« September 2014 »
MoTuWeThFrSaSu
1234567
891011121314
15161718192021
22232425262728
2930 
Tuesday 20th December 2005 11:48:25 AM
又來第十八天...[ 0 messages] 
Current events

20-Dec-2005

嘩,今日都有上師父度呀?但係今日師父度都唔係好多人呀!不過今日同大師兄慶祝生日呀!!

我今日仲同kelvin映相呀,仲有又見返Sang啦,其實都不知幾開心呀,因為最基本有人同我玩呀!佢o地個個唔上去得我一個人不知幾悶呀!

Wednesday 30th November 2005 02:04:17 PM
又來第十七天...[ 0 messages] 
Current events

29-Nov-2005

今日好早去到師父度啦?因為Lunch的時候去了Body Check呀,所以就要比報告師父睇呀!

但係西醫就話我無事,但係中醫就話我唔係太好。所以都唔知呀?但係又早知道囉。不過唔係有癌症呀,只係有些神經線發炎咁囉?

不過食些中藥就會好快無事架啦?最重要係有得醫就得架啦!

Sunday 27th November 2005 11:14:04 PM
又來第十六天...[ 0 messages] 
Current events

24-Nov-2005

今日放工之後就去了師父度,都沒有什麼特別事發生呀﹖

其實我就好想去兒童樂園用電腦架,但係冇人陪我上去呀....唔開心呀....

Monday 21st November 2005 02:07:04 PM
又來第十五天...[ 0 messages] 
Current events

18-Nov-2005

今日好早就去度師父度啦!因為去完師父度之後我要去"兒童樂園"呀,唔係去玩呀,而係要去整歌呀。

今日十點鐘就係師度要走啦,因為要去join Raymond、Sunny、小炳呀,佢o地未食飯就上o左去先呀,因為有人要爆屎呀,所以就上完去再落返去食晚飯呀?

但係都好好玩呀,因為有我係度囉!哈哈哈哈....

Thursday 17th November 2005 01:40:08 PM
又來第十四天...[ 0 messages] 
Current events

15-Nov-2005

今日放工都有上師父度呀,但係都仲係病呀。不過,師父同我按摩了幾個字有好些少了。咁就為有返屋企早o的訓覺啦!`_`

死啦,我咁樣病法,會唔會好快就死架?

如果咁樣死o左我真係會好唔甘心呀,因為......

見你唔到呀?你現在還好嗎?

Saturday 12th November 2005 12:12:55 PM
又來第十三天...[ 0 messages] 
Current events

11-Nov-2005

今日係師父度好早就走了啦,因為我病o左啦!

但係今日除了Fanny沒有上去,基本上都好齊人呀。

Saturday 12th November 2005 12:05:10 PM
又來第十二天...[ 0 messages] 
Current events

10-Nov-2005

今日係師父屋企就好早齊人啦!因為Sang一來沒有返工,而其他人就好早都到o左啦,連平時Fanny最遲到的都到埋啦!

今日係師父度無得玩呀,因為Sang佢話病呀,所以見到佢都無人同我玩呀,好唔開心呀?

到走個時都玩了一齊,但係比平時玩得係少了很多呀!

Saturday 12th November 2005 11:59:36 AM
又來第十一天...[ 0 messages] 
Current events

9-Nov-2005

今日又上師父度呀,但係好似好內無上去啦!數數手指原來都有四日無上去師父度啦,其實有o的唔係咁想上去啦!因為係上面好無聊呀?

今日Sang都沒有上去呀,因為佢病o左呀,而Fanny無上去的原因係陪忠幫Raymond買Pocket PC呀!好悶呀,得我一個人係上面。

Tuesday 08th November 2005 04:33:35 PM
又來第十天...[ 0 messages] 
Current events

4-Nov-2005

雖然今日都唔係好早放工呀。

因為明天唔返工呀,我要返大陸呀,但係都比我預其早放工啦!

今日得我一個人去師父度呀,不過,係師父度好早就走啦,因為想早些回家執相呀。

其實我真係唔想去師父度啦,因為每日放工都要上去,個人好累了。希望快些完啦呢o的咁樣的生活。

Friday 04th November 2005 02:14:42 PM
又來第九天...[ 0 messages] 
Current events

3-Nov-2005

其實真係好想知幾時先至睇完呀?

每日放工都要上去,其實好累呀,每日都覺得o的時間好似唔夠用咁樣呀。

Wednesday 02nd November 2005 01:42:49 PM
又來第八天...[ 0 messages] 
Current events

31-Oct-2005

今日係 ′哈囉喂′啦!咁快又到呢一日啦!

不過,今日我又係師父屋企樓下見到Sang,大家上度的第一眼又以為我和他約埋一齊啦!不過,我同佢好叻囉,佢o地講咩我o地都當聽唔到呀、唔應佢o地就得架啦。

今日我要上師父度呀,跟住就去了舖頭拿小炳代我燒的photoshop碟呀?本來明天去幫阿桂整相架,但係因為佢表哥好快要離開香港,要去杜拜工作呀,他們一定人都會在明天和他食飯呀。所以我和她明天的約會就取消了。

所以只是拿碟回自已家裝吧了,但係我係屋企不會有心情去做呢樣o野呀!所以都係算吧啦!有機會去佢屋企就再整啦!

Saturday 29th October 2005 04:30:29 PM
又來第七天...[ 0 messages] 
Current events

27-Oct-2005

今晚好夜先放工呀,但係都有去師父度呀!

因為明天又唔去啦,所以今晚一定要去呀﹖

但係唔知幾時先睇完呢﹖﹖

Tuesday 25th October 2005 11:33:30 PM
又來第六天...[ 0 messages] 
Current events

今日我就搭巴士去師父度,因為Fanny無咁早去到師父度,所以我咁早去到又咩用呀?

但係今日Sang都沒有上去,因為佢要OT呀,但係其實佢唔上去我都真係好悶架,因為冇人陪我玩呀。可能大家年紀差唔多啦!所以會有得玩囉?

Fanny今要好夜先o黎到,因為公司又踩屎呀,所以佢都係整到十一點幾到就去o左舖頭,因為家姐話媽媽好似唔開心呀,所以咪去睇睇佢囉。

不過,樣衰係度呀,如果唔係今日都唔洗走呀。

Monday 24th October 2005 11:14:26 PM
又來第五天...[ 0 messages] 
Current events

今日Fanny無返工呀?佢就好早去到師父度啦!

但係我今日都好早去到師父度,因為我放工就搭小巴上去,不過,好攪笑,係師父屋企樓下見到Sang囉。

但係人人都以為我o地係約埋一齊先上去,不過,隨佢o地點樣諗啦,最好唔好煩到我啦!

Sunday 23rd October 2005 10:57:53 PM
又來第四天...[ 0 messages] 
Current events

22-Oct-2005

今晚六點到就去度師父度啦...

但係都好早就走啦,十點半就係師父屋企返自己屋企啦!好早都己經瞓啦...

因為明天約了ten brother一齊去街呀...

Saturday 22nd October 2005 11:41:55 AM
又來第三天...[ 0 messages] 
Current events

21-Oct-2005

今日都有上師父度呀!但係Fanny今日好夜先來到。

今晚都好開心呀!今晚食咸湯圓。

係師父度走的時候,我o地又去了舖頭,不過,仲可以同Albert拿煙。阿忠有車我回家呀!

Thursday 20th October 2005 12:46:23 PM
又來第二天...[ 0 messages] 
Current events

19-Oct-2005

今晚放工又再上去師父度啦!不過,Fanny今晚無上去呀,因為佢公司好多o野做呀。所以得我上去o者。

今晚好早係師父度就食飯啦!晚餐有:

1. 蟹蒸糯米飯

2. 齌

跟住好似仲有其他送,但係我都沒有食啦!因為我好飽啦,淨係食完糯米飯都已經飽啦,仲洗鬼食其他o野呀?

明天我又不去師父度呀,所以今晚都好博命呀?今日同Sang好乖呀,我o地睇PC Weekly呀,因為我想買mp3機呀,諗住睇o下佢有咩意見,點知佢叫我買ipod呀,佢話聲音好正架。嘩,其實都唔平呀,好似要$2,400呀?都係諗諗先?

大家有無意見可以比我呀?雖然我對ipod都有興趣,但係又覺得好貴呀!如果真係值回票價我都會買架。等我再諗諗先。

Tuesday 18th October 2005 01:52:16 PM
又來第一天...[ 0 messages] 
Current events

17-Oct-2005

我又開始了看跌打的生涯啦!不過,今次好好多有很多人都可陪我玩,有Fanny同我一齊上去,但係佢都可能唔係日日都上去架,因為有時佢都要OT。

個度仲有一個人可以陪我渡過時間架,個個人咪就係Sang囉,但係佢都係傻架,不過,我覺得都係大家互相解悶多o的囉。

不過,一上去就覺得o的時間好內先過架,但係唔睇好佢,咁就真係會死啦...

但係我都好想知幾時先會睇完囉。而家先開始,我最希望係睇到十一月尾就唔再上去啦!因為好快又到聖誕節啦!!

Wednesday 28th September 2005 11:28:26 PM
大件事啦...[ 0 messages] 
Current events

我好唔開心呀....本人懷疑生病了。

我發現我開始有啲感冒啦,如果我真係病咗有冇人會關心我呀﹖我知一定會有,但係係咪你呢﹖

其實我都唔知係咪因為掛住你而病架﹖如果係就要你先至可以醫得好我,但係你一定唔覺得係架,只係覺得我自己多心....

又或者可能你真係根本冇鍾意過我﹖你係覺得自己無力能力愛我的話,點解現在變成咁樣呀﹖

如果一個人病再加唔開心個病就更加之難好返架,我之前病你都會氹我去睇醫生架,我而家唔洗你氹我去睇醫生呀,只係你唔好再避開我就夠啦!

Friday 23rd September 2005 01:36:21 PM
救命呀![ 0 messages] 
Current events

我條頸好痛呀!

唔知係咪因為前日去做Fancial時,個女仔太大力整我條頸的關係呀!不過條頸係由琴日開始已經痛架啦!

但係我唔可以去師父度睇住架,因為我feel到如果我今次一上去的話,就會好內先走得到,因為我根本全身都有病呀???

我點都要捱到十月先至再上去呀?所以呢幾日我一定要盡情玩埋佢呀,如果唔係遲o的無得玩架啦!

Saturday 10th September 2005 11:41:16 PM
今日去了師父度做按摩呀![ 0 messages] 
Current events

嘩,呢兩日無上去師父度做按摩呀?今日終於都忍唔住要上去啦。因為實在太辛苦啦。

我星期一都會再上去做多一次,因為要準備我的朋友婚禮啦?^_^

Wednesday 07th September 2005 11:39:38 PM
好嘢呀,惡夢終於都完結啦![ 2 messages] 
Current events

嘩,我要向全界宣佈呀﹖我終於都唔洗去睇腳啦。

因為我終於都好番啦,不過,其實最重要係因為我下個星期六要做伴娘啫,所以我就唔再去睇腳住,但係其實都好得七七八八架啦。

如果再有事我先至會再上去睇架啦,但係我知呢一日就係不遠的,因為我有預感我下個星期將會再上去睇多一次腳咁啦。

我真係要多謝你,因為如果唔係你沒有再和我聯絡的話,我估我都唔會咁有琱艄h醫好隻腳呀﹖

Wednesday 24th August 2005 11:27:21 PM
我估我的腳好快會好番啦.....[ 2 messages] 
Current events

哈哈哈哈哈.....

各位觀眾薄主有事宣佈。

我受傷的腳如無意外應該會好快好番啦,因為現在己經唔洗敷跌打藥啦....哈哈...好開心呀...

我好快就會重獲自由啦,每日放工可以去玩啦,唔洗再日日放工去睇醫生啦....

恭喜恭喜

Tuesday 16th August 2005 11:22:53 PM
好痛的三十四日....[ 0 messages] 
Current events

其實今日係隻右腳痛啫,因為唔知點解隻左腳好似冇咁痛啦!

不過,其實個條神經線都仲係自己會跳跳吓咁囉。好呀,我諗我可以好快好返架啦....

好開心呀....哈哈哈哈哈....^_^ ^_^ ^_^

Friday 12th August 2005 12:42:16 AM
好痛的三十三日....[ 2 messages] 
Current events

11-Aug-2005

人就係咁架啦,唔跌唔知痛,但係到發覺痛的時候己經係要去睇醫生了。

我隻右腳差唔多好返的時候,今日搭搭吓車又開始坐唔到啦,咁就比邱生按完就更加變得大鑊了,所有什麼一次過出來了見世人呀。

救命呀!幾時先好返呀﹖

Wednesday 10th August 2005 11:30:48 PM
好痛的三十二日....[ 0 messages] 
Current events

其實現在仆街的右腳已經無之前咁痛啦。可能因為現在已經變到個人都唔識得痛啦。

如果隻腳無咁痛就好啦,因為可以好快好返啦,咁就可以再去街玩啦,好開心呀。

Monday 08th August 2005 11:15:05 PM
好痛的三十一日....[ 0 messages] 
Current events

今日就當然要繼續敷藥啦!不過,今日行行吓路發現隻左腳pat pat位有啲痛。

其實都唔知點解,兩隻腳都有事架,唔係個身就對手,究竟幾時先好返呀﹖

其實我唔知你有冇睇我本相薄呀﹖但係我真係好想好想好想你留一句關心我的說話,可以嗎﹖

Sunday 07th August 2005 09:01:11 PM
好痛的三十日....[ 0 messages] 
Current events

嘩,琴日敷完啲藥之後,今日隻腳好痛呀。

其實我都唔明點解突然之間會去到咁嚴重呀,我真係好痛呀,其實我好想得你個關心呀.....點解你唔打比我喎,為何連一張e-card都冇呀﹖我真係唔明白呀,係咪真係要攪到咁樣呀﹖

其實我唔知自己想點﹖可能我想你點都唔知呀﹖我好想見到你,但係你又唔可以見我,不過,我唔知你想見我的原因係咪因為你最愛的唔係我﹖最想同我一齊的唔係我﹖我真係好唔開心架,因為你對我咁好的原因又係為咩﹖你唔係想同我一齊為何又要對我咁好﹖

但係我知道你唔係唔鍾意我﹖但係為何你又突然對我咁差呢﹖係咪因為我對你太好,所以你就得戚呢﹖我都唔知點解我對你有好多好多好多好多的問題﹖點解你唔可以每次為我去解答,要我自己解決呢﹖

Saturday 06th August 2005 09:02:03 PM
好痛的二十九日....[ 0 messages] 
Current events

嘩,呢之真係超級超級超級之大鑊呀。

救命呀!救命呀!

因為而家仲頭要敷鐵打藥,而家直到係按到條骨有少少裂咗呀﹖不過,真係痛到想死呀!我每次一有咩病我都好想見到你,因為你會比心機令我開心架。

我記得我之前傷風,我一打比你,你都會氹我去睇醫生,但係今次我冇咗你氹我啦,雖然我係痛,但係我都好想你以後都氹吓我呀﹖

我好想知道幾時先至再有咁樣既機會呀﹖係咪呢一世都唔會再有呢個機會呀﹖

Friday 05th August 2005 12:43:02 AM
好痛之二十八日....[ 0 messages] 
Current events

4-Aug-2005

嘩,其實可能係琴晚去咗街冇去睇腳呀﹖

所以今日係好很呀、好很呀、好很呀。

但係今日終於發現了原來我隻右腳,上次搭巴士個時唔覺意撞到的地方係有少少裂咗呀。而家掂掂佢都好痛架。

不過,我希望快啲好返啦,因為我好想快啲有得去街玩呀。

Wednesday 03rd August 2005 01:58:29 PM
好痛之二十七日...[ 0 messages] 
Current events

哈哈,我今日唔上去睇跌打呀,因為今日要同OCEAN補祝生日食飯呀?

嘩,今日o的手手腳腳已經無之前咁痛啦。

其實痛我自已都預o左架啦,但係無諗過痛得咁厲害囉。

好彩隻手可以活動自如,如果唔係都唔知仲要痛到幾時,因為痛係最難忍架。

Monday 01st August 2005 01:54:31 PM
好痛之二十六日...[ 0 messages] 
Current events

嘩,今日係全身好似比人打完咁樣呀?痛到想死呀。

唔知係咪因為琴日遊船河玩得太盡力關係,所以周身都好痛呀。最可憐係隻右手呀。直到唔可以擰轉呀,救命呀?

下次真係唔好玩得咁博命啦,不過,有得玩當然係要博晒命咁玩啦???

哈哈哈哈!^_^

Saturday 30th July 2005 11:43:26 PM
好痛之二十五日...[ 0 messages] 
Current events

今日隻右腳係超級之痛呀。直頭係痛到想死咁樣呀。

救命呀!救命呀!

我唔知點解每次一覺得痛苦就諗起你,好似唔會再咁痛,但係一諗到而家我同你的關係變成咁樣﹖我就會覺得個傷口更加之深、更加之痛呀....`_`

Saturday 30th July 2005 12:21:50 AM
好痛的第二十四日....之坐立不安(二)[ 0 messages] 
Current events

29-July-2005

今日好好彩啦,終於都可以坐得返啦,不過,而家都仲係未可以跑步囉。如果再可以好似之前咁,又跑得又跳得就更加之好囉。

今日雖然係坐到,但係隻右腳的瘀位都仲係好痛呀,因為而家係超級之痛呀。

Friday 29th July 2005 12:17:59 AM
好痛的第二十三日....之坐立不安(一)[ 0 messages] 
Current events

28-July-2005

今次真係好大鑊呀,今日的痛法係"調返轉"呀。雖然最痛係隻腳,但係始終都唔夠個心痛囉。

不過,我好想你你而家點樣呀?

Thursday 28th July 2005 12:04:33 PM
好痛的第二十二日....之坐立不安[ 0 messages] 
Current events

27-July-2005

 嘩,今次真係大鑊啦,我企係度就隻左腳痛,坐係度就隻右腳痛,今日真係好想死呀....~_~_~~_~

不過,為何我最想你的關心你就偏偏不肯做?難道我真的那麼可怕?

Wednesday 27th July 2005 12:23:01 AM
好痛的第二十一日....[ 0 messages] 
Current events

26-July-2005

嘩,今日真係黑仔到不得之了呀!

本來諗住睇完左腳就可以安心唔洗再去睇醫生啦,點知就仲衰咗....

我今日返工搭巴士個時諗住上樓上啦,點解行到第二級樓梯個時腳軟呀,跟住隻右腳就of course撞埋去樓梯度啦,仲要返到公司睇吓個瘀處,點解睇到己經瘀到變雞蛋啦。

跟住到咗lunch見到個瘀位按落去全完係無感覺,個時我知道係大鑊啦,當時of course就係打比中醫師啦,佢都話今晚叫我上去比佢睇吓點樣。

到度睇的時候,我都知係大件事,但係真係好q痛呀,救命呀!總之,就係超級大鑊啦,痛得想死呀...

Tuesday 26th July 2005 12:23:56 AM
好痛的第二十日...[ 0 messages] 
Current events

24-July-2005

今日一早起身就係屋企食完飯去睇腳,不過,我約了Fanny一齊先上去,但係我係舖頭等她和忠一齊食完嘢才走。

其實今日都係咁樣啦,無咩特別。我們睇完腳之後,大家仲去了書展呀....好開心架....

Saturday 23rd July 2005 11:13:26 PM
好痛的第十九日....[ 0 messages] 
Current events

其實今日都好無聊呀,痛又唔係好痛,但係最痛而家己經唔係隻腳啦。終於都係仲係個心呀﹖

Saturday 23rd July 2005 11:12:19 PM
好痛的第十八日...[ 0 messages] 
Current events

22-July-2005

其實今日又唔係太痛呀,可能己經慣咗啦,不過,好想快啲好返呀。

我最想係你打比我問吓我點樣呀﹖但係為何你連這一個小小的動作都覺得令雙方辛苦﹖我真係好痛呀....係心痛多過腳痛,唔通真係要咁樣就一世﹖

Thursday 21st July 2005 11:49:24 PM
好痛的第十七日...[ 0 messages] 
Current events

嘩,今日都好舒服呀,但係係條神經線有些少痛之外都沒有什麼問題啦。我諗好快會好番架啦....~_~

Thursday 21st July 2005 01:41:07 PM
好痛的第十六日....[ 0 messages] 
Current events

20-July-2005

今日好痛架,不過,已經好好啦,都係做了一次一字馬。但係都係有些想死的感覺。

Tuesday 19th July 2005 11:47:30 PM
好痛的第十五日...[ 0 messages] 
Current events

嘩,今日返工坐到好似生痣瘡咁樣呀。不過,其實而家都好了很多,但係其實都仲係好似琴晚咁樣痛囉。

Tuesday 19th July 2005 01:01:06 AM
好痛的第十四日....[ 0 messages] 
Current events

18-July-2005

嘩,今日都係表演一字馬呀!不過今日好痛呀,整完都仲好痛呀。真係好想死囉。如果你係身邊幾好呀,就算你唔係我身邊同我傾吓電話我都會開心啲呀﹖但係點解你都唔肯理我﹖

Sunday 17th July 2005 10:26:28 PM
好痛的第十三日....[ 0 messages] 
Current events

其實今日係變成行路痛呀,直到好似係斷腳咁樣,仲要內唔內有啲腳痺呀。都唔知幾時先好返呀﹖

Sunday 17th July 2005 06:02:26 PM
好痛的第十二日....[ 0 messages] 
Current events

16-July-2005

嘩,今晚我又表演一字馬啦,不過,其實整完係好啲啲,但係今日成隻腳都係好痛,連行路同坐都扯實呀。總之就係好辛苦啦,不過都要忍架啦,鬼叫自己整到唔即刻去睇好去咩,而家咪死囉......`_`

Saturday 16th July 2005 12:14:37 AM
好痛的第十一日....[ 0 messages] 
Current events

其實今日都不是太痛啫,可能心情係好重要,你而家都要小心身體啦,因為你一個人係大陸啫,病咗會否沒有人照顧你架﹖不過,我想照顧你都唔得,我連你而家係邊我都唔知呀﹖仲點可以照顧到你呀......`_`

Friday 15th July 2005 12:22:57 AM
好痛的第十日....[ 0 messages] 
Current events

14-July-2005

嘩,今日都係表現一字馬,仲要係好強的個種呀﹖咁樣攪法真係人都想死呀。

Thursday 14th July 2005 12:04:02 AM
好痛的第九日...[ 0 messages] 
Current events

13-July-2005

今日我好強呀,我直到可以做到"一字馬"呀,我估冇人可以好似我咁樣囉....

其實我都知你腳痛架,但係而家係咪都仲有痛呀﹖希望你小心啲啦....

我本來都想帶你去我睇開的中醫,不過,我驚你唔信,所以就算數不迫你去睇中醫,不過,我今日帶了Fanny上去睇囉。跟住呢排我都會同Fanny一齊睇醫生架啦....

Wednesday 13th July 2005 12:20:53 AM
好痛的第八日....[ 0 messages] 
Current events

12-July-2005

嘩,今日都仲勁呀,直到係例轉個人咁樣呀,不過,整完之後都好舒服囉。

但係當時都好痛架。

Monday 11th July 2005 11:14:37 PM
好痛的第七日...[ 0 messages] 
Current events

嘩,好彩今日多人啫,如果唔係有排受苦呀....但係其實都好痛架,都唔知仲要看幾內才好返啦...`_`﹖

Saturday 09th July 2005 11:32:10 PM
好痛的第六日....[ 2 messages] 
Current events

嘩,其實都唔知幾時先可以唔洗再睇腳呀﹖真係好q痛呀....不過,就算痛唔痛都仲要整啦...鬼叫自己拖咁內先去睇咩..~_~

Friday 08th July 2005 11:30:52 PM
好痛的第五日...[ 0 messages] 
Current events

嘩,其實今日都仲係痛架,唔知點解今日成日都好掛住你,就算打比ocean都係想同佢講好掛住你。

但係到最後都講唔出口,不過,其實可能佢都知架啦....

其實我好想知你己家係大陸點樣呀﹖你又唔肯聽我電話,到我唔再打比你的時候,你又唔肯打返電話比我﹖

Friday 08th July 2005 12:41:02 PM
好痛的第四日。[ 0 messages] 
Current events

7-July-2005

嘩,琴晚都仲係好痛,都唔明點解都咁多日都仲係咁痛架?不過,腳痛都唔緊要,最痛都唔係呢度.... 不過,就算點樣痛苦我都要捱過,你都無理我差唔多一個月啦,我都係要過生活。

不過,一定沒有以前的那麼精彩囉。但係其實我覺得以前真的很開心,可能差不多每日都係你陪我過的關係啦。就算我o地唔見面都仲會傾電話,真係好好架。

希望你快些搵返我啦,其實我真係好想好想再聽得返你把聲.......

Wednesday 06th July 2005 11:39:01 PM
好痛的第三日....[ 0 messages] 
Current events

其實到了今日真的沒有這麼痛啦!不過,隻腳己經唔太痛,但係個心都有啲痛,點解你可以咁完完全全唔理我呀﹖

點解我想搵個人去取替你的位置都沒有,係咪我真係要堅決等你返嚟香港同我一齊呀?但係你可否給我一個反應,朋友你會理會,但係我就唔可以理會﹖難道我己經再唔係你的朋友了﹖

咁我同你的關係又是什麼﹖

Wednesday 06th July 2005 12:52:05 AM
好痛的第二日...[ 0 messages] 
Current events

5-July-2005

嘩,今日仲痛呀.....因為啲傷全部出來了。救命呀....

但係而家返到屋企又好似好好多,不過,本來今日其實好唔開心架,因為我真係好掛住你呀﹖為何什麼方法你都唔想和我聯絡﹖如果你咁樣係要我死心的話,不如你而家直接同我講啦....但係你同佢又唔係咁講,你又講過話結婚﹖其實你想我點呀?

我今日真係好掛住你,但係我真係好想喊出嚟,起碼我會想令自己舒服啲呀....但係我答應過你唔可以喊,我會忍住唔喊....

Monday 04th July 2005 11:44:28 PM
痛到救命呀﹖[ 0 messages] 
Current events

嘩,我今日好不幸,唔知係咪因為之前曾經仆街,所以而家隻左腳好痛,所以放工之後去了阿nun屋企睇中醫,不過,真係痛得要死呀....

其實唔知我而家每日都打啲嘢落去你有冇睇到呢﹖其實我今日先覺得自己對你己經完全死心﹖但係到咗有個冇來電顯示的電話打來,我接唔切,其實我見佢再打嚟我好希望係你,但係點之原來唔係你,難道真係希望越大失望越大呀﹖﹖

你可否不要再咁樣對我呀﹖我真係好痛苦啦....大家而家連的機會真係冇啦,難道就算連電話你都唔可以打個比我﹖email都唔可以覆吓我﹖為何你要咁狠心對我﹖其實你鍾意我所以就要咁狠心﹖

Sunday 03rd July 2005 05:45:55 PM
琴晚好危險呀....[ 0 messages] 
Current events

嘩,琴晚瞓到兩點幾的時候,我爸爸收到公司樓上的一個男人的電話,話佢哋公司火燭呀....

跟住我爸爸即刻出去睇吓咩事,原來都係門口有少少火燭啫,不過,都燒了少少貨。好彩的是,現在沒有人係舗頭過夜啫,如果唔係就好危險啦.....

唔知點解無端端會火燭呢﹖可能呢個會係一個迷呀....但係其實咁樣燒咗少少貨都有損失啦,爸爸話舗頭而家全部都係水呀....真可憐呀....

0.321753025055
General(277)
Car(114)
Current events(58)
Entertainment(2)
Food(10)
Love, Friendship(52)
Music(40)
Health(468)
Investment(198)
Religious(17)
School life(10)
Technologies(45)
Travel(8)

原來你係咁樣架!