係灣仔到食 Lunch 都有平有貴，咩國家嘅菜色都有得選擇。呢一間砂煲砂煲我係個幾月前經過過，見個名幾得意同埋睇個餐牌五十幾蚊就有個 Lunch 食，所以決定咗搵日試下。呢間餐廳原來有砂煲砂煲食，唔怪得之叫呢個名啦 ! 重有都有好多明星來幫襯過架。我地一行二人叫咗個咖哩豚肉飯同埋一個雞柳餐定食，個餐係會跟個沙律、麵豉湯同埋甜品。個咖哩豚肉飯Ｄ豚肉係燒烤整出來，好惹味...Ｄ咖哩唔太辣，有日本咖哩風味。至於個雞柳定食就跟咗三文魚刺生、中華沙律同埋煎餃子，整體都好好味。最後個甜品係Ｄ生果糯米慈，不過去呢間餐廳到食，最好就係係十二點三前到，如果唔係就訂定位先，因為一到十二點半就無晒位，俾人BOOK晒。如果去開灣仔的話，呢個都係一個唔錯嘅選擇 !