好好的freelance攝影師~~Simon Yeung

http://comtools.esdlife.com/wedding_forum/viewtopic.php?t=268398

終於完成了人生大事，想起之前自己都係靠ESD各位姐妹幫手之下，先搵到咁好的攝影師，係時候同大家分享一下。 

佢係freelance男攝影師，雖然唔係全職影相，不過一樣好專業、好有心，我甚至覺得佢比一D攝影公司更加有心，而且影相d角度捕捉得好好，全部都係我地最自然一面，唔會咁呆板。 

而且我結婚果日全日都好大雨，但係攝影師同助手好準時(仲早到)去到我酒店幫我地影相，加上佢好多特別主意，令我地玩得好開心、笑得好自然。本身諗住中午出去南生圍影外景，不過大雨就取消左，但攝影師同助手一見停雨就同我地出去屋企附近影相，唔會坐係到hea，所以我覺得佢好有心、好想我地有個好回憶﹗ 

另外，佢係big day前打過4-5次電話同我溝通，包括幫我睇Rundown同俾意見我，所以好放心，亦冇擔心過當日情況，相信出面d公司都未必會咁落力幫你去睇住個流程。 

佢係全日幫我地影相，即係由晨早9點前開始影到夜晚散席，會跟足我地全日，但係價錢就好合理，所以真係要介紹俾大家﹗佢仲即晚執到幾張相俾我地睇，真係好開心﹗多謝Simon﹗佢有facebook同web site，大家search「KinInNature」或者「喜自然」都可以，希望d資料幫到大家。