« December 2019 »
MoTuWeThFrSaSu
 1
2345678
9101112131415
16171819202122
23242526272829
3031 
Sunday 01st August 2004 01:33:17 AM

29/08/2004 - [ 日 ]

太耐無寫日記啦, 係時候寫番D野, 咪俾人以為呢度廢左...... 咁耐無寫野係因為個 O'CAMP 同埋D死人 WORKSHOP...... 個 O'CAMP 幾好玩, 三日兩夜, 因為同其他 SCIENCES O既 SOC. 一齊搞, 一來人多左, 二來好玩左好多~~~ 有 JOINT SOC. GAME, 有自己 SOC. 時間, 我地組無組爸, 得組媽, 不過兩個都會傻O既...... 勁玩得~ 我地O係 JOINT SOC. GAME 度仲贏埋第一~~~ 不過其實贏唔贏無乜所謂, 最緊要係可以同D同學仔玩熟D~ 基本上大部分都好好人, 連D YEAR 2都係~ 睇黎呢一年都應該幾開心~~~

 

去完 O'CAMP 之後就要番 WORKSHOP, 又英文 WORKSHOP, 又 BIO LAB WORKSHOP...... 去完個 O'CAMP 已經勁攰, 做乜搞到好似已經開左學咁!?

 

終於 REG. 左科 ELECTIVE 啦~ INTRODUCTION TO DISEASE AND MEDINCINE~ PE 就 REG. 左籃球~ 而家個 TIMETABLE 係星期四勁 FREE, 上一堂 IT 就搞掂~ 真高興~



11/08/2004 - [ 三 ]
今日就要註冊啦~ 除左有一次去過 AC Hall 睇 show, 其實我係未去過 BU O既...... 約左 Lawton 一齊去 reg., 佢都o係BU讀 comp. 去到門口, 好多唔同 soc. o既 sales...... 基本上佢地一見到你貌似蕃薯民就會不停 sell 野俾你...... 講真有D煩...... 搞完註冊D野, 影完學生證, 入埋 bio soc., 本來想搵攝影學院, 點知未開檔, 聽講開學先有...... 見無乜野搞, 而我又唔住 hall, 所以就番屋企lu~ 不過其實想去 lab.果度望下...... 不過遲D大把機會啦!


10/08/2004 - [ 二 ]
晨早六點就起左身...... 想瞓多陣但係已經好緊張! 走上去 jupas 個網睇下, 見到個 frontpage 已經唔同左, 不過未俾 login 住~ 唯有周圍無無聊聊咁睇下相, 睇下其他網頁, 得閒就試下 login~ 到左8點10左右, 終於有野睇啦! 其實尋晚已經知道一定唔係入 poly~ 即刻打個 jupas no. 落去睇下係 ust 定 bu, 定 no offer...... 搵番自己個 no., 搵到啦! 見到 BIOL, 好! 再望真D, HKBU~ 即刻 feel 到DD失望, 因為唔係UST, 但又有D開心, 因為都算有U入呀~~~ 呢3年都要O係BU渡過啦~ 應該唔錯O既~


09/08/2004 - [ 一 ]

聽日就知派邊間U啦~~~ UST, 會係你嗎???

 

旅行影落D相仲未執好...... 太多啦......



07/08/2004 - [ 六 ]

我同梁偉o既貧賤旅行團終於歸來啦~ 去左成十一日, 都係$3XXX, 雖然D景點仲末玩晒, 但係都七七八八啦~



02/08/2004 - [ 一 ]

第六日(02/08/2004)

第六日o既旅程, 終於到正場啦~ 晨早六點鐘倪大叔車左我地去九寨溝個入口, 幾好, 唔係好多人, 唔洗排隊買飛, 同梁偉拎住張 tkpc o既學生證去買飛, 因為曾經聽閒學生有特價~ 咁就膽粗粗去用香港o既學生證睇下可唔可以混水摸魚啦, 呵呵, 俾我地順利買飛, 雖然平得唔算好多, 都係幾十蚊人仔, 不過對我地呢兩貧賤學生哥黎講都好好架啦~ 入到去就坐 van 仔去第一個景點啦~ 因為九寨溝係三條溝成一個Y字形o既地方, Y字右面叫日則溝, 左面叫則查洼溝, Y字下面就叫樹正溝, 入口就正正o係Y字底~ 因為我地得一日時間, 所以 plan 好左先行日則溝, 再行查洼溝, 最後回程時行埋樹正溝~ 咁我地第一個景點就係日則溝o既箭竹海, 所謂o既海子其實就係一個個o既湖, 每條溝都有大大小小近十個海子~ 沿途o既時候見到D湖同河流, 覺得真係好不可思異, 點解可以靚成咁? 好啦, 到站落車啦, 因為時間仲早, 太陽都未出晒, 成個箭竹海都蓋住簿簿o既一層霧, 湖水唔止清到完全透明咁簡單, 係見到湖底有一株株o既枯木, 每一株枯木o既位置都好似刻意放上去咁~ 而咁o岩有兩隻鴨游過, 嘩! 個畫面真係靚到, 完全覺得自己入左幅畫入面~ 根本成個九寨溝係靚到你是但走入一個叢林, D花花草草同樹木都好似識得好靚咁生o係D靚位度~ 但係又完全唔會 feel 到丁點兒人工味道~ 唔使問, 我同梁偉見到D咁靚o既景就狂影啦~ 一路影就一路覺得自己似畫家多過似攝影師~ 我地大約用左3個鐘去行呢條日則溝啦, 因為入面為左環保理由係唔會見到飯店~ 所以我地小休左陣食左D野咁又再行啦~ 去返諾日朗瀑布, 即係Y字o既中心, 跟住就坐車去則查洼溝最出名o既長海啦, 見到有D藏民出租民族服裝俾D遊客影相, 都幾得意~ 不過呢個時候天公不倏美啦, 開始有幾滴雨, 好彩唔算好大, 而且落左陣都停左啦, 但係陽光當然無朝早果陣咁靚啦~ 所以之後我地去到五彩池o既時候, 都見到"五彩"lu, 只係見到一個藍色水o既湖~ 希望下次再黎o既時候,可以加埋D落葉, 見到真正o既五彩池啦~  行到呢個時候已經係兩三點啦, 九寨溝五點就收工, 所以我地都無乜時間可以好好咁睇埋樹正溝果度幾個景點啦....... 而且行左成日, 又無乜點食野, 加上有小小高原反應, 體力都所餘無幾啦...... 所以都唯有等有機會先再黎啦~ 撥個輪俾倪大叔叫佢車我地返歸lu~ 夜晚倪大叔無無聊聊咁帶左我地去酒店附近行左陣, 買左D牛肉做手信~ 佢仲撩左個酒店o既藏族女侍應俾我地影相~ ccc, 勁搞笑~ 個女侍應仲俾左佢地址我地, 叫我地返香港之後一定要寄返D相俾佢~ 佢原來叫扎西卓瑪~ 噢~ 估唔到我地會識到個藏族女仔~ 神奇旅程~ 聽日都要早起身呀, 因為我地要去另一個正場, 黃龍影相啦~



01/08/2004 - [ 日 ]

第五日(01/08/04)

同梁偉六點左右就起左身, 倪大叔(係呀, 個大叔係姓倪ge)亦o係我地梳洗完無耐就上黎接我地, 跟住我地就上路......去九寨溝lu~ 先交$500俾佢入油, 其實o係呢個時候我仲有DD提防心, 始終大陸危機四伏, 不過同梁偉已經本住打死把就o既心態啦~ 好, 入完油我地就行啦~ 成都呢邊D路都仲好靚, 所以無乜阻滯下大約十點左右就到左都江偃, 停一停食個早點, 佢地o既早餐出奇地係無乜辣, 係好正常o既饅頭~ 食完野又繼續係咁行, 都江偃雖然除左條河就無乜特別, 不過有一段馬路係超爆靚~~~ 成條路大約一兩公里左右兩旁都係機, 仲要係好綠o既樹, 當陽光射落去o既時候係成條路都綠綠地色~ 勁鍾意果種感覺~ 如果下次有充裕時間同$$的話, 一定要停o係呢度影一輯相~ 過左都江偃, 又行左幾個鐘就到左茂縣, 是是但但咁食左個 lunch(基本上成個 trip 都係是是但但咁食野)咁又行過~ 呢段路就長lu, 真係好長, 而且中途有D好差o既路, 雖然我對車無乜研究, 但係我都 feel 到架車好傷...... 我地一路行一路行一路行, 不停咁行, 中途見到條好靚o既彩虹呀~ 係我咁大個仔見到o既最大最靘o既彩虹呀! 無驚無險, ,五點左右就我地就到左九寨溝啦~ 倪大叔搵到個親戚, 好順利o係周圍都爆滿o既酒店中俾到間房我地, 不過倪大叔同佢D親戚都好努力咁遊說我同梁偉去睇果D so call 民族 show, 同埋同佢地去玩(滾???)~ 我同梁偉都無錢同無興趣, 所以都唔去啦~ 就係咁倪大叔今晚就同佢班豬朋狗友去瞓~ 打聽到九寨溝開7點, 聽日就可以去到呢個發夢都想去o既地方啦~~~

Name
Security code
CAPTCHA Image Reload
Verify security code
Message