Saturday 29th April 2006 01:01:06 AM 美中不足[ 0 messages] Travel 剛剛從澳門返嚟,之前講話要今日(28-Apr)再去澳門.目的就係去Macau Tower玩"Sky Jump" 今早起身已經落大雨 >_< ......心諗好似廣告咁講:"有街去先嚟落大雨!唔通連個天都唔鍾意我??" 唔理咁多喇,可能過到去會冇雨呢. 今日只係得我同美怡去咋,佢過去係公幹,其他 fans 又要返工冇假放,算啦,返正成班人過到去都係得我一個玩"Sky Jump" 去到Macau已經十二點,仲係落緊雨 >_< .同美怡食完lunch後就分道揚鑣,佢去見客,我先去英皇娛樂搵d"駛費"用吓. 最後玩到六點鐘,美怡做完公事,嚟到賭場會合.佢問我戰果......講起賭錢過程真係一額汗 ^_^" (差d要游水返嚟香港)最後好彩比我反敗為勝,戰果仲幾可觀tim.但係我都未算係大贏家,美怡先係呀,佢臨行前比咗一百蚊我話"夾份",最後收返兩仟蚊~~仲唔係大贏家?? 之後諗住去Tower玩"Sky Jump",但仲係落緊雨,唯有取消啦,因為我想好天先玩,而且拍DVD會cd嘛.只好去食晚飯啦.呢餐晚飯真係豐富,冇諗過兩個人可以食到咁多嘢,食到大約九點鐘就返碼頭搭船返嚟lu.美中不足就係玩唔到"Sky Jump"......又一次失望而回 >_< PS.都唔知幾時先又可以再去Macau.真係好想玩"Sky Jump" ga~~~ |
Wednesday 19th April 2006 06:02:11 PM Sky Jump[ 0 messages] Travel 終於决定玩一次......就係從澳門觀光塔頂終極一跳~~~(超激呀 ^_^ )個塔大約有233米高ga (61層高) 上次(14-Apr)一大班人上去遊覽,居然冇個肯陪我玩 >_< 搞到返到香港都心思思諗住. 今次我决定自己玩(如果有人陪就更好啦).仲約返上次原班人馬:阿Ming、美怡、儍發......預定就係今個月廿八號 PS.其實我仲想玩埋攀登338米高塔尖嘅「百步登天」同環繞233米高塔身而行嘅「空中漫步X版」ga......好唔好一次過玩晒呢!!! |
Saturday 15th April 2006 01:07:10 AM 澳門一日遊[ 0 messages] Travel 今日(14-Apr)去咗澳門一日遊,話時話都有六年冇去過lu,今次仲係一大班人去,總共十個.當然勁好玩啦, ^_^ y 雖然今日帶病在身(兩隻眼都入咗菌,眼疲仲發炎腫晒,又成日流眼水,搞到影相都唔敢影大頭)但係都玩到唔想返嚟住(又入賭場羸咗d錢呢~~ ^_^ y) 可惜第日要返工,仲係返05:30.唯有玩到夜晚十點幾搭船返啦,真係有d唔捨得.03:45又要起身返工喇~~詳細嘅澳門一日遊遲d再講...... |