« March 2024 »
MoTuWeThFrSaSu
 123
45678910
11121314151617
18192021222324
25262728293031
Friday 10th June 2005 10:42:35 PM

很久很久"心"都沒有再衝出枷鎖

今天血液倒流的感覺

對了,就是這種感覺

 



今日我如常地晨早起床,嗯,才不過是11 點多.還早麻, 昨日想到把cv 制作好,今天便實際行動,看著二家姐的那個cv,改良不好的地方.嗯,做到2,3點,餓著便叫喊著要吃東西,於是跟兩老到大家樂 吃下午茶,燒鴨賴plus酸梅醬,再看著蘋果報,細嚐著熱奶茶的香滑, How a good tea?!



時間緊迫,接下來便是到vincent 的家來個小聚,一來是還番雜誌同sw比佢,二來係林大哥要教我畫圖的技巧.講真呀,我好鐘意vinecnt家的,雖然亂左些少,但佢家入面成個寶庫咁,小朋友必到既地方,依家係我回憶細過既地方囉 !其實有vinecnt呢個好朋友,真係前生修到, 成日都痴佢d書黎睇,自已又冇咩書借到比佢睇喎....哇...我記番呢種感覺啦 !畫圖係要用呢種感覺畫既 !!!多謝你呀林大哥!!!



約左呀樂仔出旺角,林大哥都要出去旺角,咁我地就一齊去左逛旺角d 書店囉~我就買左2本雜誌,而林大哥都有收獲囉,以前都冇人陪我行書店,依家多左林大哥,太好啦 !!!



之後呀樂出左黎..佢陪左我去買中南買圖筆等文具,有左圖筆...嘿嘿 !!!



兩條無聊漢又去左睇戲囉.sin city! 我比佢99 分, 好強勁的漫畫feel,英雄感覺, 呢套戲節奏比所有既戲都要漫(尤其是講野 ),學英文一流啦....!還有一提,就係全套戲都係黑白影畫,除左一小部分著左colour. 我決定買vcd 再睇多次啦 ~~hahaa!!



無聊漢在陪迥係呢個去cafe同不去之間,之後諗住散band啦, 但又決定左去喎. 今次我地又試新店啦.oh...好臭煙囉...焗到wing咁濟,有象棋喎,其他cafe都好似冇,玩象棋囉,玩到我興起,當然啦,呢排老豆成日比我聊佢玩, haha! 死人樂輸左一鋪唔玩囉,佢條粉腸呀,叫佢玩暗棋又唔玩,超呀,睇書囉.我夠有得睇啦 ~~~



呢到d 燈光簡直一流囉...勁似大陸d 屋冇錢交電費咁...用d 5w燈泡...睇到攞命...



接著樂拎了啤牌來玩...magic! shit!! 無奶油諗唔到囉好蠢呀 !!!



真係要散了,下次又玩過囉.搭亡命番屋企,沖埋涼都3點啦.仲要搵資料睇龍舟,母話唔去沙田睇,赤柱個網頁又做得幾好,去呢度囉,唔駛煩...



差唔多天光啦...唔訓啦等我試下支圖筆先啦,係呢種feel呀,畫到一半,老母都起身啦,食燒賣做早餐, 又要搵幾點開始...



oh...7點多d 又同雙老出發(待續)

ps:呢個袋就係之前買既圖袋喇!!!

Name
Security code
CAPTCHA Image Reload
Verify security code
Message