« December 2019 »
MoTuWeThFrSaSu
 1
2345678
9101112131415
16171819202122
23242526272829
3031 
Friday 01st April 2005 01:39:11 AM

30/04/2005 - [ 六 ]

留o係屋企溫書~ 好耐都無試過成日都唔出街啦~ 仲要幾認真咁溫左3個幾鐘書~ 勁喲! 溫晒個 mitochondria 啦~ 最唔識果個搞掂左lu~ 聽日開始溫 bio div lab 先~ 成日覺得溫得晒個 bio div lab 就已經等如溫晒 bio div~ lab 可能仲難過 lecture 果邊......



29/04/2005 - [ 五 ]
好勁o既一日!!! 勁到呢~~~ 呵呵呵~


28/04/2005 - [ 四 ]
今日真係超級辛苦啦~ 今朝好早起身溫 cell bio lab, 出門之前都仲差2個lab未溫好, 返到去上埋堂 bio div, 之後飯都無食就即刻再溫, o係拉記溫左一個鐘左右終於溫晒, 再全部睇一次, 見仲有時間就瞓左一陣, 起身之後估唔到幾精神下~ 狀態幾好咁去考試~  feel good, 題目唔太難~ 因為 sem 1考試話我知應該係考 short term memory~ 果然如此~ 考完之後感覺良好~ 不過考完之後無得休息一下, 因為要即刻去做英文 presentation, 照住尋晚寫果份稿去讀, 因為 topic 係 portrait photography, 所以問題不大~ 無驚無險過左~ 成績ok啦~ present 完仲未可以返屋企...... 因為攝影學會新莊第一次正式 meeting, 要傾 year plan~ 唔可以唔到~ 傾左好多野, Wilson 帶得幾好呀~ 幾 formal 呀~ 對個 draft year plan 都幾滿意~ 一定要搞得成 studio 呀!!! 好想搞玩多D~ 散會o既時間係10點左右, 我仲未食 lunch...... 落MK搵豬精, 畀本 national geographic 攝影"聖經"佢~ 跟住等埋佢收工之後終於可以食我o既 "lunch"~ 多謝...... 食左個ok貴o既扒王之王...... 算啦, 兩餐夾埋差唔多啦...... 食完無耐胃痛...... 好彩唔太勁, 歸家之後即沖涼, check 左 e-mail 即瞓...... 充實到想死....... =.+"


27/04/2005 - [ 三 ]

聽日要考 cell bio lab, 又要做英文 presentation, 睇黎今晚都係要通霄架啦...... 不過算啦, 捱一日之後就放 study leave, 死就死~

 

你係第一個人同我講呢句野...... 感動......



26/04/2005 - [ 二 ]

去左 bio inaug, inaug 都係咁啦...... 幾悶下...... 又係影埋果D野...... 當係幫手囉~ 都係畀機會D莊員 social 下, 悶......

 

reg 左下個 sem o既 complementry subjects 啦~ 原來仲未有得讀 principle of photo image...... 勁失望囉...... 唯有讀下D都好似幾好玩o既科目啦, reg 左一科中文新詩寫作, 一科天文~ 應該都可以用黎平衡番下個sem要讀3個bio o既壓力掛~



25/04/2005 - [ 一 ]

嘻~ 引到你講左果句野出黎啦~ 哈~ 好甜呢~~~ 超超超級期待星期三o既來臨~~~

 

好~ 係時候畀心機溫書啦~ 為前途而努力!!!

 

無架啦, 呢幾日記可以出街o既野係咁少架啦~



24/04/2005 - [ 日 ]

哈~~~~~~~~~~

哈~~~~~~~~~~

哈~~~~~~~~~~

你估到我笑咩我請你飲野又點話~



23/04/2005 - [ 六 ]

"我的野蠻女友"o既情節...... 甚至更恐怖...... 中.......

 

你唔係攝影師, 但係竟然畀你改變左我o既影相心態...... 但係都好多謝你......



22/04/2005 - [ 五 ]

中辯都過埋lu~ 表現唔係咁好...... 無左 a-level 果時D定期個人短講練習始終差D...... 不過算啦, 過左就唔理lu~ 仲差英文 present 最後一份功課, 過埋就真真正正咁完成晒所有呢個 sem o既功課lu~

 

第一次o既 studio 好快就玩完lu~ 超好玩囉~ 不過始終係人地個 studio, 唔可以完完全全咁照自己意思去 set 燈, 但係都玩左3種燈法啦~ low contrast, high contrast, 同超 highlight 頭髮~ 雖然只係第一次, 但係個效果都幾滿意~ 好! 雖然做唔成攝影學會個P, 但係一定畀心機做個 studio function, 仲要勁 suggest 個會買私家燈!!! 哈哈哈哈~~~~~



21/04/2005 - [ 四 ]
book 左 studio lu~ 聽日8-10pm, $430, 幾貴下, 不過要認真咁學下燈光法, 就一定要響 studio 先掂~


20/04/2005 - [ 三 ]
唉...... 努力左一年去了解攝影學會o既運作, 點知到頭來都無P做...... 得返個 IVP...... 既然唔係P, 咁就唔理咁多lu~~~ 自己出去玩多D啦~ 不過 studio 仍然好想搞, 如果可以o係學校 set studio. 咁我唔洗出去 book lu~ 慳唔少~


19/04/2005 - [ 二 ]

尋晚勁趕個 rp essay, 瞓得2粒鐘...... 就死啦! 好彩聽日得930一堂, 上完可以休息下同溫下書~

 

今日去左 YMCA 個 inaug, 幫手影下相咁啦, 唔係咁鐘意呢D應酬野啦, 不過有好多野食, 最正係有好好味o既芒果布丁~ 算補數啦~

 

銀包好似留左響學校, 又好似唔係, 屋企搵黎搵去都搵唔到...... 唔好唔見呀, 近排已經好貧窮架啦, 而且果D咁ge死人證, 要我申請過晒o既話不如叫我去死...... 聽日開 locker 希望可以見到個可愛o既銀包啦......

 

一日一個鐘電話, 絕對係精神食糧囉~~~ 勁鍾意勁鍾意同你一齊o既感覺......



18/04/2005 - [ 一 ]

各學會的 inaug 一連串咁開始啦~ 聽日 ymca, 26號自己 bio soc~ 兩日都去幫手影相, 未影過D咁正式o既 function, 不過無壓力啦, 要求唔會高得去邊......

 

星期三終於開第一次攝影學會 formal meeting, 有意做P, 不過可能有同學仔搞開 soc, 咁我到時都唯有退位讓賢啦~

 

喜歡聽到你的笑聲, 喜歡你的憤怒, 喜歡你的悲傷, 喜歡你的一切~



17/04/2005 - [ 日 ]

考試就到啦, 不過仲未開始溫書...... 溫唔入腦...... 死得啦......

 

你要畀心機呀! 測驗好快過ja~ 都係一個星期je, 捱完又可以去玩過啦~



16/04/2005 - [ 六 ]

體會到見面或者可以唔洗好多, 只要兩個人任何時候都將對方放o係心頭咁就足夠啦...... 學會知足~

 

"消滅障礙物第一擊" 叫"佢"去返工, 唔理人工有幾 cheap, 當做義工都好! 總之先將佢掟出屋企!



15/04/2005 - [ 五 ]

終於第一次可以見到來年攝影學會o既莊員啦~ 好似大部分都好有心機搞喎~ 最正係有一個叫 Carey o既 CS 同學仔對 design 同 website design 好有興趣~ yeah, 即係下年我地個 website 同 poster o既 design 都應該唔係問題啦~ 太好啦~ 仲諗住無 commu 果邊D人上我地嵾茞禶|幾辛苦添~ 期待下一次正正式式咁開我地o既第一次會喲!

 

多謝你喲...... 今日個 message...... 睇完感動到想喊......



13/04/2005 - [ 三 ]

平凡的一天, 喜歡這種平凡

好好的感受你的情意

埋藏起來的心思

被你慢慢發掘出

 



12/04/2005 - [ 二 ]
今日心情同今日o既天氣o岩o岩相反~ 由雨天變為晴天~ 不見面不代表不掛念...... 就是如此簡單, 係我想得太複習啦~


11/04/2005 - [ 一 ]

今朝第一次著 suit 代表 phot soc 同人傾野, Kodak, 完完全全係傾生意 feel 囉! 不過始終係第一次, 同埋我地連 year plan 都未有, 同人傾o既時候都有D難度, 都幾多野唔可以好肯定咁答畀人聽~ 不過唔理啦, 今日都係初步了解je, 乜都唔會 confirm 住~ 跟住230上完堂之後就去左canon 度, 我同 Wilson 陪 Angel 去畀返D album 佢地, 點知 canon 個代表病左, 無得見..... 白行..... 知後同 Angel 去左飲野, 傾左好多上莊o既困難, 個難度好似比想像中大...... 不過年年情況唔同, 吸取左人地教訓, 今年就應該可以搞好D啦~~~

 

畀可惡o既 Lawton 見到我著 suit...... 我都覺我應該由9樓跳落街啦...... Cindy 話似 waiter, 我硬係覺得自己似花仔囉......

 

仲未收到今個月o既電話單, 睇黎會爆到九彩...... 驚......



10/04/2005 - [ 日 ]

見面時快樂

不見面時快樂

願我已從胡同中逃脫

 

天氣開始熱啦...... 幾舒服呀~ 不過聽日一著 suit 就死得啦......



09/04/2005 - [ 六 ]

今朝返到學校已經有人努力緊, D人都陸續返到, 一齊執埋D手尾, 到左十二點右都差唔多搞掂晒啦~ 有D不可思義囉...... 一晚+一個朝早可以搞咁多野...... 個頒獎禮都算順利啦~ 幾好咁~ 我同讀 computer science o既 wilson 一齊幫手, 都聽左幾多有關個 soc o既運作o既野, 可以話係D經驗啦~ 睇黎下年都係我同佢頂起個 soc 架啦...... 我地而家有7個人ja...... 預計有幾個 invisible 莊員, 真係做野o既可能得好少...... 但係現莊都留左不少好處畀我地, 應該都ok掛~ 聽日要去我地個二號大老闆黃醫生個影會o既 function, 星期一要見 Kodak 同 Canon, 上莊o既工作已經開始啦......



08/04/2005 - [ 五 ]
今日係死亡日之中o既死亡日...... 勁辛苦囉! 尋晚做個中文死人功課已經做到鬼死咁夜啦, 今日D 堂又唔知點解無啦啦全部都好緊張...... 中文堂講語法朱少璋勁認真...... Dr So 又一向都係, 跟住又要做 lab, 到左 cell bio 已經係死亡邊緣...... 最慘係上完堂仲未走得, 因為攝影學會聽日搞頒獎日, 今晚要 set 好個鏡房. 一搞就搞到夜晚2點...... 第一次2點先離開學校, 返到屋企沖埋涼已經4點...... 不過無得勁瞓, 因為聽日頒獎日要返去幫手, 10點要返到去繼續努力...... 死ed...... 今日仲原本可以同媚媚食飯, 最後都無...... shit!!!


06/04/2005 - [ 三 ]

post 左輯 lost in central 上 dc home 啦~ 估唔到反應幾好呀~ 比預期中好好多呀!!! 雖然都仲有D對燈光運用o既評語, 不過人地都覺得整體個感覺幾好~ 多謝你呀, 媚媚...... 無左你一切都唔會成事....... 無言感激!!! 

 

前幾日呢度 down 左一陣, 幾驚佢一下子唔見晒我D日記, 如果真係咁我真係想死...... 今日即刻 backup 返晒成年幾o既日記落自己部腦度, 以防萬一~



05/04/2005 - [ 二 ]

成套 lost in central o既相終於可以出街啦...... 夢想實現o既感覺好奇怪..... 真係有D失落...... post 唔 post 去 DC home 好呢? 唔知其他人會點睇呢輯奇奇怪怪o既相呢? 明知用光技巧方面一定有改進空間, 不過唔想因為我自己o既技巧問題而令人批評媚媚......

http://www.fotop.net/nicolo/lostincentral

睇完畀D意見我啦~

 

見到自己著 suit 個樣...... 比死更難受......

 

呵呵~ 今日終於出左你畀我o既第一張成績單啦~ 都合格喎~ 你話總共會有3張成績單, 唔知幾時先出第二張呢? 期待! 我要加油呀! 雖然都有兩個對手, 但係實力唔強, 贏面都幾高~ 不過我唔會慢落黎架! 好記得你講過, 呢D野係唔可以讓架~ 我當然唔會啦!!!



04/04/2005 - [ 一 ]

今日得一堂英文, 勁唔想返囉...... 不過最後都無奈地返左..... 但係放學去左九龍圖書館睇書, 竟然可以認認真真咁做左個零鐘功課~ 呵~ 估唔到有意外收獲~ 聽日仲要放假~ 開心~

 

Angle 話下已經約左下星期一去見 canon, 代攝影學會去畀返D相集 canon. 可能要著老西...... 唉...... 好驚見到自己著 suit 個樣, 邊有細路著老西架..... 唔大唔細咁..... 不過遲早都要..... shit......

 

突然又唔係好心急要答案lu~ 哈~ 既然已經 feel 到你 care 我, 咁我又何必咁刻意? 或者順其自然啦, 等到一個o岩o既時間同地點, 到時先講囉~ 仲有估唔到你會肯陪我去上堂~ 哈哈~ 好玩!



03/04/2005 - [ 日 ]
哎呀...... 情況越黎越曖昧啦..... 不過相信好快會有答案, 可能聽日, 可能後日..... god bless me.....


02/04/2005 - [ 六 ]

今日一個人行下海旁, 感覺好舒服~ 相機都唔帶~ 開始真係識得享受生活啦~ 一個人有一個o既清靜, 兩個人有兩個人o既幸福~ 當然一個人又可以係寂寞, 兩個人亦可以係麻煩~ 任何事情都一定有兩面, 除左真理~

 

今晚係重要o既一晚, 因為我覺得我又了解左你多好多...... 估唔到了解一個人都可以好開心...... 或者以前我未試過啦~ 而且估唔到我可以遇到一個咁好o既人...... 感動......



01/04/2005 - [ 五 ]

復活節之後第一日返學, 勁 hae...... 不過一早返去身先知道要交 lab report, 原本1330之後果4個鐘就突然變到超充實..... 係咁趕係咁趕, 以前計 chem titration 果D野即刻死返晒出黎~ 好彩唔算太難, 只係有D煩~ 最後都o係1730趕得及交~ 幾好玩呀都, 逼我由勁 hae o既心情拉返上做野o既心情~ 呵呵~ 星期六日都應該可以做到D功課啦~

 

今日開 plant div, 勁鍾意 Dr So 個教書風格, 不過如果有 power point 就會仲好D啦~

 

多謝你 send 個 message 畀我, 感動......

 

呵呵~ 個訪問終於都出左lu~ 有興趣就去睇下啦~ 4月號, 第217期, 攝影雜誌, p.36-39...... 唔講lu, 有D唔好意思......

Name
Security code
CAPTCHA Image Reload
Verify security code
Message