沖繩の旅行程簡介: Day1  Day2  Day3  Day4  Day5  Day6  Day7  Day8  睇相  有用連結

第三天行程 27/5/2008

体験王国 à Gala 青海 à 御菓子御殿読谷本店 à 殘波岬 à 岬の駅 à 殘波岬燈台 à Lunch @ HANAHOU à 沖繩黑糖工場 (沖縄ハム総合食品（株）) à 琉球村 à 座喜味城跡 (介紹網) à 萬座毛 (介紹網)à SuperHotel Okinawa Nago 

住宿 : SuperHotel Okinawa Nago

因為間酒店感覺唔係好得同埋唔值呢個價錢，所以印象唔係咁好 ! 但係食完個早餐就加返唔少分數，因為佢地係酒店頂樓到食早餐，如果天氣好的話，影相應該會好靚呀 ! 不過呢幾日都係天陰陰~~~返到香港睇返原來沖繩呢一段時間應該係梅雨季節…講返個早餐係 Set 來嘅，但係有得揀食麵包定係食返，另外Ｄ嘢就一樣，個早餐好豐富，重幾好味 ! 我哋食咗時候重有Ｄ日本人係到食緊~~~一路食一路睇住個風景都幾正，不過時不時有Ｄ戰機係到飛來飛去，都幾噪下 ! 食完早餐就要出發啦~~~今日第一景點就係去一個叫体験王国嘅地方參觀，入面主要係俾Ｄ人試下整陶瓷整玻璃整黑糖呢Ｄ野…我諗如果要玩起碼都無咗一日時間，所以我哋都係睇嘢多 ! 睇睇下其實呢個地方都應該唔洗俾入場費，因為呢到好似無掩雞籠咁，Ｄ人可以自出自入咁都無人理。睇完晒Ｄ嘢就去攞車，經過入面一間餐廳同埋商店，間餐廳重有自助餐食，價錢都係¥950一個人，非常之抵，不過我哋未肚餓，所以就無食到。跟住我哋就去附近嘅另外一個景點就係 Gala 青海喇~~~~呢個地方主要係有一個地方講下造鹽，我哋重係呢個食咗個鹽雪糕添呀~~~味道就又喊又凍咁樣，感覺都幾過癮，跟住重係入面買咗Ｄ鹽添 ! 睇完呢個我哋就向殘波岬出發喇 ! 行行下見到有一間好靚教堂，我哋就入去睇下喇，原來呢一間係專門幫人攪婚禮架，個日本人重開門俾我哋睇下個行禮嘅教堂添呀 ! 個行禮嘅教堂面向住個海，個View真係好正~~~如果加埋個藍天碧海的話~~~一定靚到震 ! 睇完教堂我哋就繼續去殘波岬，途中經過一間酒店，唔知叫咩名，但係佢對出有個海灘都幾靚下 ! 跟住路去有見到一個叫御菓子御殿読谷本店，我哋又停一停入去睇睇。呢個地方主要係俾人買手信嘅，入面有好多嘢可以試食，我哋重試埋海葡萄添呀 ! 味道都幾好味~~~係入面我哋都試咗唔少嘢 ! 之後又繼續行程，又見到一個教堂，都幾靚下，又落車影下相喇 ! 最後都去到殘波岬喇，去埋個殘波岬燈台到睇下，上去個殘波岬燈台又係要俾錢~~~所以我哋係無上去架 ! 跟住去到個岬の駅，諗住有Ｄ嘢食下，點知無嘢食架~~~應該淨係做團體餐生意，因為見到佢寫住要預訂架 ! 咁我哋就要去搵地方食 Lunch 喇~~~打開本旅遊書睇下有咩介紹，見到係附近有一間叫 HANAHOU 嘅食店，但係個偉大嘅 GPS 又係無資料架 ! 唯有靠自己做 GPS 啦~~~好在最終我哋都揾到，但係去到已經係Last Order喇~~~入面食Ｄ嘢都幾貴下，不過又幾精緻，味道都幾好味 ! 重有入面有隻狗，好鬼死可愛，有人入來會迎接你，然後就同你係到玩~~~~食完午餐我哋就去睇沖繩黑糖工場，呢個工場有得俾你試下做黑糖同埋其他嘅食品，我哋都係無試玩嘅 ! 睇咗佢地嘅網頁原來間工廠重有其中嘅體驗。一去到，有兩個後生Ｄ嘅日本人出來迎接我哋，重送咗Ｄ紀念品俾我哋添 ! 但係又係溝通唔到 ! 跟住就搵咗個上咗年紀嘅來招呼我哋，佢講咗幾句，我諗佢係想介紹Ｄ黑糖係點樣製造出來嘅，不過我見佢有Ｄ唔係幾識講咁，就叫佢唔洗講俾我哋自己參觀就得喇~~~過咗一個簡單嘅工場，又係到咗Ｄ買嘢嘅地方，又係有得試食喇~~~試完我哋就走啦 ! 跟住就去睇座喜味城跡，行行下又見到另外一個景點就係琉球村喇，咁我哋就停車去睇睇喇~~~入面主要係講返舊時沖繩Ｄ居民係住係Ｄ咩嘅屋同埋點樣生活法~~~本來想睇埋個Show，不過我哋就趕唔切喇 ! 睇完呢個就要去原定個地點座喜味城跡，其實先前經過過呢個景點嘅路口，不過Miss咗無入到去，所以家下就要兜返轉頭，去到嘅時候個資料館都已經閂咗門，我哋就去個城跡到睇啦 ~~~ 係走嘅時候無神神落雨，好在睇嘅時候無落雨，唔係都幾𡃤嘢 ! 見時間都差不多，都係時候去今晚間酒店Check-in。但係都要成個鐘車程，係去酒店嘅途中又經另外一個景點萬座毛，於是我哋就駛去睇睇喇 ! 個萬座毛都幾正，可惜就係天氣唔好，唔係就會好正 ! 睇完呢個萬座毛，我哋就向酒店出發，個偉大嘅GPS又係無資料，去到酒店附近我哋就兜來兜去，好在後來搵到入地址都可以，最後都去到呢間酒店 ! 呢間SuperHotel Okinawa Nago酒店係第一次住，見佢都幾平同埋係網上面介紹個樣都幾正就Book咗 ! 原來入住嘅每一位女性都有可以攞5份護膚同埋沐浴嘅用品~~~點解男嘅無架 ! 重要係每人每日有免費嘅雪糕一杯食添啊 ! 正 ! 今次係住係9樓~~~來咗幾日住最高嘅一次 ! 入到去架屋，整體都非常Okay ! 不過就 Book 咗三人房，所以少咗Ｄ位，間房入面重要係用 LCD TV…嘩~~好正呀 ! 間酒店重提供浸浴添呀 ! 不過我哋無試過~~~真係無得頂，我哋非常滿意，重有就係住兩日架我哋 ! 安頓咗Ｄ行李之後，我哋就出去搵嘢食~~~頭先去酒店嘅時間都發覺附近無咩嘢食，之後行行下就見到間食拉麵嘅就入咗去食 ! 間嘢嘅味道都唔錯，之後就越食越多人。食完嘢行返酒店途中見到100¥店就入去睇睇。入到去原來係一間藥房，搵到Ｄ我哋想買嘅嘢，然後就買咗佢~~~費時周圍搵 ! 買完嘢就返酒店休息喇~~~重係酒店到洗下衫添啊，呢間洗衫都好似東橫 Inn咁入Coin 去洗衫同乾衣 !