第33回：中國湖北．武漢 2009 -- fotop.net photo sharing network


	[Menu]

5月中，唔小心睇到呢段新聞：
「北京時間7月22號上午8時左右，五百年一遇的罕見日全食將在長江流域天空上演」；
頓時好奇心又起，於是就開展了這次快閃之旅既計劃，第一次學人去追日 ~.~
經過多方面既研究考慮，直到7月12號，最後才選定湖北省武漢市作為我們今次追日之根據地，

武漢市，即武昌、漢陽及漢口三大鎮之統稱...........
7月13號，去程火車票及回程飛機票相繼極速順利入手，再請假，一切準備就緒..........

7月20號，中國氣象局卻傳來壊消息，
指22號當日長江流域之天氣不佳，觀賞日全食條件不容樂觀@.@
嘩!! 唔係掛，心情一沈

不過事到如今都無計，寄望到時有奇蹟出現 +.+

***************************************************************************************

7月21號，放工後立即飛火車上羅湖與戰友會合；
6:15pm，黎到深圳火車站，火車已經在月台恭候我們^^
Z24車次，深圳特快直達武昌，硬臥上鋪263元；中途不停站，Good 呀，希望今晚可以訓得安詳d ...........

***************************************************************************************

6:35pm，火車準時開出；一時間走廊上坐滿了人，幾乎企都無位企，
我們只好瑟縮一角，趁空閒鑽研一下拍攝日全食既秘笈，
順便睇睇武漢市既資料，諗下睇完日食之後大半天何去何從。

***************************************************************************************

日落西山............大家都凝望著太陽，心想：明天我們會再見嗎﹖
天黑了，乘客們陸陸續續返回自己床位，罰企了近兩個小時終於有個位坐下了........

趁人少少，開餐啦 !!!......照舊都係方便麵，快靚正 !!!
食飽左，坐在窗前吹吹水，望望景，火車生活真係自在；
10:30pm，火車熄燈，要上床好好休息喇。

***************************************************************************************

7月22號清晨，火車抵達武昌；
踏出月台，“武漢12小時”追日快閃之旅 ...................正式展開 ~~~ !!!

***************************************************************************************

照原定計劃，出火車站後立即打的直奔黃鶴樓；
走到的士站，好快就上了一架的士，亦好快咁就來到黃鶴樓，

「多謝9塊錢」......帶有少許怨氣 =.=
可憐既的士司機在的士站排左成朝就只有這個9塊錢.......噢 ~ so sorry !!!

6:45am，站在黃鶴樓西大門，門外已經聚集了大批等候入場既群眾 ~~~

***************************************************************************************

7:30am，黃鶴樓景區終於開門大吉，

好不幸今次學生門票計劃竟慘遭識破，首次觸礁，搞到要硬食50元全票......shit >.< 心在滴血 *.*

入埸後立即搵個有利位置，set 好相機，臨急臨忙才第一次試影太陽

***************************************************************************************

今早天空雖然有點雲，但仍可隱約見到太陽，天氣明顯比之前預計既好得多，真係好好彩 ^.^

可以再與太陽相見，真的要多謝老天爺啦 !!

8:14am，“初虧”現象發生，日偏食階段展開............好興奮 ~~~

不論男女老少定係制服姐姐，大家都視線一致，目標只有一個；各施各法，爭相觀賞太陽被慢慢吞噬既慘況 *.*

***************************************************************************************

今次世紀日全食，中央電視台選擇了武漢、成都、銅陵、杭州4個地方作為全球直播點；

而黃鶴樓身為武漢市之重要地標，各路英雄都雲集在黃鶴樓下，正等待一起見證這個珍貴的歷史時刻 !!!

***************************************************************************************

日偏食階段，太陽漸漸被吞食，足足吃了1個多小時@.@；

直到 9:23am，“食既”發生，鑽石環從雲層中轉眼即逝 !!!

***************************************************************************************

此時，太陽變了一個黑影，剎那間天空由亮變黑，夜幕迅速來臨大地；

眾人都在歡呼喝采，場面十分之熱鬧，十分之興奮；
9:26am，“食甚”發生，天空出現一個光環。

***************************************************************************************

突如其來既黑夜，吹起了陣陣怪風，蟬鳴亦忽然間停止了；
抬頭望，只看見黃鶴樓上空高掛著一隻戒指環，此情此景可能要等500年後才有機會再看到了；

~~ 留著歷史性既一刻．日全食@武漢市黃鶴樓 ~~

***************************************************************************************

美麗既黑夜只維持了短短約5分半鐘，感覺過得好快，

閃眼之間，天空又突然快速明亮起來；

9:29am，“生光”發生，太陽從月球的黑影走出來了；

民眾既歡呼聲再一次四起，蟬鳴亦再度響起...........大地終於走出了黑暗﹔

太陽正被慢慢吐出，

10:46am，太陽“復圓”，整個日全食亦正式劃上句號 !!!

***************************************************************************************

終於曲終人散.............藍天白雲，一切回復正常 ~~~

總括來說，今次第一次睇日全食，影相時都有點手忙腳亂，相片亦有走焦，不過絕對是一個很好的經歷。

整個日全食過程持續了兩個半小時，我們就企足兩個半小時，其實都幾無陰公 *.*

雖然話係日食，但除了天黑果幾分鐘外，其實大部份時間都一樣咁曬，又熱 >.<

在37度高溫下還要影相，真係幾開心架......哈哈@.@

11:00am，收拾好行裝，極速逃入黃鶴樓內避一避暑先 !!!

***************************************************************************************

黃鶴樓內風涼水冷，果然是一個避暑勝地；

搵個好位迎風而坐，吹著風，隊番支凍飲........舒服晒啦 !!!!

再慢慢細賞樓內的擺設及飾畫 ^.^

***************************************************************************************

幾經艱辛上到黃鶴樓頂樓，Wo ~~~ 武漢市盡入眼簾；
遠前方正是武漢長江大橋及漢陽龜山電視塔，不如就過果邊行下lu........Let's Go !!!

***************************************************************************************

12:30pm，坐言起行，離開黃鶴樓，向長江大橋方向前進 ~~~~

烈日當空，行到路邊，feel 到真係幾熱 ................ 回頭是岸呀 =.=

***************************************************************************************

12:45pm，行下行下見到有條叫戶部巷既東西，看來是一條食街，
不過大部份都是煎炒炸 @.@..........熱辣辣，滴汗 +.+

***************************************************************************************

1:00pm，終於來到江邊.........
眼見同胞們在黃泥水中暢泳，表現悠然自得，令人佩服；

長江江水又湍又急，阿叔小心啊!!!

稍一不慎，相信兩日左右就可以漂流去到上海.......呵 !!

***************************************************************************************

這一邊有群眾聚集，發生乜事呢?

原來有個老外搞事，玩捉蛇，引來了大班好奇既武漢市民圍觀；

一個好心既阿叔更即時贈送了一個水樽俾這個老外，好讓他把蛇帶回老家飼養做中國蛇的傳人咁話.......哈 ~~~

***************************************************************************************

香港有獅子山下．武漢有長江橋下；

作為中國四大火爐城市之一既武漢，當地市民是如何渡日呢?

***************************************************************************************

1:35pm，登上長江大橋，門票2大元；

武漢長江大橋1955年興建，1957年通車，是中國在萬里長江上修建的第一座鐵路、公路兩用橋；

加上大橋是中國南北交通樞紐的要塞，地位特殊，

已被國家列作軍事保護點，所以有特派專員24小時看守 ~~~

炎炎夏日漫步大橋上，腳下是滾滾長江，真係有另一番滋味@.@，

徒步橫跨大橋，離開武昌，進入對岸既漢陽。

***************************************************************************************

2:40pm，行到好熱，走入漢陽新華書店過一過冷河 cool 番下先 ~~~

由於無地圖在手，要去咩地方都唔知，黎到書店就啱晒啦，可以順便 check 下免費地圖 ^.^

手指一篤，嗯...... 一於去呢邊行下啦：漢口沿江大道 & 江灘公園；

轉頭就立即搭巴士過去。

***************************************************************************************

3:35pm，漢口沿江大道，除了武漢客運港，

大道上既建築物都帶點懷舊風味，很有“老武漢”之遺風..........

***************************************************************************************

3:50pm，漢口江灘公園，又可以浸浸長江水消消暑 ^.^

***************************************************************************************

4:30pm

萬無目的，繼續在江灘公園遊蕩，呢個公園真係好大，不愧是目前全國最大的休閒廣場 *.*

話時話，自從今朝落火車之後都好似無食過野喎 !!!

又曬、又熱、又攰、又口喝，成身好似火燒一樣，開始有d wing wing 下，

已經筋疲力竭.........最後，終於雙雙倒臥在八一紀念碑之下+.+

看來今次武漢之旅都係時候要作一個了結吧；八一紀念碑就此成為了今次行程既終點站~~~~~

***************************************************************************************

5:15pm，大休了半個鐘，又再重新振作，開始踏上歸途；

從沿江大道搭巴士前往漢口火車站，巴士左兜右兜，40分鐘車程，只要9毫錢，真係抵坐到爛........@@

***************************************************************************************

6:00pm，到達漢口火車站，再飛奔過對面馬路既武漢汽車總站，這裡有機場大巴直達武漢天河機場；

時間尚早，眼見前面有間麥當當好鬼吸引，毫不猶豫就衝入去充飢打躉嘆冷氣；

今日既早、午、晚 3 in 1 特餐，就是這個巨無霸 la..........好和味；

醫完肚，順便入廁所梳洗一下，換返件乾淨衫準備搭飛機，成個人即刻舒服晒 ~~~

***************************************************************************************

7:05pm，搭機場大巴前往機場，每位15元，車程約 25分鐘。

***************************************************************************************

7:30pm，武漢天河機場

辦好登機手續，直入候機室；今日曬足全日，買返罐王老吉降降火先 ~~~

***************************************************************************************

航班資料： HU7730，3.8折票連稅460元；

21:10 武漢飛，22:50 到深圳，原先應該可以趕得切12:00am 前到深圳灣口岸的；

哈!! 可惜..........點知又話因天氣關係，航班要 delay =.=

***************************************************************************************

搞到10:00pm，飛機才起飛..............

11:45pm 飛抵深圳，12:30am飛的到達皇崗口岸；

武漢12小時追日快閃之旅順利完成 ^.^

***************************************************************************************

[leave message] [email album]

7 0.000296115875244 0.0455539226532