|
||||||||||||||||||||||||||||||||||||||||||||||||||||||||||||||||||||||||||||||||||||||||||
2009 韓國自駕之旅遊記 Day1 Day2 Day3 Day4 Day5 Day6 Day7 Day8 Day9 Day10 Day11 睇相 有用連結
Amiga Motel > 弦大 > 新村 > 梨大 > 龍山 > IParkMall > 龍山總站商場 > 電子廣場中心街 > 電子商城 > 大學路 > Amiga Motel
好喇....終於都去到第10日啦.....重有一日係要返香港啦 !! 今日嘅行程都幾豐富架 ! 我哋第一站就係去弦大、新村同梨大附近睇下嘢。呢幾日搭地鐵都搭到熟晒路喇 !!
一去地鐵,唔~~~感覺都幾少人,唔知係唔係學校區嘅問題呢 ?! 不過就有好多食店喎 !
好....因為我哋未食早餐,於是就係附近搵間嘢食喇...就係Dunkin Donuts,呢一間食店成日都見但就無試過囉 ! 香港好似唔多覺有呢一間買咖啡嘅店舖~~~我哋每人叫咗返嘢食
白色個個係飯來架,好好味...
D咖啡都幾好飲~~~~
呢兩件Cake又係好好味
不過其實呢間嘢買D嘢都幾貴架,差不多每人要三十幾蚊一份架...係香港三十幾蚊早餐可以食到好正喇...不過旅行就係要咩都試呀嗎...
食完嘢就要做下運動喇...我哋就係附近到一路行一路睇嘢喇..
其實有好多店舖都未開門架 !!
韓國嘅都市日報~~~~
呢一間就係弦大喇....
附近有好多食店
呢間店舖我哋見過好多次....不過無試過 !!
路邊嘅花花
行下行下就到咗新村
行行下人有三急,就搵間百貨公司方便下啦....男、女廁個Logo幾得意
到咗梨大附近啦...
呢間KFC都特別~~~~
嘩~~~團友們見到咁嘅價錢就忍唔住要睇睇啦...
呢間係間百貨公司嘅後面
梨大附近嘅一條街...都幾多嘢睇同買
梨大女子大學~~~
好有校園氣色呀
呀~~~個D係唔係韓國嘅公屋來嘅呢 ?!
好靚嘅花....影咗唔少相
梨大附近嘅店舖真係幾多嘢買同集中,旅行團都會來呢個地方睇架
D旅行團就會放低D團友係到自由行架喇...
嗱~~幾多旅遊巴泊咗係到
梨大地鐵出入口
去完弦大、新村同梨大之後我哋下一個要去嘅地方就係龍山站~~~ 去龍山站做咩呢....呢個就係韓國嘅深水埗,男人嘅天堂女人嘅地獄..哈哈哈哈~~~~ 其實係龍山站附近有幾個商場,模式好似香港深水埗黃金商場加鴨寮街咁,有各式各樣嘅電子產品買,好似Game同電腦嘅嘢都有得買 !! 我去嘅目的就係想睇下係韓國買韓國嘅出品嘅電腦產品會唔會平D呢 ? 譬如 : Memory Card 呀....USB 手指之類嘅嘢....
搭咗咁多次地鐵都無影過下D地鐵車票個樣.....
地鐵門嘅告示唔好推門、唔好挨門....
瞪瞪瞪瞪......龍山站...呢個站其實幾複雜,我哋走嘅時間去錯咗月台~~~大家要好留心睇返D站嘅名同埋行走嘅方向先至可以搭返自己想搭嘅車
有幾個月台,好容易會唔知自己去咗邊到 !!
一出站就有一個大型商場,呢個商場就係 I'PARK Mall(http://www.iparkmall.co.kr/),呢個商場似香港嘅皇室堡~~~咩都有,但係主力係買電子嘢 !! 不過人流就少D,可能係平日嘅關係啦....
車展都有呀......
外表睇落真係唔知呢個商場係做咩架
唔好講笑,我哋未食Lunch,所以就搵咗間嘢食,呢個商場其實有幾層都係食店,都幾多選擇架.....經過團友們嘅決定,最後就係食Lotteria 嘅包包啦....
叫咗個包,要等下先有得食~~~呢個牌就係一有得攞就會通知你去攞嘢食 !!
呢個就係要等嘅包啦.....係米包 !!
個樣幾正....食落重正呀 !! 好似 MosBurger 咁架 !!
食完就要去巡視下我D業務啦....呢個商場幾層都係買呢D電腦嘢
D電腦嘅 Accessories 買得貴過香港,所以最後都係得個行字
I'PARK MALL 外貌
呢個就係與 I'PARK MALL 一橋之隔嘅龍山總站商場,入面嘅感覺似係旺角電腦中心咁...
係好多店舖都係買Game嘅嘢多 !!
呢個就係電子商城(http://www.etland.co.kr/etland/intro/index.jsp)啦....入面真係買電子零件多架....
附近嘅環境都係似工廠區咁 !!
電子商城入面都係同先前個兩個商場買嘅嘢差不多 !!
係 I'PARK MALL頂樓有間E-Mart係到,不過我哋無去睇 !!
呢張飛又唔同顏色架喎..
搭車走啦....
去到呢個韓國嘅深水埗咩都無買到,因為香港真係平過佢哋,重有就係佢哋DUSB手指好多間都重係買緊4GB...香港已經買緊16GB喇.....不過佢哋有好多相機嘅嘢買,如果有心睇應該會搵到D好嘢.... 去完龍山站嘅商場,我哋就要去大學路到睇下D文化氣色嘅嘢啦....一出個地鐵站就覺得好有文化氣色~~~~
係大學路,你會沿途都見到呢D藝術作品~~~好正.....唔知佢係到望咩呢 ???
係地鐵站出口行入一條街又有唔同嘅嘢睇,呢一條街主要係D食店多 !! 但係佢哋D建築風格好有特色....
有D有歐洲色彩嘅建築物
嘩~~~幾鬼死靚呀~~~~好似去咗瑞士咁呀 !!
呢個重要成個城堡咁添
轉一個灣~~~咦,又唔同咗喎....有返D韓國嘅色彩
呢一棟有好多食店 !!
呢一間餐廳好有特色,可惜我哋去嘅時間就唔湯唔水,唔係時間去食嘢 !!
呢一間係貴價嘅 Fusion 菜食店,名叫蒲公英領土 (http://www.minto.com.kr)
呢一間就係蒲公英領土對面嘅他點,有一間叫鳳雛
再轉入另外一個街口又有幾間食店同Coffee Shop,行到攰可以入去飲返杯咖啡休息下 !
石獅子~~嘻嘻~~~~
連條路都有型過人
點解當街當行都有舊屎係到架 ????
一大兩細添呀~~~問你死未 !!
但係佢哋都幾大膽個喎....周街買D老翻DVD....
佢哋睇報紙睇到變咗鐵人
咦....個頭呢 ? 唔通係鋼之鍊金術師
呢到D店舖都好有特色
街邊廁所~~~令我諗起日本D整蠱人嘅廁所~~~會唔會去去下彈咗出來嘅呢 ?
你睇佢幾辛苦~~~~~
呢個重要嘔晒泡添呀 !!!
呢個就飲醉酒啦....
呢到行入去應該會有幾多嘢睇,但係團友們無興趣話好多都差不多啦...所以無行到呢...
一路向住東大門方向行,沿途都有好多好靚嘅花草樹木
呢一間唔知咩建築物,又係好有歐洲 Feel
每個出水口都有唔同嘅圖案,真係好有心思
呢件又幾過癮喎 !!
代表咩來呢 ?
點解呢架單車咁長~~~~~嘅...
包、剪、拓
神鳥 ???
呢D花仔好靚 !!
呢個狗仔銅像整得好似呀
呢一個好抽象~~~
成條蟲咁
嘩~~呢隻兔仔個口好大喎...
呢間又係唔知咩來嘅 !! 但係好特別~~~
呢間嘢係唔知咩美術館~~~係我哋住嘅Motel附近
晚餐都係去返昨晚個間~~~因為團友們唔想再行,同埋呢一間食D嘢唔辣 !!
資料 : 前往大學路方法 : 搭地鐵係惠化站 (420) 一出就係啦...
|