藍天白雲@醉愛西貢東-牛湖墩 -- fotop.net photo sharing network

09年7月31日(星期五)

可能早兩日落過雨,再加上今日吹東南風,清除曬空氣中嘅污染物,
所以今又出現難得嘅高清天氣,唔去影大風景,好side姐.
要影山海相連,西貢東部係首選

坐94號去到北潭凹落車,呢個站黎過好多次,但第一次從呢度上[牛湖墩]

聽講"牛湖墩"同"牌額山"d風景都好正.

過左"牛湖墩營地"要揾上山嘅路,原來非常不明顯,都係估下估下,
有段估,無痛苦,又行得通喎,但成白俾d蜘蛛網兜頭兜面芒住,拎條樹枝開路至得

終紆上到山崗啦,下面左側就係黄石碼頭.

但呢度末係最靚位,要再高d,目的地"牌額山"
又行多十幾分鐘,到啦,係呢度.望返出去,都係黄石碼頭內海,但企高d望遠d

再向右邊望,就係赤徑碼頭

拉近d,睇真d,碼頭邊嘅三間小屋,唔係咩豪宅,係白普里渡假屋
後面嘅尖山,就係西貢地標--蚺蛇尖

就係e個[牛湖墩]嘅標高柱hea返陳先.

望返身後面,係西貢town內海

攤抖完,繼續向前路進發.期實前路係點行,真係無咩心水,
只係辨認到,左邊落山可以去赤徑,中間落山去大浪灣方向,右邊落山,去北潭涌方向

去大浪灣就咪揾搞,仲有幾個山頭,都係選擇右邊落北潭涌應該最快.
回頭睇返之前嘅路,都唔小野.

嚮山裹面兜兜轉轉,終紆有條明確落山路啦,唔再係樹林草堆中嘅小泥徑.
行下行下,聽到水聲,原來就有條山溪在身邊,
呢個時間,梗係落去浸下,消暑降溫啦.

一路浸水一路食龍眼

浸到五點鐘,上水走人.
臨落山前,有個地圖喎,睇下先.原來我今日行左桃紅色嘅路線

請按此瀏覧圖片