18 Jun 08
話說今日係日文語學校"上1"既期未會話考試,係無需準備既情況下, 係學校一個人咁等左成個鐘先到我考.... 已經無以前咁緊張啦, 好似傾下計咁就考完~
今日開始連續2星期假期, 學校真係呃錢啦, 所以太得閒又唔想洗錢, 就走左去搵工~
今年既六月先泥有太陽, 咁先似番個夏天, 熱到我死左, 我竟然仲著住對boot.....
首先去望下學校附近既便利店, 大多數番既時間都唔係好方便, 於是去左池袋, 見左我今日第一份工 (今日總共係無預約既情況下, 格硬沖入人地間舖頭到見左6份工).... [開始變得 "厚顏"左呢]
第一份: 超迷你cafe : 等消息
第二份: 大間小小既cafe: 唔請女仔 (歧視呀!)
第三份: 餃子店: 請夠人啦
(但係門口仲大大張紙話請人...)
第四份: 日式料理: 店長無番工, 請明天再泥啦
第五份: 便利店A: 日頭請晒人, 深夜唔請女仔...
第六份: 便利店B: 咁你聽日泥番3個鐘,
睇下表現先啦, 未決定請唔請你架喎....
哇... 咁都得, 不過依間 便利店B 既門口完全無貼廣告, 係我自己膽粗粗咁走入去既, 所以連人工係幾錢都未知....不過個店長都好有耐性架啦, 同我都傾左幾耐下~ 好緊張呢, 聽日一定要表現好D先得^^
就係我見第一份工前, 係果間迷你CAFE門口心大心細唔知入唔入去既時候, 竟然有個阿伯行埋泥叫我同佢去玩, 仲問我..... (變態佬!!!)
格幾分鐘之後又有一個中年阿叔問我得唔得閒...哇.... (原來我企左係商場間酒店樓下個lift口度)....
