Saturday 25th June 2005 09:55:18 PM
放工後同蓮蓮去左買野, 真係同佢冇見好耐啦! 大家個樣都冇乜變, 但...嗯...點講好呢~好似心境都成熟左咁, 都係好事, 係咪?
不過, 今日我又遲到啦! 同佢約左六點半, 但巴士塞車搞到我遲左十分鐘, 好彩蓮蓮係一個大量的人唔介意je~
最後ge戰利品有: 一個背囊, 兩支孖裝蚊怕水同埋兩筒能得利軟糖同換購返來的麥兜紙夾...
屈臣士d人好衰ga! 話買滿$10能得利產品可以換gama~咁我買左廿幾蚊應該可以換兩隻, 係咪? 佢竟然話唔算數, 淨係計一張單喎! 好彩我地有兩個人咋, 我地分開買, 吹呀? 哼哼!
仲有個乞人憎的化裝品sales, 問我要唔要買有消炎成分的護膚品, 去她的! 叫咪叫囉, 竟然夠膽用佢d指甲篤本小姐面上"唯二" 的瘡瘡, 想死! 我梗係即刻拍開佢隻手話唔要啦...激死我, 而家d sales真係越來越乞人憎~
|