好在今次去清遠 銀盞森林休閑渡假山庄 無安排咩行程,凈係得浸溫泉,所以出發前有落雨,都無咩所為.一於照去.

9.15分去到羅湖汽車站,剛好9.20有車去清遠,但只剩2個位,
局住坐下一班,要10.30分先開.

提返大家,買車票唔好買1.2.3.4號坐位,不要問點解,只要相信我

2個半小時車程,就到達清遠市郊嘅新銀盞溫泉大門口,落車啦.
15分鐘後,山莊安排嘅麵包車黎到接我地入山莊啦.
我地10個人,又玩歡樂滿東華,強行坐入這七坐位嘅麵包車(事先唔知的哦)

15分鐘沿山小路車程,黎到目的地啦.絕對係山卡啦,不過我地中意,haha...


山莊養嘅狗,即刻好熱情,好似d fan屎追星咁,fing曬尾圍住架車,要司機叫走佢地走開,
才落到車


呢個時侯,我地都好肚餓,拿拿聲叫師傳幫我地煮午飯時.
落完order等食飯,就地就開始在這個[ 銀盞森林優閑渡假山莊 ]四圍八
用餐區對出,就係藍磚屋,稍後下午join我地嘅兩個fan,會住右上角,其中一間房


好,再過去溪邊睇下我地d住宿先.
原來一、二號房係磚屋, 三、四房係木屋


再行落去,就係復式兩層嘅五、六號房

唔睇住啦,開飯先,因為我地事先沒通知,又遲黎,所以廚房都無咩食材
好在呢度有個魚池,條(玩)魚都系即撈嘅,用鱼頭鱼尾煲出黎真糸好鮮.
呢餐好味,不過唔太夠食 .10個人,收201蚊
一路食飯,d狗又一直在附近徘徊,睇下有無野食

飯後,我地旅正式入房啦.我糸住一號房.
我最中意佢個蚊帳同頂部嘅設計,我覺得好有特色

窗外嘅大平台都好正.有枱有櫈,聽下音樂、飲下咖啡,(房內有DVD及熱水)
望住平台下嘅溪水發呆,都係享受.

再過去3-4房那邊八下先.設計大同小異,門口就設在平台那邊

話說由我地出發至安頓好,都無落過雨播,不過就真係好大霧,完全係吸收天地靈氣呀
到左4點就開始落雨,好在唔太大雨. 到左5.45分,另外4個fan都黎埋啦.
Marcel佢地兩個住藍磚屋,又上去参觀示範單位先
上下兩層,共4個單位,每單位3房一廳,套房係雙人大床
客廳仲有自動麻雀枱添

之後,我地就嚮餐室那邊飲下茶,傾下謁,等食飯

等到七點,開飯Lu.本來分開兩台,原來14個人都坐得side喎.
所以每樣餸有兩碟,一台都係野,haha...14人共588元
呢餐d餸夠,所以食得好滿足,大多數野都好味,又唔會太多油.
係除左隻鴨切得太細伴,食起上黎,好似無咩肉咁,同埋亦鹹左d.

到10點幾,在我們要求下,廚房又在沒準備及材料不足之下,
幫我地煮左個蕃著+藍瓜糖水,算係又滿足多一樣野.

第二朝七點幾起身,無再落兩啦,d霧仲散左好多添
d空氣感覺真係好清新、好舒服呀.

我地今日嘅早餐係柴火煲白粥、炒米粉、炒麵
d白粥比平時食開嘅,真係好味好多呀,加埋d即炒酸菜,加更好味
你可以自備辣炸菜絲,相信亦會好好味
另外,d炒米粉又係好受歡迎,每樣要左2-3份,95元

食完早餐,就去5-6號複式小木屋影下相.

上層係一個 "升級" 式卧室,兩張床裖併排放在木台上,上面仲有個大蚊帳

再落樓下睇埋下層先

最後一個行程,就係去浸温泉啦.
本來我地諗住去新銀盞溫泉,(即係我地第一天落車之處)
不過庄主周生話我地知,在新銀盞溫泉傍邊,有個舊銀盞溫泉,而且仲平d添.
新銀盞溫泉收95元,而銀盞溫泉收60元.

周生話兩者環境差不多喎.而且新銀盞那邊多旅行團去,人較多,可能仲無咁衛生.
一於聽佢講,就去左舊的銀盞溫泉.

裹面環境同池嘅衛生都唔錯呀.
係個更衣室就細d、暗d、殘舊d,d用過嘅毛巾亂掉無人理.
佢地總共有14個池,但而家天氣較熱,客小.就只開七個池

幫襯溫泉門口間{鋒源豬肚雞}食午飯,溫泉入埸費仲可以打節,只收我地每人50元入塲,比正價平10元.

由清遠返深圳,就一定要去冠中汽車站才有車往深圳

如果去廣州,在清遠新汽車站就得啦.

2010年12月,我朋友去了這處,但被自把自為的司機開天索價,且無禮對待.因此,不建議大家前往.