« December 2019 »
MoTuWeThFrSaSu
 1
2345678
9101112131415
16171819202122
23242526272829
3031 
Thursday 25th May 2006 01:24:07 AM

唔算好攰~

今朝要晨早起身去搵 prof mak~ prof mak 同我地傾計~ 講下佢手頭上既 photodynamic therapy project 既 objective, 因為我個 quantum dot 既 project 係新既, 所以講既野同我無乜關係, 不過聽下都好~ 當然個 briefing 亦貫徹 prof mak 既風格, 比較長氣~ 不過都好, 我其實由以前做醫院工開始就幾鍾意同老人家相處~ 雖然到最後我地聽完都係唔係好知我地要實際點做~ 只係知道左6月頭除左葉生會畀D workshop 我地, 同埋佢會操我地 run 機同教下D technique~ 另外星期一又要返去同佢兩個 mphil 學生, 即係我地既大師姐阿 katty 同 eman 食飯, 之後再同我地傾下個 lab 既運作~ 不過今日見唔到 eman, 因為我主要係跟佢做野, 希望佢係肯教野果種人......啦......

雖然 prof mak 畀我好大自由度去諗個 topic, 可以唔去用 quantum dot 做 imaging, 而去睇下 quantum dot 既 toxicity, 不過我始終都想做 imaging 既野囉~ 始終我鍾意影相, 難得我既興趣可以同讀書既野拉上關係, 我相信我呢方面既 sense 會比其他人好D, 咁點解唔試下呢~

聽聞 chris wong 既手下已經開始左魔鬼地獄集訓~ 真係高興~ 可以咁快開波, 唔知會唔會又快D有 result 呢?

我既 labmate 有好準時既阿丁, 有好似好勤力既 elaine, 聽聞係相學大師既 ishtar, 仲有 kairi~ 還不錯ma, 應該可以大家一齊努力做好個 project 既!

是日既目的地係大澳~ 入去當然又要坐搖搖搖, 搖到傻先到既巴士啦~ 有人入到去又唔食豆花同茶果囉! 又唔食鹹魚....... 我地做既鼻咽癌 npc therapy 一定無佢份...... 入到大澳當然要玩貓啦~ 唔見左上次見到果隻大肚貓D仔仔, 不過見到另一堆貓~ 不過呢堆貓細膽D, 怕人既...... 仲見到一隻極似貓之報恩入面隻阿肥既大肥貓, 佢坐低既時候真係好似一個縮左水既肥佬~ 不過可惡既大肥貓竟然唔 show 我...... 嗚嗚嗚嗚....... 原來大澳閒日係少人咁多架, 又少左D阿伯出黎開街邊檔~ 感覺清靜左~ 鍾意呢種感覺多D, 似返真正既大澳~

今日有人 X2 既非洲渴睡症發作....... 基本上一坐低就瞓....... 傻的......

去大澳之前走左入迪迪尼既地鐵睇~ D坐位同裝飾都好靚~ 唔知入到去迪迪尼入面會唔會連馬桶都係米奇形狀呢? 係既話我會幾想坐落去 feel 下~

今日o係 hall 出面見到個 ma luk lo 當街小便, 仲要係向住條街! 頂!!!!!!!!!!!!!!!!!!!!!!!!!!

無啦, 唔寫啦, 快D去瞓!!!!!!!!!!

Name
Security code
CAPTCHA Image Reload
Verify security code
Message