哈~ 聖誕由泰國返黎之後, 日日都有野做, 一路都無時間寫日記~ 今日終於似返一日假期可以 hae 下啦~ 有得 hae 先係假期呀~
個泰國之旅比想像中悶...... 原來而家曼谷D空氣同香港都係差唔多, 都係一 PAT 野...... 唉, 原本仲好期待藍天白雲, 點知都影唔到D好似 POSTCARD 既相...... 不過去左兩個動物園~ 同D動物玩都幾好~ 睇唔到靚景, 反而食左好多野~ D野勁好食囉, 又勁平~ 而且因為舅父係做導遊, 所以 BOOK 酒店都有 HALF-PRICE~ 哈哈~ 下次一定要跟佢去沙巴睇下~
聖誕節正日果日無咩特別, 不過有人陪住就乜都夠啦~
之前參加左攝影雜誌果個比賽, 今年又有得入圍啦~ 呵呵~ 唔知今年有無得生日去拎獎品呢? 希望有啦, 支20mm壞鬼左...... 拎左去整......$$$, 而且聖誕洗大左, 又係$$$, 仲想買相機同鏡頭添!
係時候大修一下個相簿啦! 所以未必會 UPDATE 相簿住~ 而家貼住幾張先~
響飛機不停影相, 3個鐘好快就過~
六神合體!!!!!!
i like thai food! (扮下D飲食雜誌影food~~)
動物園好鍾意 BREAK 晒D SPECIES ISOLATION, 老虎同豬瞓一齊, 兔仔同猫又住一齊......
大笨象原來好有靈性~
唯一個天比較靚既一日, 不過我在車上......
