只係睇呢張相, 如果我話我前日去左日本睇紅葉可能都有人信~ 大家可以估下其實係香港邊度~ 遲D可能會再去多次~
開始相信要改變一個人係無乜可能, 如果果個人自己無意欲去改變, 就算你點努力, 用咩方法, 都係無可能...... 唉...... 再次進入十字路口......
出左sem2時間表lu~ 都唔錯, 起碼無0830先~ 不過只係 reg 到一科 ctv 既 documentary photography, 另一科 principle of photo image 同D bio 撞左...... 不過算啦, 再等一個 sem 囉~
今日去左西環行左一個下午~ feel so good~ 雖然只係幼稚園時住左西環幾年, 到小學已經搬左去灣仔~ 但係唔知點解對呢個地方好有感情, 今日好神奇咁見到細個住果層樓仲響度...... 而且果陣每朝都去食既茶餐廳都無乜點變, 不過周圍既外貌都唔同晒lu...... 好多都變到好新...... 唔知點解見到D鋪頭可以 keep 到會好開心..... 行行下仲去左間麵店食左個果時阿媽成日帶我去食既雲吞麵, 又好神奇地, 一入到去, 即刻聞到果陣好香既蔥味, 呢陣味到而家都無變, 而且我仲記得好清楚!!! 唔通人既味覺記憶真係咁勁??? 有無科學理論解釋過?
