今日係我哋韓國之旅嘅最後一日，由於去機場都要一段時間，團友們又唔想周圍行來行去，所以呢一日係無行程架....係Motel附近搵咗間Coffee Shop食返個早餐先

個名有 Communication Coffee....係咪即係要溝通溝通一下先呢 !!

我哋四個人一人叫咗三款唔同嘅三文治同一人一杯 Coffee，嘩~~~原來一份係好大份架 !!

但係大份得來又好好味喎 !!

每一件都整得好有心機架 !! 個買相好靚~~~~

幾種味道裡面，我覺得最好食就係呢一個有牛肉嘅~~~

Cafe 外貌

我哋住個間Motel出面終於都裝修好啦....其實係由我哋第一日來裝修到我哋走

去機場我哋搭Airport Bus，而係Motel附近又有一個站，都幾方便。不過去機場要成1個鐘嘅車程架 !!

每10~15分鐘有一班，票價係9000won....

巴士站對面嘅景觀

搭咗大約45分鐘到，我哋就到咗仁川機場喇~~~

係相入面嘅右手面嘅Counter就係做退稅嘅地方啦......

仁川機場個頂係咪有Ｄ似香港嘅機場呢 ??!!

機場入面有免稅店喎...又可以血併~~~

好，過咗海關~~~入咗去就係最後血併嘅地方啦....

雪花秀...平香港一半.....好吸引呢...

咁啱我哋去韓國嘅時間Visa同Master都做緊Promotion，有5~15% Discount

你哋估下呢一部係咩來嘅呢 ?? 原來係韓國做信用卡簽賬，唔係好似香港咁簽係張Print 出來嘅單到，係韓國係要簽係呢部機到....但係呢~~~好鬼難簽架 !! 我成日都簽到唔似自己個簽名嘅 !!

好啦....Part 1 血併完(點解係Part 1，睇來去就知)，我哋就要搭無人駕駛列車去登機閘口啦~~~

又到咗另外一個血併地點啦...(呢到就係 Part 2 血併地方啦...)

買完啦.....真係要走啦.....

韓國拜拜啦...我會再來 !!

呢班機都幾多人~~~所以都幾 Full 下

呢個飛機餐都幾好味 !!

終於都寫晒呢個韓國之旅喇.....都寫咗成兩個月先完成 !! 嘻嘻 !! 呢個韓國之旅真係玩得幾開心，韓國有好多特別嘅地方我都想去，經過今次嘅經驗，下一次嘅旅程應該會容易計劃好多 !!

資料 :

機場巴士

http://www.airport.kr/chn/airport/

仁川機場

http://www.airport.kr/index.jsp

Cafe de goutier

http://www.cafedegoutier.com/board/view.php?&bbs_id=community_01&page=&doc_num=2&jno=