朝早, 仍然係6:30起身, 我諗我開始習慣早睡早起la, 一醒左就鬼打咁精神~! 而gigi, 今日就一反之前幾日懶訓ge表現, 一早起左身坐係度la! 仲唔睬我tim~佢嬲我講野唔算數喎......
算啦~ 唔諗啦! 最後一日梗係要開開心心la! 食飽酒店提供的自助早餐後, 又上路啦! 今日ge行程係咁:
金馬碧雞坊---> 雲南大學茶學系個展覽廳 ---> 斗南花鄉 ---> 絲綢廠 ---> 食飯 ---> 返歸囉!
首先, 金馬碧雞坊實在係無聊之極, 不過既然係昆明地標, 一場去到都要去行下ge! 影左兩張相就走人去第度la~ 只係留左十五分鐘左右就走人囉!
茶學系果度...原來, 雲南太窮la, 而茶學系又冷門, 冇乜經費做研究, 所以佢地就由今年開始接受旅行團參觀o黎幫補下, 順便賣自己培育加工的普洱茶, 加埋又可以宣傳雲南, 一舉幾得....我地有幸做第一批去參觀的旅客.
睇左展覽, 聽完佢聽解之後, 真係識左好多野呀...尤其係關於普洱茶的, 唔講唔知..原來全世界淨得雲南產普洱ga咋! 而且普洱茶樹並唔係我地平常所知道的灌木, 而係大葉喬木...佢地仲沖泡唔同年的普洱茶我地飲, 俾我地試味, 原來年份越耐, d茶入口會越滑係真ga! 飲左d 26年的普洱茶, 果然同平常飲開果d差好遠!
最後, 我都做左水魚...買左塊200蚊的20年普洱茶餅~但比起巿價都抵, 出面d試飲過都唔及呢度好, 我相信唔會買到假野...加埋同團ge寶叔, 桂圓姨的老豆係老茶迷, 都同我講話好, 又聽聞飲普洱對痛風好, 我就下定決心買俾老豆飲.
至於斗南花鄉, 真係唔適合我地去...全部都係花花花花花, 不過種類真係好多, 有d花我見都未見過tim.
途中去左絲綢廠, 身為窮學生的我又點會落叠呢~乜都冇買....最後在絲綢廠吃過飯就起程返澳門.
總結呢幾日, 行程都唔錯, 食得好住得好, 天氣更加好, 好唔捨得雲南呀! 好舒服好好的一個地方, 我唔捨得走呀~ 但係, 唔捨得極都要走....
返到澳門, 好累呀~ 仲好熱tim! 點解澳門咁熱ga, 比起雲南長年十幾廿度陰陰寒的天氣, 真係差好遠......最慘係返到屋企, 桔仔竟然唔認得我...嗚嗚~ 佢啤我一眼就走返入老媽子房, 激死我!
