« March 2024 »
MoTuWeThFrSaSu
 123
45678910
11121314151617
18192021222324
25262728293031
Tuesday 01st February 2005 01:37:20 AM

27/02/2005 - [ 日 ]

今朝瞓到十二點先起身~ 好舒服呀, 好似好耐無瞓得咁好啦, 仲發左個開心o既夢, 幾搞笑下~ 食完飯跟住就去返左學校, 今日系際籃球比賽, 不過我都係去幫手夾夠人數je~ 對手唔太強, 我地 win 24分~ 下場對 cie, 聽講人地超勁~

 

星期五 bio div mid-term啦~ 英文個 sall 又就快 due, 輕鬆左兩人, 睇黎呢個星期又唔會好得閒lu~

 

快D夏天, 快D夏天啦~ 好想影花影蝶同夜晚出街 snap 呀~



26/02/2005 - [ 六 ]

終於過左黑暗o既一個星期啦! 交左份中文功課果刻真係即刻鬆晒~ 呢個星期日日都瞓得4個鐘, 星期三預備 rp present 都算輕鬆D, 因為個 topic 始終值得思考下~ 但係做中文份野真係好痛苦, 好似要D唔係 bio o既人讀 lipid metabolism 咁痴線...... 搵左都唔少資料, 但係真係好難明, 例如要搵一段文言文o既解釋時, 個解釋都係文言文...... shit...... 不過最後都搞到1800字俾佢, 分析個作者寫作動機果度自覺幾好, 不過其他評論個內容就無咁多 point...... 不過都算對得住自己啦~ 至於個 rp present, 整體都算過關啦, 我地一組4個人, 有其中兩個組員好似預備得幾求其, 其中一個可以講完全無睇 references, 就咁對住個 powerpoint 讀...... 要知道個 powerpoint 真係得D points, 完全無解釋...... 好彩仲有一個組員有睇開哲學書, 佢 present 得幾好~ 我自己都 ok 啦~ 解釋ok, 而且 present 出黎幾好, 有 a-level 考 oral 時果種水準~ 總之對得住自己對得住人啦~

 

一朝早就起左身去中央圖書館排隊買二手書~ 因為要趕住去幫攝影學會評相日, 所以o係一個幾鐘之內就掃左18本書~ 比想像中少左D, 搵唔到D大驚喜, 不過都買到幾本睇過而且幾鍾意o既書, 而家買返再睇都好~ 仲有兩本鍾偉民, 正~

 

今日係學界攝影比賽評相日, 去做左 helper, 對自己D相期望唔大, 平常心啦, 始終第一次參加呢個比賽~ 結果好似有6張有1張入到圍, 唔錯啦~ 返而我地有個莊員為我地 BU 出返口氣, 拎左個彩色組第一!! 因為 BU人好耐都無o係呢個比賽拎過獎啦~ 鄧佢開心~~~ 一路幫手一路睇住佢地俾分, 發覺左佢地睇技巧多過睇構圖, 而且係光影o既技巧運用比重好大~ 唔, 明白左佢地D taste 啦, 俾一年時間我啦! 我有信心可以最少有優異獎! 一定得!

 

今日最大收獲反而係知道個比賽o既 rundown, 好緊要呀~ 因為對攝影學會黎講, 呢個係佢地成個學年最大o既 function~ 下年我上莊o既話都一定要花好多時間落去搞~ 仲知道左D背後工作, 搵 sponsor 原來唔易喎, 有唔少商業因素要知......

而家有D關於比賽o既 notes 要寫寫, 下年可以睇返注意一下~

1- D評相老前輩習慣左早15分鐘到, 要早D去接佢地~

2- 彩色同黑白要好小心分開佢地~

3- 最好有部 notebook, 可以用 excel 即時計分, 唔驚計錯, 而且有 record 可以 check 返~

4- 黑白組同彩色組要分開評, 最好分開日子, 因為如果同步進行, 一組o既評相老師可能會影響另一組~

5- 要預備 break time 俾評審, 因為相太多~

6- 評相之後茶點會要預備 tissue......=.=

 

去完評相日就去左聽 concert~ 挪威室樂團~ 又有驚喜啦~ 層次感超豐富, 最後 encore 左首 Grieg o既 spring, 勁畫意 feel 囉~ 完全估唔到今年藝術節除左有貝九之外仲有咁多正野~ 下年都一定要參加 young freind~



23/02/2005 - [ 三 ]
好眼瞓呀..... 但係好多野做...... 幾時可以放假, 幾時先可以好好咁瞓十個鐘呀...... 就死啦...... 我要影相, 我要睇戲呀呀呀呀呀呀呀呀呀呀!!!


20/02/2005 - [ 日 ]

終於有機會玩 1Ds markii 啦~ 約左豬哥哥同梁偉出黎周圍影~ 仲試左兩枝成皮野o既鏡...... 發覺如果我有D咁o既器材, 我而家應該唔只影緊D普通野, 都幾有信心去接D freelance 黎做...... 不過算啦, 遲下買左幾枝射燈黎玩, 影下D product 應該可以都影得唔錯~~~ 努力努力!!!

 

夜晚去左大會堂聽 concert~ 今日因為 join 左藝術節 young friend 所以有兩張 concert 飛~ 開心喲! 好耐無正正式式咁聽 concert 啦! 去到大會堂換左張飛之後就入去啦, 估唔到係超靚位! 自己去買可能要成$300...... 而家只係十分一價錢~ Frazil Say, 之前未聽過, 今日都係抱住 enjoy 下o既心情去聽, 點知聽到有D醉~ 終於明白D人點解咁鍾意 jazz 啦~ Fazil Say o既 style 係有D jazz, 但係加左入 classical 之後就變得更有趣~ 完全 feel 到佢o係度講緊故事囉~ 而且一路聽就一路諗, 攝影同音樂雖然都係藝術, 有時即使同樣係表達緊同一種感覺, 但係攝影就好寫實, 即使係畫意攝影都始終係有個實物o係度, 但係音樂就完全係意識上去形容...... 唔...... feel 到有D野......



19/02/2005 - [ 六 ]

今日約左 esther 去城門水塘影相~ 另一次o既私影~ 不過今次天氣都係唔係咁好...... 但係已經比想像中好, 起碼無落雨~ 第一次用私家反光板, 效果真係正好多~ 一來打走晒D陰影, 二來可以俾到個好靚o既神光 model~ 非常之實用~ 不過今日 esther 好似唔係好精神咁, 表情同 pose 都唔算太好, 所以影出黎都係一般je...... 始終搵唔到個主題, 就咁去影真係有D困難, 只可以影到D一般o既野.....



18/02/2005 - [ 五 ]

可惡呀! D天氣想點架? 今日又變到鬼咁凍~ 聽日仲要影相呀! 唯有諗下咩題材係o岩凍o既天氣啦......



17/02/2005 - [ 四 ]

唔係講笑, 聽日開始, 黎緊成個星期都會勁忙呀~ 最難搞係星期四有 rp present, 星期五又有中文1700字功課交~ 今個星期仲有幾日, 雖然星期六日都有相影, 但係一定要抽D時間出黎做下呢兩樣野啦~ 唔係o既話好易趕唔切呀......

 

lunch 果陣俾問豬精拎返枝腳架借俾梁偉, 跟住就去左買反光板啦~ 買左塊五合一o既反光板, 兩舊水, 都ok啦~ 咁以後私影都可以影得眼神靚D啦~ 值得呀~

 

今日交左比賽相lu~ 結果o既野, 順其自然啦~



16/02/2005 - [ 三 ]

終於買左 printer 啦! 已經成年無 printer 用啦~ 可以趕及攝影比賽之前買真係好~ print 出黎D相顏色可以 control 真係好, 感覺到成個攝影o既過程都可以完全自己主導啦~ 呢D先係攝影ma~

 

Angel 打黎話今年攝影比賽唔係好多勁作品~ 叫我一定要玩~ 玩就一定玩啦, 不過唔預自己可以有獎啦, 入到圍已經好開心啦~ 話晒都係第一年玩呢個比賽~

 

天氣好潮濕呀...... 不過溫度又幾舒服喎...... 人就係生活o係矛盾中, 不停咁搵出口...... 可以逃避或者面對, 但係始終係面對好玩D~~~ 無痛苦o既對比, 根本唔會有快樂o既存在~



15/02/2005 - [ 二 ]

而家每一次 rp 堂個 lecturer 都不停咁拋D問題出黎俾我地諗, 不過其實問黎問去, 最終其實都係諗緊同一個問題, 就係"我地生存o係呢個世界上究竟有乜Q意義呢?" 好似好虛無咁, 但係呢今日諗諗下好似真係可以諗到有D實在o既野出黎......

 

人一定要有兩個追求, 一個係有外在價值o既, 係比較客觀黎講有價值o既, 對我黎講就可能係對社會o既俸獻, 對另一個人黎講可能係寫一個好勁o既 programme...... 另一個追求就係內在自我覺得有價值o既, 係絕對主觀o既, 對我黎講就係美學同感情上o既追求, 對另一個人黎講可能就係要"了"一舊全世界最大o既耳屎=.=, 對教徒黎講可能係靈性上o既修行...... 有左呢兩種追求之後, 基本上人生就有左動機同意義啦~ 而兩種追求唔一定係一半一半, 可以7比3, 可以1比9, 而且可以係多樣o既追求, 完全因人而異~ 但係人得果幾十年命, 要追求一樣野去到一個高層次(當然唔係人人想去到高層次), 必然要集中火力o係其中某一兩樣, 但同時我亦相信人唔會有無限精力去不停咁追求一兩樣野, 因為人會悶, 會無耐性, 而且追求係要有動力, 咁動力何來? 所以即使一個人好努力咁追求外在內在其中一方, 佢都仍然要靠另一方黎獲得佢o既動力...... 即係如果一個人外在追求係濟世為懷, 而佢o既內在追求係"了"耳屎, 呢條友一定唔可能因為好努力咁去醫人而唔去"了"耳屎, 如果唔俾佢"了"耳屎, 咁佢可能會慢慢失去動力去醫人......

 

明白左內外追求, 加上動力o既關係, 自己好似頭腦清晰左好多...... 前幾日都仲係十十下咁...... 好, 非常好~~~

 

呢日日記唔知點解好似可以用黎做下次 rp resentation o既骨架~ 寫日記o既好處......

 

喂! 你咁得閒睇晒呢篇日記, 都諗下"我地生存o係呢個世界上究竟有乜Q意義呢?"呢個問題啦, 有咩意見最好留言, 等我可以用黎 present~ 哇哈哈哈哈~



14/02/2005 - [ 一 ]

哈哈~ 今日訂左套公主衫啦~ 下個月可以影啦~ 期待期待再期待......

 

全港學生攝影比賽要交相啦~ 睇黎黑白相交唔到幾多張相啦...... 算啦, 希望都有D成績啦.......

 

情人節唔關我事啦...... 普通o既星期一啦~ 反而期待3月22~~~

 

明白左行動比空洞o既計劃更有 power! 做啦! 唔好講咁多~

 

 



13/02/2005 - [ 日 ]
好天氣估唔到仲有一日, 不過今日無乜點影相, 都係周圍行下~ 去圖書館睇左陣書, 不過再搵唔到有咩有用o既野去做個 sall lu~ 睇黎而家手頭上果6本書同幾份 articles 就係我全部可以用o既資料啦~


12/02/2005 - [ 六 ]
難得o既一日晴天, 當然要出去影相啦~ 約左 esther 下個星期去城門水塘影相, 咁就先去走一轉熟識下環境啦~ 去到最主要當然係搵下有無紅葉啦, 點知行完晒都只係見到一兩塊紅葉...... 睇黎下個星期都係要搵第二個地方影啦~ 但係最衰係今日影左o既相無左一半, 因為一張 cf 卡無啦啦死左...... 可惡...... 雖然唔係咩大作, 但係都唔係咁對我呀......


11/02/2005 - [ 五 ]

年初三又要早起身...... 今日要去澳門喲~ 老豆要去探個親戚, 順手去行下~ 好艱辛咁買到船飛, 好多人喲~ 老豆跟住又話不如去珠海行下~ 都係隔離je~ 過左珠海, o係關口附近包左架車, 然後就成日周圍遊車河lu~ 去左幾個地方, 無咩特別, 不過有一個地方有D花幾靚, 短短一陣我就影左好多相, 我預計到3月個花展我會影到傻~ 夜晚之後又返去澳門, 去左個親戚屋企坐, 一坐就3個鐘...... 悶死左我, 仲臭死左我...... 因為佢地一路傾計路食煙, 我數過佢地一共食左20枝煙...... short 架...... 到左12點左右我地就走lu, 然後坐船返到屋企已經2點幾...... 攰死人......

 

上船之前買左本數碼廣場, 好意外咁見到自己影 kirita o既一張...... 無啦啦上左雜誌有D意外, 感覺好奇怪...... 有得公開自己作品當然好, 不過點都出相之前知會一聲呀...... 又一次 feel 到版權o既重要性......



10/02/2005 - [ 四 ]

唔知點解, 逢係年初二我都會病病地...... 記得前年年初二病到九彩, 上年好彩無乜樹, 今年又發燒...... 不過都係小小地, 唔係好勁~ 仲可以行得食得~ 感謝......

 

呢個世界若然真係無野係永恆, 咁人有D咩係真係值得追求? 定係根本無野值得追求, 純粹將自己獻出黎就得? 但係如果完全唔追求任何野, 咁動力何來?...... 新年流流諗埋D咁o既野...... 痴線......



09/02/2005 - [ 三 ]
年初一, 一如以往, 被迫早起身拜神, 不過又同以往唔同, 拜完神之後唔可以勁瞓, 因為以前都係老豆媽子屋企拜完再返大陸拜, 而我就可以瞓到肚餓先起身...... 今年無啦啦叫埋我去...... 去就去啦...... 去左汕尾陸豐o既玄山寺, 好似睇金庸o既小說時聽過呢間野, 不過去到我都唔係拜啦, 影左幾張相, 等老豆求左枝櫼就散水lu~


08/02/2005 - [ 二 ]

大年三十, 陪媽子又走左轉年宵, 趁下熱鬧, 買左幾枝花~ 04猴年整體唔錯呀~ 05雞年唔望D咩啦, 老豆同媽子身體健康就夠啦~

 

太陽伯伯出現左一日之後又閃返入去...... 我要落大雨, 然後大晴天!



07/02/2005 - [ 一 ]

難得的一日晴天, 不過無去影相...... 因為要去買熱水爐, 尋晚要沖凍水, short架...... 搵左好多間都要等過年後先有得裝, 彩佢都傻啦! 好彩最後都搵到間即日安裝, 雖然手工好似差左D, 不過唔理啦, 都係用多幾個月je, 唔好爆炸就算啦......

 

唔知自己想點咁...... 唉......



06/02/2005 - [ 日 ]

呢排天氣勁潮濕, 而且今日又暖返D, 睇黎春天已經黎到啦...... 發毛的季節......

 

呢兩日聽得多 radiohead 多, 搞到個人都有D神經質...... 係時候轉下個 playlist......

 

新年又到~ 有收入啦~ 買腳架, falsh, 定直度好呢?

 

upload左上星期o既力寫啦, 記得去睇睇!

http://www.fotop.net/nicolo/metamorphosis



05/02/2005 - [ 六 ]

俾左D相媚媚lu~ 睇黎佢都好鍾意D相喎~ 今朝去拎相o既時候見到張大相o既時候都幾驚喜~ 因為今次曬相D顏色還原得幾好~ 而且同佢食飯時俾左上次同 kirita 影果D相佢睇, 佢都好鍾意果套 lolita~ 佢鍾意就ok啦~ 睇黎我輯"中環的公主"好快可以去影啦~ 開心~

 

唔知點解近排好多人都話我係大細路......=.= 媚媚同佢個friend係咁講, 夜晚同 alwin, 屎提芬, 阿華同 cindy 去行年宵果時佢地又係咁講...... 食糖唔係細路o既專利黎架喎~



04/02/2005 - [ 五 ]

又到左死亡星期五啦, 今日仲要係死亡中o既死亡...... 因為身心疲勞之後仲要做個死人 bio div lab...... lab 唔係問題, 要解剖蚯蚓先係問題...... 好彩我地組有勇敢o既阿輝同阿豪, 咁我當然負責睇slide同墨魚啦~ 辛苦晒佢地啦, 要佢地對住條咁臭又咁樣衰o既蚯蚓咁耐, 解剖完之後佢地都話有D暈暈地...... 有D唔好意思...... 不過可能仲要佢地辛苦一次...... 因為如果 amphibian 要解剖四腳爬爬o既話, 我又係會死......

 

上完堂之後仲要上放相班~ 原來放相同沖菲林個原理都差唔多~ 好想快D試下自己放相呀!

 

近來睇得多菲林相, 發覺菲林真係靚好多, 雖然 digital 個 resolution 已經好貼近菲林, 但係層次感仲差好遠......



03/02/2005 - [ 四 ]

今日音樂堂重開~ 又有得學琴~ 今日又破左一關啦, 搞掂左D把位騎騎呢呢o既 bar29, 30, 可以直落到bar33啦~ 仲有半版ja! 不過呢半版好似幾難下~ 睇下又要幾耐先可以搞掂?

 

星期日D相大概都搞掂晒啦, 今日拎左去晒lu~ 但係要post上相簿個次序都好重要, 我想人地睇到係可以 feel 到一個主題~ 又係動腦筋的時候...... 必要時可能要大膽放棄一兩張同主題唔係咁 match o既相~ metamorphosis? 呢個主題好似都ok~



02/02/2005 - [ 三 ]

你是路人?

不信星座, 不信流年, 但相信緣份.

感覺漂浮在半空中.

大風吹, 時間跑掉了;

大風吹, 感情亦吹走了.

越想就越不明白, 乾脆不去想.

 



01/02/2005 - [ 二 ]

星期日果日D相越執就越多正野!! 超開心呀! 私影真係唔同D喎~ 睇黎我以前D奇怪構思可以落實啦~

 

今日又無啦啦凍左好多...... 應該係今年最後一次啦.

Name
Security code
CAPTCHA Image Reload
Verify security code
Message