Tuesday 01st June 2004 01:32:23 AM
|  |  25/06/2004 - [ 五 ] | | | | 今朝一早就去睇菠蘿油王子, 勁 touch...... 有D阿甘正傳 feel, 唔通蠢人真係唔可以得到幸福??? 唔係傻人有傻福o既咩??? 呢個世界就係要搞到乜Q都鬼咁複雜...... 睇到有D想喊, 不過忍住左...... 睇完戲就去左梧桐, 今日天氣唔錯, 不過預感會落雨..... 上到去井底瀑就即刻開始影, 影左一卷菲林, 正準備上去中瀑, D雨就開始黎啦, 因為無帶摭, 而且見D雲黑黑地, 所以決定下次先再去中瀑同主瀑~ 來日方長, 實有機會ge, 買左單鏡機先再去啦~ | | |
|  | 23/06/2004 - [ 三 ] | | | | 點解總係有D人喜歡帶假面具做人, 雖然做 sales 係要經常咁笑, 但係點解唔可以真心咁笑?? 有時真係唔明個老細點諗...... 星期五放假, 決定再去梧桐, 今次落雨都唔理啦, 影唔到靚野唔罷休!! | | |
| | 22/06/2004 - [ 二 ] | | | | 好想停落黎...... 完全無憂無慮咁坐o係河邊, 聽下水聲, 聽下音樂, 影下相, 或者完全唔洗擔心時間, 擔心考試, 擔心工作...... 完全俾個心周圍飛, 胡思亂想...... 唉...... | | |
|  | 21/06/2004 - [ 一 ] | | | | 連續兩日交到工課, 都係20" SHARP lcd, 有萬幾蚊生意, 幾好...... | | |
| | 18/06/2004 - [ 五 ] | | | | 終於買左海洋公園o既全年證啦! 算係完成左一個夢想啦~ 而家o既海洋公園同我細個去果時好唔同; 第一次親眼見到熊貓, 勁得意呀!! 佳佳瞓緊覺, 安安食野時個樣好笨喲, 同埋比我想像中大隻好多, 佢地好似好好攬咁~ 愛上大熊貓呀! 個蝴蝶屋都好正, D蝴蝶o係身邊飛黎飛去, 好似發緊夢咁, 下一次再去一定要帶埋枝 EF 100mm f/2.8 marco, 一定有排影! 個海洋館永遠都俾人一種好神秘o既感覺, 見到D工作人員o係水入面餵魚, 覺得呢份真係一份幾好o既工, 可以o係一個大魚缸入面同D魚玩, 又有人工, 真係正...... 成日玩左o既唯一機動遊戲就係果個越礦飛車, 玩機動遊戲真係一種發洩, 玩完之後個人會開心左~ 唯一唔好就係成個場都係自由行, 人太多啦...... 都唔係 holiday 啦...... 有太多野可以影啦, 去多幾次都仲影唔晒喲~ | | |
| | 16/06/2004 - [ 三 ] | | | | 有錢人o係呢個社會真係比窮人有權!? WHAT THE FUCK!!! | | |
| | 15/06/2004 - [ 二 ] | | | | 好野~ 終於出糧囉~ 五月份都係做左一個禮拜多幾日, 就有成$2200! 開心喲~ 當然呢D錢8成都唔會用住啦, 我仲要買相機呀~ $2200都係夠買一枝鏡ja...... 不過無論如何, 都要拎DD去買張海洋公園o既全年入場證啦~~ 27號又出6月o既糧啦! 到時就可以認真咁諗下買邊部相機啦~ $8000可到以買300D kit, 不過我想買個 300D body, 再買支 EF 100mm f/2.8 USM Marco, 但係要成$10800...... 不如買個 300D body 再買支 EF 50mm f/1.8 II, 都係 $7660, 但係我又覺得支 EF 24-70mm f/2.8 L USM Zoom Lens 幾好用...... 想快D用, 但係 budget 唔多, 真係難諗...... 如果感情係應該順其自然, 而機會係應該主動追求, 咁即係點??? 唔明...... | | |
| | 12/06/2004 - [ 六 ] | | | | 期待左好耐o既日假期一陣就過左lu~ 去左灣仔街市影左陣相就過左lu~ 星期二出糧lu, 可以買張海洋公園o既全年通行證lu~ 呢個可以話係我幾年o既夢相喲~ 好耐好耐無去過海洋公園啦, 七八年都有啦...... 乜野新野都無玩過...... 下個禮拜可以去玩啦!!! 下個禮拜放假如果落雨就去海洋公園, 唔落雨就再去梧桐澗, 唔愁無節目喲~ 開心~ | | |
| | 09/06/2004 - [ 三 ] | | | | 好鬼攰呀...... 今日好努力, 不過生意好差...... 好想放假去影相呀!!! 不過好似遲幾日會落雨...... | | |
|  | 06/06/2004 - [ 日 ] | | | | 番工第三個禮拜o既第一日, 終於俾我賣到塊 plasma, Hitachi 42", 三萬幾, 第一次做到咁大單喲!!! 感動~~ 不過其實用左唔係好耐時間就搞掂, 個日本人都好快手~ 但係其實臨收工果時都有另一個機會, sell 到一半時俾第二個同時攞左o係做, 不過算啦, 我搞掂左一張大單野都已經好 happy 啦~ | | |
| | 05/06/2004 - [ 六 ] | | | | 美好o既假期又過去啦...... 周圍行下影下相就過左lu, 好想快D到下個禮拜放假日, 因為如果可以o係閒日放假就可以番學叫關sir教我地曬黑白相~ 又可以叫佢俾我D比賽相小小意見~ 期待喲~ | | |
| | 02/06/2004 - [ 三 ] | | | | 都番左一排工, 開始無咁大壓力啦, 雖然日日都有$5000 target, 其實做唔到 target 都無乜野, 做爆數都無獎...... 今日出到一部成萬銀 DV 都係咁啦~ 其實呢份工都最好就係可以見到好多唔同人. 今日同個上師兄上左半山幫個鬼佬安裝 32" plasma, 咁大個仔第一次上D咁靚o既屋, 雖然未裝修好, 但係已經完全 feel 到果種豪華味道...... 但係今日又見到一個做清潔o既泰國人帶埋阿媽o黎買部$498 o既 DVD 機, 仲好細心咁解釋D function 俾佢聽...... 好感受到呢個世界所有人其實都一樣, 有錢人有佢地o既開心, 窮人都有佢地o既快樂je...... | | |
|