gigi放工打俾我,
佢話係佢屋企附近有隻細細隻好可憐ge狗狗...
於是我諗住偷偷叫細佬拿返屋企...
搏屋企人見佢可憐俾我地養...
可惜,父母都係強烈反對,
仲話.."世界上咁多流浪狗,救得幾多?"
我真係覺得好失望,
我希望救得一隻得一隻..
但係,我亦知道佢地講得好o岩,
而且屋企咁細,連住人都迫,
根本冇辦法養到佢...
好彩細佬ge前女友咁夜仲出來搵人幫手..
先令到狗狗暫時搵到棲身之所..
本來,我對呢個女仔印象唔太好,
覺得佢好open,
加埋好似覺得佢搶左細佬咁...
但而家我對佢完全改觀,
好多人都唔肯理臭臭的流浪狗..
而佢,就連我做唔到ge都做埋.
真係唔可以淨係以某d野黎衡量一個人,
我好佩服佢,
比起世界上咁多淨係得個講字ge人,
淨係識講"好慘呀","好可憐呀",
"好想執佢返屋企呀"ge人,
淨係識得冷眼旁觀ge人,
佢心地真係好善良...
而家ge我,亦好後悔曾經以貌取人
佢為我上左一課.
尋人啟示:
尋呢隻狗狗ge主人/好心收養者,
此狗是在望廈幼兒院門口拾得的,
好活潑,亦好鍾意玩...
發現時因天冷縮在一旁,好可憐,
現更查得該肚內有寄生蟲,
已送往狗房獸醫處治療&康復中,
但如再無人收養,
會轉介至愛護動物協會.
ps. 其實呢隻狗仔沖完涼+剪毛之後好靚,仲有,呢隻狗狗o係澳門
16/04 按: 狗狗已搵到人收養 ^^
Commnet:
From: 不經意的路過此地 3-18-05 <12:33am>
生命盡是這樣...
忽然想起一位朋友..."不負責任的收養人"...
曾幾何時...我也這樣做過...
所以自己也很清楚...自己也很不喜歡這類人...
