沒有資格去競爭

戀愛和失戀同時發生
怪自己枉費青春
我輸得徹底 把臉深埋在水裡面
卻還要演好這一場戲

那片海 眼看就要
讓我愈來愈遠 回不來
從此 你的不愉快
那麼遙遠 誰聽你埋怨

再說一遍 說一遍
Ya... 我在你身邊
給你一點點愉快就
會心甘情願回到大海

那片海

Sunday 14th August 2005 03:42:39 AM
三個醉酒佬[ 0 messages] 
無分類

今日都係作戰中,但晚上約了KEN同WILLIAM食飯,好開心咁食晚飯!飯後我們飲了兩支1L的白酒,好HIGH但又唔係醉,好清醒的那一種!感覺都幾爽的,哈哈!但WILLIAM就飲到嘔,但佢一定唔係飲得最多的那一個!唔知點解今晚好想痛痛快快咁飲一場!好彩有佢兩個陪我飲,多謝你們!<*註︰我平時係唔飲的,因為我對飲酒興趣不大。>下次想飲的時候都可以找找阿全,可惜佢住得太遠了,對我來說!不過找朋友出來飲酒作樂都幾爽的,哈哈!下次啦,不過都唔知要幾耐我先再有咁樣的興致!當然朋友要我陪我都好樂意的,不妨找找我!格離張相的主題是<三個醉酒佬>,哈哈!好開心!好期待有機會一班朋友一齊去PUB飲酒的日子!一定唔錯!

Thursday 11th August 2005 03:41:35 AM
愛作戰[ 0 messages] 
無分類

作戰中……要加油!唔可以輸的!

Wednesday 10th August 2005 03:40:27 AM
放榜日[ 0 messages] 
無分類

妹妹今日放榜,我的心情比她緊張!雖然佢成績唔係太好要REPEAT,但都叫搵到學校!我都知佢好唔開心,但跌過先至知痛,只要明白自己的不足,下次好好改善就OK喇!加油呀阿妹,下年要更加努力!今日好累,真的好好好好累!感謝樂陪我們一齊行了咁多路,多謝那一餐自助餐!你的存在的確好重要,至少對我來說是!

Sunday 07th August 2005 04:59:29 PM
STEPHY終於到手[ 1 messages] 
無分類

今日雖然仲係唔舒服,但比昨天好很多!今日CHECK MAIL的時候,知道了自己在一個小小的攝影比賽中得了一個優異獎!雖然獎品唔係些什麼貴禮物,但得獎都係一件好開心的事!STEPHY 終於到手了,不過用了$99!有些少肉痛,因為第二版只要$70!都無咩所謂啦,心頭好,加上難得有東西想買!可惜買唔到綠色的那一隻,只係買到藍色的,不過都開心中 …… 大部分新歌都係STEPHY自己填詞,唔知真定假,因為我覺得佢都填得唔錯,以第一次填詞來說真的很不錯!特別鍾意<藍鞋子>,鍾意那種淒美,淡淡的感覺,從心中細細的流出!女仔都係柔柔的我比較喜歡,太強的女仔會令人感到無法接觸!要別人保護的會令我感到她需要自己,有一種存在感,價值感!或許對我來說這就是我的安全感!我需要一個同樣需要我的人!如果有女仔會同我講<不要離我太遠>,我會感到很窩心!

<藍鞋子>

都 分開太久了
誰 曾令我默許
睡 不懂渴睡已減退
淚 停在我心居

 太累了 太累了 不再飛天遁地
 但求一天 可跟你再走遍
 太在意 我願意 能情願甘心做後備
 為何要說句 配你不起 (對你不起)

 藍鞋子挑選那位
 是記憶當晚接近零晨時穿起
 那樣淒美 扣著雙臂 沿路相隨
 難道也許 我未曾將愛實現
 由你配襯它 怎麼不允許

 如童話般歡喜
 是太多心愛最後亦能如玻璃
 故事精美 決定等你 期待一年
 如若有天發現能 藍鞋稱身
 能否想起我 能否親親我更多
 (如不敢親我 仍可高聲唱愛歌)

Saturday 06th August 2005 06:43:16 PM
Missing You ...... STePhy[ 0 messages] 
無分類

今日超唔舒服,都仲未買到Coloring Stephy!今日無意間睇到今日就係交咭數的LAST DAY,嘩……所以咪一支箭趕去交!跑到死咁,加上唔舒服,跑完真係好似就死!唉 …… 晚上在觀塘見到有得賣,但要成$138!嘩……唔好去搶!所以無買,好想好想買!Stephy妳要等我呀!另外,今晚同William食飯,開心的!人大了,好多事都要煩,懷念以前無咩要煩的日子!好辛苦,飲了一碗中藥之後超想嘔!唉 ……

<他不准我哭> 
 
誰說分手都應該歡天喜地
就好比過了愉快的假期
誰說要我趕快學會凡事也看輕
淚水假使污穢了眼影 哪位可處理

他不准我哭 怎麼可以哭
分手都要有一臉笑容
淚水忍得到 方可進步 變作石頭粗糙

他不准我哭 怎麼可再哭
不想他抱歉和別人抱
心知肚明他想我好 堅忍卓絕可鍛鍊到
如日後被別個拋棄亦捱到
(如日後被別個拋棄亦不痛)

誰說分手都不應呼天搶地
若相戀到了絕症的晚期
誰說再重的愛亦較門外雪更輕
淚水假使淹蓋了眼睛 哪位可處理

如果哀傷都也可伴隨 眼淚點點滴去
我抱著頭肆意失聲痛哭 難道有罪

真的想哭 真的想哭 分手怎會一臉笑容
淚水忍得到 即使進步 也似石頭粗糙
真不想哭 真不想哭 他怎可以和別人抱
心知肚明他想我好 堅忍卓絕可鍛鍊到
如日後被別個拋棄亦捱到
如日後被別個拋棄亦不痛

Friday 05th August 2005 06:45:47 PM
Lok的新形象,靚![ 0 messages] 
無分類

生病中……晚上出了街食飯!開心!但好唔舒服,病真係煩!真係要好好保重身體至得!買唔到Coloring Stephy,唔開心!

<不要離我太遠>
 
如果你想我哭 憑恐嚇就能夠
而你其實不必 真的要走
除非我不夠好 毋需再做朋友
而你情願孤單 都不接受

要是我 先開口 很需要 你逗留
告白有用 還是根本沒有
求求你 保護我 可是個 更差理由

不要離我太遠 掉頭望一眼就見
分隔開 過了十米 我便懷念
不要離我太遠 突然離開我視線
這個心 也會被你牽走一片
就算辭行未可以避免 請你走之前
仍能讓我發現 曾為我真的心軟

離開你一秒鐘 立刻我就頭痛
誰人陪在身邊 都不放鬆
情感已經接通 明顯你在遙控
如你留在對岸 怎麼會動

不要離我太遠 二人離天百丈遠
心愛的 為何又要變做懷念
不要離我太遠 突然第三次大戰
極惶亂 仍然盡快趕到面前
就算辭行未可以避免 請你走之前
仍能讓我發現 曾為我真的心軟

Thursday 04th August 2005 06:47:12 PM
珠海之行PART 3[ 0 messages] 
無分類

今日終於走得,一早食了早餐就坐車走人!淨係坐車都坐了五個鐘頭,好累!又悶,唉!有時都唔知大陸有咩好,又迫又污穢!唉!大城市我諗會好些,鄉下地方就真係 …… 一返到香港就接到四個樂留的攪笑留言!好開心佢留咁多留言俾我,個個都令我有一種窩心的感覺!好好的留言!但之後因為一些事情我們有少少唔開心,一些佢唔覺得係問題的問題,但在我心中係一些大問題!或者係我太緊張佢了,唉!佢又唔知我到底有幾緊張佢,可能我真的要好好學習我的溝通技巧先至得!唔開心中 …… 唉!好累,真的好累!我諗我有些少感冒!

Wednesday 03rd August 2005 06:48:10 PM
珠海之行PART 2[ 0 messages] 
無分類

今日同樣係超悶的一天,下午同些大陸佬傾些事,去了一間酒家食午餐,些大陸佬好鬼死煩,又懶醒!如果唔係要拉好關係,真係唔鬼食這餐飯!之後去了電腦店切機,頂!他們都唔識切的,要我教番轉頭!激鬼氣!同他們上了一課,白白便宜了他們!始終都係最滿意個晚餐,好好味!

Tuesday 02nd August 2005 06:49:20 PM
珠海之行PART 1[ 0 messages] 
無分類

今日返了大陸,好悶好悶!不過晚餐方面就好好,我食到我好鍾意食的蟶子!正!這裡的電腦異常的落後,唉 …… 諗起都把幾火!

Monday 01st August 2005 06:51:57 PM
游水記[ 0 messages] 
無分類

今日係八月的第一日,一個新開始!好熱的一天,所以去游泳池游水!昨晚已經約了WILLIAM一齊去游水,哈哈!我們決定去九龍公園游泳池,但原來今日係救生員罷工!不過個九龍公園泳池好鬼賤格,成十個救生員看守一個副池,仲要係兒童池,個主池又唔開,仲要係只容納到百多人,要分批進入!都唔知一個副池洗唔洗成十個救生員睇,簡直係浪費!頂!都唔知管理公司點做事的,真激氣!見這裡無辦法游水,所以我們兩個決定返馬鞍山游!嘩!馬鞍山個泳池開曬,勁好游!好開心咁游了一個下午,好正!不過因為今日天氣太好,好曬!但咁的天氣就最好去游水,而我就曬黑了不少!游完水之後去了新港城飲了一杯杏仁珍珠,好味道!另外,阿欣、阿全同JUDY今日返了學校補考CMS,我知道了阿欣好似唔係考得幾好,個心都有些唔舒服,因為係我幫佢溫書的,佢考得唔好我都有些責任!希望阿欣唔好唔開心啦!

Sunday 31st July 2005 02:54:05 AM
狂歡三寶之七劍下天山[ 1 messages] 
無分類

今日約了WILLIAM和阿KEN去觀塘APM睇戲,可是到了APM先發現無位!所以我們去了旺角,去了新寶戲院買了十點幾的"七劍"戲票,之後就去食飯!由旺角行到去尖沙咀,再由尖沙咀去番旺角!去了"全日食"食自助餐!都OK啦,唔錯!之後連DEBBY都來了!好!終於齊人!哈哈哈!好開心!食完之後去睇戲,都幾好睇!好想快些睇下一集!期待中!

Saturday 30th July 2005 02:55:22 AM
釣墨魚之夜[ 0 messages] 
無分類

今日過了一個安靜的早上,下午就等待今晚出海釣墨魚!大約五點半,CINDY打電話俾我約好在那裡等之後,我就去了買暈浪藥,因為我怕暈船浪!小心駛得萬年船!我同CINDY都好準時,其他人未到,所以我同CINDY行了一陣海邊,KAREN就打電話俾我們!一班人走到碼頭,JOIN了其他人再等埋嘉嘉同佢表妹就出發!今晚識到一些新朋友,例如:今晚的主角阿CAT(因為佢生日)、阿CAT媽咪(好好傾,好好人)、CARMAN、阿曹和生仔!好開心,但可惜今晚釣唔到墨魚!今晚得阿曹同KAREN釣到墨魚,好勁!上岸之後,我們去了滿記食甜品,我就食了一碗紅豆沙豆腐花!好味道!上岸之後我都比較靜,因為我真的累了!的確好累!同CINDY一齊返屋企的時候,在巴士上雖然大家都好靜,但好舒服,靜靜的過了一程車!有時我都幾鍾意靜,可以靜靜感受身邊的一切,實實在在的感覺!有些感覺係要細細慢慢感受!

Friday 29th July 2005 02:57:13 AM
澳門之旅 PART 2[ 0 messages] 
無分類

今日就十二點check out,之後去燈塔!我們行上去,因為唔係太遠!行都係二十分鐘,所以咪行去!點知落雨,好無奈!行到上山的時候,仲越來越大!我們又沒有帶傘,所以都係決定走,下次先再去!咁我們咪找的士去食肉骨茶,點知間舖唔見了!我們唯有行去別的舖頭食其他東西,但一心諗住食所以都唔知食咩其他好!行行下,竟然俾我們找到一間食肉骨茶的舖頭,原來佢搬遷了到這裡!食完之後,諗住坐的士番新馬路,點知找了好耐的士都無!等了半小時終於等到的士了!去到新馬路,我們走去食豆腐花!當中有兩個小插曲,第一個係:老闆唔小心幫我們的豆腐花落了花奶,不過佢好好人幫我們換了新的!好好人!第二個係:咁橋蘋果日報來做訪問!食完之後,都無咩好做所以決定走,返香港!在八百伴買完手信就去碼頭了!返到香港,我們坐地鐡去旺角!在旺角的王家沙食了個晚飯,行了一陣街就返屋企了!走的時候俾我見到STEPHY新鍱的POSTER,所以都係去信和望一望!原來04/08先出!期待中!但在信和我和樂都有些收穫,就係十蚊張正版CD POSTER!我就當然買我的松隆子,好靚!希望佢快些出新鍱啦!

Thursday 28th July 2005 02:58:19 AM
澳門之旅 PART 1[ 0 messages] 
無分類

今日一早起身,因為要去澳門玩,好開心!我們搭十一點的船,所以我就一早要起身!都仲好眼睏,但又唔可以MISS班船!加上心情興奮,所以都睏唔著!但上了船之後就睏了,因為都無咩好做!我們到達之後,就去了八百伴食LUNCH,好大鍱飯,好飽!食飽後,我們到酒店安頓一下,就出發去玩!間酒店房好靚好大,不過部電視就……唉!第一站我們去了新馬路,在那裡我買了一個好靚的手提風扇和一隻好得意的蕉!晚餐之後去了大三巴,晚上的大三巴好舒服,好涼爽!而且仲好靚,我們坐在上大三巴的樓梯上傾計!日頭一定唔得,因為太多人了!晚間會少好多人,好靜好舒服!坐了一陣,我們就回酒店放低所有東西,出發去金沙!去到金沙,我換了$100玩老虎機!玩了好耐,之後我們去了金沙裡面的肯德基食些東西!再之後就回酒店!好開心的一日!

Wednesday 27th July 2005 02:59:49 AM
生日快樂 ----- LOK[ 0 messages] 
無分類

今日係LOK的生日,我就一早出街買佢份生日禮物!買了一份我都好鍾意的禮物,我自己真係好鍾意!我都好想買多件俾自己,但好貴 ……所以 ……唉!二十三歲生日,生日快樂呀!晚上去了尖沙咀的RICE PAPER食晚餐,好彩一早定了位!好正,可以看到海的窗口位!好正!這裡食飯傾計都好正,而且都唔係好貴!佢收到份生日禮物之後都好鍾意,我都好開心!好開心咁過了一個夜晚!

Tuesday 26th July 2005 03:02:04 AM
四美相伴[ 0 messages] 
無分類

今日早出了尖沙咀幫阿欣溫CMS!好累的感覺,可能返來出街太多的關係!幫阿欣溫了一陣書,我們就去了買衫!我好開心咁買了兩件衫,而阿欣都買了一件!之後KAREN打電話俾我,叫我一齊剪頭髮,我正有此意,所以就去了旺角!今晚連CINDY都出了來,好開心!一大班人一齊食晚飯,好開心!我們食完飯之後,去了影貼紙相!好開心,好高興!可惜阿欣要返屋企先,所以無同我們一齊去!之後我們都回家,我同CINDY就搭火車,而KAREN同佢個妹就搭小巴!在火車之中,我講了好多廢話,我諗CINDY會覺得我好無聊了!哈哈!

Monday 25th July 2005 03:04:41 AM
好多人的資助辦事處[ 0 messages] 
無分類

今日一早去了長沙灣交資助的 FORM !好多人,我去的時候是叫到114號,而我就拿著202號!唉……等了好耐!到我的時候,可能因為我的文件太齊,又分門別類!佢好快就對曬所有東西,但都唔知佢想點,睇完又睇!淨係睇簽名都睇了成個字!頂!好煩的傢伙!之後終於走得,咁我就JOIN我妹妹,一齊行了一陣黃金!實在太悶喇,所以去了旺角!去了朗豪坊的EURO GOGO食LUNCH!好好味道!之後WILLIAM都出了旺角,我們一齊去了一間樓上CAFE食TEA,我杯西瓜冰沙好好飲!食了好多東西,傾傾計,咁就成六點了!晚上,我妹妹返屋企先淨低我們倆個,我們就行了去尖沙咀!在那裡行街,行到累就走了去HMV旁邊的麥記坐同食雪糕!之後再行番旺角,因為旺角有通霄小巴!今日我同WILLIAM講,我只是差一個機會,只要機會一到,我們就不會像現在!如果世上真的有魔鬼,我都幾想佢引誘我,我一定唔會拒絕!可惜,都無魔鬼願意同我交易!哈哈!真無用!

Sunday 24th July 2005 03:06:49 AM
PIZZA 好好味![ 0 messages] 
無分類

今日一早我的祖母和細叔綜來了我們家,好突然!因為同我熟的人都知我們和爸爸那邊的親戚關係唔太好!所以有些突然,而我其實都仲未睡醒就要起身收拾一下!他們來了之後,傾了一陣計,我們就一齊去了酒樓食午餐!食完飯之後他們就走了,而爸爸和媽媽就去了街!我同阿妹就留在家中!晚餐我們就叫了PIZZA BOX!好味!

Sunday 24th July 2005 01:15:46 AM
日文、法文還是台語呢?[ 0 messages] 
無分類

今日又係無咩好做!所以決定去學些東西,我諗住去學一種語言,不過仲未諗到學什麼!有些少想學台語,又想學番好日文!還是去學法文呢?如果計有用就一定係日文最有用,因為香港多日本公司,但學法文同台語都係興趣!點好呢?我仲未決定好!唉……好煩!其實我除了要學新東西之外,我都要把握現在得閑的時間好好做番自己的作品集先至得!否則就浪費了今個SUMMER!今晚就走了去何里活廣場同樂食飯,好耐都無去過那裡了!好多新的店舖未見過,所以都有少少驚喜!我們去了"洋食居酒屋"食飯,OK啦!但好似細份了些少,而且上菜奇慢!唉……仲有就係杯鮮檸什飲超酸!食完飯行了一陣就走了!樂今日著得好正,勁鍾意!今晚過得真開心,真的好開心!點知返屋企的時候遇到一個怪阿姐,阻住別人入升降機!咁我咪好惡咁大力拍落個升降機制上面,以示不滿!佢都俾我嚇到閃埋一邊,可能佢驚我係傻的!哈哈!我都好少咁對人,但我真係睇唔過佢阻住大家返屋企!所以先至咁樣,都唔算好激動!哈哈!

Friday 22nd July 2005 01:11:25 AM
FANTASTIC MONKEYMI[ 0 messages] 
無分類

今日去了朗豪坊UA同樂睇戲!睇F4,FANTASTIC FOUR,我知我有一位同學佢好鍾意F4,但係台灣的F4,特別係仔仔!哈哈!套戲一般啦,介紹得神奇四俠太多喇!我諗下一集會好少少,因為唔洗介紹咁多F4!本來諗住睇完戲之後報名去旅行,但樂因為APPLE有事所以要立即去找她!唉……咁我唯有自己返屋企啦!佢要陪APPLE,都無心情理我,所以我唔走都無事好做!留在家無事做,所以睇周日八點黨!食字路口真係好好睇,介紹好多台灣的東西,越來越鍾意台灣!我真係有諗過去台灣讀書或者工作,我真係幾鍾意台灣的生活、台灣的節奏、台灣的文化!可惜政治就差點,而且都唔係話去就去的!但台灣的確係一次玩唔完,我去了五次都仲好想去!

Thursday 21st July 2005 01:06:05 AM
呆呆的外甥仔好像馬騮咪[ 0 messages] 
無分類

今日睏到下午兩點幾,因為好累了!近來晚晚都做事做到好夜,都無好好咁睏過!好累,所以今日好好睏!到下午,媽媽打電話俾我,問我去唔去將軍澳同婆婆食飯!我當然會去啦!所以就出發去將軍澳,用了大約一個鐘就到了!一去到就見到"卓隆"(我的外甥仔),唔知有無寫錯佢名!哈哈!好得意,佢勁cute的!三歲仔已經好識講說話,又呆呆的樣子,但實際上好鬼醒目!人仔細細已經好多道理!勁攪笑的!同婆婆傾計,之後食晚飯!今晚都好多親戚到來,一齊食晚飯!好開心的一個夜晚!返到屋企又收到澳洲CINDY的新BLOG,佢第一個BLOG就出現我了,好開心!証明我都有一定地位!哈哈!我一定會成日去參觀的,但留言要JOIN MEMBER就……!

Wednesday 20th July 2005 12:50:29 AM
BLOG[ 0 messages] 
無分類

今日看了一些朋友的BLOG,突然令我回顧了YEAR 2這一年,今年見過的人(的確有一位失蹤了的同學,唔知佢現在如何呢?)、見過的事,都成為我回憶的一部分!好多謝每一位同我一起渡過YEAR 2的朋友!今年我真的有好多事情做得唔好,回顧一年,我都要好好改善一下!哈哈!開心唔開心都遇過,雖然我好頑皮,好多事都好似好唔認真咁!但有些東西我是很在意的!KAREN曾經同我玩了一個心理測驗,我覺得都幾似我的!表面的我,並不是真正的我!巨蟹座的我比較鍾意把自己收埋,唔係太鍾意俾別人看穿自己!我太需要安全感了,所以我唔太鍾意俾人看穿!同我朋友一樣,我都只係一個普通人,同樣有喜怒哀樂,同樣有害怕的事!
另一位朋友的BLOG中提及<葡萄成熟時>,對!有時的確唔知幾時"時機先至熟透"!對於我,古巨基的<借一秒>比較令我「覺得身在其中,聽得全身發抖,聽得暗然落淚」!

借一秒 ("對不起,我遲了"主題曲)
 
如時光倒後 還能否補救
誰人的手 有幸挽著繼續逗留
誰情願退後 來承擔咀咒
在下次會面時 只淪為張某

*連忙在對焦 拍下這偷看近照
 記下這雙眼睛 竟再共你剛巧對焦
 如能撥慢秒錶 我願爭取快一秒
 我願率先發招 來暫借改寫
 這生故事的一秒*

如重新邂逅 誰人可得救
誰人該走 再別介入拒絕逗留
如同估領袖 誰能猜得透
在下次謝幕時 將是誰失救

這一秒 差一秒

Tuesday 19th July 2005 12:47:14 AM
瘋狂的一晚[ 0 messages] 
無分類

今日一早出了尖沙咀幫阿欣溫CMS,佢8月1日要補考!所以我和她溫了一個下午的書!雖然我都幫唔到佢些什麼,但都叫做陪過佢溫習!加油呀阿欣!之後同了JIM和KAREN去唱K,本來諗住搵埋CINDY,但可惜佢電話無電,所以搵佢唔到!所以我們只有三個人去唱K!我們玩得好高興,我們還拍了一些MOVIE!俾人用CAM拍自己唱歌總是覺得好奇怪,唔知點咁!唱了很多歌,因為得三個人,一人可以有一支咪!好開心,好盡興的一個晚上!不過都幾貴,一人要$105!唉……好窮!返到屋企之後收到CINDY電話,係澳洲的那一個!唔係香港的那一位!好開心咁傾了很多事情,佢一個人在澳洲一定好悶,有好多事只能夠一個人面對!希望佢可以多些打電話俾我啦!要快些買返個WEBCAM先得!

Saturday 16th July 2005 02:03:49 AM
低B片三套[ 0 messages] 
無分類

今日約了william去拍東西,拍了很多白痴的東西!好低能!upload上了www.ohsire.com!近來真的超鍾意徐若瑄的新鍱,每一首歌都好好聽!

Friday 15th July 2005 01:55:15 AM
廣州 TOUR PART 4[ 0 messages] 
無分類

今日係返香港的日子了!一早起身收拾好行李,就check out,同去展覽館收拾!把所有東西帶回公司,我的工作亦完成了!坐6點鐘直通車返香港!

Thursday 14th July 2005 01:54:23 AM
廣州 TOUR PART 3[ 0 messages] 
無分類

今日一早去完展覽館之後就坐的士去了廣州動物園,好大!但好死熱,熱到我死!都ok多動物睇,都ok值得一去!去完動物園就返酒店游水,因為太熱了!晚上去了狀元坊行街,好迫,好多人!不過都好多東西賣!晚餐,我們就去了一間酒樓食,好好食的乳鴿,好大鍱的腐乳通菜!返到酒店再游一次水!因為個游泳池實在太靚了!去到那裡也要用普通話,好彩我的都不太差!哈哈!

Wednesday 13th July 2005 01:53:30 AM
廣州 TOUR PART 2[ 0 messages] 
無分類

今日好悶咁過了一個早上,而午餐就係食了一個麥記!在廣州的麥記有一樣叫三角的食物,好得意!佢表面係用印度薄餅皮,而裡面就有一層飯同一些肉!晚上坐廣州地下鐡去北京路行街食飯!晚餐係食日本菜,唔好食的!唉……咖哩係無咖哩味的!魚生又無香港咁好食!不過之後就在一間甜品店食了一個好好味的炖蛋!正!

Tuesday 12th July 2005 01:52:10 AM
廣州 TOUR PART 1[ 0 messages] 
無分類

今日一早就要出發去廣州,搭9點鐘直通車!所以一早就要起身,雖然唔多行李,但都一包二包!坐了兩個鐘頭車,終於到達廣州東站!再坐多半小時酒店專車就到達我這幾天落腳的地方"東方賓館"!這是一間五星級的酒店,好靚!我最初以為"東方賓館"只係一間兩三星的酒店仔,估唔到公司安排一間五星的俾我們!放底行李後,我們出發到廣州的分公司!分公司在環市路,坐了一陣的士就到達!上去之前都係醫飽個肚先,所以去了一間餃子店食午餐!好抵的餃子,而且仲好好食!之後上公司攞了些用品去展覽館,整好會場之後,就返酒店!酒店同會場勁近,就在對面!
夜晚就坐的士去了廣州購書城!好大,好多書賣!逛了一陣街,去了百佳入貨,晚餐都係在那裡買!之後返酒店食!咁就一日了!

Saturday 09th July 2005 01:50:25 AM
我的煩惱是你[ 0 messages] 
無分類

<我的煩惱是你> 
歌手:徐若瑄   作曲:Ty Lacy
填詞:于光中   編曲:陳偉
 
 
早過了那樣的年紀愛上一個人
說不出任何的道理
我真的看見你心中讓我愛上的
天真和勇氣
真的不想去改變你就算我受了委屈

想著你 小雨滴
攀懸屋簷不肯放棄
不後悔不流淚
我讓你的你卻都不了解*

我的煩惱想不到 是你

我轉身就不在意誰對我誤會
或是糟透的天氣
我呼吸就能忘記做錯的過去
生活總要繼續
我要你放心往前去你卻以為我只愛我自己

Oh我的煩惱 你怎麼 想的到 是你
我不想訴苦因為我知道 能給你幸福

Oh我的煩惱 你怎麼 想的到 是你
你怎麼想不到
我的煩惱 你真的 想不到 是你

Friday 08th July 2005 01:49:23 AM
不由自主[ 0 messages] 
無分類

<不由自主>
歌手:徐若瑄 |  作曲:L Dissing/L Ahlin/T Lydell
填詞:徐若瑄 |  編曲:陳偉/Mickey Chen 
 

Hey 他就像天氣 晴時偶陣雨
忽冷忽熱的距離
Why 我明明相信
他的溫柔 不會只給我而已

我卻還是不小心讓自己摔進他心裡
Why I don't wanna fall in love fall in love
Why I do I fall in love愛情總是不由自主

愛 有時候停留 有時候路過
有多少人能掌控
And 哎 他一個深情
一句Baby 我又陷入快樂裡

理智總是戰勝不了愛情 沒道理可循
Why I don't wanna fall in love fall in love
Why I do I fall in love 不適合在一起

明天怎樣不必猜 沒人懂未來
跌倒了就再爬起來 勇敢地去愛 Why

Why I don't wanna fall in love fall in love
Why I do I fall in love愛情總是不由自主
Why I don't wanna fall in love fall in love
Why I do I fall in love不適合在一起

Thursday 07th July 2005 01:47:16 AM
唔開心的一天[ 0 messages] 
無分類

唉!今日係一個唔開心的一天!知道了一些令我唔開心的事,其實姓陳的又不只我一個,我為什麼唔開心呢?(但都係有一些唔開心!)今日同一個朋友講了一個秘密,對我來說真係一個天大的秘密,我信佢先同佢講,我諗佢唔會出賣我!又同佢講開感情的問題,我就好滿意意在的狀態,唔係好想有咩改變!都唔明我的同學點解有咁多猜測,兩個人在一起,不是別人說就是,唉!總之就係一日唔開心的日子!好想一個人去冷靜,好好想想自己的問題,好好了解自己到底想點!我真的好怕因為自己無錢無成就而被心愛的人遺棄,或者給不了她幸福!到底幸福是什麼,是否就是錢呢?對於我又係些什麼呢?近來真的超鍾意徐若瑄的新鍱,每一首歌都好好聽!幸運的是自己活在一個有音樂的世界、不幸的是自己生於一個沒有愛的地方!

Wednesday 06th July 2005 01:45:03 AM
再見了[ 0 messages] 
無分類

今日做了一個決定,再見了!再見了我的………唉!

Tuesday 05th July 2005 01:43:27 AM
馬鞍山圖書館[ 0 messages] 
無分類

今日去了馬鞍山的圖書館,一路做自己的事!好靜咁過了一個下午,亦好專心咁做了好多自己的工作!

Monday 04th July 2005 01:41:52 AM
馬騮咪[ 0 messages] 
無分類

今日一早溫Sir打電話俾我叫我自己同民安隊的朱Sir聯絡,唉……終於都要面對!但我諗住過兩日先搵佢,因為都未玩夠!今日全日在整我部電話的主題,download個software咁耐都未用過,今日係第一次用,好好玩!我整了一個馬騮咪的主題,好靚!

Sunday 03rd July 2005 01:40:32 AM
石澳之旅[ 0 messages] 
無分類

今日同阿四、Judy和阿全去了石澳!天氣超熱,沙灘超多人,的確"鳥語花香"!好多姐姐仔,好養眼!雖然我無多一套衣服,但他們引誘底下都落了水「其實是俾掉下水的」!既然都濕了,所以就一齊玩浮床!好開心咁玩了一個下午,陽光與海灘真係夏天的印記!可惜之後要去將軍澳食飯,而樂就入了石澳接我,仲幫我買了些衣服!晚飯後就和Apple同佢Sweet heart樂玩大富翁!Apple慘敗,我就成為最終勝利者!因為怕無車返屋企,所以我走先,而Apple就繼續在她的Sweet heart家中同麥士玩!好彩追到尾班巴士,否則就大件事!

Saturday 02nd July 2005 01:39:02 AM
無聊的一天[ 0 messages] 
無分類

今日都係無無聊聊咁過了早上,到了下午William約我去街,好明顯佢都悶到傻!之後我們去了新港城,本來諗住去馬鞍山新的那一間圖書館看看,但因為我肚餓的關係,所以去了食下午茶!去到圖書館先知仲有10分鐘就關門!頂!見無咩好做就出了沙田,好無聊咁行街打機!頂……玩賽車Game的時候俾條人勝了我,好唔順氣!呀……輸得好唔抵!唉……打完機攪到我想買番個軑盤番屋企玩!但在無錢的情況下都係唔好亂來!

Friday 01st July 2005 03:13:25 PM
我的七月一日[ 0 messages] 
無分類

今日一早起身睇完全本向達倫大結局"命運之子"!我都估唔到自己可以咁快睇完本書,由開始至完結只係用了三個小時!好快,我自己都覺得好快!睇完之後,我突然有一個想法,我們和魔鬼有什麼分別?我們同樣會做出各式各樣魔鬼也會做的事,但分別在於我會還有人性!只要我們在做任何錯事之時還持有一點人性的話,我們還是一個人!可是當人性憫滅的時候,那代表自己已經不可再稱作為一個人!可能無人會明白我的意思,或可能無人會去了解我的意思!但這並不重要,重要的是我不會讓自己步向魔鬼之道!因為我有一些我重視的人,而他們同樣重視我、關心我!而且我同時相信世界上每個人都同樣有著緊的人和著緊他的人!只要我一個錯誤決定,必定會影響好多人好多事!

Friday 01st July 2005 03:06:30 PM
我的七月一日(七一遊行篇)[ 0 messages] 
無分類

今日去了七.一遊行,本來諗住可以影些相!因為我想影一些比較有震撼感、歲月感的相!但可惜今年的遊行失去了前兩年人們的那份激昂、那份熱烈、那份對訴求的渴望!所以我都沒有了拍攝的衝動!唉……因為影唔到遊行的相,所以我咪同William周圍影!一路行一路影,無一個目的咁影!好耐都無咁樣影過相了!晚上我們由尖沙咀行到旺角,我諗住可以睇電話,因為我想買部新的3G電話!晚餐就去了一間在先達旁邊的米線店食雲南米線!但好難食,因為個湯底係甜的!註明我係要酸辣湯底的!唉……攪到我都唔想食,食完之後我同William走了去睇VCD!我當然係搵"情書"啦!搵了咁多間都搵唔到,唔通我真的要在台灣買?希望我班同學真的會在九月去啦!而我都好希望同他們一齊去!

Thursday 30th June 2005 03:02:19 PM
婆婆遊香港[ 0 messages] 
無分類

今日我同婆婆去了行街!婆婆返香港咁耐一直都無去過街,只有在太和自己一個在屋企行!好可憐,但其他舅父表哥表姐都因為要工作,所以唔得閒!只有我咁得閒去陪婆婆!其實我都唔係好特別得閒!不過,我好想同婆婆去行街,因為自己一個長期留在家中會好悶,好悶!至少我就一定會悶死先喇!哈哈!就因為咁,我就帶了婆婆去山頂行!去到山頂,點知落大雨!好無引,本來諗住可以帶婆婆睇香港的全景!但因為落大雨的關係,咩都睇唔到!唉……見山頂都行得七七八八,所以去了太古!去太古行街,好開心婆婆買到佢想買的東西,一件衫同一條絲巾!好開心咁行到六點就返屋企!送了婆婆返屋企之後,樂就送我返屋企!好開心咁過了今日,希望婆婆一樣咁開心啦!

Wednesday 29th June 2005 01:05:34 AM
讀書日[ 0 messages] 
無分類

今日超無聊咁睇了成日書,我覺得睇書可以好快咁吸收到別人的經驗,令自己更有修養!而女仔睇得書多會多了一份氣質,所以我好喜歡看書!但好明顯我睇落去唔似,我的朋友除非好熟,否則多數都唔信!講真,一個人靜靜的看書係一件好舒服的事!下午的時候我陪了妹妹去打乒乓球,好開心咁打了一小時!返到屋企又開始睇書,今日是讀書日!

Tuesday 28th June 2005 01:04:48 AM
占卜[ 0 messages] 
無分類

今日約了Karen同Cindy食晚飯,去了大家樂食鐡板餐,唉!死人大家樂的員工,好唔掂,好似我們好恨食佢咁!下次都要諗諗先去德福的大家樂,唉!食完飯之後去了Karen屋企攞荔枝,因為佢留了些荔枝給我們!上到Karen屋企玩,睇電視,之後仲無聊地用電腦玩占卜,都ok準!唔…Cindy的就特別準!哈哈!如果係都唔錯,至少我係咁諗!

Sunday 26th June 2005 01:12:52 AM
生日快樂…自己 Part 1[ 0 messages] 
無分類

早上
今日係我的生日,好開心!本來諗住一家人去飲茶,但爸爸不在家,所以一早去了太和同婆婆傾計,有時老人家真係好怕悶!而且婆婆就快返台灣,唔知幾時先可以見到婆婆,所以生日一定要去搵婆婆!同婆婆傾計係好開心的,婆婆成日都會講佢的人生經歷!

Sunday 26th June 2005 01:03:48 AM
生日快樂…自己 Part 2[ 0 messages] 
無分類

晚上
之後,樂約了我去旺角食飯,好開心!因為今晚食鐡板燒,在朗豪坊12樓的1212食!好正的環境,好好的服務,好食的食物,好好的技藝!這就是我的評價!不過就有少少貴,但是都可接受!樂仲送了一個porter袋俾我,勁開心!想買好耐了,因為無錢所以一路都無買,好多謝你!不過下個月到你生日都唔知送番咩俾你了!哈哈!好滿足的一晚,好開心!

Saturday 25th June 2005 12:59:44 AM
特別的font[ 0 messages] 
無分類

今日約了阿全食晚飯,雖然話係幫我興祝生日!但我覺得只要係同朋友食飯都係一件好事,就算唔係咩特別日子,同朋友一齊玩,一齊食飯都係好高興的!晚上同阿全一齊去了周圍影相,但影的是關於design的東西!都影了很多呀!晚餐就去了金太郎食,我未去過,都好可以呀,唔錯!但我們找金太郎找了好耐,因為行了一個大圈!哈哈!食完飯之後我們去了HMV,我就搵"情書",而佢就努力影相!好多謝阿全的生日禮物!

Friday 24th June 2005 01:41:02 AM
頭文字D[ 0 messages] 
無分類

今日去了睇頭文字D,都幾好睇!我就特別鍾意黃秋生的文太角色!又鍾意杜文澤的誇張,好鬼好笑!我最鍾意阿澤一身賽車服的打扮,笑到我噴爆谷!

Thursday 23rd June 2005 12:57:00 AM
Siren VS 大盒Siren[ 0 messages] 
無分類

今日我班同學幫我興祝生日,中午去了銅鑼灣睇Batman Begins!因為下大雨塞車的關係,我遲了入場!好彩都唔係睇少好多!BATMAN BEGINS都OK啦!係個頭悶D,之後都OK!睇戲之後,他們突然攞了一盒勁大盒的東西出來話係我的生日禮物,真係俾他們玩死!因為真係好大盒,而且仲要行街,加上落雨中!完全俾他們玩死了,而且盒禮物都係叫Siren,哈哈!好彩JIM同ANDREW,大同and健,輪流幫我拿!晚上去了金鳳食牛排!好食woo!而且唔係貴,不過杯餐飲就好細杯!我們仲在那裡食蛋糕,開禮物!好開心咁過了一餐晚餐!晚餐之後,我們行了一陣街,同阿健去了世貿中心踏單車!好累的遊戲,玩完真係腳都軟!之後我同Cindy,Karen和大同去了西環,一玩玩通頂!勁累!好多謝你們的禮物!

Tuesday 21st June 2005 12:49:35 AM
史密夫大戰史密妻[ 0 messages] 
無分類

今天好開心,因為可以同Cindy和Karen睇戲!今日係我返香港之後第一次見她們,雖然我只係離開香港幾日,但感覺好似好耐無見過她們咁!有一種很怪的感覺!今日我們去了apm睇史密夫大戰史密妻!都可以的,但個結尾就誇張了一些!睇完戲之後,我們返到九龍灣食飯!Join了William一齊食飯,之後上了他的天台玩大富翁,就咁玩了成晚!差點無車返屋企!

Saturday 18th June 2005 12:47:54 AM
公主小花餅[ 0 messages] 
無分類

今日去了九龍灣,俾手信William!同佢在ikea食了個tea!我就當然係食我至愛的公主小花餅,超好食的!由我中四那一年就很喜歡它,有時適合自己的東西,我會愛好耐!曾經我希望有一年的生日可以用佢來做生日蛋糕!
晚上到了William天台玩同食飯、傾計!

Friday 17th June 2005 12:45:24 AM
台北的天空[ 0 messages] 
無分類

今日係返港後的第一天,仲係好想念台灣的各樣!好想念台北的生活,好想一開眼還是台北的景色!但可惜,我已經返抵香港了!今日出了旺角行街,真係覺得香港好悶、好多人、好迫!唉!好想念台北的天空!

Sunday 12th June 2005 12:44:20 AM
台北之旅 Part 1.1[ 0 messages] 
無分類

早上
今日係台北之旅的第一日,心情興奮!今日因為要搭早機,所以好早就起床。搭機場巴士時睏唔入眼,去到機場好眼睏!攞入台証都好快,因為一早在網上辨了,只要在機場攞就可以了!當check in之後,在機場行了一陣就入閘!禁區內都幾大,而且都有好多店舖可以行,Burger King在禁區內有一間,全港只此一家,所以可以一試!今次我係座長榮的747大機,心情好興奮!我的坐位是在機頭部份,本以為好正,坐到中途先知唔好!雖然機頭的位特別闊和大,但是一遇到氣流就好嘈,好震!好可怕!不過長榮係全球十大安全航空公司,所以都放心的!而且長榮的飛機餐都幾好食,食的主要係台灣菜,好有台灣特色!而且食物好熱,好暖心的服務!加上空姐好得,好靚,好細心!所以長榮貴小小都值得!下次去台灣的話應該都會選擇長榮!

Sunday 12th June 2005 12:44:00 AM
台北之旅 Part 1.2[ 0 messages] 
無分類

中午
到達台北中正機場已經係中午,在機場入境同出了一張手提電話sim咭(在台灣出一張sim咭最好在機場攪,因為要check passport同埋開咭都要少少時間),就離開機場上國光巴士去台北火車站,巴士的車程大約一小時!在車上看了半套片就下車了!好黑仔,因為下雨中,所以好狼狽咁拉著行李去酒店check in!到酒店房先發現唔多滿意,所以咪同staff講話想換房,點知佢話無房,因為星期日所以好full!佢咁講我都無辦法,而且都只係晚上睏,一早就會出去,因此唔想同佢嘈!
本來諗住第一站去淡水,但因為雨都下得幾大,所以改為先去西門町!但去捷運之前買了一個胡椒餅食,NT40一個雖然貴,但好好食!而且好飽肚!去了捷運買了一張悠遊卡,悠遊卡就好似香港的八達通一樣!悠遊卡一張連按金都只要NT500,NT100係按金!搭捷運和公巴都可以,而且有8折,二十分鐘內轉公車仲可以免一程車費!香港點解會無呢,唉!就係咁去了西門町,一個香港人必去的地方!去到那裡,好容易會見到香港人,所以千萬不要說秘密,因為身邊的人可能識聽!哈哈!

Sunday 12th June 2005 12:43:47 AM
台北之旅 Part 1.3[ 0 messages] 
無分類

晚上
在西門町行了一陣大約6點就返台北火車站食晚飯!第一晚諗唔到食咩,所以就去了新光三越的FOOD COURT食!唔好以為好似香港的FOOD COURT一樣!台北的FOOD COURT係好好食的,而且價錢平!我食了一個蛋包飯套餐都係NT136,好抵、好食!之後在地庫的超市買了些用品就返酒店了!睇了一陣電視就睡了!台灣的電視節目好好睇的!

Saturday 11th June 2005 01:36:03 AM
上機,心情[ 0 messages] 
無分類

明天就上機,心情有點緊張!每次去旅行都會緊張,因為每次都見到不同的人和不同的事!所以每一次都可以好似第一次去!今次唔知會有咩經歷呢?希望開心比唔開心多啦!

Thursday 09th June 2005 01:35:01 AM
阿四買電腦[ 1 messages] 
無分類

今日去了旺角幫阿四買電腦,一早去但好夜先去到阿四屋企!因為等部機等了好多個鐘!等到我呀!因為太夜無車返屋企,所以留下睡覺!但又睏唔入眼,所以就同Nick傾計!(好似唔記得俾霄夜錢佢,下次俾啦!)原來佢都有睇我的日記,好開心!而且仲傾了好多東西,好耐無同佢傾咁多東西!其實有朋友係我的福氣,只要真心同我做朋友,誰都是我的朋友!可能係我太保護自己,其實好多事我都沒有放在心裡,可能我唔太識表達!其實我好重視每一個朋友,只係我太懶,懶得打電話!所以你們只要打電話俾我,我一定接的!有事不妨找我,雖然我未必幫到好多,但我會盡我能力!

Wednesday 08th June 2005 01:32:15 AM
女人街的早上[ 0 messages] 
無分類

一早的旺角,好靜!女人街的檔口都未開,好奇怪咁在那裡影了一張相!但我好鍾意!另外,今日要返學校唱歌,唱自己作的歌!Jim因為表現唔好而唔開心,唉!其實如果我再做好些,相信佢會好些的!Jim唔好唔開心喇!開心番些,下次我們再一起努力吧!

Tuesday 07th June 2005 01:31:04 AM
Karen的生日Party[ 0 messages] 
無分類

今日Karen生日,其實應該係明天!但我們就今日同佢興祝,一早就同佢去了睇戲「星際快閃黨」,好攪笑的一套片!晚上,我們一大班人去了廟街食晚飯!好好味,下次可以再去就好喇!在晚飯接近尾聲之際,我們就拿蛋糕出來,好開心咁唱生日歌同食蛋糕!一大班人係開心點!晚飯之後,我地行了一陣街,就去飲杯茶!再之後,就去了唱通霄K!正!

Monday 06th June 2005 01:29:24 AM
雪糕筒張紙的玩法[ 0 messages] 
無分類

今日要返學校做Presentation,都無咩人返!因為有幾個同學去了泰國,應該今晚返!唔,我諗他們一定玩得好開心!我都好想同一班同學去旅行,一定好開心!因為上年都有同Karen,Jim,Cindy去澳門玩,好好好好開心!希望今年都有機會去啦!
放學之後,同Jim,Karen,Cindy,大同去了麥記食下午茶!好白痴的Jim發現了雪糕筒張紙都有好多玩法,例如︰做裙、做帽……佢只要加上大同就天下無敵咁白痴!不過就成為我們的開心果!

Friday 03rd June 2005 01:27:50 AM
找換店[ 0 messages] 
無分類

今日去了中環,因為就快去台灣旅行,所以就去中環換台幣!點解要去到中環咁遠換?因為可以換多點!銀行都係1:3.8,但中環換1:4.0166!所以咪去中環囉!間找換店都幾難搵,而且好似地下錢莊!好暗的環境!之後,去了中環天星碼頭搭船返尖沙咀!吹了一陣海風,心情變得輕鬆,人都變得充了電似的!

Thursday 02nd June 2005 01:26:47 AM
CS2[ 0 messages] 
無分類

今日去了灣仔會展睇展覽,好開心的一日!因為本來以為個展覽會好悶,點知原來都幾好!而且,令我好想快些去買CS2來用!令我最開心的是,我有一班很好的同學,交心的朋友!今日天氣真好!

Monday 30th May 2005 04:25:35 PM
Stephy[ 0 messages] 
無分類

今日見到Stephy,好開心!佢的確好靚女,近來好鍾意佢首"青山散步"!另外,今日仲去了很多地方,將軍澳、深水埗、尖沙咀、太古!好累,但好開心的一日!

Monday 30th May 2005 04:20:46 PM
BIRTHDAY[ 0 messages] 
無分類

今日我個仔生日,我就差點忘記了!好彩到最後都記得,否則佢一定好唔開心!今日仲有好多朋友同佢興祝!一歲喇!我因為買唔到香蕉蛋糕,所以唯有放些蕉上面頂當!哈哈!祝你生日快樂啦!

Tuesday 24th May 2005 09:19:20 PM
飲茶[ 0 messages] 
無分類

今日係英文測驗的日子,但係我都無咩點溫習!希望唔好考得太差啦!考完試之後,我們十二個同學一齊去飲茶,仲食了不少東西,但我們十二個人當中有好多個都係蝗蟲,都唔係好夠食!不過埋單都係每人$20,都幾抵!

Tuesday 24th May 2005 09:17:40 PM
Tea Time[ 0 messages] 
無分類

之後上徐Sir堂,都幾累!到放學之後,我同Karen、Jim、大同、健去了食下午茶,食完仲去了大M食雪糕!我就食了朱古力新地,好食!仲傾了一陣star war的劇情,因為大同今晚就去睇喇!

Monday 23rd May 2005 09:14:11 PM
Cindy不等於Cindy[ 0 messages] 
無分類

今日無聊到爆,其實這兩天都係!超級無聊,整天在家!不過今日好些少,因為好耐都無見的朋友(兄弟至係)在MSN中出現!好開心咁同佢傾了好多事,(其實都係廢話多)不過最重要的是,佢返了澳洲咁耐都無見過佢個樣,今日佢用了webcam,俾我望到佢個樣!唔知點解,我真係覺得佢比之前靚了!哈哈哈!可能係webcam的問題!另外,因為佢都係叫Cindy,所以我開始諗,其實我有幾多朋友係叫Cindy呢?在我的日記中又點會無妳呢?我的好兄弟!希望佢下次返香港,我們可以影好多好多相啦!

Saturday 21st May 2005 09:11:08 PM
Star War[ 0 messages] 
無分類

今日同Lok去了金鐘UA睇Star War III,其實都可以的,但我都係覺得好似無了個結局咁!黑武士始終都係無出手,真係有少少到喉唔到肺!不過整體來說都還可以,都值得一看!講時講,今日買戲票都幾抵,因為上網買用信用卡有9折,只係$44一張!
之後去了旺角行街,仲買了很多東西!有一個黑武士頭,一個PS2手製,仲有一個新鎖匙扣!

Friday 20th May 2005 09:29:30 PM
打羽毛球[ 0 messages] 
無分類

今日同Karen、Jim & Cindy去了打羽毛球!打了兩小時,好開心,因為好耐無打喇!阿Jim仲表演吞波!(白痴)但我們就好開心咁過了兩小時!不過就因為落雨的關係,差少少啦!打完之後,我們去了德福間必勝客食午餐!好好味的午餐,可能係因為好開心的原因!食完之後我們周圍行,周圍玩!我們發現了IKEA都可以玩好耐,只要唔怕羞的話!哈哈哈!不過因為Karen媽咪call Karen返屋企,我諗仲可以玩耐點!不過都無所謂,因為下次可以再玩過!哈!Karen走了之後,我們三個人去了唱片舖睇唱片!唔!王菀之(Ivana)、謝安琪都係我幾鍾意的新人,把聲好靚!
之後大家真的走了,我就因為無帶傘,所以淋濕了全身!上到車仲要超強冷氣,勁凍!不過都唔夠落車時的雨落得大,好彩叫了妹妹攞傘俾我!否則……不過有傘都好濕!對鞋我睇明天也穿不了,因為太濕喇!都唔知幾時先會乾!哈哈哈!好彩有幾對鞋!

Thursday 19th May 2005 12:28:55 AM
潘 Sir 與大同![ 0 messages] 
無分類

今日Audio Presentation好彩都過到骨,阿潘Sir竟然唔發現隻歌係佢自己的!當然或多或少係因為我 remix得好!而且幸運地,都幫到其他同學!大家都係同學,點都要幫手的!咁快就最後一堂Audio,有少 少唔開心,雖然好多時講好多科都廢,但一諗到已經上完都有少少失落!不過,另一方面都開心的,因為 多了時間出去玩!(希望有咁多錢可以出去玩啦!) 由一開始見到潘Sir,我就覺得大同和潘Sir好似樣!所以今日特別為佢兩個人影了一幅合照,張相好明顯 表現了他們真的好似樣!哈哈!有相為証! Presentation 完了之後,我們去了玩!一大班人出去玩,勁開心!不過我今日真係high過頭,好怕第一 次見的嘉嘉表妹會嚇壞,發惡夢!今晚連阿健都俾我迫到在Yoanna面前出現真面目!哈哈哈!不過都唔夠 朱恩利害,佢真係一個冷面笑匠,永遠估佢唔到!突然都可以爆一句出來,將我們笑死!最重要的是他不 是特登攪笑至好笑!今晚大家都好開心,好盡興!好正的一日!What a wonderful day !!

Wednesday 18th May 2005 12:26:48 AM
死人肉漿意粉[ 0 messages] 
無分類

嘩!今日就利害,dance so 表演!好多其他學校的姐姐仔,不過個樣就一般啦!唉……今日因為死人電

影系的人霸佔了休息室,攪到今日要在Canteen食飯,仲要食埋死人肉漿意粉,好鬼核突!但好彩都ok好

食!雖然個樣核突!今日因為 Dance so 的關係,康樂棋之戰休戰一日!

Tuesday 17th May 2005 12:25:19 AM
十蚊雙并飯[ 0 messages] 
無分類

今日又如常咁食十蚊雙并飯,雖然一個星期都有三、四日係食十蚊飯,但都覺得好開心!或者係因為同一大班同學一齊食的原因!哈!哈!當然飯後又係康樂棋時間!今日超勁,一Q入兩隻大回勝了Karen!勁,超勁!哈哈哈!
放學之後,一大班人去了APM食下午茶!我就食了一個印度雞肉三文治!朱恩佢飲了一杯印度拉茶,我試了少少,嘩!唔飲由是可,一飲……印度神油味!哈哈哈!唔係淨係我講,大家都好認同!印度拉(柴),噢!對不起,是拉茶至對!哈哈哈!

Monday 16th May 2005 02:35:16 PM
Tea or Coffee[ 0 messages] 
無分類

有時朋友之間都會談談自己另一半,有時開心唔開心都會同朋友分享!或者這就是朋友的用處,昨天去完南丫島行山及影相之後,同了一位好朋友去談談他的女朋友,當中傾了好多大家的睇去,大家的意見!最後大家都明白拍拖真的需要互相推動的,不能互相拖累!

Thursday 12th May 2005 02:55:49 PM
生活原來並不孤獨[ 0 messages] 
無分類

今日又係唱K的日子,開始發覺成日都係去唱K!不過今日有少少唔同,唔知點解今日玩得特別開心!或者是因為就快放暑假,又或者是因為近來太多功課要交的關係!總之今日我玩得好開心,同一大班人去玩今我心情放鬆了不少!真的興幸自己有朋友……歌神Jim,華納新人大同,3D強人Andrew,車神健,小可愛Karen……因為你們我的校園生活變得愉快!

Friday 06th May 2005 03:05:56 PM
Eat[ 0 messages] 
無分類

今日去了銅鑼灣行街,晚上去了c!tysuper食晚餐!好抵,一個餐有鰻魚飯加一客烏東!正!好飽!

Saturday 23rd April 2005 12:29:29 AM
三一萬能俠[ 0 messages] 
無分類

今日好無聊,攞了隻三一萬能俠玩!這隻三一就係我做3D的model!

Saturday 26th March 2005 12:40:27 AM
Unhappy day !![ 0 messages] 
無分類

今日同了班同學去了銅鑼灣行街,食飯!(去了維園巴西燒烤)一班人一齊玩都好開心!但自己因為某些私事而唔太開心!希望唔開心的快點過去,希望各人都懂得珍惜眼前人!

1.29666209221
無分類(252)

我的最愛…後二…我的最愛現在只想愛你舒情文William Happy Birthday商品攝影不速之約Ghost Rider年28洗邋遢14/2 情人節快樂Before 14/2Normal Day IIAnnuel Dinner破戒Automatic Sensor TapNormal Day Friday Fever Night生日快樂的餘韻遊記@澳門之二遊記@澳門更新老了∼真的老了!醫院記Unhappy Day ~The Holiday妳是我的命運Enjoy my life ~白頭到老,永遠幸福快樂IphoneMy Work ~HK World CarnivalHear Me Cry ~~Love's Rest ~Good Bye ~ JannieLove havin' rememberanceHappy night 「生日快樂」Happy New Year ~攝影師之路…2MoNtH aNd 2mOnThHappy Birthday to Karen !!Zoe 生日快樂!I v Y @ 尖沙咀菠蘿油 + 凍檸樂HaPpY BiRtHdAy To NiCkLaSt DaY @ KwUn TuNg IvEFriend @ my life Happy Birthday to my Son !!尹光演唱會Happt Birthday ! WilliamK time X 未解決!HaIr CuT專業的攝影師打排球…朋友都在身邊!LaSt DaY On AsIa ExPo亞洲博覽館Pat & Winnie DAYMacbook Pro ~~~綠房 Part 2很愛看愛情片的SirenMacbook Pro 走了…綠房Fun and See Adobe ShowCanon 30D情人節快樂626 626 626 626 626 .......情人節?情人節禮物?爸爸生日快樂!PSP ---- New toy !!Happy Birthday for Cindy !!新年快樂!My Life Style幸運的我!永恆的愛情我的W900i剪不斷,理還亂Happy Night累!黑色星期五Intel Mac ---- Macbook Pro溫書喇要!工展會作品集我的天空今天有點灰Happy New Year !!!2005年總結之三2005年總結之二2005年總結之一阿欣生日快樂!迪士尼樂園+聖誕快樂平安夜快樂!X'mas Gift韓國農民︰「反對世貿,I Love HK!」又係開會……唉!www.ohsire.com我是一個有主見,而又可靠的地球人沙田之行!如果……愛hApPy BiRtHdAy To YoU !!做好自己,希望能少些是非希望你早日康復!失去方向Cindy生日快樂!大家一齊開開心心去食飯!剪斷一切煩惱~可愛的小狗好人...........阿德你好!InteRvIeW好想去影相阿旺的啟發不得不愛味千日Presentation Day星期日的校園!Good Bye Miss !!奈奈呀奈奈!開會、開會同開會!好悶呀!奈奈I am Sorry唔開心的萬聖節快樂星期天W900iI LoVe YoU 我愛你!還是覺得你最好 回到童年時!希望明天=明天,千萬不要明天=今天!十月的第二十三個日與夜!過去、現在……那麼將來呢?All About LoveTV Production自我催眠被delete的人!無助、孤單、失敗三角兩面奈奈與娜娜點解一些流星也沒有?PhOtO MiXeR新髮型 夾公仔!FrIeNd龍騎譚生生日快樂!Nano賤人,你的名字叫賤人!電腦真真正正的開學日MeEtIng開學喇!魔法驕妻Ipod Nano惡魔在身邊再見了……台北!第四天的PART 1第四天的PART 2第三天的PART 1第三天的PART 2舒服和休息的一天台北之旅二步曲正式開始!期待出發的一天努力搵錢!!Apple@Stanley遇上了……惡運!Happy Friday !!阿珮!生日快樂!HaPpY DaYYEAH !! 我終於買了Webcam!好憎一些人--賤男人同一些會說無錢、阿媽唔俾、無時間的人!!另 一 個 世 界 的 自 己 疲憊Tomorrow is another good dayCharlie and the Chocolate Factory三個醉酒佬愛作戰放榜日STEPHY終於到手Missing You ...... STePhyLok的新形象,靚!珠海之行PART 3珠海之行PART 2珠海之行PART 1游水記狂歡三寶之七劍下天山釣墨魚之夜澳門之旅 PART 2澳門之旅 PART 1生日快樂 ----- LOK四美相伴好多人的資助辦事處PIZZA 好好味!日文、法文還是台語呢?FANTASTIC MONKEYMI呆呆的外甥仔好像馬騮咪BLOG瘋狂的一晚低B片三套廣州 TOUR PART 4廣州 TOUR PART 3廣州 TOUR PART 2廣州 TOUR PART 1我的煩惱是你不由自主唔開心的一天再見了馬鞍山圖書館馬騮咪石澳之旅無聊的一天我的七月一日我的七月一日(七一遊行篇)婆婆遊香港讀書日占卜生日快樂…自己 Part 1生日快樂…自己 Part 2特別的font頭文字DSiren VS 大盒Siren史密夫大戰史密妻公主小花餅台北的天空台北之旅 Part 1.1台北之旅 Part 1.2台北之旅 Part 1.3上機,心情阿四買電腦女人街的早上Karen的生日Party雪糕筒張紙的玩法找換店CS2StephyBIRTHDAY飲茶Tea TimeCindy不等於CindyStar War打羽毛球潘 Sir 與大同!死人肉漿意粉十蚊雙并飯Tea or Coffee生活原來並不孤獨Eat三一萬能俠Unhappy day !!