|
|||||||||||||||||||||||||||||||||||||||||||||||||||||||||||||||||||||||||||||||||||||
2010年2月28號. 我地9:23分就坐22人中巴,由福田口岸出發Lu. 一路無塞車、又近乎無交通燈位,好快就上廣深高速公路. 一個鍾頭之後,就到左橫跨珠江嘅虎門大橋啦,點知上左橋,勁大霧呀 好在行下行下,又出返太陽啦,多謝老天爺射住. 10:47分,就到左我地今日第一個目的地啦,路費165人民幣 每人7.5元 路費收據→ http://photo2.bababian.com/usr918401/upload1/20100304/srverIh87k9LFS9mNbq45+1cC6RP3ETobk+qjjDQ3UivHFpi4PCntSw==.jpg 在小妹帶引下,黎到預訂嘅湖邊房間 一入到去,有d木味,打開曬d窗門透下氣先. 出面就係好開闊嘅湖面,所以好好風呀. 時間仍早,大家放低背包後,都走曬出去影相,原來湖邊仲有d桃花開緊喎. 大家嚮外邊影夠相,hea左一輪,就入返房準備點菜開飯啦 呢度上菜都算幾快,無耐d菜就陸續送黎啦.(9張相片會自動轉換) 另外仲有一窩原汁原味西洋菜同莞茜煲白鯽魚湯 食完飯,又hea多陣,一點半先走人,e餐埋單總850人民幣,每人38.6 原來呢度仲可以打麻雀,你試過嚮咁風涼水冷嘅環境以打麻雀味?haha... 離開E個東涌鎮後,又上高速公路往蓮花山駛去啦,路費又收左5蚊人民幣. 路費收據→ [url=http://photo2.bababian.com/usr918401/upload1/20100304/sliiKbO6Wn1tPXTmqGW16ixYPKqdBnlilJwHMTqZajhy2JeNo2kGLWA==.jpg] 之前做左功課,我地可以由東門直接坐車上到蓮花山頂.每人入場費40蚊,中巴入場連泊車費30蚊 落車時,已經2:15分啦.山頂E道有座蓮花塔 傍邊就係觀世音菩薩聖境區,呢度有尊望海觀世音菩薩像 今日係正月十五,所以好多人黎祈福上香呀 附近仲有一棟五層樓,裹面又有一尊好大嘅千手千眼觀世音菩薩像 有兩三層樓高價,同下面D人對比下就知 離開E個區域,就慢慢行E條三佰幾級嘅樓梯落去石景區啦 擰轉頭睇返上面,如果行上去都幾辛苦,你睇下E位啊姐 落到山腳唔駛行幾遠,就到左石景區啦,E道又係另一種風味, 有一種憩靜而神祕嘅感覺,好舒服呀. e個石景區其實並唔係天然嘅,而係千多年前的石礦場遺蹟. 所以石景區內有好多通行於巨石之間嘅小路 亦造就左好多奇洞、懸崖峭壁. 下圖[燕崖洞天]左右兩側深色嘅地方都係山洞,左側嘅洞仲可以通去其他地方 e道嘅環境真係不是天然勝天然 遊人穿行在巨石、奇洞、水池之間 除左可以在低高度欣賞e道嘅境致之外,仲可以往上行, 由角度望落去,又係另一種觀感. 我地約左5:30分在西門上返車,落山往西門時,在路邊仲見到e個向內凹入去嘅洞壁 大家好準時5:30分上返車,就往海鷗島進發啦.
海鷗島雖然係珠江上嘅一個島,不過房屋量、發展度,同任何一個鎮無分別. 我地嚮島上行左幾公里車程,大約十幾分鐘車程,就由蓮花山黎到我地晚飯嘅地方. e間食店,係建在一個好寬廣嘅水面上,所以又係非常好風. 我地嘅包房,更係四面環水,所以入左房之後,三面窗戶都係水景,好似坐緊船仔咁 咁arm e個時間日落,哈,有d夕陽可以影下喎. 坐落之後,服務啊姐問我地想食d咩,不過無人得閒彩佢,佢就出返去 直至我地安頓左好耐,佢都無再入黎,要出去主動問佢囉. 河鮮方面,就要自已出去魚缸選啦, 不過似乎唔係太多選擇law,無蟹,d蝦亦都彼貴,所以無要啦 點好菜,坐定定等食飯. 坐下坐下,仲未上菜嘅,好耐啦喎.忍唔住出去揾服務員跟進下 個服務員解釋話,想d送主好再一次送上黎喎. 我咪話:[你有邊d送搞掂,拿拿聲拐過黎唔駛等啦!] 果然過左一兩分鍾,d送就陸續送上黎啦. 呢碟蝦仁炒蛋都彼鹹. 呢碟蜆好多都係得殼無肉嘅,而且又係好鹹呀 即刻叫佢地之後d送唔好咁鹹先 e餐埋單800蚊人民幣/每人36.3元 食完飯,都8點半Lu,我地就打道由京珠高速+廣深高速返深圳啦.路費190蚊 路費收據→http://photo2.bababian.com/usr91 ... 8K71E5ywr79rA==.jpg 話說嚮海鷗島e間餐廳嘅牆上,見到蔡瀾嘅相片. 原來佢以前黎過拍[日日有食神]就係以下呢條片 http://mytv.tvb.com/foodandtravel/chuaschoice/3324/1907#page-1
|