« December 2019 »
MoTuWeThFrSaSu
 1
2345678
9101112131415
16171819202122
23242526272829
3031 
Wednesday 01st September 2004 01:33:43 AM

30/09/2004 - [ 四 ]

連續3日去影火龍, 影左二百幾張, 有9張係ok ge...... 差唔多啦, 第一次用單鏡機影, 幾難下, 因為塊鏡彈起左, 乜都睇唔到...... 不過唔緊要啦, 下年再影過啦~ 年年都有機會喲~

 

終於參加左第一次o既影會活動, 以前關sir講過人像練得多就容易影得好~ 咁就要搵多D機會影多D啦~~~

 

BIOCHEM 下個星期三就 midterm 啦~ 兩課書, 唔算太難~ 呢幾日一定要ko 佢!



26/09/2004 - [ 日 ]

成功將一大堆舊電腦零件賣左佢, 執番三舊幾水, 又唔使左住間房, 唔錯喲~

 

今日原本諗住去買支 50mm f/1.8, 用黎聽日影火龍, 點知天祥無二手賣, 得新貨, 成$680...... 頂, 仲諗住五舊水搞掂...... 唯有聽日再搵過第二間啦......

 

中秋到啦! 我最鍾意o既節日呀! 有火龍影, 有燈籠影, 仲有好多好多野可以影~ 真高興~~~



25/09/2004 - [ 六 ]
第一次參加攝影學會o既 outing, 幾好玩喲~ 雖然同 o'camp 一樣玩下 check point, 不過唔使咁趕之餘仲可以影下相, 仲發現左上環果頭真係幾多野影下, 一定要搵日再去慢慢影多次~ o係個 outing 度仲識左幾個人~ 我個姐媽 Karen 仲要係讀 AD bio, 即係下年可能會做同學! 好囉, 原本 bio 都無人係攝影學會, 而家多個人部我入攝影學會啦~


23/09/2004 - [ 四 ]

無啦啦呢度變左週記...... 嗚嗚, 我唔想架......

 

終於有新電腦用啦! 上個禮拜塊 mainboard 再死多次, 無啦, 無得再搞啦, 部腦都跟左我5年, 係時候退休啦. 老豆 funding 俾左$5000我, 去高登砌左部 P4 3.0, Matrox p650 display, 勁正, 用 photoshop 開 raw 相等一秒就出到! 勁方便我執相~~~

 

近掛個相簿仔多左好多人留言! 勁開心呀~~~ 最多人讚係 snap my live~ 睇黎呢 part 野已經開始影到有D自己o既 style 啦~ 要繼續努力! 星期六就係 bu photo soc 今年o既第一次 outing, bu 應該好多前輩高手, 可以學下野啦! 再o係度 promote 下我個相簿啦~

http://www.fotop.net/nicolo/nicolo

 

尋晚 o night 幾好玩喲! 同D doctor 傾左陣計, 估唔到會傾得幾認真下, 有D收獲, 意外~~ 傾完計之後就玩 game, 最後個水戰勁濕身, 不過幾好玩喲!

 

sit 左堂 calculus and linear algebra for chemistry, 原來都係以前D a maths, 好想學好D maths, 想自修下D maths, 問過個 Dr, 佢話遲D會教 matrix, 好想學喲!

 

電話死左...... 點算......!!!



11/09/2004 - [ 六 ]

唉, 而家都係開左學無耐je, 做乜好似好忙咁ka...... D bio 好難, 雖然有好多係以前 a-level D concept, 不過再推落去就變到不似人形, 而且而家好似自己睇書自學咁, 上 lecture 都係補充下咁...... micbio都好D, 而家講D野都係煩D je, 唔係咁深, 但係 biochem 就好鬼多野係 notes 同 lecture 都無講...... 不過唔係另一個最大問題就係讀完書唔明都唔知點好, 以前就可以走去教員室搵阿sir指住黎問, 但係而家D lecturer 好似好唔得閒咁, 係就係可以落堂捉住佢黎問, 佢地亦好友善咁答係, 不過答完一樣野佢地就雞咁腳走人, 你都唔好意思再問落去...... 而家我仲有兩個方法可以問問題, 第一就係e-mail, 第二就係走去佢 office 搵佢, 我會試左第二先, 因為好多野都係好難用文字去問...... 雖然我講到好似好難咁, 但係我見到D同學好似都係好輕鬆咁...... 可能佢地 level 真係比我高好多啦......

 

星期二果日終於放左300D走, 臨場俾佢壓一壓價...... $5600成交, 雖然少左$100, 不過都算放得快, 因為今日見到二手 300D BODY, 係賣$4600...... 跟住就當然要入番部機啦~ bid 左部 D60, $5840, 價錢幾好, 前日交收, check 機時 check 到 lcd 有1粒死點o係左上方, 其他一切正常, 咁當然要壓佢價啦, 最終以$5600成交~~~ 呵~ 即係唔洗加錢就可以 upgrade! 正! 下一個目標就係 50mm f/1.8! $500 only, 應該好快可以完成目標~

 

今日去左 canon 20D 發布會, 幾好喲, 有本 EF LENS WORK III 送, 原本諗住去買架~ 成舊水喎~ 仲試用左部 20D, ok啦, 連拍幾快, 對焦都幾快, 仲用試埋支 marco ring flash, 出黎個效果比想像中相差幾遠下, 硬左D...... 要諗下買唔買啦.

 

頭先沖沖下涼諗到, 如果每個人o既時間線都係獨立o既, 而且可以伸縮, 咁就可以隨心所欲咁做自己o既野啦~ 不過當唔同人o既時間線組合埋一齊, 受到人地觀測時就唔可以隨意伸縮, 原理同觀測光子一樣, 一係知道光子o既 speed, 一係知道光子o既 position~ 其實有無可能呢? 呢個諗法有無違反一D已知定律? 雖然係同我地生活所感受到o既情況唔同, 但係其實係咪我地只係差一D客觀因素而做唔到呢?......



10/09/2004 - [ 五 ]
透過 Dr Leung (我科 elective, introduction to disease and medicine o既 lecturer) 介紹, 搵到果份o係 nature 有關 malaria o既 article 啦~ malaria, 目標!!!


05/09/2004 - [ 日 ]
學校個圖書館有好多dvd可以借, 勁正! 都幾多正野下~ 今日就睇完 GLADIATOR~ dvd同vcd o既分別就係dvd可以睇英文字幕喲~ 呢個功能好正喲! 可以學多D vocabulary同listening~~~ 正正正!! 一個星期睇一隻, 慢慢黎, 應該可以 improve 下我D英文掛~


03/09/2004 - [ 五 ]

今日總算真正開學啦~ 原本尋日係開學日, 但係尋日得一堂英文堂, 星期四都係得一堂英文, 不過上完堂都覺得同預期相差好多, 預期中係好 funny, 可以學下D地道D O既英文, 不過真實就其實同中學英文差唔幾...... 今日就上 MICROBIO 同 BIOCHEM, 除左D書比較貴之外, 個課程真係幾好, 第一個 SEM 就可以上番D我最鍾意O既 BIO, SO GOOD~~~ 不過個IT就好廢, 慶到...... 唔知點講...... 唉, 如果唔係有3個CREDIT, 真係唔想上......

 

好鍾意BU個圖書館喲~ 有D位好舒服, 夠晒靜, 而且D書同出面D書幾唔同下, REFERENCE書好多, 我諗BU圖書館都係我另一個家啦~



01/09/2004 - [ 三 ]

聽日就正式番學啦, 不過其實都無乜野要留意, 而且聽日得果一堂咁大把, 仲要係英文, 都係輕鬆D咁上左佢就算啦~ 星期五先係重要, 有 MICBIO, 仲有 BIOCHEM, 要備一備課啦~ 睇過下 BIOCHEM D NOTES, 好多似曾相識O既野, 因為勁多以前 ORG CHEM D野, 睇黎要抽D時間記番D EQUATIONS 啦~~~

 

呢排唔知點解成日好眼瞓, 唔想頭幾堂就勁釣魚呀...... 要早D瞓啦~

Name
Security code
CAPTCHA Image Reload
Verify security code
Message