茂名禦水古溫泉 -- fotop.net photo sharing network

每逢星期四,我都為了看廉價旅行團的廣告,專誠買太陽報來看.
適逢得興旅運有一個去茂名禦水古溫泉的純玩團,配合到我的兩天假期.
再上網查看一下禦水古溫泉的資料,不錯喎.她宣稱有東南亞風格,合我口味,haha...
而且兩天連小費,價錢435元. 好,去馬.

話說睇到太陽報嘅旅遊廣告,其中一則係去[禦水古溫泉]

廣告仲標榜話果度係{巴厘島風情}喎.
淨糸e幾隻字,已經成功吸引到我啦,上網search下,都ok喎.
2010年10月18日出發.連小費435蚊.

後車後首個景點.係深圳市郊-西麗湖畔嘅[水土保持示範園]

屬到此一遊,增加行程豐富度之地方.亦可俾團友們鬆下腳骨放下水.
e度有個山坡仔,可以上來鳥瞰西麗湖

係咁倚逗留約30分鐘再上路啦,我地架巴士就一路去粵西方向駛去.
又行駛左三個小時,路經某處食過午飯.就往今趟行遊程嘅一個正式景點
呢度就係開平嘅赤崁古街啦

赤崁古鎮呢個地方,成日都嚮d旅行社廣告中出現.
相片亦見過唔小,所以而家真系黎到,所見到嘅,都幾[意料之內]
俾我地參觀嘅,係沿河嘅一段.河邊小不了係一列賣地道小食,手工藝品嘅小檔.

呢度其中一間仲係青年旅舍喎,如果裹面d裝修夠古曲就正啦.

呢條街仔細細地,好在計埋我地,都系2-3個旅行團,唔會迫.
仲有一間香港嘅國際學校,帶埋d鬼仔黎參觀.
呢d地方,相信對佢地黎講都幾新鮮

呢片古宅群之中,其中有好一片範圍,仲係影視城.
果邊d建築靚好多,好有氣派.可惜拍緊片無得入去

嚮e度又留左大半小時,續續上路去茂名.
期實參加e個團嘅時候,我都心大心細,因為茂名真系距深圳好遠價.
所以我地在深圳出發時,導遊話我地個團好抵玩喎
因為凈坐車都抵曬,來回程加埋要一千公里價,haha...
離開左開平嘅赤崁之後,就無其他景點啦.
又行左兩個半鐘頭車,5點15分終紆到左禦水古溫泉渡假村啦