01012007I
話咁快就 2 0 0 7 啦~ 再見啦 2 0 0 6~
而 2 0 0 7 可能係我咁大個女最特別既一年
雖然未到最後一刻都唔知道去留
但可以作出咁樣一個決定 .... 真係~
萬分期待 + 10萬個不捨
點都好啦~ 希望我自己做咩決定都唔好後悔,
係將來望番轉頭會有好多段美好既回憶~
哇~ 好多新年願望呀我~~hehe
首先,
自己：希望 "決定" 可以順順利利完成, 同埋好好咁體驗生活, 日日都咁開心, 健健康康.......etc (我係咁貪心架啦>.<)。
家庭：齊齊整整, 健健康康！ 〔講真要同屋企人分開咁長時間，係我最唔捨得既一件事。由細到大，好似咩事都有人照顧住，咩都唔洗諗，習慣成自然∼ 好多野都係無左先學會珍惜∼ 〕
希望ar咪身體健康, 唔好成日話腰骨痛, 唔洗成日擔心阿傑學壞, 唔洗成日擔心阿俊大學考成點, 唔洗擔心我過日本讀書, 唔洗擔心公公身體, 唔洗咩都唔開心。我要屋企人都開開心心。人大左, 覺得屋企人真係好重要，因為當你遇到咩挫折, 佢地都唔會離棄你。
朋友: (要續個慢慢講>.<)
Papa - 敢作敢為, 做野估你唔到~ 哈~ 佢係一個溫柔都震既女友~ (我地要一齊為新一頁~ 加油!!!)
美嫦 - 令我最放懷大笑, 最顛喪既一個朋友, 亦係令我最擔心既一個。希望以後唔開心既事離她遠遠~ 佢註定要開開心咁同我過人世嘛~ 哈
烏英 - 新相好，雖然做左同事無耐, 但係佢一對"純真"既眼神~ 好容易咁令我講晒d 野比佢聽~ 哈~ 真係唔知點解一個可以令女仔都過到電既女人都會遇到 "痛愛"... 希望佢快d 醒下啦~ 鍚下自己啦~
肥福 - 雖然一到 2007年你就要獨自面對咁多變遷, 但係我知道肥福實可以開開心心咁面對既!~ 做朋友既實支持你架喎~
呂明才舊生會 - 希望我地可以成日都有Gathering, 雖然淨係hehe haha~ 但已經攪晒開心啦~
始南舊生會 - 講真好少人keep到同小學同學做朋友, 我地幾個已經好難得, 雖然平時各有各忙~ 只要知道大家都過得好好的便夠~
超級期待二月份小學舊地重遊日!!!!!!!!!!
愛情
中學果陣記得張嘉善話對待感情要投入, 但係唔好認真~ 估唔到大個女之後~ 佢變得又投入又認真係泥~ 反而我呢~ 成日令身邊對我好既人一個又一個唔開心。
有時我都唔知自己想要d咩感覺，要咩安全感先夠，大概ar K講得啱，當你失去過~ 你先學會去珍惜~ 或者等我去學下獨立之後番泥話你知我想要d 咩丫~
但係都要係到講句多謝你-----令我長大
咁多年以泥~ 多謝你地對小妹既包容~
多謝你地既愛
