Monday 26th July 2010 01:11:44 AM  triglav national park adventure tour-slovenia 1st checkpoint (zlatorog和gora是斯拉夫語，分別解做羚羊和山) (港女真係犀利!無處不在呀，連斯洛文尼亞都有佢既足跡!ok，以下係不負責任既翻譯，咁為左更加傳神，我就唔用白話0拿，有興趣既可以睇落去~) 好~咁話說係好耐之前，有個窮獵人同村上面一個靚女拍拖。一切都相安無事，當大家都以為係happy ending既時候，村落就黎左個從商既有錢佬，事情就發生左變化0拿~唔係邊有故講?! 「窈窕淑女，君子好逑」呢個硬道理即使係斯洛文尼亞都無例外~有錢佬就約左個靚女去半島食左個燭光晚餐，送LV手袋呢D就唔少得啦梗係，仲駛問既?就係咁，有錢佬輕易贏左靚女既歡心，SO EASY~窮獵人見狀，心有不甘啦!我禁愛你，你竟然為左個LV而跟佬走?! 雖然戈邊無得北上相親，但放心，戈陣有既係「傳說」!當時傳聞話，山上有一隻金角羚羊，搵到佢就會搵到神秘既寶藏!咁獵人為左買LV送俾港女，就決定鋌而走險，上山搵呢隻金角羚羊啦!(佢同大部份港男既諗法一樣呀下，竟然無去怪個港女見錢開眼，反而埋怨自己唔掙氣!港女唔單止贏，仲係贏曬~) 咁皇天不負有心人，獵人終於搵到呢隻蓄牲，仲開槍傷左佢添!負傷既金角羚羊俾獵人迫到埋去崖邊，就係呢個時候，羚羊發現在崖邊竟然有天山雪蓮喎!!(okok~係triglav rose，不過天山雪蓮係咪易代入d先?)有睇過武俠小說都知道天山雪蓮能醫百病，係咪?但估唔到既係，原來斯洛文尼亞既天山雪蓮仲勁!食左可以即時好返添!羚羊好返之後，就係崖邊同個獵人死過啦~最後獵人被羚羊隻金角折射既陽光燦親對眼，失去平衡就咁跌左落個山谷死左0拿... 金角羚羊慨嘆港男既愚蠢行為，頭也不回咁一路行一路喊(係呀!你無聽錯，故事入面獵人瓜左之後，喊戈個竟然係殺佢既蓄牲，而唔係港女呀!)，喊左好耐，後來佢既眼淚多到浸滿曬佢既腳印，成為左當地既lake jasna，而寶藏就因為羚羊既離去，變左無人知埋左係邊咯...(喂喂!完架0拿? 咁港女呢??故事無交代喎，但其實唔駛問啦下嘛，梗係港女同有錢佬開開心心咁生活落去啦!!happy ending嘛!!) 咁依家既人，為左紀念隻羚羊(定港男獵人?)，就係lake jasna整左隻銅角羚羊俾人摸拜0拿!
|
