« March 2024 »
MoTuWeThFrSaSu
 123
45678910
11121314151617
18192021222324
25262728293031
Friday 01st July 2005 10:47:47 PM

今日, 同細佬一齊決定去大陸偷買隻狗仔返來, 因為價錢實在同澳門差好遠呀...三千蚊的, 在大陸四五百蚊已經有交易.

放工後就滾水淥腳咁同細佬和阿君一齊出左大陸, 去到狗仔街一睇, 哇! 超多狗仔, 不過有d真係好瘦好可憐...

細佬睇中左一隻芝娃娃, 不過, 我反而鍾意迷你品多d, 覺得佢地成隻鹿咁, 細隻好可愛, 大隻左又好英~ 最後, 出錢的是大爺, 當然係買左迷你品啦, 衰輝成日都話成狗個樣好似好窮咁! 其實我話佢冇眼光至真......

本來開價九百幾, 俾我地殺到五百, 然後將佢放落個袋仔度偷帶出來, 好彩冇俾人發現, 出關後我就一直抱住佢返歸啦! 陰公, 佢驚到震曬呀~一定好不安....

最搞笑的是, 臨去到海關時, 佢竟然伸個頭出o黎, 嚇得我地丫!

返到屋企, 因為已經太夜, 有我地想買果種狗糧個超巿冇開, 惟有買住罐西莎俾佢食住先啦~ 不過佢太貪心啦! 俾半罐佢竟然全部食曬....食到連個肚都脹埋, 最後, 玩得太顛搞到嘔返曬出來, 臭到~~~~~~~

好彩, 佢一直都好精神, 訓得玩得食得, 其實真係好驚大陸買來的狗會有病....希望佢可以一直keep住平平安安啦...過來一排, 等佢大d我就會帶佢去納牌gala~

仲有, 佢叫桔仔, 係男仔...呢個名我準備左好耐gala, 終於用得著! 其實當初我地諗住買女仔, 可惜冇....唔緊要啦...桔仔佢都好得人鍾意!!!!!我會好錫佢ga!




















Name
Security code
CAPTCHA Image Reload
Verify security code
Message