Friday 03rd August 2007 01:18:22 AM
【第一單】 有個客黎左個新 GM , 一黎就出個【下馬威】先 , 咪講笑~ ~ ~ , 要玩新改革 , 搞到佢地自己內部同我地都【雲咁制】, 一時咁一時又咁 , 都唔知佢想點 , 最麻煩既就係原本 7月最尾個日做STOCK TAKE , 突然話唔TAKE住 , 改 8 月尾先 TAKE , 我頂 ~ ~ 佢仲係係差唔多到月尾先出聲 , 所有要做 STOCK TAKE 既功夫都差唔多做好哂 , 佢一句話唔 TAKE就唔 TAKE , 做呢個TAKE嘥好多人力物力 , 真係俾佢玩謝 , 無計 ~ ~ ~ 客永遠是對的 , 唯有係呢個 8 月份ヌ再辛苦多次 , 月尾再 ~ ~ ~ TAKE . 到時唔知佢又會唔會變呢 .
【第二單】 今早我個司機入水箱水時 , 不小心將水箱 COVER 沒蓋好 , 令到車頭都燒埋 , 搞到要拖入元朗車房 , 師傅即時幫我CHECK車 , CHECK完就打俾我話架車醫唔番 , 醫番都溜水 , 因燒左個車頭 , 又話架車都咁舊 , 醫黎都嘥藥費 , 不如換個部車啦 , 我就話咁好啦 , 你幫我去揾一部 , 呢部車都跟左我十幾年 , 對它好有感情但又真係太舊既 , 原本諗住牌費到期都唔會去續牌 , 會買個部車 , 點知司機大佬一時大意就要我提早換車 , 真係俾佢死 , 佢番到黎公司 , 我好細聲同佢講下次要小心D呀 , 司機答 : 哦 ~ ~ 知道 ~ ~ 唔好意思 , 我都無繼續柄佢 , 我知佢唔係有心既係一時大意啫 , 咁我就返 office 做野 .
【第三單】 係較早前應承一位好朋友 , 會幫佢去廣州買貨一事 , 點知私事/公事都起了一些突變 , 令到近排都極之忙碌 , 連訓覺既時間都唔多夠 , 我話佢知我好忙 , 無時間去買貨 , 遲D先幫你上去買啦 , 咁佢就發我老皮 , 係文字上都話我唔夠候 , 仲要打長途過黎再話過 , 話我成日都咁忙 , 公事忙 , 私事仲忙 , 乜你咁自私 , 當初唔幫就咪**下爬輕輕**, 人地既事就即幫 , 我既事就遲D先幫 . . . 唉 !!!! 唉 ~ ~ ~ 當初見朋友一場 , 又唔想見搭長途機咁辛苦只為左買貨 , 我真係有心去幫 , 點知會咁忙啫 , 就算我宜家做緊既私事 , 都係幫人 , 我都有分輕重 , 咁係人地個邊急需我既幫忙 , 而好朋友既事可以遲D去都唔會影响得太大 , 同你做朋友真係心都淡 , 咁我都有錯??? 作為朋友我想大家可以支持吓 / 體諒吓 , 你有事揾我 , 我點忙都會肯去頃 / 聽 , 幫你分析 , 俾意見你 , 我都想你可以好似我咁 , 而唔係想你每次都响我*宜e鵝鵝*咁 , 我諗我香港身邊D朋友會體諒我 / 明白我
|