Friday 18th May 2007 11:46:20 PM 好友???[ 0 messages] General 連續三日追更&直插OT 嘅日子終於捱過咗,比我想像中唔係咁辛苦啫 正所謂:有咩苦未捱過吖!!! 咁痴線嘅馬拉松式OT,公司好多同事都知道,得到嘅忠告係小心身體啊~~~ 而同事們眼中好友嘅佢竟然唔知.....預咗啦!!因為我都只當佢係吃喝玩樂的同事~~未至於好友. PS: 所以睇嘢唔好只係睇表面 |
Sunday 13th May 2007 02:26:15 AM 唔要命 !!![ 0 messages] General 下星期又開始超激OT...... MON. 返05:00-00:00 TUE. 返06:00-00:00 WED. 返06:00-00:00 THU. 返06:00-15:30 收工後可能練跑 FRI. 返06:00-15:30 再練跑 SAT. Day Off SUN. Day Off 早上08:00馬鞍山 馬拉松比賽 連追三日更,都唔知體能上應唔應付到 |
Saturday 12th May 2007 02:10:49 AM 每天都找一個小希望~~[ 0 messages] General 現在正在學習緊......心態 我們不能控制際遇，卻可以掌握自己； 我們無法預知未來，卻可以把握現在； 我們不知道生命的長度，卻可以安排眼前的生活； 我們左右不了變化無常的天氣，卻可以調整自己的心情。 只要活着，就有希望。 只要每天給自己一個希望，人生就一定不會失色。 |
Saturday 21st April 2007 02:36:40 AM 驚喜~~[ 0 messages] General 肥嘟嘟轉咗新髮型~~ 其實佢以前個look仲好睇啦 冇見一排,好似有少少黑眼圈同眼袋喎 |
Saturday 21st April 2007 02:14:20 AM 同陽光玩遊戲[ 0 messages] General
估唔到今個四月份已經去咗兩次沙灘 15-Apr. 跑完10公里馬拉松後,去咗大嶼山嘅上沙晒太陽,個沙灘居然冇人!! 18-Apr. 下午去咗黃金海岸沙灘,又晒咗幾粒鐘. 晒咗兩日,點解膚色依然係咁白ga ??? 後日(22-Apr.)又有10公里馬拉松比賽,到時跑完又可以去沙灘再晒一晒 |
Sunday 15th April 2007 10:01:04 PM 退步[ 0 messages] General 今日又有跑10公里比賽,唔知做乜鬼,冇晒狀態 22-Apr. & 20-May 仲有一場比賽.努力!!加油!! |
Saturday 07th April 2007 09:33:27 PM 練跑[ 0 messages] General 06-Apr. 臨收工前收到亞星來電話要練跑......(吓!!乜唔係取消咗咩,我連鞋同衫褲都冇帶喎~~) 原來佢臨時想跑,而地點改去運動場.貪玩嘅我一定唔會放過任何機會啦,一口應承.收工後極速回家,攞齊裝備再會合佢. 今次去嘅係長沙灣運動場,一跑就跑咗30個圈(一個圈-標準400m).不消一個鐘,又跑咗12公里 ^_^ y 跑步其間,同佢邊跑邊談:其實真係冇諗過會玩d咁健康嘅活動,因為我唔係呢種人~~我生活方式應該係......(自己知自己事!!).但佢只當我講笑.算啦~~ |
Wednesday 28th March 2007 01:36:42 AM 好忙....好忙[ 0 messages] General 剛出院唔夠一星期,仲有d痛 >_< 希望冇事啦.好想快d可以做返運動. 望吓個月曆,嚟緊每個星期日都有活動喎...... 01-Apr. 港島童軍毅行活力行 08-Apr. 同亞勇返大陸玩小型賽車(未決定去唔去,睇吓Simon調唔調到更啦) 15-Apr. 唔知乜鬼沙田城門河馬拉松(淨係知報咗名,詳細嘅嘢要問返亞Ming) 22-Apr. 大尾督船灣淡水湖主壩....10/km馬拉松長跑 聽"馬尾泉"講五月份又有一個8/km馬拉松都會報名......實在太多活動喇 ^_^ y 全部都係星期日舉行,我邊有咁多Sunday放呀???.....有排調!! |
Wednesday 13th December 2006 01:02:39 AM 10公里馬拉松[ 0 messages] General 上星期日(10-12-2006)玩咗d特到嘅活動......就係10公里馬拉松(大尾篤船灣淡水湖)(真的估唔到我會參加) 因為係亞Ming 囉,次次都叫我報名玩,喺半推半就半就之下就參加咗 ^_^ y 好彩平時有玩開Gym,又有玩跑步機(不過每次都係跑25分鐘,因為冇氣跑).但估唔到今次比賽跑10公里只係用咗大約51分鐘多d就完成.(仲係喺分組賽中攞第四名)自己都覺得有d意外......哈哈~~原來自己嘅意志力係咁堅強 連亞Ming,亞星都話我跑得好~~......太過過獎喇...... 依家佢地成日都話要約埋我去跑步練氣.又多樣活動可以玩喇~~ PS.返到屋企時發覺唔見咗件外套!!! =_=" 一定係喺換衫時忘記攞啦,真大懵.件衫仲幾貴吓tim,攪到有d唔開心 >_< |
Friday 01st December 2006 11:41:17 PM 太突然[ 0 messages] General 私日記(PD0004)事情往往出乎意料~~點解又會出現!!??沒辦法......只好假裝不在乎及裝作開心. >_<" 沒事的!!不要那麽敏感~~ PS.雖然知道是"冇嘢",但始終心中有條刺........ |
Friday 10th November 2006 12:08:34 AM 大嶼山一日遊[ 0 messages] General 很久沒有和爸爸一同出外行街(最近的一次是甚麽時候也記不起......真的有些內疚 >_< ) 今日突然心血來潮想和爸爸出外行吓......選擇嘅地方係大嶼山(因為想坐吊車嘛 ^_^ y ) 結果去咗("昂平360" , "天壇大佛"同"赤鱲角機場") 赤鱲角機場係我返工嘅地方,日日見住仲要去??因為爸爸未去過嘛,而且今日返機場嘅心情都唔同啦......(因為好耐未見過爸爸咁開心喇) 睇嚟真的要抽多些時間陪爸爸~~~ |
Wednesday 08th November 2006 06:53:07 PM 驚訝~~[ 0 messages] General 真的冇諗過佢會喺呢個時間打嚟搵我講聲 Happy Birthday...... PS.吹生日蠟燭時許咗兩個願( 太貪心 ^_^ y )......突然想改變其中一個願望~~~希望願望裡面嗰個佢,唔再係佢!!! |
Thursday 05th October 2006 10:35:41 PM 普通朋友與真正朋友[ 0 messages] General 閒來時返睇 e-mail (平時懶得 delete) 發現有很多未睇 ^o^ (仲要係2005年~~) 其中有一封主旨係"普通朋友與真正朋友" 當細心看完後,發覺自己正是處於內容的處境中......原來呢幾個月"所想"、"所煩"的事,竟然可以在內容中找到解決方法 PS.看來要真的花些時間去處理及解決 ~_~ |
Sunday 17th September 2006 12:26:39 AM 估不到~~~[ 0 messages] General 當晚真係好唔開心 >_< 但真係估唔到會喺佢面前喊咗出嚟......太突然喇~~ |
Tuesday 08th August 2006 11:24:07 PM 拒絕[ 0 messages] General 又一次拒絕咗佢.(基本上,我係唔會對佢Say No) 但係今次拒絕之後反而覺得比較"舒服"及"好過些" 係咪自己清醒咗呢???至少開始可以放得低~~ |
Tuesday 08th August 2006 10:58:32 PM 天下無不散之筵席[ 0 messages] General 今日返到公司,有個同事同我講話佢唔做lu,而呢個同事,就係我喺公司最好嘅朋友~~(我亦都係第一個知道呢件事) 雖然心裡有d唔開心,(以後返工少咗個"戰友") >_< 但係都替佢高興,因為佢搵到份比依家好嘅工,前途亦好過呢度.佢16-AUG就要走lu,實在走得太急. PS.雖然佢離開呢間公司,但係佢第日都係會喺機場返工. ^_^ 不過見面時已係一年後. |
Tuesday 11th July 2006 02:10:15 AM 不甘心[ 0 messages] General 其實自己心目中已經有咗決定(私日記PF0003),但始終放不低!!!原因只有一個......就係不甘心!! 突然間咁冇自信,又唔夠果斷......幾時變得咁冇用ga ??? |
Saturday 08th July 2006 12:17:32 AM 改掉壞習m[ 0 messages] General 已經中毒太深!!!要改掉壞習m,首要條件就係擺脫 "QUICK CELL"~~~ |
Thursday 06th July 2006 11:47:03 PM 暗裡著迷[ 0 messages] General 可不可不要這麼樣 徘徊在目光內 ＊ 即使千多百個深夜 曾在夢境內 人聲車聲開始消和逝 其實每次見妳我也著迷 唯在暗裡愛妳暗裡著迷 REPEAT＊ 其實每次見妳我也著迷 唯在暗裡愛妳暗裡著迷 |
Monday 03rd July 2006 12:00:14 AM 世界杯[ 0 messages] General
尋晚同美怡、黄燕 & 陳家楊去咗盈盈屋企睇波 ^_^y ......英格蘭VS葡萄牙,巴西VS法國. 呢兩場係今屆世界杯完完整整的由頭睇到尾,但係兩場都令我好失望,因為我係期待緊準決賽睇英格蘭VS巴西,點知兩隊都出L局,真可惜!! 餘下的隊伍有:德國、意大利、葡萄牙&法國. 死啦~~冇一隊吸引到我睇tim,點算??? |
Wednesday 31st May 2006 03:43:06 AM 鐵人???[ 0 messages] General 開始發覺自己越嚟越Crazy~~~ 尋晚零晨03:45起身返工(返0530),收15:00,之後去咗SOGO嘅TIFFANY睇手厄,睇完手厄,又陪美儀去見客(先去中環,再到西營盤嘅第三街,再去西環,仲要入埋香港仔). 見完客後又出返灣仔嘅California搵大隻西食晚飯,可惜佢太忙,唔可以一齊食飯啦 >_< .最後只係同美怡去Pizza Hut食Pizza.食完嘢又行咗一陣,已經十點幾,出咗旺角嘅百老匯戲院買飛睇午夜場(am 12:45 仲預埋大隻西tim ^_^ ) 開場前同美怡去咗Cafe飲嘢&等大隻西收工(仲喺Cafe玩波子棋,居然輸比美怡,真冇用 >_< ) 睇完戲就返屋企,沖個涼,到依家計吓......已經廿四小時冇訓過,一陣仲要返05:30~~ 收15:00. 豈不是三十六個鐘冇訓過 真係好難想像我一陣返工仲有冇精神做嘢!!! 聽阿Ming同美怡講,今晚仲有節目,都唔知去唔去好......(我實在太爛玩喇~~) PS: 唔好忙記星期四返05:30收23:45,星期五再追更返05:30,收工又同美怡、盈盈過澳門玩(仲要係星期六先返)......嚟緊呢幾日又冇覺好訓 唔怪之得我食極都唔肥啦~~~最主要原因係唔夠訓~~ |
Monday 29th May 2006 12:17:03 AM 這是事實[ 0 messages] General 這件事已想了千百次,相信任何有機會發生的事情都有信心可以解決,唯獨是(PF0002)是最大的問題......但這已是事實,亦冇得改變~~~ 解決方法只有一個......就是放棄~~~ 捨得嗎??? |
Saturday 20th May 2006 12:06:33 AM 下水禮[ 0 messages] General
今個夏天終於行咗(下水禮)喇~~ ^_^y 地點就係淺水灣,仲有阿Ming、KK同"歌頓" 可能係閒日去嘅關係,所似個灘都冇乜人,又唔見有人游水,個個都係喺岸上面曬太陽,成個灘冇晒氣氛,搞到我都求其落水玩吓就算. 不過依家都未算太熱,再遲d想個沙灘少d人都幾難.到時再去一定會勁熱鬧~~ |
Wednesday 10th May 2006 10:09:21 PM 心情極佳 ^_^[ 0 messages] General 自五月到依家,心情總是極佳^_^y(好多年都未試過)!! 點解咁講......因為發覺最近返工嘅工作量極多,尤其是調咗入"中央轉口"(係我最憎嘅崗位 >_< ),每日都做到陣腳大亂,如果係平時嘅我,一定會做到發晒脾氣!!而且尋日又"爆鑊"(搞到 CX907 delay 十分鐘)仲要寫報告,正常我嘅心情應該會去到谷底,但我依然心情極佳. 原因??自己當然知 ^_^ (睇返自己嘅私日記啦) 如果以後都可以保持住呢種心情返工就好lu~~ |
Wednesday 10th May 2006 09:43:51 PM 絕對肯定!![ 0 messages] General 絕對肯定!!(PF0001),因為佢已被自己眼神出賣......就算係,我又可以點??? |
Thursday 04th May 2006 03:47:01 AM 甘心情願~~~[ 0 messages] General (PM0003)明白到這樣做是甘心情願的......一切都是為了一個目的...... 但結果已經唔再重要!!因為已心裡有數...... |
Wednesday 03rd May 2006 12:40:49 AM 緋聞男友[ 0 messages] General 誰都猜到 我喜歡妳吧 人家怎講 我不管也吧 ＊ 傳聞在說 妳正跟我 秘密拍拖 傳聞又說 妳會給我 點唱愛歌 無須祝福 我早知結局 REPEAT＊＊ 問我該怎麼慶賀 |
Tuesday 02nd May 2006 12:02:45 AM 少少失望[ 0 messages] General 還以為會係心中所想(PD0003),點知...... 算啦......不重要 |
Saturday 29th April 2006 08:49:37 PM 出雙糧[ 0 messages] General 又出雙糧喇~~今個月公司出第十四個月嘅雙糧,當然勁happy啦,等咗呢個日子好耐喇.應該好好咁利用呢筆錢,因為之前幾個月實在駛得太多錢,(都係唔知駛咗去邊) 又係時候考驗吓自已嘅理財能力......^_^y |
Thursday 27th April 2006 01:12:13 AM 驚訝~~[ 0 messages] General 真係摸不著頭惱???第一次見面就講仲我咁多嘢~~~ |
Wednesday 26th April 2006 12:58:42 AM 估估吓~~~[ 0 messages] General 唔好要我估估吓......我一定係咁諗...... PD0001 |
Tuesday 25th April 2006 01:31:08 AM 重複又重複......[ 0 messages] General 拿起MP3,返複聽嚟聽去都係嗰一、兩首歌,(仲係repeat無數次)......點解會那麼迷人??? 或許每個人的一生總有些遺憾,或者一些未能實現的理想和感情,現實生活裡得不到的東西偶然能夠在歌曲裡再遇並且重生,歌曲裡的角色便成了我們的代言人,實現了自己不能達到嘅夢想. |
Thursday 20th April 2006 09:18:52 PM 亂花$[ 0 messages] General
差d忙記自己有部 iPod video(30GB),係阿茹公司抽獎機(未開盒)......佢用"友情價"賣比我,真係夠晒friend~~ ^_^ . 部機買咗兩個月有多,但居然冇乜點用過,買返嚟之後只係入咗三、四首歌,一首MTV.聽咗一個循環之後,就放低冇聽過(連帶出街都未試過). 其實自己已經有部128MB嘅MP3啦,仲愛不釋手,日日帶出街聽,連夜晚訓覺都要聽住先訓得著 ^3^ .真係好唔明白自己---買嚟做乜.但好肯定嘅其中一個原因就係想"擁有"囉. 又一次証明我係唔識理財~~ >_< |
Tuesday 18th April 2006 08:42:39 PM ~~紅色炸彈~~[ 0 messages] General
成個老襯,從此被困...... 終於收到阿全(34)張請帖喇~~等到頸都長.大喜日子就係五月八號. 好彩我嗰日係 Day Off. 唔駛調假 ^_^ 阿全,恭喜晒~~ "執子手 訂鴛盟 |
Wednesday 12th April 2006 02:07:36 AM 第六感[ 0 messages] General
今日一返工就要寫份報告~~ >_< 呢個係意料中事啦......因為最近經常心神恍忽、神不守舍.(之前我亦都提過),就連我阿頭都發覺到,問我最近發生甚麽事. 第六感已經話比我知,今個月返工做嘢一定會"爆鑊" 今次爆Arrival TG628 (05-Apr 關於OCS) 呢隻鑊仲好甘吓tim!!不止於Airline(香港站)complain,就連外站BKK(Bangkok)嗰邊都出電報投訴,仲要出比Duty Manager (通晒天,無得補救啦 >_< ) |
Monday 10th April 2006 08:05:45 PM ~~惡夢降臨~~[ 0 messages] General
今日出咗更紙,十七號開始,我又要調入去CTF(中央轉口) >_< (又要離開Arrival 三個月).真係有d唔多高興~~ 好彩依家d機係飛夏令時間,如果飛冬令,真係冇命!! d時間緊張好多,分秒必爭......要做都唔係問題,反正返工就預咗做啦,最惨係要受氣!!!做唔死都激死~~ 呢三個月又唔知會死幾多細胞......講得好聽就係磨練自己意志 & EQ. 講得唔好聽就係受苦,被虐待~~~ |
Sunday 09th April 2006 12:32:01 AM 心不在焉[ 0 messages] General 問題似乎越嚟越嚴重~~ 話說今日要返06:00,我05:25己經返到公司,打咭後先食早餐,之後再返Control簽到,簽到時發現冇自己個名!大鑊~~又返錯更?(因為之前都試過) -_-" ,再睇睇更紙,真係喎,今日Day Off,正想返更衣室換衫走人之際,再諗諗,冇理由!!我明明放完兩日假,仲點會有Day Off 喎,唯有同IC講啦,佢一睇更紙就話:有冇搞錯呀~~今日係八號呀,做乜睇七號嘅更期呀!! 完來我真係睇咗七號嘅更期,仲攞咗七號嘅簽到紙呀簽到,唔怪之得冇我名啦 >_< 睇嚟我嘅(PM0001事件)直接影響到我嘅生活,點算呀~~~ |
Friday 07th April 2006 03:01:02 AM ~~不得不承認~~[ 0 messages] General 憑各種蛛絲馬跡,明顯地睇得出!! 加上最近嘅"心情"及"一舉一動"已經完全出賣咗我 >_< 仲想唔認!!! PM0001 >_< |
Wednesday 29th March 2006 05:32:21 PM 一場誤會[ 0 messages] General 歌手：Janice | 作曲：陳輝陽@好好笑 對妳暗戀者真太多 似位歌手好叫坐 妳也許疏離到不能再疏 我竟多心想太多 ＊我到底寂寞過剩 才謝絕冷靜 是我敏感 誤會戀愛降臨 誤會妳有心 日夜苦惱自尋 我也許孤獨到熄滅了燈 妳我的戀情也一場錯摸 REPEAT＊ |
Wednesday 29th March 2006 03:07:53 AM "追夢"[ 0 messages] General 尋晚發咗個幾好嘅夢 ^_^y ,可能真係日有所思,夜有所夢,(最近真係日諗夜諗,返工又諗,連平時靜下來,無聊嘅時候都會諗.)呢d境況居然喺夢裡面出現.可惜呢個夢只係一小段 >_< 因為發夢期間突然轉身醒咗,望吓個鐘,已經係零晨四點.(有冇搞錯呀!!!喺呢個時候"扎醒",唔好呱!!我仲要發埋呢個夢ga!!).但係又覺得好口乾,所以走咗去個雪櫃度攞咗包朱咕叻奶飲,飲完包奶後,梗係繼續"追夢"啦(我試過好多次,真係可以追到ga,只要唔好比自己清醒,繼續諗住個夢境就可以延續ga)可惜今次好不幸......上咗床後,完全不能入睡,望吓個鐘,已經係四點半喇,醒咗太耐喇~~~無論點樣諗返個夢境,都唔能夠延續落去.真可惜...... PS.其實發到呢個夢,我已經好滿足喇,喺真實情況,我覺得發生嘅機會係極渺茫!!! 除非....... |
Monday 27th March 2006 03:53:48 AM ~~控制情緒~~[ 0 messages] General 點解今晚要發咁大脾氣??縱使工作怎樣多,導致陣腳大亂,都唔應該搵佢嚟"出氣"......話晒佢都係你嘅下屬,而且事情根本與佢無關! 睇嚟真係要好好咁控制吓自已嘅情緒. PS.事後同佢道歉,解析清楚發生咩事,好彩佢都冇怪我......真的不好意思!! |
Sunday 26th March 2006 02:59:09 AM < 抉擇 >[ 0 messages] General 是否真的有需要選這條路行??雖然未來會好過一點,但要付出五年時間來換取!!值得嗎? 五年前已有這念頭,始終沒有實行,真的想知道如果當初實行,今日的我又會是怎麼樣...... |
Thursday 23rd March 2006 09:55:20 PM "水王"[ 0 messages] General 最近喺公司又多咗個花名,就係叫"水王",因為自從一月份開始,個個月都OT O到爆晒鐘,上星期放完大假後,又再瘋狂OT: 19-MAR 14:30-00:00 ; 20-MAR 11:00-00:00 ; 21-MAR 05:00-23:45 22-MAR 05:30-18:00.加上22號晚收工仲要去唱K......(c仔生日,冇所謂啦) 開工時間仲多過喺屋企,長期唔夠訓,我嘅眼袋同黑眼圈當然又勁咗好多啦!!呢個係導致個樣勁殘其中之一.(仲好似瘦咗幾磅) 公司好多同事都叫我小心身體,注意健康,其實我都知ga,只不過係趁有機會,想搵多d錢儲吓啫......點知搵得多,用錢用得仲多!完全儲唔到錢.睇嚟真係要好好喺理財呢方面檢討吓喇~~~ |
Sunday 19th March 2006 02:50:51 AM 又一晚[ 0 messages] General 星期五晚同啊Ming,美怡佢地去咗BBQ ^_^ 好耐冇去過lu,地點有d特別~~就係將軍澳清水灣半島入面,裡面嘅會所之前我已經去過好多次......當然係同啊Ming玩Gym & 游水.BBQ都係第一次.環境仲好靚ga.可惜冇帶相機啦.個燒烤爐好特別,我覺得似扒爐多d喎.結果d燒烤义完全冇用到,所有食物都係乾煎,另有一番風味. 燒完嘢食,上咗燕婷屋企打麻雀,但係我冇打到,因為我嘅麻雀技術又唔係咁"精",又唔識計番,次次同佢地打麻雀我都要交學費,實死啦~~其實我只係想一班人聚吓. 睇完後已經係零晨十二點幾,啊Ming因為唔舒服食藥訓咗,傻發又訓埋.完本傻發打緊牌ga......點解會變係咗啊茹打ga???真其怪. 之後悶悶地,先發覺燕婷,美怡,嘉儀入咗房好耐都冇出嚟,走去八掛吓先.完來佢地傾緊計.不如一齊傾啦......點知傾傾吓,美怡問我幾時結婚!!!Waht happen ???我都冇拖拍,結咩婚呀~~~又講我感情事,我都話我感情事係一片空白啦 >_< 不經不覺已經零晨兩點幾,啊Ming話走,因為佢同儍發都返06:30.咁我都走lu.咁又過咗一晚,時間過得真快~~幾時又可以一齊聚一聚啊?? |
Friday 17th March 2006 01:25:15 AM 新居 ^_^y[ 0 messages] General
尋日喺屋企幫d金魚換水,發覺個缸底出現裂痕~~但又無理會.(因為換水之前,個缸都冇漏水) 到今日發現個缸少咗小半缸水,先知到大件事喇~~~d金魚未來嘅命運就在我手中......第一件事,當然係走去金魚街買個新缸啦. 去到金魚街,發覺d缸平咗好多喎,仲係成套ga,(有燈箱,濾水器同火牛),勁方便,如果買個缸就要大約$180,一套就$200多少少.咁抵,我當然係買一套啦. 買到返屋企先發覺一套有乜用呢!!!燈箱,濾水器已經有喇,基本上只係需要一個缸啫........冇所謂啦,救魚緊要!! 完成所有救援工作,欣賞吓先......發覺d魚好似唔係咁鍾意間"新屋",還是未習慣新居呢.總係要浮上水面......究竟有乜問題呀~~~ |
Thursday 16th March 2006 02:48:39 AM ~~~殘忍~~~[ 0 messages] General 有冇搞錯呀~~你地兩個出現問題係與我無關,做乜搵我嚟搞喎...... 我已經講過,你地嘅要求,我係唔會應承ga~~如果應承你地都得......條件就係以後唔會再見面. I Swear !!!因為你地冇諗過我感受 >_< 我已經冇見你地大半年有多啦,我話過我唔會再見你地兩個ga!!!唔好再嚟煩我...... 呢件事對我嚟講,實在太殘忍喇~~ |
Friday 10th March 2006 09:09:29 PM 冇鬼用......[ 0 messages] General 一向有研究及深信八字命理嘅我,早已推斷到今年上半年運程係會有d好轉. ＾＿＾y (果然冇推斷錯誤,話晒都研究咗七八年，有少少功力咁啦）．今年係丙戌年，上半年行"丙火"運，我"日元"係屬"丁火"（屬於弱火），有丙火（強火）幫身，上半年做乜都冇有怕啦． ＾＿＾y 2005年嘅下半年，我已經計到今年上半年有好幾個機會，果然不出我所料，一踏入農曆年不久，呢d機會,已經係咁嚟，咁難得嘅機會，我當然會把握，但係呢個機會比我把握到又有乜用喎，因為我冇去好好利用同珍惜！！！結果又係空歡喜一場．好彩上半年唔係過咗好耐，依家只係農曆二月，我仲有其它機會ga,希望唔會再白費啦 P.S. 以上我講緊嘅，並唔係感情事，我嘅感情事仲係一片空白 ＞＿＜ |
Thursday 09th March 2006 02:12:38 AM 點解會咁??[ 0 messages] General 今日要返12:00-00:00,朝早10:00起身,第一件事想做嘅,就係想打電話返公司請病假!!證明我係幾咁唔想返工!但係諗起要去睇醫生攞病假紙,而且聽日Day Off又有得返公司OT.(公司規定,如果員工S/L,之後兩星期內冇得OT,俗稱"停賽"),因睇錢份上而避免停賽,最後唯有返工啦 >_< 返到公司,當然係冇心機做嘢啦,整日掛住玩新買嘅PSP.(我呢個位開工時邊有時間打機ga ??)但係我都依然可以玩到部機冇電.Crazy~~ 臨收工前係入口最多嘢做嘅時間,但係我又可以瘋狂地Send SMS 比d Friend問IQ題...... 究竟依家想點呀~~~仲有冇心機做嘢ga??連我自己都唔知.好似完全迷失方向咁喎!!! 其中一條IQ題:森林大火.......(估一種生果) |
Wednesday 08th March 2006 02:45:14 AM 好想放大假~~[ 0 messages] General 過多一星期就可以放大假,原本呢個大假係去旅行ga,但係......算啦~~天意安排,無話可說! >_< 但係都好想個假期快d到,放吓假休息吓,調整吓心情.因U最近心情真係差得好緊要!!直接影響到我 嘅工作.返到公司又無心機做嘢!!!甚至想 S/L >_< |
Sunday 19th February 2006 02:18:47 AM 任性 !? 我行我素!?[ 0 messages] General 問過朋友的意見三次,都係話唔讚成.但自己依然一意孤行 >_< 既然唔聽人講,又做乜要問人咁多次呢??呢d係咪叫做任性?定係我行我素? |
差d認唔到佢,但依然係咁靚女 
小心身體呀
Entertainment(1)
Food(2)
Travel(3)
