|
||||||||||||||||||||||||||||||||||||||||||||||||||||||||||||||||||||||||||||||||||||||||||
2009 韓國自駕之旅遊記 Day1 Day2 Day3 Day4 Day5 Day6 Day7 Day8 Day9 Day10 Day11 睇相 有用連結
Amiga Motel > Lotte Mart > 南大門 > 新世界百貨 > 明洞 > 青溪川 > 貴金屬商店街 > 仁寺洞 > 藝術坊 > 天道教中央教堂 > 雲峴宮 > 景德宮外圍 > Amiga Motel
來緊嘅幾日行程主要係係首爾嘅市內遊,今日嘅行程就係去Lotte Mart,去Lotte Mart最方便嘅方法當然就係搭地鐵啦....
係好多個地鐵站其實到有D商店,不過買嘅嘢就...唔多啱我哋囉 !!
一出地鐵站就會見到Lotte Mart
因為未食早餐,所以我哋就係 LotteMart入面買嘢食,其實真係好多嘢食,但係我哋都唔知食邊一樣好...又唔想食得大飽喎....最後就買咗下面D嘢啦....
呢支香蕉牛奶真係幾好味...
呢碗麵幾得意
去LotteMart另外一個目的就係要買紫菜,因為係網上面D人話係LotteMart買會平過係南大門到買 ! 不過又真係幾平,同埋都幾多選擇 !!
去完LotteMart,我哋就去南大門都行下喇....呢個南大門都有D似香港嘅廟街,都幾地道下,呢到都有唔少舖頭買紫菜,不過我哋買咗就無睇到幾多錢 !
有D食嘢嘅攤檔,其實我上食下架....
呢一種有餡嘅餅,係韓國成日都見到,不過未試過,睇個樣好好食咁 !!
南大門~~~俾個傻佬放火燒咗,家下做緊復原工程~~~唔知幾時可以睇到呢 ?
新世界百貨公司~~~係明洞附近,我哋淨係係地下到坐咗一陣就走咗,無行到呢個商場
我哋又去返明洞喇~~~~
韓國小籠包
火汁蒸幕~~~我想試下,不過團友們話~~~好似唔係咁好咁喎 !!
又行返去青溪川附近啦...
呢到係仁寺洞附近嘅一條街
普信閣,係指定嘅日子同時間可以入去拷鐘
呢幾個公仔好得意,就咁係街邊架~~~
係去仁寺洞途中見到有一檔嘢食,睇個樣好似幾好味,於是就買一件食下~~~唔~~~好好食呀 (個音好似日日有食神入面個個美莉一樣 !!) ,呢見係一見蛋整嘅小食,入面有D CREAM ,真係幾好味~~~
大家行到有D攰攰哋,就入去係韓國成日都見到嘅一間健康飲品店喇
叫咗幾杯嘢飲,順便休息下 !!
又有嘢食啦.....不過無買來食 !!
仁寺洞~~~星期日好多韓國人同遊人到嘅地方
有街頭表演
有整嘢食
呢個餅係唔知咩紅豆餅 !!
好好味嘅呢 !!
係仁寺洞入面有個藝術地方~~~有D藝術嘢係到展覽架....重有嘢食...又係食呀 !!
入面有D似一間學校,但係又有嘢買個喎....可唔可以話係一個藝墟呢 ?
呢個就係入口喇...
外面睇係一棟無咩特別嘅建築物
睇完係呢個藝墟,行出去就會見到一D幾有特色嘅食店
係仁寺洞穿過去就睇到一個叫"天道教中央會堂"嘅教堂~~~~就係後面個棟喇 !!
附近D食店其實都幾有特色~~~不過呢個時間係下午茶時間~~~韓國無呢樣嘢個喎 !!
對面個一個就係叫做"雲峴宮"
之後我哋就行返去Motel,一路行中路睇,我哋都途經昌德宮,呢個昌德宮都幾大下,因為我哋係佢外圍行咗好耐先行完。
沿途都有好多樹林,都幾靚架...一路行一路傾計都唔錯
係首爾都幾塞車~~~所以係首爾係唔適合揸車嘅
團友嘅戰利品
是日晚餐 : 泡菜任食~~~~真係幾好味,我食咗好多呀
蘿白....又係好好味
海鮮麵
牛肉鍋
韓國年糕海鮮鍋
呢個唔記得係咩喇...
|