Friday 28th March 2008 01:24:52 AM 20080321~22[ 0 messages] General 報ge就係呢個團: ZUC 五星級江門逸豪酒店 <行程> 第一天:龍井坊、農藝坊、小鳥天堂 請團友準時於指定的時間及地點集合,乘旅遊巴士前往深圳。辦理入境手續後轉乘旅遊巴士往中山,遊覽具有客家風情文化的龍井坊,此為五桂山長命水龍井,源水長流不息,冬暖夏涼,在四面群山環抱下,團友可自費乘坐黃牛拉車,感受山青水秀的大自然風景,更可自費品嚐中山馳名的石歧乳鴿、神仙豆腐花、小欖炸魚球等。午餐品嚐【芝士焗蝦宴】。餐後往農藝坊,進入植物溫室觀賞奇瓜異果和多種蘭花植物,團友可選購各種保健食品和蔬果種子。繼往新會小鳥天堂,該處有一株五百年的古榕,獨木成林,濃蔭覆蓋著河中小島,林中棲居著成千上萬隻白鶴、麻鶴、灰鶴等其它鳥雀,讓您共享“鳥兒天堂”之樂。晚餐客人自理。住宿於五星級江門逸豪酒店。 第二天:開平碉樓群、水雲嶺、濠江杏仁餅 早餐於酒店內。餐後往開平參觀馬降龍村碉樓群,該處已被評為世界文化遺產,建於20世紀二、三十年代,結合了西方先進的建築工藝,中西合璧,像一顆顆珍珠散落在馬降龍村落的竹林中,不愧為令人震撼的建築藝術長廊。午餐之後,往水雲嶺,團友可了解布依族的生活習慣。後參觀濠江杏仁餅,了解中山當地馳名的特產杏仁餅的製作過程,還可以品嚐新鮮出爐的杏仁餅。遊畢後乘旅遊巴士前往深圳皇崗口岸及羅湖口岸,轉乘直通巴士或電氣化火車返香港。(車票客人自理) *~*~*~*~*~*~*~*~*~*~*~*~*~*~*~*~*~*~* 2008/03/21, Friday 哈 朝早5:00起身 大約6:00出門口等21號巴士 6:30去到Hung Hum火車站 係美心快餐店食左個早餐 之後去集合 哈...點完名領隊小姐就俾左張火車飛我地 叫我地自己搭火車去羅湖過關等
係羅湖等果時想去放水 但係好多人排隊... 最後都去唔到 一路忍忍左兩個鐘 去到第1站先有得小解... 哈, 學左個新term: 放大 出自導遊小姐Anna的小口
睇返個團ge行程 第1站係去左龍井坊 自費騎馬同坐黃牛拉車都無做到 直接去左食馳名石歧乳鴿、神仙豆腐花同埋小欖炸魚球 無錯, 其實說穿了即係乳鴿、豆腐花同埋魚旦=) 哈哈 其實經過一輪車程已經好肚餓了 所以有野食梗係開心啦=) 乳鴿係真係幾好味的 比起上次係太平餐館食果隻真係好好多! 太平餐館果隻應該係老鴿呀! 豆腐花都好味, 可能因為我本身就好鍾意食豆花 魚球都好味 不過有骨...我唔鍾意d骨...
之後又搭車去第2站啦 又係睇返個團ge行程啦 原來果到係農藝坊 嗯..果位為我地講解ge阿叔一本正經咁講野 都唔知為乜....(為賺你d錢囉死蠢!) 哈.... 講完一大輪石斛同田七ge藥方之後 就開始sell佢地d石斛同田七啦 之後仲有人運左d唔知乜湯入來sell俾我地 好好笑... 其中一個阿姑拎住盅湯過來話: 你地兩個要一盅啦 乙: 下? 咁都得呀? 甲: 咁格硬ge? 呵, 走人啦梗係 要成$25一盅的!
之後就係去食飯lu 食果個所謂ge芝士焗蝦宴 哈 其實d送係唔錯的 就算無果d芝士焗蝦都好味 不過同台ge團友就.... 嘿嘿
第3站就係去小鳥天堂 可能因為係旅遊區啦 成日都見到d清道夫係到掃樹葉 好不乾淨! 而且果到又好大好靚好靜 好舒服~ 不過d團友就話: 都無人ge 覺得無人就好似係唔好咁... well, 對我來講, 無人先好 咁多人係到嘈嘈閉 想點?
6點左右就返到酒店了! wow 好興奮 因為本人係第1次住酒店!!! 哈哈 好大好靚好舒服 very GOOD!!
夜晚去左酒店隔離ge商場ge食楷醫肚 最勁ge係果到有戲院!! 我地仲去睇左場戲先返酒店沖涼休息 睇左BC10,000 唔錯呢 間戲院ge設施同HK有得揮 個幕好大! 不過d人ge quality就...有待改善啦~
搭lift返酒店房 有個仆街食住煙咁走入來= = 乞人僧 中國想進步想文明 唔該全面禁煙先啦!
睇完戲都仲未捨得返房訓 拎埋相機係酒店周圍影相=) 名副其實ge遊客呀! 咁旅行就係咁架啦..... 要乜都影一餐架嘛...(雖然我唔係旅行都係乜都影一餐...) 不過好黑 影得都唔靚ge~ *~*~*~*~*~*~*~*~*~*~*~*~*~*~*~*~*~*~* 2008/03/22, Saturday 呼....7點幾俾人揭開我張被凍醒我=..= 之後mememomo刷牙洗面換衫執野 差唔多八點先落到去食早餐 人地打電話上來趨啦!!>< 我太慢了...
第1站去左馬降龍村碉樓群 係世界文化遺產來ge 不過description入面講ge"像一顆顆珍珠散落在馬降龍村落的竹林中" 我真係搵唔到囉... 除左落完雨之後果d雨水落左係d植物到之外....
之後就去食飯了 清淡的一餐 唔錯 幾好味=) 繼續有人serve我 呵呵 甲: 都話唔係咁meet囉 乙: 你淨係講, 你又唔做 甲: 好呀, 以後我幫你meet 乙: 好野 甲: 不過我淨係幫meet紙巾咋 乙: 你睇你幾衰呀!! 甲: 呵呵呵
之後上車去第2站 咁就出事啦!! 唉........... 我竟然係呢程車到d流量大增 去到水雲嶺果時發現自己流m!!! 火羅 到爆 唉...即刻乜mood都無晒 無晒心情玩... 唉唉唉..........
第3站去濠江杏仁餅 唉...都係繼續無mood...
一路無mood到返到來HK... 連飯都要返家吃了
呼~ 返到家已經8點半lu~
總結 如果無流m呢件accident 成個trip都好開心 呢個簡直係成個trip ge污點呀!!>< 期待AL後ge trip 我要係咁去旅行 哈.....用晒d saving就再賺過再去啦! |
0.0116200447083