« December 2019 »
MoTuWeThFrSaSu
 1
2345678
9101112131415
16171819202122
23242526272829
3031 
Monday 01st March 2004 01:30:57 AM

20/03/2004 - [ 六 ]
陳水扁幾好野呀~ 自o拍一野就反敗為勝啦...... 政治呢家野, 似做 show 多過乜......


19/03/2004 - [ 五 ]

Oral 過左骨啦~~~ 今日12點番到學校溫書, 但係根本溫唔落, feel 到自己D adrenaline 不斷咁湧出黎, 一路緊張緊張緊張, 書溫唔落, 咁就搵左D pastpaper 黎讀下, warmup 下條唎...... 挨到差唔多4點, 見 C grade 練波, 落去搓陣波, 放鬆下心情~ 5點左右就搭地鐵去聖馬可~ 早到左未入得, o係學校附近亂行左一陣, 入去前祈左一次禱, 真係放鬆左好多~~ 入到 reporting room, 好多人, 不過唔洗等好耐, 因為第一輪! 見同組果3條友個樣都唔係好英文人feel~ 開始預備, topic 係 "online game", 唔錯~ 勁用自己做例子~ 開始 present, 我係C仔, A同B都無咩特別, 同我差唔多水平, 到我做 presentation, 小小甩甩漏啦, 仲差D overtime 左...... 到 discussion 啦, 題目係要討論點畫張可以講出上網o既好處同壞處o既 poster, 既然全組人都差唔多水平, 死就死, 試下去 lead 啦!! 從來都未試過, 但係分黎架喎, 有機會點解唔去執!? 過程都ok啦, 無 dead air 過, 不過個A仔講親D野都有D離題, 好努力同佢兜, 其他兩個都幾幫得手, 我唔小心咁細細聲up左次"即係...", 希望兩個 marker 都聽唔到啦...... 有一次B仔提出用漫畫形式, 跟住我就提出 "draw an evil beside a student who is useing computer...", 唔知點解個個都笑左出黎...... 連 marker 都係...... 雖然唔知有乜好笑, 但係令到個氣氛輕鬆D都唔錯呀~ 完左個 discussion 同D組員吹左陣水就走lu~~ 不過個人仲係緊張, 考oral考到好似見鬼咁...... 真係恐怖......

應該合格啦...... 我唔係要高分呀......



17/03/2004 - [ 三 ]

呢兩日聽突登去聽多D英文歌, 又留意多D歌詞, 一來俾對耳仔習慣下聽英文, 又習慣下講英文, 因為星期五就要考英文 oral 啦~ 呢次堅架, 所以唔可以玩玩下啦~ 呢份卷最好就拎高分D啦, 因為我 writing 或者 listening 係有可能炒...... 希望呢份卷可以拉番高小小啦~
尋日聽o既歌:

Placebo-English Summer Rain

Oasis-Don't look back in anger

Norah Jones-Don't know why
今日聽o既歌:

Radiohead-Fake Plastic Trees
聽聽下又覺得幾好聽, 以前唔係好聽, 聽得多而家開始覺得英文歌調子變化多D, 唔錯唔錯~

 

chem 1 同 stat. 都知道成績lu, chem 1 得果4x, stat. 就唔錯有6x, 只要兩科o係考之前都溫熟D, 都有望拎C喲~ 不過最想知 bio 考成點...... 我最緊要果科呀~



14/03/2004 - [ 日 ]
今日又去多次花展lu~ 不過今日D花都開始謝lu, 而且好唔整, 陽光都唔係好夠添~ 算啦~ 同李樂豐行下影下, 都行左成3粒鐘~ 拿拿臨番屋企過相, 因為約左人交收, 呢部DC, 最後一次用啦, 唔覺唔覺, 呢部野都陪左我差唔多成年lu~ 呢部機絕對係我影相o既里程碑喲, 認真影相都係由呢部機開始~ 不過人望高處, 好多野細DC真係做唔到, 放棄呢部機係第一步, 要向DSLR進發啦!!! 一部DSRL, 一部疊影機, 再加一部超細DC, 呢個就係我o既所有器材lu~


13/03/2004 - [ 六 ]
今日幫黃sir帶兩個小朋友去打學界沙灘排球, 可惜上年無參加啦, 去到睇落好似幾好玩~ 陳永基同王家富都打得幾好呀, 兩場波, 對住D大A都羸都一局, 算係咁啦, 都係攞下經驗je~


12/03/2004 - [ 五 ]
考完 mock lu~ 考 mock 都咁辛苦, 個4月都真係幾pk......


11/03/2004 - [ 四 ]
考完 chem 啦!!! 考完果一刻好有解脫o既感覺~~~ 唉, 不過好多簡單o既分都唔小心 miss 左...... 唯有怪自己記得唔熟啦~ Bio 同 chem 黎講, 好覺得CE同AL最大分別就係AL時間都幾足夠下, 4份卷都夠時間做, 問題係識唔識做...... 所以都係要背熟多D野, 奇怪o既問題都要做熟D......


08/03/2004 - [ 一 ]

中文 listening 好難喲! 死啦, 中文 listening 聽唔明, 英文又聽唔切...... 聾人一個...... 遲D考 oral 又唔識講...... 啞埋......

 

嘩...... 個花展晒左成舊水菲林...... 好鬼貴呀...... 不過有有一兩張似樣o既相~~ 有一張係個細路女寫生, 個 background 係花花, 幾 colorful 喲~~~ crop 番小小就 perfect 啦~



05/03/2004 - [ 五 ]

今日到 stat. 啦~ 都ok啦, 因為好多都係 pastpaper, part a 做得慢左小小, 一個鐘頭多D先做晒...... part b long questions, 梗係做左條印象深刻o既 maths 先啦, 果條野我問過關sir, 差唔多係記得個答案黎做, 反而果D distribution...... 做到有D雞手鴨腳...... 對 maths 真係比 probability 同 distribution 有信心D......

 

考完試去左花展, 有年果隻主題花叫三色堇, 好得意, 好似一個人面咁, 真係好似呢個 ">.<" ~~~玩左差唔多3個鐘先走, 影爆左張128 cf同一卷菲林...... 正!



04/03/2004 - [ 四 ]

今日 section e + listening, section e 都ok, 但係 listening 就真係 pk...... 勁多係作落去, 乜都聽唔到...... 死啦, 而家咁多科最擔心就係英文......

 

聽日考 stat., 好想考好D......



03/03/2004 - [ 三 ]
終於開始考 mock 啦! 第一科 bio, 擺明未溫好去考架啦~ 仲差4個大 topic...... 無啦, 當係考下自己溫左果D啦~ Paper I...... 好多吹水題目...... 英文唔好, 可能俾人扣唔少分都唔定...... 真係考o既野好似唔係好多...... 考完 Paper I, 班友仔發現簡 sir 好多題目都係o係考試局份 sample paper copy, 所以 lunch 最緊要o既事情當然就係影印份 paper, 然後一齊做 discussion 啦~ 懶係有預備咁去考 Paper II, 點知只係抄左一題短野同一條 essay 咁大把...... 果伙條 essay 仲要唔0岩我心水, 所以最後都係做左另一條~ 不過呢份 Paper II 就真係考讀左幾多野啦~ 第一次寫 bio essay, 感覺幾好, plan 左一陣, 跟住就唔理三七廿一, 識幾多就寫幾多, 吹完兩大版仲有時間 check 卷, 幾好喲~ Bio...... D野溫得熟, 好似唔係好難喎~ 唔似 chem 咁......


02/03/2004 - [ 二 ]
史上溫得最多 bio o既一日, 朝早番到學校, 10點左右開波, 一路係咁去, 唔知點解, 幾好精神幾好 mood, 飯都無食, 廢事食完飯會飯氣攻心, 無左個 mood, 直踩到4點左右, 終於完成預計要溫o既野...... 第日都有咁好 mood 溫書就好 lu~
Name
Security code
CAPTCHA Image Reload
Verify security code
Message