沖繩の旅行程簡介: Day1  Day2  Day3  Day4  Day5  Day6  Day7  Day8  睇相  有用連結

第二天行程 26/5/2008

東橫 Inn (新都心) à Sky Rent A Car @ DFS Galleria 攞車 à 首里城 à Lunch @ みの家 天久りうぼう楽市店 à RYUBO SOTRE天久店100¥店 à 100¥ Plaza 宜野灣店 à San-a Supermarket à SeaSide Hotel The Beach à 北谷町美浜 à グルメ回転寿司市場美浜店 à Dinner @ 美國村 à SeaSide Hotel The Beach

住宿 : SeaSide Hotel The Beach

今日就係正式開始沖繩之旅嘅第一日旅程，朝早係東橫Inn(新都心)食完個飯糰早餐之後就去DFS Galleria入面嘅Sky Rent A Car 到攞車，拖住個咭行過去。去到個DFS Galleria 行咗一陣，同埋有好多店舖都未開，可能時間尚早嘅關係都唔定。個DFS Galleria都唔係好大，問咗個 DFS Galleria 入面個 Information話攞車嘅地方就係近住個單軌鐵路新都心站，咁我哋就行過去喇。去到個個邊有8-9間租車公司係個到，咁我哋就向Sky Rent A Car 個 Counter行去，同個職員講話要攞車，但係個日本人唔係好識英文，所以溝通唔係好得，好在我Print咗個 Email 出來，點解會Book呢一間，因為佢係會有Ｄ Discount Coupon 送同埋係咁多間最平嘅一間。攪好晒Ｄ手續同埋俾埋錢，個職員就我去返DFS Galleria 另外一面攞車。但係佢無俾Ｄ Coupon 我，於是我就問個日本職員攞，佢話無，我諗係佢唔明…總之Print埋份嘢出來俾佢哋睇就一定知係咩啦 ! 跟住攞車又返去個 DFS Galleria 另外一面攞車，去到一個Counter 就俾個先前個職員俾嘅一張紙，然後另外一個職員就叫人攞車，我覺得個到全部租車公司都係係呢一到攞車㗎，架車都幾新，不過好多地方都花咗，個職員叫我一齊驗一睇下邊都有無花，Check晒所有嘢就開車，一上車就發覺成陣煙味，唔記得 Book 架禁煙車添，好在後來個問題我哋自己解決咗 ! 好啦，出發…𡃇…個職員都無同我哋講個 GPS 點用嘅，係北海道到個 GPS 有個 Remote 控制個喎…呢到咩都無嘅 ! 好在先前試過用下大概識點用，不過都要攪一排先用到 ! 好喇，我哋第一個景點就係首里城，睇住個 GPS 見揸，點知呢個GPS 帶人行埋Ｄ小路，左兜右兜終於都去到首里城喇。不過呢個景點就無提供免費泊車嘅服務，而佢周圍嘅地方都有有料停車場，不過價錢無泊係首里城咁平，所以我哋就泊咗入去啦，收費係¥310/2 Hours ，都叫做抵 ! 基本上入去首里城係唔洗俾錢睇嘢嘅，但係如果要入正殿的話就要俾錢入去睇，盛惠每位¥800。係入去正殿之前有間有冷氣有水飲嘅無料休息室係到，行到身水身汗最好就係入去抖一抖喇，日本人真係好鬼試細心架呢 !係唔洗錢嘅地方參觀，真係無咩特別嘢睇，一入去正殿就有好多關於個皇帝嘅嘢睇，睇下佢地生活嘅地方，重睇下個正殿個設計。去到正殿嘅中央部份就見到張皇帝寶座，好似中國嘅皇帝寶座一樣。睇完晒呢個正殿就走得喇，食 Lunch嘅時間差不多到，諗住睇下係首里城入面食，但係時間唔夠，唯有去第二度搵食 ! 重有如果天氣好的話，影相應該會好靚呀 ! 本來想去國際通到搵嘢，但係兜咗好耐都無地方泊車，我講緊嘅係免費泊車位喎。因為時間都唔早又費時再浪費時間，就返去東橫Inn(新都心)附近個Ｄ商場搵食喇，最後我哋就搵咗間食沖繩料理嘅食店 みの家 天久りうぼう楽市店 到叫咗個苦瓜豆腐定食食，個定食都夠兩個人食，都幾好味，不過Ｄ苦瓜味道唔同香港Ｄ苦瓜味…食完 Lunch ，就要向今晚嘅酒店出發喇。我哋一路向北出發，主要都係用條58國道去所有嘅地方，沖繩嘅車速最高係50km/hr，無錯，係50km/hr…重要佢地都幾守法，唔超速，唔扒頭…揸車嘅態度重要係好悠閒，冷氣又唔開，重要啷住一隻手係車門邊，嘩~~~~真係好享受咁呀 ! 呢種揸車態度我諗係沖繩先有，因為係北海道都唔係咁 ! 係我哋沿路去酒店途中，經過一Ｄ好大型嘅商店，於是我哋就去睇睇。嘩~~~係個到有間100¥ Plaza，係Plaza，唔係店，好鬼死大間，不過入面唔係全部嘢都係100¥，有Ｄ要200¥、300¥不等，係入面買Ｄ嘢有Ｄ似香港嘅10蚊店，見到咁抵我哋梗係買返Ｄ嘢啦 ! 行行下又見到間好大嘅 Supermarket 原來係3A嘅 Supermarket ，我哋又入咗去買咗Ｄ嘢。之後就去到酒店，去到都大約成五點幾，Check-in 個時無神神要收停車場費，我記得係唔洗俾所以先Book，返到香港Check又真係要俾，可能變咗到唔定，因為我特登搵Ｄ唔洗俾錢泊車嘅酒店架嗎~~~早知Book第二間啦 ! 重有就係佢都無問我係唔係泊係入面就收咗…不過算啦，豪俾佢 ! 間酒店房俾預期差，只係大間Ｄ好普通，唔值呢個價錢，同東橫Inn差不多…所以我哋覺得好唔抵 ! 之後就出去食Dinner，順便係酒店附近影下相，因為呢到近北谷町美浜，我哋就去呢個地方行下同埋食埋晚餐。去到北谷町美浜個到有間好大嘅 Jusco 同埋其他商場，但係其實行一陣就行完…見到附近有一間迴轉壽司(グルメ回転寿司市場美浜店)，於是乎就入去食返幾件過下口癮，後來搵返資料原來係同第一間係天久個邊個間係同一間公司架。食完壽司就行下Ｄ商場，無咩特別嘢睇 ! 本來諗住係 Jusco 入面開餐，因為睇Ｄ書介紹話入面有好多嘢食，但係又係無咩嘢食之餘重要無咩睇 ! 最後我哋搵咗間食拉麵嘅開餐，嘩~~~大熱天時食拉麵都幾熱下…食完晚餐就返酒店休息喇 !