2009 韓國自駕之資料編 -- fotop.net photo sharing network

2009 韓國自駕之旅遊記

Day1 Day2 Day3 Day4 Day5 Day6 Day7 Day8 Day9 Day10 Day11 睇相 有用連結

機場資料:

仁川機場 http://www.airport.kr/eng/

金浦機場 http://gimpo.airport.co.kr/doc/www_eng/index.jsp

濟州機場 http://jeju.airport.co.kr/doc/jeju_eng/index.jsp

Arex (Airport Railway) http://www.arex.or.kr/jsp/eng/main.jsp

濟州櫻花節

地址: 濟州道濟州市綜合競技場一帶

活動簡介：
每年最早綻放櫻花迎接春天的濟州道櫻花大道，是相當著名的觀光景點。濟州道的櫻花樹是櫻花種類中花瓣最大、最嬌豔的一種。兩旁植滿嬌豔櫻花的櫻花大道，每年一到春天都會湧入大量的情侶和家庭觀光的遊客。在舉行濟州櫻花節的綜合競技場內，除了櫻花節之外，也還舉辦濟州道著名的油菜花慶典，讓到訪的遊客完全沉浸春天花的世界裡。
活動介紹：
濟州櫻花節中為遊客們準備了享受春天風情的體驗活動與相關展覽。有不容錯過的櫻花祭、環境美術實記大會、亂打劇團、青少年音樂舞台及探訪文化遺跡等活動。
活動要點：
油菜花和櫻花共同綻放的春季裡，吸引了成千上萬的遊客來濟州道觀光，飛往濟州道的機票常常一票難求。特別是週末前往濟州道的機票幾乎都在1個月前被預約一空，因此計畫前往的遊客務必要提早預約。如果想體驗浪漫氛圍的櫻花節，可以選在晚上和心愛的另一伴漫步在被燈光暈托的絢爛櫻花大道上。緩緩地漫步在片片白雪的櫻花大道上，或是在香味四溢的傳統濟州料理餐廳內享受濟州特有BBQ美味及清涼暢快的生啤酒等，在在都是讓人難忘的回憶。

* 當地交通訊息

濟州國際機場前搭乘100機場巴士 → 濟州市外巴士總站下車 → 往車站右側前進 → 在十字路口右轉後，即到達濟州綜合競技場(約需5分鐘)。

* 詳細資訊

1.電話：
* 旅遊諮詢熱線：+82-64-1330 (韓英日中)
* 活動諮詢：+82-64-728-2783(韓)
2.網址：http://cyber.jeju.go.kr (韓英日中)

龍頭岩

* 地址

濟州道濟州市龍潭洞

簡介

龍頭岩是200萬前年熔岩噴發後冷却而形成的岩石，高10米，長30米，看上去像是在龍宮生活的龍欲飛上天時突然化作石頭一般。正是由於岩石一端頗似龍頭，故得名龍頭岩。這裏也有個傳說，講一條龍想升天，但最終未能如願。所以，現在岩石只剩下了龍身體的部分，而龍頭在颱風時被雷電擊落了。從龍頭岩向東約200米有一處龍池，據說是龍嬉游之地，因而得名龍池。池水清澈見底。

* 當地交通訊息

1. 在濟州機場乘坐機場大巴(除了500路車)至龍譚

2. 洞事務所下車再行15分鐘. 乘坐計程車約需15 分鐘(約需4000韓元)。

3. 在濟州市內乘坐開往市內公共汽車開往濟州內開往下貴的市內公共汽車至龍門轉盤下車步行約需15分鐘。

* 詳細資訊

1. 諮詢電話 : +82-64-750-7544(韓/英/日/中)
2. 門票 : 免費
3. 開放時間 : 24個小時
4. 休日 : 無

Book 車篇

講咗咁多景點資料，不過講下韓國租車嘅嘢喇...去外地揸車有香港車牌嘅你當然首先要去香港運輸處申請返個國際車牌先啦..申請費用係HK$80有一年有效期，申請時需要提供兩張近照，申請書可以係呢到Download --> 國際駕駛許可證申請書

之後呢，就係要搵返間租車公司，如果想係香港Book定先的話，只有兩間可以做到 ! 一間就係Avis，而另外一間就係Hertz韓國。我兩間都租過，兩間嘅價錢如果同一車款係一樣，但係有部份車款兩間公司有Ｄ有，有Ｄ無，咁就要睇下你個人想租邊一種車款再決定。但係其實係韓國都重有好多間租車公司提供租車服務，但係呢....要識韓文囉，唔係網上book就要去到機場先決定租邊一間都重可以，好多租車公司係機場都有Counter，價錢好大機會平過Avis同埋Hertz......(但係我無比較過~~貴咗唔好話我喎...)

以Avis & Hertz 來做例子，如果你想要透過網絡租呢兩間公司嘅車的話，你首先要登記做會員先，過程好簡單容易(嘻嘻，其實係我懶啫，如果真係唔識就再問我啦!!)。選擇租車嘅日期同時間，然後就選擇車款，保險同埋GPS，韓國租車係以每小時來做單位架，所以你用幾耐就租幾耐。完成晒所以嘢之後就會有個記錄，基本上你呢個booking係唔會收取你任何錢，因為基本上你登記做會員係唔需要入信用卡資料。所以~~~如果大家真係book咗，之後有任何更改或者唔要的話，係你個booking record入面應該有記錄，所以記得要Cancel 返佢，唔好book咗又no show，咁會影響香港人嘅形象架嗎~~~知道無 !!

重有樣嘢想提提大家，就係如果你係網上面book的話，最好就print埋個booking record出來以作記錄，因為大家言語上有機會溝通唔到，同埋個價錢有記錄，如果多咗可以攞出來話俾Ｄ職員知個價錢唔啱喎...我就試過租第二架車嘅時候，個價錢多咗成50,000won。出入咁大我當然要問問點解啦，最後佢哋都係收返我係網上面個價 !

另外就係上面提及個兩個租車公司都有提供GPS(Navigation)，可以係book車時選擇埋，但係只得韓文嘅，有得睇下都叫做好過無呀嗎 !!

講開 GPS (Navigation)，如果大家係搵資料嘅時候想去睇嘅景點、住宿地方或者食店有電話號碼或者地圖的話，盡量抄低，因為我都係靠呢Ｄ資料去呢Ｄ地方架咋。韓國嘅GPS同日本嘅差不多一樣，但係你如果要去一個地方的話，你入資料嘅時間要輸入韓文(呀~~~無搵過有無得入英文名去搵地方添，如果有人試過就話我知)，一係就好似我咁，入電話號碼或者係地圖到直接篤入去搵 !!

Avis (韓文及英文) http://www.avis.co.kr/eng/index.jsp

Hertz 錦湖汽車租賃公司 (韓、日及英) http://www.korexrentcar.co.kr/en/Main.aspx

Budget(韓文) http://www.budget.co.kr/

大信(韓文) http://www.ilj.co.kr/

東亞 (韓文) http://www.dongarent.co.kr/

城山 (韓文) http://www.sungsanrent.com/index.php

漢城 (韓文) http://www.hansungrent.co.kr/

濟州夢想 (韓文) http://www.dreamrent.co.kr/

韓國 (韓文) http://www.hankookrent.co.kr/

Book機票篇

去旅行通常都係去旅行社或者Agent到買機票Package，但係係旅行社或者Agent買嘅Package最長都係得7日，所以如果你要去超過7日的話，就唔可以買Package ! 唔買 Package 淨係買機票的話，可以係旅行社或者 Agent 到買都得。亦都可以自己係網上面買又係~~~以我所知有飛機去韓國嘅有幾間航空公司有得買 ! 有國泰、港龍同埋大韓航空。

國泰

http://www.cathaypacific.com/cpa/en_INTL/homepage

首爾 - 每日都有好多班機往返首爾，好多都會揀零晨00:20個班去首爾

釜山 - 每日下午14:30機去，返就係當地19:30

港龍

http://www.dragonair.com/da/en_INTL/homepage

每日淨係得一班機往返釜山 (下午14:30機去，返就係當地19:30)

大韓

http://www.koreanair.com/

每日都有幾班機去首爾仁川機場，其實大韓可以訂埋韓國其他地方嘅機票，不過就唔係由香港直航去到目的地，通常都要係金浦機場到轉機再去

韓國內陸機

係韓國內陸其實有好多間航空公司嘅，但係可以俾我哋訂到機票嘅只有兩間，一間係大韓Korean Airlines，而另外一間就係Asiana Airlines其餘個Ｄ要有韓國人身分證先可以訂到。訂唔到個Ｄ可以即場係機場到買都得....