« December 2019 »
MoTuWeThFrSaSu
 1
2345678
9101112131415
16171819202122
23242526272829
3031 
Tuesday 01st March 2005 01:37:53 AM

30/03/2005 - [ 三 ]
你無離開我...... 多謝......


29/03/2005 - [ 二 ]

"幸福同不幸係同時存在o既, 想得到幸福, 就要接受不幸; 相反, 唔想受苦o既話, 只要唔去尋求幸福就可以啦~" 如果每一次唔開心o既時候都可以記起呢句野o既話, 個心應該會好過好多......

 

或者係時候做D令人感動o既野啦......



27/03/2005 - [ 日 ]

時間的錯, 天氣的錯...... 為何時間總要走得那麼快, 為何要晴天時偏偏下雨...... 可惡...... 但見面的時候一切都不再重要, 真的......

小朋友唔可以咁架...... 病左仲要去玩...... 小心身子......

 

越望就越覺可愛, 越可愛就越想了解, 越了解就越愛...... 點算好?

 

近排D日記好似都好短咁...... 因為整個生活都係你, 因為一切都盡在不言中......(<---吹脹未...)

 

頂, 覺得自己寫D野好痺...... shit......



26/03/2005 - [ 六 ]

hae 左兩日真開心~ 好耐無試過咁舒服啦~ 勁開心囉~ 覺得自己有返讀書, 又有返做苦功o既力量啦~~~

 

同你傾左兩日電話...... 了解你多左好多o既同時, 亦都了解左自己多左~ 唔知呢, 發覺自己好似開始識得點去了解人啦, 唔知係因為你, 定係因為我真係大個左呢? 我究竟係大個左定仲係成個細路? 越黎越多人話我成個細路啦...... 不過無論如何, 真係好"開針"呀~~~ ccccc, 抄下你D野先~~~

 

唔知之前有無人咁同你講過, 不過希望你真係會諗下我同你講o既野啦~



23/03/2005 - [ 三 ]

你是天使, 你是魔鬼, 你帶給我快樂, 你帶給我悲傷......

望著你, 我迷惑了.....

 

感謝你實現了我一個夢想...... 找不到說話了......



22/03/2005 - [ 二 ]

清醒原來比醉了痛苦得多, 想狠狠的醉一次, 清醒時要面對自己的缺點, 連自己都覺得自己討厭......

我的執著從沒得到好結果, 但為何還要執著? 千萬個理由要我放手, 卻仍要非理性的執迷下去......



20/03/2005 - [ 日 ]

估唔到今日仲係咁好天, 雖然知道花展係最後一日, D花會幾唔掂, 不過都盡力試下啦~ 今日都仍然好多人, 試影左好多蜜蜂, 都有2張唔錯~

 

尋日影左張靚爆o既相, 不過只供私人收藏欣賞~~~ 哈哈哈哈哈哈~~~



19/03/2005 - [ 六 ]

或者我已經學識左唔去計較lu~ 付出其實都可以好開心架~ 睇到人地得到快樂時果一刻, 就算知道唔會有任何回報, 都已經覺得自己o既付出係值得架啦~ 開始時可能有D苦, 但係遲D可能會覺得甜都唔定~~~ 今日得到一刻o既感動~ 值得紀念~



18/03/2005 - [ 五 ]
無咩好講, 總之期待聽日啦~~~ 哈哈哈~~~~


17/03/2005 - [ 四 ]

聽日過埋個中文默書就忙完一個星期啦! 再過圭下個星期就唔洗咁多野心掛掛啦~ 星期六日仲可以好好咁影下相添, 正!!!

 

睇返相簿個影相日誌, 發覺3月真係影左好少相...... 讀書呢邊真係忙左DD, 不過都好o既, 唔知點解自從 sem break 之後就唔係太有心機讀書...... 呢個月忙一忙, 都總算有返個勁去讀啦~

 

有人 forward 左俾我:

好感
只是一個你不會討厭的人,可以成為朋友的人
失去了也不會有甚麼特別的感覺

鍾意
會被某一部份吸引
假如失去了他會有點可惜的感覺

喜歡
在乎他對你的感覺
若失去他會感到隱隱作痛的感覺


他的地位是任何人都不能取替的
失去了他會傷心得肝腸寸斷,脾痛徹心

 

講得都幾好...... 鍾意同喜歡係仲有分別o既......



16/03/2005 - [ 三 ]

好辛苦呀...... 尋晚唔知點解無啦啦皮膚敏感發作, 越瞓個身就越痕, 搞到我無覺好瞓, 到天光左右先瞓左一陣, 可惡...... 上完 cell bio 堂之後就去左 clinic 睇醫生啦~ 醫生話係風爛, 要打針...... 好耐無打過針啦...... 醫生話打完會眼瞓, 但係之後仲有 cell bio lab, 唔走得, 唔理啦, 打左先啦, 再痕落去我會死架...... 打左之後藥力好快, 由舊校行去 library 就眼瞓lu...... 不過最恐怖係瞓瞓下個腰大約係 kidney 個位勁勁勁痛...... 仲要出晒冷汗...... 痛左陣唔知係瞓左定暈左, 過左半個鐘左右醒返, 無再痛lu...... 都唔知咩藥黎o既, 會搞到咁痛o既...... 皮膚敏感je, 唔洗毒死我D organ 呀...... 而家仲有DD痕, 不過已經好好多, 希望今既瞓好D啦......

 

好野, 套 lolita 衫整好啦!!! 開心呀~ 可以去影相啦~~~



15/03/2005 - [ 二 ]

而家 PE 堂好似到喉唔到肺咁...... 想打得激D呀! 起碼好似以前練波咁呀~

 

尋晚做 lab report 做到停唔到手, 做到 conclusion 先頂唔順去瞓, 搞到今日好眼瞓...... 成個 u-life 瞓足2個鐘~ u-life 上晒啦, 唔洗再煩啦~ 今晚應該可以早D瞓啦, 做埋個 discussion, 查下字典, 睇下英文 sall D 書就瞓lu~ 加油加油! 好快就一個星期啦~

 

而家 cell bio 又有返D chem 野玩~ 個課文即刻無咁悶~ i like it~



14/03/2005 - [ 一 ]
今個禮拜仍然係爆忙...... 星期二中文默書, 星期三 cell bio lab report, 星期五英文作文, 黎啦! 辛苦D都係一個禮拜je! 加油!!! 下個星期就有長假放架啦~


13/03/2005 - [ 日 ]

今日好彩無落雨, 所以終於可以正正常常咁去花展影花啦~ 不過雖然無落雨, 但係光線就好平, 少少立體感都無...... 所以由12點影到4點左右都開始停手啦...... 以前係可以影唔停, 第二日再影過架...... 唉, 今年都係無乜收獲架啦~ 唯有等下年啦~

 

影完相之後就去搵阿 Yan 影相, 睇相果陣覺得佢好細路女, 真人見到就大個好多...... 去左 IFC 影相, 周圍行, 見到有靚光線就影, 無乜點特別預備, 所以都唔期望有乜真係好靚o既野...... 主要係試下D燈, 試下D角度, 等套 lolita 衫整好幫媚媚影果時有好D o既心理預備, 發覺構圖唔係咁易, 而且光線比想像中弱...... 要諗諗計......

 

發覺左枝 100mm marco 底鏡好似有D發霉...... shit...... 影出黎個成像好似真係比以前無咁 sharp...... 唉...... 二手鏡就係有D咁o既壞處...... 唔通真係要俾$3000買返枝新鏡??? 無錢呀......



12/03/2005 - [ 六 ]

又過左辛苦o既一個星期啦~ 終於可以休息一下, 我o既體力由星期一就不斷咁下跌, 到左尋日 cell bio mid-term 之後可以話死左咁濟...... 日日都好似有功課要趕, 有書要溫咁......

 

比較奇怪係星期四果日上完 bio div 之後我去問 Dr. Qiu 問題, 佢竟然突然話要請我食飯, 因為星期三果日佢唔記得上堂, 我打左個電話提佢...... 就因為咁同佢去左百味閣食 lunch~ 傾計o既時候發現原來佢都係真心想教好書, 佢自知表達能力唔係咁好(我諗上過佢o既堂o既人都會認同...), 所以都花多D心機o係教書方面~ 佢會o係大學教書係因為佢做 research 幾得心認手, 不過教果方面因為經驗唔係太多所以唔係咁好...... 同佢食完飯都對佢有D改觀......

 

星期四晚同媚媚行旺角, Ruby 話佢應該可以o係3月22前趕好條裙~ 而且媚媚好似對輯相好有期望咁~ 我都要認真D預備好啦~

 

星期五 bio div lab 劏老鼠, 第一次睇住D老鼠點樣畀 ether 焗死, 之前白雪雪, 好鬼得意...... 一組有兩隻, male and female, 我劏左靚女, 為左唔想佢死得咁無價值, 雖然我地所謂o既有價值, 對佢地黎講係絕對唔合理...... 不過無計啦...... 盡量劏得好睇D, 等佢唔好死得咁樣衰...... 好彩 a-level 果陣D野都仲未忘記, 而且都係 show 個 digestive system, 所以最後佢個遺容都ok...... 見到隻老鼠初初死都仲未眼閉, 最後終於可以好好咁瞓, 心理上都過得去......

盡管哭吧, 人類就是如此的低等

 

完全無野講囉~ 星期六先黎落雨, 今日原本想放晒D時間去影花架...... 而家變左o係屋企 hae...... 好耐無o係屋企 hae 咁耐啦...... 感覺都唔錯~~~



08/03/2005 - [ 二 ]

今日 rp 堂睇左成套o既 "crime and punishment"~ 勁好睇呀! 劇情唔係好複雜, 但係就好仔細咁描寫左個男主角殺左人之後內心世界o既掙扎, 好睇到即刻今日去左中央圖書館借左本英文原著, 相信我會幾有心機睇~ 不過星期五就 cell bio mid-term....... 今晚又要做 cell bio lab report...... 無時間添...... 不過正正想畀返D壓力自己~ 等自己唔好咁 hae~

 

今日上pe堂好有動力去打波~ 睇完大專杯D咁勁o既比賽, 雖然自己唔係果皮, 但係都激勵到自己呀~ 打完波, 出左一身汗, 感覺非常好喲~~~



07/03/2005 - [ 一 ]

天氣回暖, 個感覺真係幾好~ 呢兩個月黎都唔係咁正常, 不過頭先執執下房個人好似突然間醒左, 好啦, 係時候積極D做返D野啦~ 咩都好啦, 係時候回復理性人生啦~ 非理性時期夠啦~

 

好野! 琴弦森林又出返啦~ 雖然唔知幾時先有單行本出, 不過有得再睇個故事真係太好啦~ 反而足球小將就無啦啦停左......=.=

 

又有人搵俾我影啦~ 不過今次個主角年紀真係細左D, 得果14歲...... 而家D細路真係大膽~ 無野ge, 都係咁影je~



06/03/2005 - [ 日 ]

天氣雖然好凍, 但係呢兩日都得到難得o既晴天~ 發覺有陽光影相真係靚好多~ 夏天幾時先到架...

 

今夜又去睇阿昇做話劇~ 不過今次講真, 真係唔係好明個故仔想點...... 但係阿昇都仍然係勁搞笑~~~

 

經過中環又見到好多靚o既光源~ 好想快D去影呀!!!



05/03/2005 - [ 六 ]

黃sir o既夢想終於實現左啦! 雖然佢無黎睇, 但係肥仔今晚真係拎左個大專杯冠軍呀! 今日係大專杯決賽, poly 對 cu, poly 直落3局贏左 cu, 超勁呀! 雖然肥仔唔係正選, 但係都有落場呀~ 個比賽水準比我想像中高, 真係好有男子排球果 power~ 好正o既感覺~

 

夜晚去左同知行送行~ 佢要去美國讀書~ 希望佢有好發展啦~

 

下星期五就花展啦! 超級期待呀!!! 不過果日要 cell bio mid-term......



04/03/2005 - [ 五 ]

尋晚話要早D瞓, 點知溫溫下都係搞到差唔多兩點先瞓...... 今日個 bio div. mid-term 都ok啦~ 因為D mc 都係由 exercise 果度出, 好彩有睇~ 應該無咩問題啦~ 其實 bio-div 都係用 excel 打 notes 溫好D~ 可以一試~

 

"教海鷗飛行的貓", 一個好得意o既故事喲~ 我就係層次咁低, 好簡單o既野都可以感動~ 幾好喲, 即使只係一刻o既感動, 我都唔想錯過, 我要感動o既感覺~ 感動我吧!

 

三月天氣仍然好凍...... 聽日仲要得9度...... 我要溫暖o既夏天呀~~



03/03/2005 - [ 四 ]
聽日 bio div mid-term, 今晚快D溫晒佢, 早D瞓仲好~ 做MC 需要一個清晰頭腦......


02/03/2005 - [ 三 ]

尋日無啦啦搵返首 imagine 黎聽, 一聽就死左...... 今日聽返D憤怒o既 Eminem 黎聽, 即刻醒返~ 無錯, 人要有頹廢o既時候, 但亦耍有爽朗o既時候~ 人要有群體o既時候, 但亦耍有獨處o既時候~ 人要有開心o既時候, 但亦耍有悲傷o既時候~ 總之人一定係種種性格都有, 呢度會有個 unity, 但其實因人而異, 個平衡會有因唔同人而有 diversity~ (今日 prof. Wong cell bio 講過...) 所以容納係好緊要o既~ 容人所不能~

 

今日買左枝正腳架啦~ manfrotto 055c+141rc~ 枝腳可以放到好低, 方便我影 marco~ 個 3 ways 頭3個 plan 又可以轉120度~ 正~ 不過有好有唔好啦, 呢枝野真係幾重下, 雖然可以好穩陣, 但係拎住佢上山就幾攞命下...... 不過點都好, 相信呢枝野都可以跟我一世啦~



01/03/2005 - [ 二 ]

個胃又有D唔舒服啦...... D胃氣無啦啦又走返出黎...... 想嘔......

 

影相要有影子, 咁張相就會立體D, 有氣氛D~

影相要捕捉一剎那最自然o既感覺~

影相要破舊立新, 但係連低子都無就根本無野可以破~

呢三個係我呢幾日不停咁反省自己D相所得出o既心法, 特別係第一樣, 絕對係我D相所非常缺乏o既~ 要努力改進喲!

 

Imagine
Imagine there's no heaven,
It's easy if you try,
No hell below us,
Above us only sky,
Imagine all the people
living for today...
Imagine there's no countries,
It isnt hard to do,
Nothing to kill or die for,
No religion too,
Imagine all the people
living life in peace...
Imagine no possesions,
I wonder if you can,
No need for greed or hunger,
A brotherhood of man,
Imagine all the people
Sharing all the world...
You may say Im a dreamer,
but Im not the only one,
I hope some day you'll join us,
And the world will live as one.

活在一刻的感動, 活在在自由的思想中, 可以嗎?

三月的冬季, 天空淌淚了, 不得了, 我也哭了......

Name
Security code
CAPTCHA Image Reload
Verify security code
Message