Saturday 17th December 2005 01:02:47 AM 今日反WTO騷亂升級, 都搞到幾大件事~ 不過呢幾日睇電視新聞睇到一個怪現象, 就係騷亂既前線好多時唔係遊行人仕最多, 而係記者同去影相既人最多...... 而且影相果D人仲勁左住晒...... 又不停叫囂...... 我覺得數碼相機, 甚至數碼單鏡既普及, 已經到左一個全民皆記既地步...... 個個拎住部相機都當自己係記者... 睇電視見到有D人拎住部DC仔走到前線位置影相, 真係純粹為左紀錄有意義既一刻??? 呢次反WTO遊行可能係一個開始, 以後香港有咩大事件都會有一班人走去影相...... 以文化角度黎睇, 佢地呢種行為係唔係真係有一種紀實性質?? 其實我一路都覺得多d人影相係好事, 更加好欣賞果D有心去紀錄呢個社會時事既人~ 不過好似太多人唔知自己做緊乜... 大學生, 對呢個社會仲有D投入既, 就去打個名啦~ http://www.cusu.hk/wto/ e...... 估唔到D genetic 越溫越難...... 仲未溫得晒呀...... 不過點都好, 今晚一定開夜車~ 越早溫晒越好, 多D時間背~~~ |